أريد حلاً ....................................... [الأرشيف]

نافع بن طواله

24-07-2005, 03:21

أريد حلاً

الموضع موضوع بنيتي هدلاء

هالبنت ماتعرف تاخذ حقه

ولا تعرف تدافع عن نفسه

ومن جاها من هالوغدان صطرها وخذا حاجتها اللي بيدها

وهي كل شوين مجرجرتني بهوشاااااااااات ومشاكل
وانا أجي من أقصاي فـزّاع على وغدان أعمارهم سنتين وحولهن
لا وفوق هذا السالفه تاصل للقناة وليور بعد
أحيان ننتصر وأحياننطلع من المعركه مهزومين
وتلقانا أنا وبنتي شاردين ولنا غبره ماله تالي

أريد حلاً

أنا شكلي أبي أدربها على الكاراتييييه

أو يمكن أشري لها سلاح عيار 9 ملم

أريد حلاً

المخاوي

24-07-2005, 03:37

زوجها وافتك :)

او توه صغيره :232r:

شف يابو هدلاء

مالك الا توريها افلام رعب وضرب وشنق :112r: وشف النتيجه اكيد فتاكه :thumb:

واذا مانفع خلهم يطقونه ياما يطلع قلبه :p:

شريف روما

24-07-2005, 03:46

ههههههههههههههههه
البنت لازم تخاااااف وتتسطر ولا ماتصير بنت << عسى ماشر
لو انوه ولد مو تشتريلوه 9 ملم
انصحك بار بي جي :)
عندي لك حل شوفلك واحد من الوغدان واخطفوه انت وبنيتك ودشوا غرفه انت تثبت هالوغيد وخل بنتك تنام بمردانوه (( لازم انت تكون متلثم عشان مايفضخك الوغد المغدور بوه ))
مره مرتين الا بنيتك فارسه لايشق لها غبااار
<< مجربه هالحركه مع بناخيوه :)
..
وشكرااااااا

المطنوخ

24-07-2005, 03:53

ورها صورة المحروووم ويطلع قلبها:)
ههههههههههههههههههههههههههههه

اقوووول انا اقووول انك تبدى معاها اول شين تطارحون انت وياها

وبعدين دخلها نادي صحي كمال اجسام

وعقبها دخلها ملاكمة وخلها بالوزن الثقيل:)

وعقبها اشتر لها التريلات اللي بالافلام الامريكيه

مثل اللي بفيلم (هيت) اللي دعموا بوه باص الشرطه بأول الفيلم:)

وعقبها ابشر بلقب

هـــدلاء
فكاكة الاشناب:)

احمد الهاجرى

24-07-2005, 04:31

قاسي الباس

الحل عندي وانا ابوهندي

اسمع ياقاسي الباس ويش معني اسمك

منت قاسي اوكيه خلك قاسي

او اسكن انت وبنتك في جزيره مافيها احد وانصحك باحد جزر فرسان :00113:

هنا لاتهاوش احد ولا حد يهاوشك

هذا الحل الاول

الحل الثاني

ارسلها كورس لمدة تسم يوم مع احد هالعوب

الموجودات في الفله مثل ام اسم طوييييييييييييل او تعاليلوه او الهره حولي :10_9_208:

وترجع عليك قشرا ان سلمت انت منها فانت سالم

واخيرا الله يصلحها قل امين

تقبل تحياتي

مشعل بن حويد

24-07-2005, 07:19

والله ياخوك مالقيتلك حل

شف لك واحد من اقتراحات العيال واعتمده

وحلوه الخلفيه اللي من العصر الحجري اللي انت حاطهااا

دخلت جو معها وانا مشغل موسيقى الفلم العربي اللي بتوقيع المطنوخ

تحياااااااااااتي لك

مناكد

24-07-2005, 13:32

الله يخليه لك...

أول وغد دايم يطلع ذروق...خصوصاً إذا طلع ماعنده بالبيت الا امه وأبوه...

بس شف الثالث والرابع واللي بعدهم...

