((((( تحولت بغداد)))))

[الولهانه]

ياعراق من يصبر على بطش صدام

الطاغي اللي ما يخــاف معبوده

يسلب وينهب ويتمادى بالاجـــرام

بالظلم والطغيــان يبرز وجوده

يهجم على الجيـــران والناس نيام

ينكر محاسنهم ويرسل يهـوده

غرقان في بحر الوساوس والأوهـام

ما هو بداري كيف نقصه وزوده

مليون مسلم راح في حرب هــدام

وللفرس يستسلم ويسحب جنوده

خرف وضيع ما بذل بضعة أعـوام

مجنون والمجنون يلطم خدوده

يا شعب دجلة كيف يعدمكم اعـدام

حاقد على شعبه ويقتل وفوده

تحولت بغــداد للدم حمــــام

ابـاد شعبه جعل ربه يبوده

كنـــا معه ونسـانده طول الأيام

من شان يصمد ما يغلق وفوده

يقول أحرر قدسنا واقسم اقســام

أثره يخادعنا ويخلف وعـوده

الله حسيب لكل حـــاسد ونمام

الله يخونه يوم خان بعهوده

الفهد من حكـــام وعيال حكام

ورثن لبوه ورث أوائل جدوده

وولي عهده للمهمـــات مقدام

ضدن لعدوانه وتقدح زنوده

وسلطان ضد للمعادين لطـــام

وزير جيشن للمعالي يقوده

واخوانه اللي للعدو سم واسقـام

درع الوطن يا سعد منهم عضوده

وحكام حق وعدل ماهم بظلام

حكمــا بشرع الله مقامه حدود

اللي يخدمون العروبة والإسلام

والكل منهم ما تزعزع وجـوده

صديقهم عاداتهم يكرم اكــرام

وعدوهم يندم وتفشل جهوده

المملكة في حكمهم تنعم انعــام

امن ورخاء من حمد ربي وجوده

وحنا حماة الدين والبيت الحرام

في رادة المعبود نركز عموده

وقواتنا لبلادنا درع واحــزام

برن وبحر وجو ترعد رعوده

وشعب السعودي للحرمين خدام

والفهد قائدنـــا وحنا جنوده

وصلاة ربي عد ما صايم صام

على النبي عـداد ذعذاع نوده