قصائد شعراء المضايف ..في فقيدنا وفقيد الأمه الإسلاميه ..! [الأرشيف]

سلطان الشمري

03-08-2005, 01:17

.........................................................

..................................

...........

حر .. ووو .. ف \\ قاصره .... تنقل جزء بسيط من مشاعرنا

،،،،،،،،،،،،،،،،،،،،

،،،،،،،

،،
مل الورق ياحرف .. والشعر مقتول = في ناظري حتّى القوافي شهيده

ياويل حالي .. أصبح الفكر مشلول = من هول مامرّت .. ظروفٍ شديده

موجة حِزن .. وشراع الأحزان مفلول = في لجّةٍ ظلماء .. تروح وتعيده

من واقعٍ مؤلم ،، وحقٍ ،، ومقبول = أمرٍ من الرحمن باللي يريده

مرحوم ياخادم مليكٍ ،، ومجبول = اللي وقف للجار يوم المكيده

للحق سيف .. بوجه الأشرار مسلول = سطّر له التاريخ سيره فريده

تبقى معي حولٍ .. وحولٍ بعد حول = بصمة تميّز ،، والمواقف أكيده

قايد مسيره للمعالي على طول = في كل محفل .. له مكانه تليده

أفشى السلام .. وكلِّ محتاج مشمول = برْعايته .. وسط الليال العنيده

خادم بيوت الله ... واقع ومأمول = خِدمة فخر .. ماكل شخصٍ يجيده

لله درّه .. شهم .. أصبح ولايزول = مضرب مثل راع الخصال الحميده

تبكي عليه الناس بالعرض والطول = وتبكي على فرقاه حتّى القصيده

وتبكي عليه أقلام جفّت عن القول = حتّى الفكر ضاقت عليه البديده

فقيدةٍ .. ياناس .. يبقى على طول = أقسم قسم .. عزالله إنه فقيده

.................

.......

..

الراسي ... بشير اللويش

سلطان الشمري

03-08-2005, 01:18

فاجعة رحيل الملك فهد بن عبد العزيز يرحمه الله

ياكبر هول الفاجعه يوم الاثنين=اشد..واكبر من جميع الهوايل
حين ارتحل نور الوطن خادم الدين=فهد العرب واقفا عن الدار شايل
للحزن ثارت في وطنا براكين=واجتاح في ركبه شعوب وقبايل
وشلون ماتحزن عليه الملايين= هذا الفهد عدله عدل كل مايل
حكمه بشرع الدين سن القوانين= ماسن عن حكم الشريعه بدايل
شيخٍ بنا مجده بكل الميادين= لوغاب شخصه ماتزيله زوايل
تاريخ عهده ثابتٍ بالبراهين= عشرين واربع من سنينه دلايل
نهضة وطن. بنيان. طرق..وبساتين=والعلم والتعليم فاق المثايل
عهد الرخا.والعطف. واللطف. واللين= عهدٍ تميز في جميع الوسايل
عهد العطى عاشوا بخيره كثيرين=اعطى هنا واهناك معطي جزايل
بالدعم تشهدله قضية فلسطين=والبوسنا. وافغان. شعب وفصايل
ويشهد كويت العز يوم اللقا الشين=كيف اثمرة وقفة عريب السلايل
حطم جيوش الظلم واقفوا معيفين=عن دار جاره.. وانكسر كل عايل
ويشهد بعد لبنان حينٍ بعد حين= عقب التفرق كيف لمّ الشمايل
هذا بعض ماقدمه للمسلمين= عساه للجنه رفيع الحصايل
امين قولها معي قولوا امين=عسى ابو فيصل مايشوف الهوايل

الشاعر/ خلف الاسيد

سلطان الشمري

03-08-2005, 01:20

http://www.3hood.org/uploaded/kingfhad1.gif

إنا لله وإنا اليـــــــــه راجعون .. ولا حول ولا قوة الا بالله
.
.
.