إذا سلمت يالأبو وأنت بخير...

وهالكلام من واقع تجربه...وملاحظة الأخرين...

فيابو هدلا إذا تبي بنتك تطلع شقرديه خله تخالط اللي بسنه وشجعه على المحارش والمناكد ((غير محارش و مناكد)) وشف وراقب التغيير...

<<<تشوف هاللي لافن الشمغه...هالحين عمره ثلاث سنين ونصف ومن كثر المحارش والمفارس كل يوم وانا محصلن لي اما كمخه او شوته او قارطن علي لي شي...

حتى اخوانه اللي أكبر منه بواجد مايسلمون...

فالله الله بالإختلاط وشجعه على تغويل الصغيرين وتلميخهم ترى هذا يشجعه على الكبار...

وأخيرا الله يخلي لنا ولك ماعطانا والسامعين...

.

مشاكسه

24-07-2005, 17:22

خلاص دربها انت

كل يوم شوي تضاربو س شوي شوي عليها

مو تضاربها ويصير فيها شي تقول مشاكسه قالت

هههههههه

او جيب حد كبرها صغير واذا سوى لها شي واستنجدت فيك لا تروح لها قول لها اضربيه خذي حقك وانا ابوك

ها وش رايك
ههههههههههههههه

شنقل

25-07-2005, 01:32

انا اقولك

رح لقطعه اربعه وتلقى كومة وغداااان

خلها عندهم وخذ لك لفه على الشعبيات

وهذا وجهي اذا ماجتك ومامعه سكين:):)

نافع بن طواله

25-07-2005, 02:30

المخاوي

أفلام رعب قال .......................؟

أنا اللي يبي لي من يجسرن على أفلام الرعب

تقول النتيجه فتاكه ؟

إنت تبيها بعد ماتجسر على أفلام الرعب تسويلنا أفلام بالبيت ولا نسلم من مقالبها

أقول تقييم نصيحتك معروف من الآن

بعد خمس سنين

أنا مهلوس وطالعن لي قرون

وهدلا تنتقل للمرحله الثانيه التهبيل بالجيران

نافع بن طواله

25-07-2005, 02:34

الزقروطي

تم عمل اللازم

وقمنا بالعمليه على أكمل وجه

والوغد ماعرفني من اللثمه

بس تدري وين النكبه؟؟؟؟؟

هدلاء حرشت علي

هلت ماوراه ودونه من زقروه أول زقره:puzzled:

نافع بن طواله

25-07-2005, 02:52

طنخان أخو طنخه

تطارحنا أنا وياه وعلمتها حركات

حركة : سنوكا

حركة : هوق هوقن

حركة : أندتيكر

ويوم أتقتهن طرحتن

وسويت لها حفل تخرج وعطيتها شهادة Wwf

ويوم واجهت أول وغد جتن تركض ذالّـه

مابه طب

نافع بن طواله

25-07-2005, 03:00

الهاجري

ام اسم طوييييييييييييل او تعاليلوه او الهره حولي

يالله من بؤك لباب السما

توسط لنا عندهن وللي تعطي هدلاء شهادة كاراتييييييييييه

أو مصارعه يونانيه

لها مني جائزه

نافع بن طواله

25-07-2005, 03:02

العاتي

تامر على الصوره ؟؟؟؟؟؟

هالصوره لضلع بديرتنا بسلمى

شموخ

25-07-2005, 03:06

اهلين ابو هدلا

الحل عندى وانا شموخه :biggrin:

أرسلها علي بالبريد المننتاز وشف إن ماطلعت الطيور اللي بالسماء توذى منها ماكون شموخ:thumb::thumb:
( خوالي يقولون يندعيبك على العدو ياشموخ يوم كنتى صغيره محد سلم منك)
أم شرين مسمينى حتى بواب المدرسه ماخليته بحاله والله نفسي أدوره وأتأسف له بس مدرى وينه اللحين :frown::frown:

تحياتى
شموخ

الأصيل

25-07-2005, 10:32

يالربع ..

