سلطان زمان
23-07-2005, 23:03
دعلوجه بنت مزيونه عمره ثمان طعش سنه .. تدرس باول ثانوي.. بس دراسته مهي منتظمة يوم تحضر واسبوع تغيب.. مشغوله مع الحلال غنيمه وبعارين.. وساكنتن مع ابوه وامه بلهم هجرة متشطره عن الديره..
بيتهم شعبي .. وبانينن لهم بوزنه بيت شعر مروبع.. ابوه شايب كريم ومعروف عند الناس بالطيب والعلوم السنعه.. عياله الكبار مشعان وفريحان يشتغلون بالحرس الوطني بالمنطقة الشرقيه ...
.. تركب دعلوجه الجيب الشاص كل يوم وتشرف على الحلال اللي يسرح بهن هندي وسوداني.. وهالرعيان يخافون من دعلوجه شخصيته قويه وتفهم كل شين..
الشايب مدلع دعلوجه ومخليه تسوي اللي تبيه.. واثقن به.. وهكا اليوم قالت لابوه: انت ليه ماتعزم الجماعه لك فتره ما عزمت.. قال يابنيتي ما فيني حيل اعزم!! العزيمه تبي عيال حولي!!!!... قالت: افا والله يابو مشعان تسيف تقول هالكلام وانا موجودة .. مار هذا صيدك وانا بنت ابوي.
وهي تركب الجيب الشاص .. وتدور على الجماعه وتعزم للغداء من بكرا... تدق بوري عند كل بيت .. وتصوت من دريشة السيارة ترو الغداء عندنا بكرا... وفعلا قامت دعلوجه بالواجب وهونت الدعوى على ابوه.. وجابت السوداني وقالت له صب القهوه .. واذا قمز احد الجذعان يبي الدله زنده اياه وانكس للغنم.. مهو تقعد تلاقط عيونك عندهم .. ابي اجيب لك غداك انت وكمار بالمفلا..
ويوم خلص الغداء.. وهو يقمز ابو مشعان على راس دعلوجه يبي يحبه من الفرحه.. وهي تقمز دعلوجه فوق قمزته.. وتحب راس ابوه.. قال: بيض الله وجهتس يابنتي.
الجماعه تدري ان اللي ورى هالعزيمة دعلوجه .. وكبرت بعيونهم هالبنت.. وكل يوم دعلوجه على هالجيب الشاص بهالبران تستدير على حلاله.. وعندهم وايت ماء .. تقوم دعلوجه يا من هذا تروي من المحطه..
ويجي هكا الربيع اللي مهنا زينه الارض نوار وخضار وامطار وسيول.. وتقوم هالناس تكشت .. الخير واجد .. والمخيمات بكل مكان.. ودعلوجه مبسوطه الغنيمه والبعارين تشبع من فضل الله.. وهي تدوج وتمذرح على الشاص .
ومرة من المرات .. شافت دعلوجه هكا السيارة الكبيرة الزينه واقفة .. واصحابه محولين يفترون يمين ويسار بهكا الخليان.. ويوم شافو سيارة دعلوجه وهم يشرون له بشمغهم.. تعرفون دعلوجه راعية واجب .. وتنسى احيانا انه بنت مزيونه ويطمع به...
مافكرت دعلوجه .. توجهت لهم على طول.. ويوم شافوه الشباب وهي تطاير عيونهم .. بنت تسوق سيارة؟؟؟؟؟ ما حولت دعلوجه.. قالت لهم وش العلم ؟؟ سيارتكم وش به واقفه؟؟ هي متعطله؟؟ قالوا لا والله سيارتنا متعلقه الله يحييك ويبارك فيك!!! وهي تراعي للسيارة اللي ماعمره شافت مثله.. وهي تنشدهم.. وشي هالسيارة؟؟؟؟؟ قالوا لها هذي همر!!!!! قالت همر.. يازينه.. راعت لهم دعلوجه وقالت بينه وبين نفسه هالشباب باين عليهم عيال حلال وماهم موذين...
وهي تحول من الشاص .. وعليه البرقع.. وعيونه شي.. وجسمه رشيق ومتعافي.. استدارت بنت الحلال على الهمر .. ودنقت تحت تشوف وش العله.. يمار الهمر متعلق على جذع طلحه مقصوصه.. والشباب تجشموه مادريو به..
قال حديهم وش السواة.. ولا عليك امر يابنت ممكن تودينا للمخيم.. قالت وسيارتكم .. قالو منعرف نطلعه.. قالت وانا بنت ابوي اجمعو الرضم وهاتوه.. قالو وش الرضم.. وهي تشير على وحدة منهن.. قالو الحصا..
