المساعد الشخصي الرقمي

مشاهدة النسخة كاملة : ام توصي ولدها


راعي الطيب
01-08-2005, 00:42
بسم الله الرحمن الرحيم


اخواني الاعزاء ......... السلام عليكم ورحمة الله وبركاته


الكثير منا يعرف ما هي الغربه وتاثيرها على المتغرب عن اهله ووطنه ولكن ما هي مشاعر امه او


والده او اخوانه .... اليكم هذه القصيده وهي توضح توصية ام لولدها بعد خروجه للدراسه وهو زميل


عزيز وغالي شراوكم خرج للدراسه في الخارج من فتره قصيرة جدا وهو من قرى حايل ولاتنسونا


بتعقيبكم وردودكم تفضلوا القصيده:



يا وليدي خـذ مـني وانا امـك وصاتي=وتذكــر ان امـك مـن وراك تحتـريـك
لا ترافق الـردي يا بعد حيي يا غناتي=تــســلـم مـن رداه ومـن كـلام يـكـويك
واحفظ الخـمس فروض من الصلاتي=وداوم عليـها ترى يوم الغراغر تنجيك
وعـليك بالقـران واقره بكل الساعاتي=يـزيـل الهم عـنك ومن المرض يداويك
واحفظ دينك وعرضك من الصايعاتي=راعــيـات العـيـون الـزرق لا تـغــريك
وخاف من اللي فوق السبع السمـواتي=خافه بالتقوى وسو الفروض اللي عليك
واعـرف ترا الغربه للي يبي العالياتي=تجي و راسك مرفوع بيـن اللي حواليك
اعرف اني نهيتك ياولدي عن الزلاتي=من يوم كنت بحضني الآعـبك واداريك
واليوم فـرقـتـنـا دنـيـا تبيك للطـايلاتي=زي مـا ربـيـتـك يا ولـدي مـا اوصــيك
ارحـم ما نزل على خدي من دمعـاتي=ولا تـذلـنـي بعـد مـا كـنـت افـتخـر فيك
ارفـع راسي فـوق بـيـن كـل جـاراتي=ابـيهـم يدعـون ربي يرعاك ولي يخليك
ابيهـا طـلب مـنـك يا (فلان) يا حـياتي=وتكـفى لا تشـمـت اللـي مايسـوىعـليك
قول ابـشـري وراح تـشوفـين سـواتي=ابيك زي ما عـرفـتك تفعل يوم اوصيك
ودعـتك الله ياضـنا القــــلب يا منـاتي=وبسلامه ترجع وبنار الـشـوق نحـتريك


بانتظار تعقيبكم وردودكم ولكم جزيل الشكر


اخوكم / عم محمد
المسافـر
10-08-2005, 01:07
ودعـتـك الله ياضـنـا القـلـب يــا منـاتـي
وبسلامه ترجع وبنـار الشـوق نحتريـك

الله يرجعه بالسلامه و هذي من القصائد الجميله و موضوعها من

المواضيع المعاصره واللي نشاهده يوميا اشكرك اخوي وصح لسان

الشاعره
راعي الطيب
12-08-2005, 02:54
[QUOTE=وصح لسان

الشاعره[/QUOTE]


ههههههههههههههههه


صح بدنك اخوي عبقرينو على حساب الشاعره ههههههههههه


اسف ومشكوووووووور الف مره على التعقيب ولو اني فقدت الامل بالردور على هالموضوع وجايب


قصيدة عتب على الاخوان راح انشرها


و ردك على الموضوع ريحن كثر ويعطيك الف عافيه


اخوك عم محمد
مجواد
20-09-2005, 06:24
صحت ظروسك



حلو شعرك أنت شاعر مشاء الله

الله لايحرمها من ولدها وعسى ولدها يحافظ على نفسه
سيدة القـــــلم
20-09-2005, 16:03
الله يعطيــك العافيــه اخوي راعـي الطيب على هالقصيده الطيبه والجزله ..
لكــن ياليت توضّح لي اكثر هالقصيده لكـ وقلتها على لسان ام توصي ولدها ..
او كيـــف.. ؟!!