شبلاكم ضعتو وضيعتو الرجال معكم :eek:

الحل بسيييييييط

شف ياشاعر ..

بنيتك ( عسى ربي يخليه لك )

افتح لها ايميل

وخله تسجل بالمضايف:a:

وحبذا لو إنها تدّهر مع أهل الفله:d:

وأنا أعطيك ضمااااااان لمدة 25 سنه

إن الوغدان بالحاره ماراح يتعرضون للمحروسه:315r:

نافع بن طواله

26-07-2005, 08:11

أبو أبو شمغه

مناكد

اللي تقوله هو الواقع اللي هي عايشته

والبلا إن إلى الآن مافيه تغير

واللي يقهر إن ليامني مسكت له وغد وقلت طقييه

لمسته لمس بيده وقالت آآآه

في بالها إنه أوجعته ألحين..

تعاليل

27-07-2005, 07:46

خيووو أبـــو هدلاء ....

أول شين الله يخلي لك هدلاء ... وتفرح بها عــــــجيز ماني كبره

وأنا أنصحك نصيحه .. أنك تحب ايدك وجه وقفا .. إن بنتك طلعت هاديه وماني حليله ... ترى اقشر شين يا خوي .. يا جاك الناس تشكوى من بنتك إنها موذيه <<<<<<< أسأل أبوها يا تفشل من سبايبها

أما لو كان لا محاله .. ومصمم على اللي براسك
انا اقول لك احسن حل ومجرب <<<<< هالحل السبب بعوابتها

الحل يا خوي : : :
أنك تشقلها معاك كل مجلس رجال رايحن يموه .. هذا يومني وغده
ما جسرن على الهواش والمذابح مع عيال الحاره إلا ابوي الله يخليه
تقل مهو مصدق إن عندوه بنت .. وكل ما راح تعلله ولا شبه .. شقلن معاوه .. لين قمت ما أهاب ... لا وبالتالي يا شفتوه يتحضر يبي يطلع
لبست قبلوه وانتظرتوه عند السياره ..... << لهست على مجالس الرجاجيل

وصدقن غير كذا ما يجسره شين ...
بس ارجع واقول ارضى باللي عندك .. تراك بنعمه .. هههه

أبو هاجر :bluboomte

وشعندك يومنك تنخش .. شتبي تقول أرسله عند حدى هالعوب
لو ماحنا عوووب ماقوينى لكم ..

تعاليل

عجايب بنت الشايب

27-07-2005, 09:42

الحل عندي

بس لازم مقابل

لانك بتخلص من وجع الراس مره وحده

والضمان 24 سنه و7شهور

الحل

خلها تعرف علي تصير صديقتي !! :473r::cool:

عجايب بنت الشايب

27-07-2005, 10:00

بسم الله

ما امداني كتبت الرد

تحول الموضوع

الى ...........http://shmmr.net/vb/images/aja/statusicon/thread_dot_hot.gif

صدق الحكيم الهاجري

يوم قال : ام شرين

السلااام

نافع بن طواله

27-07-2005, 11:20

مشاكسه

مابه طب مابه طب

لحقتي على جيمي سوبر فلاي سنوكا؟

هدلاء ألحين تعرف تسوي حركته السبّاحيّه بالهوا

لكن ماتعرف تطبقها إلا علي أنا

وعند الصجيّه تغدي رخمه

جوده علي انا

نافع بن طواله

27-07-2005, 11:22

شنقل

إنت صاااااااااااااااااادز ؟

ياخوي أحد قالك إني مرخص بنيتي ؟

أقول شف لك سالفه ثانيه

إلا الشعبيات

ياخوي أنا أخاف على روحي منها

متفاائل

27-07-2005, 12:35

نافع الطواله :hala1:

شف عاد الا هذي

وشلون تبي تعطي ضلعنا ياحيفك عليه <<< نسي سالفة البنت كله :)