كيف ابكتب ؟ وكيف ابد..؟ وكيف انتهي..؟

................................كل حرفٍ الى قلته .../ وقصّر يطيح ..!

.
.
.

للدمع للـــحزن لإحساس الوطن ..لليتيم ..

........................للروح .. للبوح ... للغالي ..../ وطنّا ( فهد )

للعز للمجد ../ للي وسط صدري مقيم ..

........................ للأرض للعرض.../ وش بقاي أمانه بعد ..؟

ياموت تدري بأنك خذت حي كريم ..

....................... بعده اذا عدوا الأكرام قلنا " محــــــــــــد "..!

ياموت تدري بأنك خذت ..رجلٍ حكيم ..

...................... اللي الى ضاقت الحيلات جاب "السعد " ..؟!

استغفر الله واقول الله .../ حكيم عليم ..

..................... ياخذ ويعطي.../ واقداره على كل احد ...

ياسيدي ../ هالخبر والله وقعه اليم..

...................... على البشر..:لا : ورب الكون حتى البلد

ياسدي يابوفيصل../ يا العطوف الرحيم ..

......................ضاعت حروق القصايد ../ وضاع منا الجهد

العذر والله .../ مامعنا اشوفه حطيم ..

....................... العذر.. قصر كلامي.../ ياغلانا (فهد) ..
.
.
.
.
.
.
(كي بورديه ) .../ ولي عوده بإذن الله

الشاعر / نبراااس

سلطان الشمري

03-08-2005, 01:21

رحم الله فقيد الامه وأسكنه فسيح جناته

انه سميعٍ مجيب ....

.
.

يقنع المؤمن ويرضى لأحكـم رب العبـاد "=" والله القاضي حكم بأمره وحنـا خاضعيـن
مؤمنينٍ بالقضاء والله عليه الإعتماد "=" والعمر لوطال تفنيه الليالي والسنين
احسن الله في عزاء البيتين واوكلها السداد "=" في ضياها اللي ينير وكف خادمها الآمين
انطفى ضوء الجزيره ولبست ثوب الحداد "=" والشوارع لفها صمتٍ يهز الصامدين
كن ما بالكون غيره نجم يضوي للبلاد "=" اختفى تاج القلوب اللي تغذا بالحنين
اشهد ان السهم موته وان سهم الموت صاد "=" واشهد انه مايخلي لارخيص ولاثمين
والله ان الجرح مؤلم وارتكازه بالفؤاد "=" في صميم قلوب تيقن بالقضاء حق اليقين
وين ابو كل اليتاماء وين قداح الزناد "=" وين لهاد الكبود ولطم عين العابثين
ايه نبكي خادم البيتين يوم الله اراد "=" ايه تسمع فالصدور الصادقه جر الونين
من يشح بدمع عينه لاهناه العمر زاد "=" ميت الأحساس عمره لاسعيد ولاحزين
وين ماوجهت شفته وجه من سيَد وساد "=" كل ماحولي يحسه فقد امام المؤمنين
فالنفوس وفالدروب وفالقرايب والبعاد "=" لين أعذر الدور لاضاقت بعين الساكنين
آآه .. ماكبر منه بعيون الفتن وأهل الفساد "=" غير في عين البلاد وفي قلوب المسلمين
وماغلب حبه لشعبه فالبذل والاجتهاد "=" غير حبه في قلوب الشعب والود المكين
الوطن عينٍ حفظها عن صباح وعن هجاد "=" كافله من بعد ضمه بالجفن دنياء ودين
للمصايب كل ماسيقت فناجيل الشداد "=" ماسبق كفه لشربه لاشمال ولايمين
يالله انك تنزله ياملهم العبد الرشاد "=" منزلة صحب النبي وخلفاه الراشدين
وسعه لموسع البيتين قبره ياجواد "=" وأدخله مدخال صدقٍ يا إله العالمين
يقنع المؤمن ويرضى لأحكم رب العباد "=" والله القاضي حكم بأمره وحنا صابرين
.
.

.
.
.

