عيني تخيل الغيث ياثااااامر وعيّا لايسيل!!!!! [الأرشيف]

((بعيدالنظر))

28-07-2005, 03:33

تعال ياثامر وأنا وياك مانغوا الدليل=ودي نسولف والسوالف معك عالي شانها
عيني تخيل الغيث ياثامر وعيّا لايسيل=الوادي أقفر والشجاري يابسه عيدانها

سلطان الشمري

28-07-2005, 03:42

ايه .. لنا الله ..

شطحت بي بلي.. طاروقٍ يلوي الراس .. وثامر جايبن لوه هذا ..

ياعلك ماتفيد ../

متاااابع وانتظر ثامر.. ياخي هذاالطاروق الصح ../ وا حلولاته

متابع ياعبيد الروح

بتول آل علي

28-07-2005, 14:26

وأنا وراكم وراكم

حضور مستبد .. بانتظار رد مشرفنا ثامر

صح لسانك يالعرابي

الدهور

الأصيل

28-07-2005, 14:45

ايه .. لنا الله ..

شطحت بي بلي.. طاروقٍ يلوي الراس .. وثامر جايبن لوه هذا ..

ياعلك ماتفيد ../

متاااابع وانتظر ثامر.. ياخي هذاالطاروق الصح ../ وا حلولاته

متابع ياعبيد الروح

هههههههههههههههههههههههههههههههههههههههه ه

أنا أشهد

عسى اللي جاك مايجينا يانبراااس:goooood:

ومتاااااااابع :d:

الـمـحـروووم

28-07-2005, 19:18

تعال ياثامر وأنا وياك مانغوا الدليل=ودي نسولف والسوالف معك عالي شانها
عيني تخيل الغيث ياثامر وعيّا لايسيل=الوادي أقفر والشجاري يابسه عيدانها

سلاااااااااااااام

بعيد النظر

حضورك المتميز

يجبرنا على متابعتك

لا هنت يالغالي

نبراااااس
لا تقعد تحرش في الرجااال ألحين
بعدين ليش ماترد على جوالك

سيدة القـــــلم

29-07-2005, 12:40

صح لسانكــ

ماتبعين ننتظر ثـــــامــر

تحياتي
عشق القصيد

حمود الشمري

29-07-2005, 14:31

ان قاب اثامر صرت انالك ياعبيدالله بديل=تبقا الشجار الي تضلل ثابته عمدانها

شايف عبيد الله يصرف عملته عند البخيل= يالي بنيت ابيوت ثبتها على سيسانها

((بعيدالنظر))

29-07-2005, 20:05

لو نعطي الملقوف مصر يقول هذا شي قليل=بعض الأوادم تنحشر في شان ماهو شانها
عزالله إني لأكوي عظامك على جمر المليل=ماللخبول اللي تلقّف خير كحل أعيانها

ابو خليف

29-07-2005, 23:45

صح لساااااااااااااااااااانك يابو عاابد

وسلم بناااااااااااااانك

وللمعلومه ترى ثامر خارج الوطن ويمكن ماحوله نت

حمود الشمري

29-07-2005, 23:53

انته تبي راس الغزال والله على عبده كفيل==الميدان ياحميدان ونته داخل ابميدانها

انا بقيت احرك الموضع يالوجه الجميل==انته تحب المصخره عان السوالف عانها

حمود الشمري

29-07-2005, 23:56

الاخ الشاعر بعيد النظر انا اسف

وشفت الزميل ثامر تاخر وحبيت ارد عليك

وذا انت ماتبي ردي حطلي ملاحظه وبشر احذف ردي

((بعيدالنظر))

30-07-2005, 00:17

حمود الغالي : ميدان القصايد لايعني مافي القلوب أبد .
ترى كل شيء من ورا القلب أبد القلوب ناصعة البياض.

أنا أدري إنك ما أنت قد الرمح والسيف الصقيل=الأرض لو ينبت جبلها ما أنبتت قيعانها
العلم له بطن ظهر لاتعترض عابر سبيل=المصخره فاللي ترد السيل في مرحانها

((بعيدالنظر))

30-07-2005, 00:19

صح بدنك يابو خليييف ولاعدمتك يالقرم .
كلمني ثامر والله يجيبه بالسلامه .
وأنت تشكر على التنويه وعلى التعليق الجميل .