الثانية واللي تتبعه ليه يوم تطلع اسم بنتنا لخلق الله هااااااااااااااااااااه

بعدين علاجه بس لاتفزع له لاجتك تهنكر اشطفه لا ترد وابد مرة مرتين وبعدها اما تنقلب وحش كاسر او تفكك من وجع الراس وتسبط والاخيرة ظنون > ماهو يامنه جهلتك امه جيت مطبق اخيييييه :goooood:

مشاكسه

27-07-2005, 15:07

يعني على ابوها تسوي كل شي

بس احد ثاني

لا والف لا

ههههههه

ربي يخليها لك بس

نافع بن طواله

28-07-2005, 03:49

شموووووووووخه

متى تفتح أبواب التسجيل في معهدك للفنون القتاليه

إحجزي لهدلاء مقعد ونبي ندرسها أربع كورسات

كورس تايكواندو
كورس مصارعه
كورس ملاكمه
كورس طبخ

والكورس الأخير حتى ماتنسى واقعها المرير

نافع بن طواله

28-07-2005, 03:54

ابو ثوب

تلعّبي؟؟؟

إكتشفتك من قلت ياشاعر وعقبن قلت الفله

خلاص أبي أخليها تشارك بالفله بس مو إذا عجزتوا تعرفون تقروون اللي تكتبه تقولوون لي ترجم...

لأنها توها إلى الآن تكتب بالمشفر

شموخ

28-07-2005, 03:56

ياخوى من قال انى اعطى كورسات طبخ أسفه مااعطى، صدقنى مو لايق طبخ وقتال :)

نافع بن طواله

31-07-2005, 03:24

التعلله

حاولت أطبق رايك

وخذيته معي للمجلس

ويوم دخلت المجلس وهم يتسحتوني أنا وبنتي

الخلا مير الخلا

ويوم قلت يالربع إسمحلونا هالنوبه بس

شرطوا علي إنها تقعد على المركا وانا لأ

وشرطوا بعد إن الفنجال يمد له قبلي

وأنا هنا حسيت إني بتهزأ ياخوانّا

مش معئوووووول اللي بيحصل ده

وقلت عنه ما فكت روووحه

نافع بن طواله

31-07-2005, 03:26

كلك بنا اعجاب

والله أخاف عليك منها

اخاف تمون عليك

وهي شرها على اللي تمون عليهم

نافع بن طواله

31-07-2005, 04:52

متفائل

الغالي

ياخوي عرضي له مثل عرض المصري اللي مامعه إلا سندويشه
ويقولك بسم الله

وبخصوص موضوع الفزعه

أنا وأنا أخوك قلبي رهيّف ولا أقوى أشوفه تستفزعن وأسكت

نافع بن طواله

31-07-2005, 04:55

مشاكسه

الله يخليك لعين ترجيك

ولاتخلينها تمون عليك

يابس الراس

10-08-2005, 14:40

رح البر انت وياها شهر ومالك الا تسطر اللي يقابها حتى او كنت انت

تصير بريه (مفترسه)

قهر

19-08-2005, 05:49

اقول الحبيب قل تم
زوجني البنيه

ابو مرشد

23-08-2005, 08:55

لووووووووووووووووووووووووووووووووووووووو ووووووووووووووووووووووووووووووووووووووول

صراحه اقولك شي ابو طواله

السلام عليكم

اقولك شي زوجني هدلا و صدقني بعدها راح ادش هواش على طوووول طعن او شي لوووووووووول او شي تبدي تطعن

او اقولك جيبها خنحطها بالروضه ناس اتكيت و عيال نفسها ذرابه يطقووون بكلينكس و لا مشاكل و لا شي يعني كوووووووووووووول بس صراحه تعليقاتك و ردودك تموووووت من الضحك انا زين اني قضبت نفسي الشباب عندي بدوام يمرون اشفيه هذا يضحك و يطالع الجهااااز