اذا مو لكـ صح لسان الشاعره والله يحفظ لها ولدهــا ويطول بعمرها لعيالها .. ويحفظهم من كل مكروه..

<----- حاسه ان القصيده لأم راعي الطيب

والقصيده بصراحه ماعليها الكلام .. تحمل من النصح والارشاد الشيء الكثير..
فضلاً عن جزالتها وعذوبه معانيهاا ..




ღ
ღ
ღ
تحياتي
عشـق القصـيد
راعي الطيب
21-09-2005, 00:30
صحت ظروسك

امييييييييييين بس ابيهن يفكني من الوجع اللي موذيني له شهر

صحت بدونك (هذي شلون تنجمع)

حلو شعرك أنت شاعر مشاء الله

هذي شهاده اعتز به اخوي مجواد ولي صولات على خفيف بالشعر


الله لايحرمها من ولدها وعسى ولدها يحافظ على نفسه

ان شاء الله انه يحافظ على نفسه زي ما وعدني وهذا املي بوه

اخوي مجواد تشكر على هالمرور الكريم هذا منك

لا هنت يالغالي
شام
21-09-2005, 00:41
الأخ راعي الطيب :
رقيقة وعذبة الكلمات
والقصيدة جاءت سهلة المعاني
مفهومة وواضحة
لذلك لا أستطيع هنا سوى أن أسجل اعجابي بالقصيدة
دمت بكل الخير اخي
راعي الطيب
21-09-2005, 01:01
الله يعطيــك العافيــه اخوي راعـي الطيب على هالقصيده الطيبه والجزله ..


الله يعافيتس اختي شيخة القلم
لكــن ياليت توضّح لي اكثر هالقصيده لكـ وقلتها على لسان ام توصي ولدها ..
او كيـــف.. ؟!!

ايه نعم وذكرت القصة فوق ويوم ارسلته لوه قلت له هذي وصية امك لك وهذي مشاعره
وانا كتبت القصيده لاني ادري ان الولد الله يستر عليه خفيف شوي وما سمع عن بلاء وجلاء الروحات براء للدراسه والحمد لله توصلن منه عنه اخبار طيبه وتبشر بخير بعد ماكان ما يقدر يقول حروف الانجليزي الحين يبي يسوي لي (كل) بالانجليزي
واللي شار عليه انه يطلع ويدرس برا انا وقلت له ترا الملك عبد الله الله يحفظه يودي بعثات للخارج على حسابه للشباب اللي يبي يتعلمون شرايك تقول لابوك ويدخل عليه ويقول له ........وبعد فتره قلت له شرايك قال شاورت ابوي وقال لي لو ادري انك تبي تفلح تسان انا وديتك على حسابي وما درينا الا وجا قرار فصله وسوا هالراي


اذا مو لكـ صح لسان الشاعره والله يحفظ لها ولدهــا ويطول بعمرها لعيالها .. ويحفظهم من كل مكروه..

الله يجزاتس خير بس ما حزرتي امه ماقالت القصيده ماغير تصبصب من هالدموع اربع اربع على ولدها الله يرده لها سالم غانم ولو بيد واحد يكتب قصيده من اهل خويي كان كتبها ابوه لانه عجز يسنعوه شوفي مره من المرات ايام ما انفصل الولد من عندنا من المعهد جا ابوه ويقول لنا سالفه صارت معه انه يوم من الايام شاف شايب جالس على طعس حول مزرعتهم والشايب شاب ناره ومزين قهوته ومطنش لهالدنيا وهو يقول الا وا هنيك ما عندك ولد مثل ولدي فلان والا تسان انت هالحين قاعد تندب حظك على خلفتوه

<----- حاسه ان القصيده لأم راعي الطيب

ههههههه وهي ما تعرف تكتب تبي تنفيني لغوانتانامو على عشقي للمضايف لاني اجلس عند الكمبيوتر بالساعات ولو امي شاعره تسان اتوقع ماراح احد يبقى بالمضايف واول من يطلع من هنا خواتي العضوات

والقصيده بصراحه ماعليها الكلام .. تحمل من النصح والارشاد الشيء الكثير..
فضلاً عن جزالتها وعذوبه معانيهاا ..