العلم / سعود بادي

سلطان الشمري

03-08-2005, 01:23

.
.

إحساس بسيط لايعبّر عن مافي صدورنا تجاه مليكنا الغالي
رحمه الله وغفر له وأسكنه فسيح جناته

http://www.mofa.gov.sa/media/35_fahad.jpg

ياموت .. خاف الله فينا .. وبعدين !
..... تاخذ ( فهد ).. من بدة الناس.. بالذات !!؟

مريت تاخذ سيدي .. صبح الاثنين
..... ماتدري إنّا .. عقب مامات .... أموات ..!؟

يعني عشانه ( لذّة ) الناس والدين !!؟
..... أنا اشهد إنك صدق ..../ .. هدّام لذّات !!

فهد يموت !! .... الله ياكبر هالبين ..
..... قولوا لي .. تحلم ! أو مجرد إشاعات !!!

اللي كفوفة غيمة ٍ .. للمساكين ..
..... لا والله إلا ّ للخلايق ..../ .. سحابات ..

لو كان يعطى من عدد عمرنا سنين
..... نعطيه .. مانبخل ... / ورب السموات ..

إمنين ابلقى دمع ! بالله .. ومنين !؟
..... بلقى لحزني عقب هذي ... نهايات !؟

آه ٍ.. و.. آه و..آه ...آه ٍ ..... وآهين ..
..... شفنا .. غدينا كلنا ... شعب آهات !

ياقلب ونّ وهاتي الدمع .. ياعين ..
..... ياروح ...جرّي عقب ماراح .. ونّات !

للحين لا والله ... وربي من الحين !
..... ببكيه لين تجف بالعين .... دمعات ..

تبكيه ( نجد ) وتذرف الدمع ( دارين )
..... وتبكيه ( حايل ) مع .. جبال السراوات ..

شقول ؟ لانادت ( فهدها ) .. فلسطين !؟
..... هيهات يرجع ! لاتنادين .. / هيهات !!

استغفر الله لو بقول إنها ... الحين ..!
..... تبكي عشانه دم ! وتقول : .. مامات !

يالله تغفر للملك : قولوا ... آمين ..
..... وينعم بعطف ٍ من .. جلالك ... وجنّات !

اللهم آمين

http://www.almontaha.net/vb/uploaded/F.jpg

نبكي عشانه دم ! ونقول .. مامات !

.
.

بألم ../ بركااات الشمري

أشواق السالم

03-08-2005, 02:54

قالوا: فهد قلت: يا (معدِّل الميل)=قالوا توفى قلت: كل الوفاء مات

مهي خساره دمعة لأجله تسيل =ومهي خسارة له عباير وأنات

دمع الحناجر والدعا بأخر الليل =يمكن تكفي عن كلام وعبارات

http://manager.albawaba.com/img/new_sys/mediabank/11641_mb_file_ca933.jpg

أدري القصايد مع دموعي قليله =ما أظن تشرح ماأحتوته الحنايا؟!

ما يكفي إلا دعوتي كل ليلـــــة =وصيةٍ من عرض باقي الوصايا

يجزيه عن كل الفعول الجليلة =في وسط جنة تحتضنه الهدايا

فهد دليلة من غدا به دليله=يوم الملوك تعيش تحته رعايا

فهد فهد ابو اليتيم وكفيله=فهد فهد ستر البنات الصبايا

فهد فهد بالحرب صبعه فتيله=فهد فهد لا ضايقتنا الرزايا

فهد فهد جمر الحسود ومليله=فهد يمينه ريف طيب و عطايا

قالوا توفى قلت ياهي ثقيله =والله خذت تاج الملوك المنايا

كافي قصيد وشعر.. وادري قليله=راح الفهد وش عاد باقي بقايا

أشـــــــواق الســـــالمـ

سلطان الشمري

03-08-2005, 03:01

لعلّها تعبّر عن القليل

"

"

"

رحمه على روح السعوديــه وقلبك يافهــد
لف الحزن دارك ياابن عبدالعزيز آآل السعـود

الموت يختارك ! وفــزّت من مصيبتنـا بلـد
ضاقـت شوارعنا .. بكت .. من الحدود الى الحـدود

نفس الوجـع .. نفس الشهر .. تاريخ أسوَد ماركـد
ذيـك السنـه غزوْ الكويت وهذي بموتــك تعــود !