الهمر متعلق لكن يتحرك نص متر قدام ونص متر ورا.. جذع الطلحه ناشب نشبة سنعه.. وهم يجدلون الرضم.. قالت حطو قدام كل كفر رضمة كبيره القداميات والورانيات وبعدين قدمو السيارة.. وكل شوين حطو لكم شوين لين تطلع سيارتكم من التعليقه..
وفعلا .. نجحت الطريقه.. وطلع الهمر.. قالو لها شكرا ما قصرت يابنت الاجواد.. انا اسمي طارق ... وهذا خويي فهد ... قالت وانا دعلوجه بنت ابو مشعان..
قالت لهم اقلطو عندنا تقهووا الوالد شاب بالبيت .. وهم يتراعون بيناتهم.. معقوله بنت تعزم... حلفو الشباب انهم مستعجلين ومرتبطين ..
ركبو الهمر وراحو.. وقعدو يفكرون.. وش هالبنت السنافيه.. اللي انقذتهم .. .. وبغت تقهويهم.. قال طارق هذي البنت ولا كل البنات.. شكلي ما راح انساها طول حياتي..
وبطريق الرجعه شافت دعلوجه فهيد قاعد يزين بنشر سيارته الددسن .. وهي توقف عنده.. وفتحت الدريشه.. وهو يبلج فهيد هكا الابتسامه هو وسنونه تقل حيوف.. قالت له: اقرد يامقرود.. يامال القوم.. وهي تفحط وتكوحه يمار غبار الارض داحين افمه .. غدا تقل كتره... هو يهدد ويتوعد.. هين يا دعلوجه.. اذا ماعلمت عليتس وفضحتس ما اكون انا فهيد...
قبل ماتنام دعلوجه.. مشطت شعرها ودهنته.. ونظرت بالمرآه .. وفكرت بطارق.. شكله ابن عز.. محترم جدا.. وخجول.. وسيم... وشهقت هكا الشهقه .. وقالت ما اقوى انساه ... ونامت دعلوجه عقب يوم حافل كالعاده بالتعب..
ومن الجهمه ودعلوجه فازه من النوم وتدبر دبرته مثل كل يوم.. ومع مرور الايام كثرو الخطاطيب يبون دعلوجه.. ويشاوره الشايب وتقول مابي مابي مابي.. والشايب يرد العلم للخطاطيب..
الحقيقة .. الخطاطيب اقلقوا راحت دعلوجه.. كل ما طلعت او دخلت .. الا المجلس مصطك بهم.. والشايب يقوله جاء فلان وفلان يبونتس.. واتصل اخوتس مشعان وفريحان من المنطقه يقولون ان فلان وفلان وفلان يخطبونتس.. قالت ياطول هالسالفه.. بكرا ارد لك العلم يايبه..
ومن بكرا الا المجلس مصتك بالخطاطيب.. وهو يدخل الشايب على دعلوجه ..قال عندنا فلان وفلان وفلان وفلان وفلان جايين اليوم خطاطيب .. من تبين منهم.. قالت عندي لغز اللي يبي يحله اصير له حليله على سنة الله ورسوله..
اللغز يايبه يقول.... وشو الشي تقل شي وما هو شي؟؟؟؟؟؟؟؟؟؟؟؟؟؟؟
راح الشايب يم الخطاطيب وقالهم على اللغز.. دريت الناس بلغز دعلوجه.. ويوم ورى يوم والناس تفكر به.. كل يبي دعلوجه حتى الشيبان دقروا معه.. ومجلس ابو مشعان خطاطيب داخله وخطاطيب طالعه .. والواحد ماله الا فرصة وحده بعدين يقلب وجهه...
وبيوم من الايام .... وصلت ثلاث سيارات همر عند بيت دعلوجه.. وحولو منه هكا الرجال الكشخات لابسين بشوت اشكال والوان ومعاهم طارق.. استقبلهم ابو مشعان وقلطهم.. قالو له حنا طالبين يد بنتك دعلوجه لولدنا طارق.. قال ابو مشعان حياكم الله.. بس ترو البنت عنده لغز واللي يحله ياخذه على سنة الله وهذا هو شرطه..
قال اللغز هو .. وشو الشي تقل شي وما هو شي... وهم يتنادغون ويتغامزون اهل طارق ..قال لهم ابو مشعان ترو للخاطب فرصه وحده للاجابه ..
دريت دعلوجه بجية طارق.. وقامت تويق عليهم من شقوق البيت.. وطارق تلاقط عيونه من البوهه.. قال ابو مشعان.. هاه وش الحل ياولدي..
قال طارق......
متردد ...احوووول..