تحياتي لقلبك يابو خليف .

((بعيدالنظر))

30-07-2005, 00:24

سأعود بإذن الله للرد على كل الأحبه فرداً فرداً
مانسيتكم يا أبطال . وكلٍ منكم له حق عليّ وله شكر خاص ومستقل .
لكم القلب .. نبراااس والدهور والأصيل والمحروووم وعشق القصيد وحمود خصمي بعد له قدر

العبد العزيز

30-07-2005, 09:21

مرحبا مليون للجميع
بعيد النظر انت اكثر من رائع واشكرك ولا هانو الربع على حظورك المتميز وعلى انعاش فن المحاوره كل الشكر لك ولك ايضا اخوي حمود الشمر كل الشكر لكم جميعا ونبى منكم محاوره عسل وحاميه وانا بصف حمود الشمري ونبى صفوف للتشجيع ومتابعكم

كل الشكر لكم شعارنا الافاضل

حمود الشمري

30-07-2005, 12:40

انعال عليك ولانت شاعر عارفنك ماتعيل== لانعدو الفرسان تحسب من ضمن فرسانها

انته تشيل الحمل يارجال ولا ماتشيل== حنا اعتذرنا لارجال الي ضعيف ايمانها

((بعيدالنظر))

30-07-2005, 15:41

إنشد وتلقى السالفه عند القديمي والأصيل=سلّم وتسلم قبل يخلط عجها دخانها
حنا على منهج نبيّ الله براهيم الخليل=ولا سجدنا للقبور ولانزور أركانها

((بعيدالنظر))

30-07-2005, 15:45

العبد العزيز
أخوي الشكر لتواصلكم . فبدونكم ليس لنا حضور .
أشكرك على جميل حضورك ورايج عطورك .

((بعيدالنظر))

30-07-2005, 16:28

ايه .. لنا الله ..

شطحت بي بلي.. طاروقٍ يلوي الراس .. وثامر جايبن لوه هذا ..

ياعلك ماتفيد ../

متاااابع وانتظر ثامر.. ياخي هذاالطاروق الصح ../ وا حلولاته

متابع ياعبيد الروح

أهلاً أخي الغالي والشاعر المبدع / نبراااس
أنت قدها وقدود ياسلطان ولو ماني أثق في شاعريتك الجميله والرااائعه بكل أمانه ما سقت قطيع حروفي لترتع في زماليق ونوّار إبداعك .

لك القلب وأنت القلب يانبراس.

الأصيل

30-07-2005, 19:10

يالله دخييييلك

وش هالمعركه:eek:

فزع حمود ...

والعرابي بالمرصاد

ملهلبه ..................:188r:

حمود الشمري

31-07-2005, 00:08

انته عميل ولا بقيتك الي ياصاحب عميل==خل السفينه ماشيه ونته ضمن قبطانها

الشمري من غير اعقاله ياعميلي مايميل== ونكان ناوي معركه ابدا وشب نيرانها

هايس الشمري

31-07-2005, 01:14

ابدا و شب نيرانها

الله الله

لا هنتوا

بصفك يا حموووووووووووود

((بعيدالنظر))

31-07-2005, 01:39

عوّذ بليس ولوذ يارجال بالظل الظليل=ماودنا إنك لاتديّنها ولا تدانها
الشمري ماننكره ولاأنت ماعندك حصيل=ديرتك تشعل نارها والموت في سكانها

العبد العزيز

31-07-2005, 08:14

مرحبا مليون ومحاوره ممتعه واشكرك بعيد النظر على هذا الرد الطيب .
الشمري من غير اعقاله ياعميلي مايميل
=ونكان ناوي معركه ابدا وشب نيرانها

الشمري ماننكره ولاأنت ماعندك حصيل
ديرتك تشعل نارها والموت في سكانها

اشكركم على هذا البيتين المميزين

كل الشكر[لوحة]

حمود الشمري

03-08-2005, 12:26

صح السانك بعيد النظر والف شكر

الى الاخوان الي شاركونا

تحياتي