ياخادم البيتيــن موتـك ماترك فينا احــد
صبـح الفـجـيعــه ينطفــي ويسود في عين الوجــود

اللي حكـى عن سيرتــك واللي انقهر واللي شهــد
واللي حبس حزنــه ودمعه طاح من فوق الخـــدود

لو بــوصــف التاريخ واكتب في تفاصيلك وأعــد
ماتوفــي حروف القوافي .. لا حسبناها تـــزود!

ياحافـظ القرآآآن عن كــف الأعــادي والحســد
ياحامي الأسـلام من طـيش المنافق والحقــود

عــز الشريعــه في يديــن الارض وعيون البلــد
واطهـر بـلادك في ذرا حكم الجزيره للأســود

ياخـادم ( البيت الحرم ) اسلامنا واحد احـد
نمضـي على عهــد النبــي .. والحكم بيدين السعود

المـوت ماخـــلاّ عزيز ولا كريم ولاسنـــــد
هـذي هي الدنيا صفـت لجل الفقير و للحسود

لوغبـت عنــّا مارحل طيــبك ولاعــزّك ابــد
منبع اصالتنــا ربا باحضـان ارضـك و الجـدود

رحمـــه على قلب السعوديــه وروووحك يافهــد
عم الحزن دارك ياابن عبدالعزيز آآل السعـود

.
.

المبدعه/ خلود البراري

سلطان الشمري

03-08-2005, 06:21

اليوم ليه الشمس تضوي بلا نور = والصدر يكتم لوعته في حناياه
غصة بحلقي لحظة و لحظة تثور = إليا طرت لي بلوتي قلت ويلاه
كن الثرى في عيني اليوم مذرور = يوم إن أبو فيصل ثرى الأرض واراه
صبرت و أكتم دمعتي مير مجبور = سالت دموعي يوم قفت مطاياه
اليوم غابت شمسنا العصر والدور = أظلم عليها ليل و تقول فهداه
مرحوم ياللي داخل القبر مقبور = يا البحر يا اللي ما لقينا له أشباه
يا محارب البهتان والظلم والزور = يا نبع جود و خير يا صافيٍ ماه
يا ما حميت الضيف في ساعة الجور = ويا ما مسح حزن اليتاما بيمناه
و ياما طبع مصحف و كم بيت معمور = لله يُسجد فيه من ماله أحياه
وكم وسع لبيت الله سنين و شهور = وكم حج بل حلوق حجاج لله
وكم من مجاعه كان له وقتها دور = يشهد له العالم و يشهد لمسعاه
بالخوف يوم عيون خلق الله تدور = كان الجبل و يطمن الناس بخطاه
بحر السياسة راجح الفكر والشور = الخير و الحنكة تلاقى ببمشاه
يالله يا جابر كسر كل مكسور = ترحم فقيد الناس و يطيب مثواه
و تثبته بالقبر و تحط له نور = وتعزه بقبره مثل عز دنياه
و تبدله عن ملكه بجنه و حور = و تكفيه شر الماقف اللي بنلقاه
يا رب تبني له بما قدم قصور= في جنتك يا رب وتعلي بناه

الشاعر ../ ساري^الليل

سلطان الشمري

03-08-2005, 17:23

بسم الله الرحمن الرحيم

لا أحتاج لمقدمات فالفاجعة أكبر من ذلك

.
.
.
.
راح الذي تغليه الأمة ونغليه = راح ((الفهد)) من يجبر الحال بالحال

الكون ((موت الفهد)) يبكي وينعيه = شبان وأرامل وشيبان وأطفال

كلن شكر فعله ويحمد مساعيه = قوله يتوج بأمر ربه بالأفعال

عز الله إنه "..عز.." من جاه ((ناصيه)) = يتم قوله ((بالفعل)) كل ماقال

ما رد محتاجٍ وقف ((ينتخي)) فيه = ((كفه تمد ولاتحسب لمثقال))