والعرق تصبب من جبينه....
عسى الله يعينه....
قال الاجابه هي......
.............................
...... رمش النمله
وهي تصيح دعلوجه من ورى البيت ..صح يايبه .. صح
بيتهم شعبي .. وبانينن لهم بوزنه بيت شعر مروبع.. ابوه شايب كريم ومعروف عند الناس بالطيب والعلوم السنعه.. عياله الكبار مشعان وفريحان يشتغلون بالحرس الوطني بالمنطقة الشرقيه ...
.. تركب دعلوجه الجيب الشاص كل يوم وتشرف على الحلال اللي يسرح بهن هندي وسوداني.. وهالرعيان يخافون من دعلوجه شخصيته قويه وتفهم كل شين..
الشايب مدلع دعلوجه ومخليه تسوي اللي تبيه.. واثقن به.. وهكا اليوم قالت لابوه: انت ليه ماتعزم الجماعه لك فتره ما عزمت.. قال يابنيتي ما فيني حيل اعزم!! العزيمه تبي عيال حولي!!!!... قالت: افا والله يابو مشعان تسيف تقول هالكلام وانا موجودة .. مار هذا صيدك وانا بنت ابوي.
وهي تركب الجيب الشاص .. وتدور على الجماعه وتعزم للغداء من بكرا... تدق بوري عند كل بيت .. وتصوت من دريشة السيارة ترو الغداء عندنا بكرا... وفعلا قامت دعلوجه بالواجب وهونت الدعوى على ابوه.. وجابت السوداني وقالت له صب القهوه .. واذا قمز احد الجذعان يبي الدله زنده اياه وانكس للغنم.. مهو تقعد تلاقط عيونك عندهم .. ابي اجيب لك غداك انت وكمار بالمفلا..
ويوم خلص الغداء.. وهو يقمز ابو مشعان على راس دعلوجه يبي يحبه من الفرحه.. وهي تقمز دعلوجه فوق قمزته.. وتحب راس ابوه.. قال: بيض الله وجهتس يابنتي.
الجماعه تدري ان اللي ورى هالعزيمة دعلوجه .. وكبرت بعيونهم هالبنت.. وكل يوم دعلوجه على هالجيب الشاص بهالبران تستدير على حلاله.. وعندهم وايت ماء .. تقوم دعلوجه يا من هذا تروي من المحطه..
ويجي هكا الربيع اللي مهنا زينه الارض نوار وخضار وامطار وسيول.. وتقوم هالناس تكشت .. الخير واجد .. والمخيمات بكل مكان.. ودعلوجه مبسوطه الغنيمه والبعارين تشبع من فضل الله.. وهي تدوج وتمذرح على الشاص .
ومرة من المرات .. شافت دعلوجه هكا السيارة الكبيرة الزينه واقفة .. واصحابه محولين يفترون يمين ويسار بهكا الخليان.. ويوم شافو سيارة دعلوجه وهم يشرون له بشمغهم.. تعرفون دعلوجه راعية واجب .. وتنسى احيانا انه بنت مزيونه ويطمع به...
مافكرت دعلوجه .. توجهت لهم على طول.. ويوم شافوه الشباب وهي تطاير عيونهم .. بنت تسوق سيارة؟؟؟؟؟ ما حولت دعلوجه.. قالت لهم وش العلم ؟؟ سيارتكم وش به واقفه؟؟ هي متعطله؟؟ قالوا لا والله سيارتنا متعلقه الله يحييك ويبارك فيك!!! وهي تراعي للسيارة اللي ماعمره شافت مثله.. وهي تنشدهم.. وشي هالسيارة؟؟؟؟؟ قالوا لها هذي همر!!!!! قالت همر.. يازينه.. راعت لهم دعلوجه وقالت بينه وبين نفسه هالشباب باين عليهم عيال حلال وماهم موذين...
وهي تحول من الشاص .. وعليه البرقع.. وعيونه شي.. وجسمه رشيق ومتعافي.. استدارت بنت الحلال على الهمر .. ودنقت تحت تشوف وش العله.. يمار الهمر متعلق على جذع طلحه مقصوصه.. والشباب تجشموه مادريو به..
قال حديهم وش السواة.. ولا عليك امر يابنت ممكن تودينا للمخيم.. قالت وسيارتكم .. قالو منعرف نطلعه.. قالت وانا بنت ابوي اجمعو الرضم وهاتوه.. قالو وش الرضم.. وهي تشير على وحدة منهن.. قالو الحصا..