هذا اخر حل اقدمه رك و لك جزيييل الشكرا و لا الشرف اناسب الطواله

بس صراحه فلم الهدلاء و ابو خالد هذا اول فلم حربي انزله بس سنتين عمرها عادي انطرهاااااااااااا

اوووووووووووووووووووووووووووووو

نسييييييييييييييييييت

لاااااااااااااااااااااااااااا اقولكم

تدرون غيرت شعاري

ما درويتي

و الله غيرته شعاري الجديييييييييييييييد هو

الاسلم الشجعان زين على زين وزوبع بني سنجار راس البديده وعبده سناعيس انساس السلاطين و مضاوي الرشيد فخر تزيده

جوجو

عيون السروق

25-08-2005, 22:01

الحل عندي وانا ولد ابوي وامي واخو اخوي

واختي وابو ولدي وبنتي وبنتي الثانيه

هات هدلا عندي وابشر باللي يطلع قلبه عندي غرفتن لمطارح

الوغدان كل يوم ادخل وغد من الشارع على عيالي واخليهم يطرحونه

وانا اويدز عليهم عشان ينخرع مني الوغد ومايتجرأ يمد يدوه على

وغداني ،، بس ترى الساعه بـ ( انت ومدت يدك ) وابشر عقب ربع

قرن تجيك واهي تدور الوغدان تبي تطرحهم

ودمتم ،،،،،،،،

أبوريانه

27-08-2005, 07:34

نافع بن طواله

28-08-2005, 05:24

رح البر انت وياها شهر ومالك الا تسطر اللي يقابها حتى او كنت انت

تصير بريه (مفترسه)

يالله حيووووووووووه

الله يهداك تبينا باتسر ليا منه جت للديره تحارش الرجال وتعنس بنيتي محد ياخذه

شف لك غير هالطريقه هذي ماهي فعاله

أخوك

قاسي الباس

نافع بن طواله

28-08-2005, 05:25

اقول الحبيب قل تم
زوجني البنيه

أقوووووووول الحبيب

إمسك سرا

وخذ رقم

نافع بن طواله

28-08-2005, 05:29

لووووووووووووووووووووووووووووووووووووووو ووووووووووووووووووووووووووووووووووووووول

صراحه اقولك شي ابو طواله

السلام عليكم

اقولك شي زوجني هدلا و صدقني بعدها راح ادش هواش على طوووول طعن او شي لوووووووووول او شي تبدي تطعن

مثل ماقلنا للي قبلك إمسك سرا

رغم إنك لك الأولويه لكن هالشي مايمنع إنك تاخذ رقم

او اقولك جيبها خنحطها بالروضه ناس اتكيت و عيال نفسها ذرابه يطقووون بكلينكس و لا مشاكل و لا شي يعني كوووووووووووووول بس صراحه تعليقاتك و ردودك تموووووت من الضحك انا زين اني قضبت نفسي الشباب عندي بدوام يمرون اشفيه هذا يضحك و يطالع الجهااااز

والله إنه راي ٍ سديد بس أخاف هي تصير بالنسبه لكم رغم خوفها مشكلتسيه

نافع بن طواله

28-08-2005, 05:36

نافع بن طواله

28-08-2005, 05:39

الحل عندي وانا أبو هندي

خله تشرب دخان

وتجلس قدام البقاله وبيد زقارة واليد الثانيه ببسي.

واشتر له ددسن خمسة وثمانين

ولاتنسى العجراء واليور تحت المرتبه

من الطريقه هذه راح يكون له مكانه بين وغدان الحارة

الطريقه مجربة لعدة بزران

رد علي بالنتيجه :)

ياأبوهدلاءn)

أبوريانه

أبو ريانه عساااااااااااااااك ماتفيد

خربت بنتنا علينا حنا

البنت ليامنه شافتن الزقاره ماتطفيها وحتى ماتسترها عني وتنفخ علي دخانها

ألحين أريد حلا من جديد

شلون ترجعوووون لي بنتي عقب ماخربتها يابو ريانه البنت تسولف عن الحبوب وزقارة الحشيش