((ليت القبر قلبي علشان أواريه)) = ويبقى لعمري يقصر العمر أو طال

لاشك أمر اللي نخافه ونرجيه = وكف القدر وش يعدله كل مامال

بقلوبنا نطلب من الله وندعيه = يرحم ((فقيد أمة محمد والأجيال))

الله من النار وسعيره ينجيـه = ويثبته يوم الحشر يوم الأهوال

((راح الفهد)) وش عاد لو كان نرثيه = ترثيه الأمة طيب الفعل والفال

رحم الله الفهد وأسكنه فسيح جناته

بكل ألم / نــ بنت الفهد ــوف

سلطان الشمري

03-08-2005, 18:31

اللهم نحن رعيته قد رضينا عنه فارض عنه
.
.
.
.
.
.
.
.
.

اعبست كل الوجيه...وبينت لون الشحوب=يوم بان العلم الأوكد..يوم ذاعو بالوفاه
رحمة الله ياملكنا...ياملك كل الشعوب=رحمة الله..رحمة الله..من بحره ليا سماه
انشدو هاك المواقف...انشدو ذيك الحروب=انشدو منهو تذرَا فالشدايد ابذراه
انشدو منهو تروى..من نهر خيره جذوب=انشدو كل الخطاوي..من تثبَت زي خطاه
انشدو...ولا تنشدو.. كل الثوابت بالقلوب=ان المليك اللي توفا..ماخلق زيه حشاه
واعبست كل الوجيه ولونت لون الشحوب=يوم بان العلم الأوكد..يوم ذاعو بالوفاه

اقل من حقك يابو فيصل بكثييييييييييييييييير

الشاعر ../ العاتي

سلطان الشمري

03-08-2005, 18:34

:: ويبقى وجه ربك ذو الجلال والاكرام ::

http://www.kingfahd.ws/images/king-pic.jpg

أن تكون القياده بيد كيده ..

والرأى المؤثر يصدر عن قرارته ..

وتكون الأمه في كثير من منعطفاتها قد تعودت سماع صوته ..

والقضايا قد اعتادت وقفاته ..

فهذا يعني أن كل عروش القرار والحكمه .. أهتزت بغيبته .. وفقدت برحيله فهداً لايتكرر ..

اخوتي / اخواتي .. لا استطيع الا ان اقول احسن الله عزاء العالم في فهد ..

الملك .. والتاريخ .. والمجد .. والدين=والعز .. والهيبه .. وأرض الرسالات
الخير .. والأمه .. وصوت المصليـن=حجيج بيـت الله .. وضـو المنـارات
السلم .. والحكمه .. وأقصى فلسطيـن=واللين .. والرحمه .. وصوت الاغاثات
يبكون غيبـة شيخنـا يـوم الاثنيـن=القايـد الـلـي تفتـقـده القـيـادات
حبيـب شعبـه فـي بـلاد الحرميـن=خسارتـه ماهيـب مثـل الخسـارات
القايد اللـي مـا أنخلـق منـه أثنيـن=(فهد ) رحيلـه مـن كبـار الملمـات
أُمه بشخص .. وواحـدٍ عـن ملاييـن=وله فـي مياديـن الكرامـه بطـولات
ماهـو (فهـد ) الا فهـودٍ كثيـريـن=عداد مالـه فـي ذرى المجـد وقفـات
سلطان علّـم مـن فعولـه سلاطيـن=وتشهد له ملوك وشعـوب وحكومـات
اللـي تسـمـى خــادمٍ للشريفـيـن=بالله وش ياصف فعوله من أبيـات ؟؟
حتـى شمالـه كنهـا خلقـت يمـيـن=مـن كثـر مالـه للمساكيـن مـدات
كبر مقامـه فـي قلـوب المسلميـن..=وثقل مكانه في مجـال السياسـات ..
قولوا معي آميـن .. آميـن .. آميـن=يالله عسى روحـه برحمـه وجنـات
حبيـب شعبـه فـي بـلاد الحرميـن=خسارتـه ماهيـب مثـل الخسـارات
القلـب يبكـي قبـل لاتـذرف العيـن=والشعـب كلـه يبتهـل لـه بدعـوات
ولو ان صوته غاب في يـوم الاثنيـن=يبقى بقلـب الشعـب للحيـن مامـات