الهمر متعلق لكن يتحرك نص متر قدام ونص متر ورا.. جذع الطلحه ناشب نشبة سنعه.. وهم يجدلون الرضم.. قالت حطو قدام كل كفر رضمة كبيره القداميات والورانيات وبعدين قدمو السيارة.. وكل شوين حطو لكم شوين لين تطلع سيارتكم من التعليقه..
وفعلا .. نجحت الطريقه.. وطلع الهمر.. قالو لها شكرا ما قصرت يابنت الاجواد.. انا اسمي طارق ... وهذا خويي فهد ... قالت وانا دعلوجه بنت ابو مشعان..
قالت لهم اقلطو عندنا تقهووا الوالد شاب بالبيت .. وهم يتراعون بيناتهم.. معقوله بنت تعزم... حلفو الشباب انهم مستعجلين ومرتبطين ..
ركبو الهمر وراحو.. وقعدو يفكرون.. وش هالبنت السنافيه.. اللي انقذتهم .. .. وبغت تقهويهم.. قال طارق هذي البنت ولا كل البنات.. شكلي ما راح انساها طول حياتي..
وبطريق الرجعه شافت دعلوجه فهيد قاعد يزين بنشر سيارته الددسن .. وهي توقف عنده.. وفتحت الدريشه.. وهو يبلج فهيد هكا الابتسامه هو وسنونه تقل حيوف.. قالت له: اقرد يامقرود.. يامال القوم.. وهي تفحط وتكوحه يمار غبار الارض داحين افمه .. غدا تقل كتره... هو يهدد ويتوعد.. هين يا دعلوجه.. اذا ماعلمت عليتس وفضحتس ما اكون انا فهيد...
قبل ماتنام دعلوجه.. مشطت شعرها ودهنته.. ونظرت بالمرآه .. وفكرت بطارق.. شكله ابن عز.. محترم جدا.. وخجول.. وسيم... وشهقت هكا الشهقه .. وقالت ما اقوى انساه ... ونامت دعلوجه عقب يوم حافل كالعاده بالتعب..
ومن الجهمه ودعلوجه فازه من النوم وتدبر دبرته مثل كل يوم.. ومع مرور الايام كثرو الخطاطيب يبون دعلوجه.. ويشاوره الشايب وتقول مابي مابي مابي.. والشايب يرد العلم للخطاطيب..
الحقيقة .. الخطاطيب اقلقوا راحت دعلوجه.. كل ما طلعت او دخلت .. الا المجلس مصطك بهم.. والشايب يقوله جاء فلان وفلان يبونتس.. واتصل اخوتس مشعان وفريحان من المنطقه يقولون ان فلان وفلان وفلان يخطبونتس.. قالت ياطول هالسالفه.. بكرا ارد لك العلم يايبه..
ومن بكرا الا المجلس مصتك بالخطاطيب.. وهو يدخل الشايب على دعلوجه ..قال عندنا فلان وفلان وفلان وفلان وفلان جايين اليوم خطاطيب .. من تبين منهم.. قالت عندي لغز اللي يبي يحله اصير له حليله على سنة الله ورسوله..
اللغز يايبه يقول.... وشو الشي تقل شي وما هو شي؟؟؟؟؟؟؟؟؟؟؟؟؟؟؟
راح الشايب يم الخطاطيب وقالهم على اللغز.. دريت الناس بلغز دعلوجه.. ويوم ورى يوم والناس تفكر به.. كل يبي دعلوجه حتى الشيبان دقروا معه.. ومجلس ابو مشعان خطاطيب داخله وخطاطيب طالعه .. والواحد ماله الا فرصة وحده بعدين يقلب وجهه...
وبيوم من الايام .... وصلت ثلاث سيارات همر عند بيت دعلوجه.. وحولو منه هكا الرجال الكشخات لابسين بشوت اشكال والوان ومعاهم طارق.. استقبلهم ابو مشعان وقلطهم.. قالو له حنا طالبين يد بنتك دعلوجه لولدنا طارق.. قال ابو مشعان حياكم الله.. بس ترو البنت عنده لغز واللي يحله ياخذه على سنة الله وهذا هو شرطه..
قال اللغز هو .. وشو الشي تقل شي وما هو شي... وهم يتنادغون ويتغامزون اهل طارق ..قال لهم ابو مشعان ترو للخاطب فرصه وحده للاجابه ..
دريت دعلوجه بجية طارق.. وقامت تويق عليهم من شقوق البيت.. وطارق تلاقط عيونه من البوهه.. قال ابو مشعان.. هاه وش الحل ياولدي..
قال طارق......
متردد ...احوووول..
والعرق تصبب من جبينه....
عسى الله يعينه....
قال الاجابه هي......
.............................
...... رمش النمله
وهي تصيح دعلوجه من ورى البيت ..صح يايبه .. صح