شكرا لتس اختي على هالعبارات المعطره بالكلام الحلو وعلى فكره هذي عندي من اجمل القصايد اللي كتبته واسرع قصيده من خلال كتابتها


ღ
ღ
ღ
تحياتي
عشـق القصـيد



اختي سيدة القلم لك الشكر الجزيل على هالرد وعلى هالتعقيب وعلى هالدرر اللي طلعت منك من دعوات
راعي الطيب
21-09-2005, 01:10
الأخ راعي الطيب :
رقيقة وعذبة الكلمات
والقصيدة جاءت سهلة المعاني
مفهومة وواضحة
لذلك لا أستطيع هنا سوى أن أسجل اعجابي بالقصيدة
دمت بكل الخير اخي

تسلمين اختي ام قويدر على هالكلام الطيب هذا

وانتي اللي تفرضين احترامك علينا وتاخذين اعجابنا بقلمك البراق من صاحبة الافكار الهادفه والنقد البنا


لا هنتي اختي
متفاائل
21-09-2005, 19:08
راعي الطيب

قصيده جيده تسلم على هذا النقل

تم نقلها لمكانها وهو الشعر المنقول

تحياااتي
راعي الطيب
22-09-2005, 13:18
راعي الطيب

قصيده جيده تسلم على هذا النقل

تم نقلها لمكانها وهو الشعر المنقول

تحياااتي

الله يسلمك يا اخوي متفاائل

بس مدري ودي اقول ان القصيده لي وانا اللي كتبتها زي ما اوردت فوق

يعني ما نقلتها من احد

يمكن لك نظره صائبة ابعد من نظرتي على العموم تشكر اخوي ابو عمر على هالمبارده

هذي منك يالغالي
لا هنت
المهرة
23-09-2005, 06:35
نصائح من ذهب
يحتاجها الكثير سواء من ذهب للدراسة او للعمل
فهناك الكثيرمن المغريات التي تلهو الانسان
عن الكثير من امور دينه الا من رحم الله
ومن كان وازعه الديني قوي

نسأل الله ان يعود اليها سالم معافى
وان يحفظه الله من مغريات الغربه


سلمت الانامل على الجلب الطيب
ومزيد من النصائح
دمت بخير
اختك/ المهرة
سيدة القـــــلم
23-09-2005, 13:02
أذكـــر هالموضوع بمضيف المحاولات الجاده..

وش جابوه هنـــا...؟!!

وبالمره ياليت تطمنــا على ضرسكـ اخوي راعـي الطيب..


ღ
ღ
ღ
تحياتي
عشـق القصـيد
راعي الطيب
23-09-2005, 20:23
الله يسلمك اختي المـــهـــــره من كل شر ومكرووه

شرفتيني بهالمرور وهالرد المعطر بهالكلمات اللي اتمنى من كل اخوي
طلع برا انه يمر على ردك قبل ما يمر على القصيده

لا هنتي ويعطيتس العافيه
راعي الطيب
23-09-2005, 20:33
أذكـــر هالموضوع بمضيف المحاولات الجاده..

وش جابوه هنـــا...؟!!
هذا يا طويلة العمر دخلت الددسن وربطت به حبل وسحبتوه هنا لاني ابي يكون لي محاولات بهالمضيف شرايتس يعني.........

رحت هناك وارسلته بفاكس.......

اسف على هالكلام واعذريني
ولكن الرد على هالمقطع موجود من اخوي متفاائل فوق



وبالمره ياليت تطمنــا على ضرسكـ اخوي راعـي الطيب..
ضرسي ...... من قال لتس ذكريه ........ انا ما صدقت انه نساني
تبيني احط مره عليه هاه
شوفي ردي هناك ويمكن اسحبوه هنا اذا سمح لي المشرف
ههههههههههه اسف

لا ان شاء الله خير وان شاء الله انه زين


لا هنتي ومشكووووووووره على العوده ومشكووووووووره على السؤال عن الضرس