اللهم تجاوز عنه .. وارحمه .. واجزه عن الاسلام والمسلمين خير الجزاء ..

اختكم .. أطــــلال

سلطان الشمري

03-08-2005, 18:40

ياعيني ياللي تذرفين دموع المســـاجين....ماحـــــد يلومك في بكى ملك السعوديه
تبكيه العرب من مـغربها الى البحـرين....وتبــــــكيه السياسه باول الوقت وتاليه
تفخر باسمه بلاد الحـــرمين الشــريفين....من عرعر لنجران ومن جده للشرقيه
راح الزعيم اللي تحبه ملايين ومـلايين....عـز الله أنه ياعرب فقيــــــــــده دوليه
حزني اليوم ماتشيله جبال و ميادين....ولي عبرتن بقـــــــصى الحشى مخفيه

صاحب مشاعر

سلطان الشمري

04-08-2005, 00:26

(( والد الشعب ))

الله يرحم والد الشعب السعودي = خادم ابيوت الحرم فهد العروبه

جعل ذاك اليوم .. يوم(ن) .. مايعودي = هز شعب المملكه يوم(ن) .. دروبه

عفت نفسي ماتهنيت .. برقودي = يوم جوني بالخبر ساعة لفوبه

حارت الافكار .. وباحت به سدودي = وحارت الرجلين تاهت .. عن دروبه

من يلوم الشعب في .. فهد الفهودي = مثل هتان السحابه في .. صبوبه

جعل يرقى عالي الجنه سنودي = ويتنفس نودها وبارد .. هبوبه

ربي ماغيرك رحوم .. ولا ودودي = اكرمه في جنتك .. وأغفر ذنوبه

الحزن بالمملكه ماله حدودي = يوم ذاع العلم للناس .. وحكوبه

الحزن بالشعب .. وافراد الجنودي = كل واحد ضاق صدره .. وضاق ثوبه

من حجاز المملكه لحد الحدودي = لين نجد الحزن واضح .. في شعوبه

عرضها .. مع طولها .. جبال .. ونفودي = من شمال المملكه حتى .. جنوبه

شعبنا .. وحكامنا حزنه يزودي = موتة القايد على شعبه عقوبه

شعر
خليف الجهيلي

سلطان الشمري

05-08-2005, 08:52

صبح الأثنين مر حزن ونكد

من خبر مذكور عبر الأذاعات

قالو توفى راعي الفزعات فهد

مات منله بساحة المجد وقفات

عون الضعيف مجددن نهضة بلد

موقفه ماهتز نهار الملمات

يبكيه شعب بادله وعد وعهد

شعبٍ بادله الود مابدل النيات

ويبكيه من طاف بالبيت وسجد

يشوف خدماته ولاهي خفيات

ويبكيه جيلٍ ماعرف غير الفهد

مرحوم فهد العرب جزل العطيات

يالله يامعبود ياواحد أحد

تجعل مقامه في جنانٍ عليات

الشاعر../ سنجار

سلطان الشمري

05-08-2005, 08:55

ان لله وان اليه راجعون

مني نشف حبر القلم بالمكاتيب=وحبرت يدينا والورق والكتايب
ماعاد لي وسط المثايل مناديب=ولاتنفعن ياقلت هات الندايب
كلّت يدينا ماعليها مطاليب=ولالي على مكتوب الايدي طلايب
تفتحت بيبان حزني دواليب=وتهيضت باقصى ضميري سبايب
العمر لو طال الزمن يتبعه شيب=واليا اكتمل شيبك تحث الركايب
مرحوم ياشيخ العرب منقع الطيب=حبل الوصل تقضي عليه النصايب
عرب النسل زاكي الاصل والمناسيب=شيخ البلد فكّاك عكف النشايب
والله لو دون المقادير تجنيب=او دونها سم الرمك والحرايب
تلقى شعوبك دون الاقدار ماتخيب=يثنون دونك ياعزيز الصلايب
لاشك حق ولا على الموت تثريب=مبطي رحل سيد الرسل والصحايب
يبكيك شعبك والعرب والاجانيب=ياعل ماتلفي عليك اللهايب
في جنة الفردوس ياعلك تطيب=وياعل قبرك يابيض الوجه طايب
قلته وانا مالي على الخلق تعقيب=واقفيت عن بحر التماثيل تايب

مشعل حاشم الغفيلي

سلطان الشمري

05-08-2005, 13:28

قصيدة رثاء في الملك فهد بن عبد العزيز آل سعود عاهل المملكة العربية السعودية طيب الله ثراه واسكنه فسيح جناته .وعزاء خاص الي اخي وصديقي صاحب السمو الامير الملكي نواف بن مساعد بن عبدالعزيز ال سعود وعساه اخر الاحزان يا بو بندر .
.
.
.
.

اتصدد عن دموعي ولكن وين اروح

...........وين مالديت عيني بكيته سيدي

اه لو اقدر اعبر عن احساسي وابوح

...........كيف اعددها صفاته ومن وين ابتدي

ما بعد روح ابو فيصل بهذا الكون روح

...........اجزل من الغيث واعذب من الورد الندي

الوفا والطيب والدين والقلب النصوح

...........والمروه والشجاعه وجود ٍ سرمدي

كان مثل الصبح صادق وقمة بالوضوح

...........دايم الله نصب عينه وهادي مهتدي

الحبيب المخلص ملازم المجد النصوح

...........الفهد باسمه تشرفت وسميت ولدي

الوحيد اللي تعدا بيمناه الطموح

...........ما طلب حق وتهاون وخلاه يغدي

ماترك شعب الكويت الحبيبه للجروح

...........حط له عنوان فاخر بتاريخ بلدي

حاضر ونجمه الي الحين بالعالم يلوح

...........يا صغرا سهيل عنده ... ويا صغر الجدي

دمعي عبر عن غلاته ولكن وين اروح

...........وين مالديت عيني ذكرته سيدي
.
.
.

محسن الدويخ

سعود بادي

07-08-2005, 01:32

نبراس

.
.

جهد خرافي وفكر نقي وصائب ..

روعتك هي ممثلتك الدائمه لدى الجميع

بصراحه ودي أقول شيء لجميع من شارك

ولكن لم اجد ما أقوله

ايضاً

أتذكر دايماُ أنه لاشكر على واجب

وذلك ابسط مايكون

.
.

زاهي التومي

08-08-2005, 17:17

بتاريخ واحد يا عرب من شهر آب = ألفين و خمسة مصادف ٍ يوم الأثنين

فتحت أنا التلفاز و شفت الخبر خاب = دققت ثم ركزت بشين العناوين

و سمعت علم ٍ يحزن أبعاد و أقراب = يحزن بعيد الخلق و اللي محبين

أسم الفهد مكتوب ما دونه حجاب = في ذمة المولى ثقيل الموازين

شفت الخبر يا ناس ثم صرت مرتاب = و هليت دمع ٍ حاير ٍ داخل العين

بكيت و أبكي و دايم الدوم منصاب = أبكي و تبكي بالخلايق ملايين

راح الذي ما فيه مثله و لا يجاب = اللي فعوله للخلايق قوانين

اللي بحزات الصعيبات قد ثاب = اللي تبين يوم جور المعادين

يوم ٍ صدام العدا جاء سلاب = وقف بوجهه قال ألوين ماشين

فهد فهد عز العرب مابه حساب = رمز الرجوله عز كل الشريفين

يشهد له الماضي أبى حيل أو طاب = و يشهد له التاريخ في عام تسعين

يا الله يالمعبود فكاك الأنشاب = أرحم فهد يا الله يا والي الدين

و في جنة الفردوس أجعله حساب = و بيت ٍ وسيع و فيه نهر و بساتين

و صلارة ربي عد ما تايب ٍ تاب = على الرسول المصطفى مكمل الدين

زاهي حمود الشمري

عبدالله الجعيثن

09-08-2005, 20:12

مرحوم ياحر شهر بالطويلات=انت الفقيده في زمان البهاذيل

فهد فهد بقلوبنا مابعد مات=لوتنضب بحور ومحيطات والنيل

راح الزعيم اللي يحل الصعيبات=اللي شربهن شربنا للفناجيل

حزن كسى كل الدول والولايات=خيم سكونه ظلمة كنها الليل

عزوا عياله والوطن والوزارات=وعزوا رجال الدين والعلم والجيل

ان قيل مات بشرعنا مابعد مات=ولو مات ماماتت علوم الرجاجيل

احـمد الـطـرقي

11-08-2005, 04:50

يالله انت بعزتــك ربي
كــن يكون وكنت له رايـــد

وش بقى ,باللوح متخبي
مايعسـف الكيف ويــحايــــد

انسحــب بسكات ,ياقلبي
الريـــاض, يودع ..القايــــد

لو سهرته ليل يعـذر بي
يــــامصابي.خــاوني,عايــد

خــادم اللـي طافــ ويلبـي
حـامــي الحـجـاج والــذايــد

ناصر المسلم على الصربي
داحـــــر المغــرور والبايـــد

الصحيح الصاعـــد الحبــــي
البياض الطــاهـر الفايــــــــد

لاعزى بـــــه ينجبر دربي
الســــواد بغيـبتــــــــه صايـد

سقتكم..للمجد..يا..شعبي
واسمحولي بارتفع نايــــــد

روحتى حلت وابــــي ربي
بسكــن الفردوس مع زايـــــد

عذب الوصل

11-08-2005, 12:45

آسف جداً على التأخير لكن لظروف الاجازه أحكام

والف شكر لك أخي نبراااااس على هالبادره

وارجو ان تقبلوا مني هذه

يامة الاسلام ابكي والبسي ثوب الحداد=واكتبي اغلى المراثي في فراق اكبر فقيد
آه ياقصر السعاده وآه ياطول السهاد=وكن قلبي يالخلايق يصطفق صفق الحديد
هشم قلبي يالخلايق يوم قيل الفهد باد=كن هو يصلى على نار ٍ لهايبها تزيد
اصطبر ياقلب اصبر ادري ان العلم كاد=بس هذي حكمة الرحمن في كل العبيد
راح قايدنا فهد راح الذي للشعب قاد=راح من خلا حياة الشعب في عيش ٍ رغيد
راح شيخ وراح اب وراح من بالعز زاد=راح قايد نهضة الاسلام بالعصر الجديد
راح من له كلمة ٍ ماتنثني علم ٍ وكاد=راح ارحم خلق ربي للكبير وللوليد
راح من هو ينشر المصحف على كل العباد=راح من هو خادم البيتين والراي السديد
يبكي لفقده جميع الخلق وحصان وزناد=والقلم والمحبره والعلم والمجد التليد
يالله انك ترحمه في رحمتك يوم المعاد=ويالله انك تسكنه جنات عدن ٍ يامجيد
ويالله انك ترحمه وتثبته وسط اللحاد=ويالله انك تغفر ذنوبه وزله ياحميد
ماعزانا كود ابو متعب وهو زبن الشداد=خير من يخلف لخير اللي رحل واضحى بعيد
هو بعيد الجسم لكن حي بقلوب العباد=لو يطول الوقت ابو فيصل بذكره مايبيد

أخوكم بدر