تعالوا وتابعوا بحياديه وليس للعاطفه ماطأ قدم!!!!! [الأرشيف]

((بعيدالنظر))

21-07-2005, 13:22

أحبتي في منتديات شمّر التاريخ شمّر النوماس .
يطيب لي ان أطل عليكم من خلال هذه المحاوره والتي إخترتها على هذا البحر الطويل .
وكان احد شعراء شمّر المبدعين قد حدث بيني وبينه بعض المناوشات الداميه . وكان لنا موعد هنا في مضايف شمّر وكنت أتمنى أن تكون في ميدان محايد .
أحبتي . ستكون هذه المحاوره حامية الوطيس ومن أشرس المحاورات الداميه وهذا ما أتوقعه وهذا ماسيحدث اللهم سلّم ..
لذلك أتمنى من الشعراء الدخول بحياد تام وأن تكون الصفوف بمستوى هذه المنازله لأنها ستكون مختلفه تماماً . ولن أعلن عن إسم الخصم القادم لكنني مستعد للقاء ومعنوياتي عاليه تماماً . وأنتظر بصحبتكم هذا القادم والمتحدي وإنتظروا . ولكم جميعاً تحياتي .

جيت حسب الوعد واللي وعدني شمريٍ يوفي في وعوده=ياسلامي عليكم يامضايف شمّر ورحمة الله وبركاته
فيه شاعر وعدني فالمضايف والوصايف ليا شفتوا وروده=شاعرٍ مانويت أعلن عن إسمه لين رسمه يحدد لي حياته

حمود الشمري

21-07-2005, 13:42

ونحن ننتضر بشوق ولهفه

ونت يابعيد النظر مانعتبرك غريب انت ضمن ةالمعازيب

ثامر

21-07-2005, 15:56

((بعيدالنظر))

21-07-2005, 17:36

شكراً لك مشرفنا الراااائع / حمود الشمري . على مشاعرك التي لا أشك في صدقها وكما قلت صاحب محل والحقيقه يشرفني كل شمري وكل رجل بأخلاقك ..

تحياتي يابطل

((بعيدالنظر))

21-07-2005, 17:40

الأخ الفاضل الشاعر الكبير / بعيد نظره

السلام عليكم ورحمة الله وبركاته

لك مني وقفت احترام وتقدير واشكرك على ماأبدعته في مضيف المحاوره بل في مضايف شمر ..

أخي الفاضل :
سوف نقف في الصفوف وقفه محايده حسب ماطلبته واتمنى ان تكون المحاوره تحوز على اعجابنا كما تعودنا منك في السابق .

وبـ أنتظار الشاعر المطلوب ...... وان يقوم بماطلبته منه .

تقبل مني وافر التحيه والاخلاص

اخوك / ثامر

أهلاً بك أخي وشاعري / ثامر
كم أنا سعيدُ بك يارجل وكم هو مرورك غالي أيها الراااائع أين ماكنت .
وأنت من يستحق الإحترام والتقدير ايها الخلوق وأنت من يستحق قبله على جبينك الأشم أيها الشهم .
ما أروعه من حضور زاد سروري وأبتهاجي .
ثامر : أنت في القلب بكل تأكيد .
أشكرك وإن كان الشكر قليلُ في حقك .
وننتظر سويةً وصول البطل .
تحياتي

فواز الشبيكان

21-07-2005, 18:32

بعيد النظر كلك نظر اشتقنا للمنازله

متاااااااااااااااااااااااااااااااااااااا ابعين

سلطان الشمري

21-07-2005, 18:59

عبيد الله ييسعد مساك ومساء حمود وثامر..
.
.
.
جيتني بالغدر ..ما أخرتها شوي .. :(

استلم لاهنت..ولاهانوا الشباب

يالعرابي هلا بك ياهلابك والعرين احتمى دونه اسوده= ياهلا بك هلابك مرحبا بك والشعر طاب عندي و امسياته

شاعرٍ جاء معه طيبه وورثه والكرم ورث ابوه ومن جدوده= وياهلابك هلا بك مرحبا بك والشعر طاب عندي ياحلاته

متفاائل

21-07-2005, 20:48

صح لسان الجميع
طيب طيب حنا بالصف وسوف
نبذل قصارى جهدنا لعل وعسى ان ينال اعجابكم

الـمـحـروووم

21-07-2005, 22:29

بعيد النظر

لله درك

حضورك المتميز يجبرنا على متابعتك

الـمـحـروووم

21-07-2005, 22:31

عبيد الله ييسعد مساك ومساء حمود وثامر..
.
.
.
جيتني بالغدر ..ما أخرتها شوي .. :(

استلم لاهنت..ولاهانوا الشباب

ياهلا بك ياعبيد الله ولا يحمي العرين الا اسوده = ياهلا بك والتحايا نردها بالشعر واعذب امسياته

شاعر رد التحيه وان كتب شعره ترى يثبت وجوده = ياهلا بك وانت شاعر والشعر لاجيت يزداد بحلاته

نبرااااااااس

ترن بصف بعيد النظر

أستمروا

وياليت تكون هلى الهواء

((بعيدالنظر))

21-07-2005, 22:31

الله يمسيك بالخير ياسلطان

أنت خيّرتني في الموعد وقلت على راحتك:485r:

إستلم ياسلطان لاهنت ولاهانوا الربع

البقا والمهلي مايولي والزمن حافظٍ بيضه وسوده=وإنتبه لاتقصّر فالخطاوي يرقب الذيب للراعي وشاته
أنت فارس وأنا فارس وكلٍ في يده سيف ماكلّت حدوده=القويه نلقيها القويه والضعيفه لراعيها شماته

((بعيدالنظر))

21-07-2005, 22:34

متفااائل الغالي جداً
الله يحييك ياخلوق ووجودك يشرفنا . وبك نتفاائل
تحياتي لقلبك .

((بعيدالنظر))

21-07-2005, 22:37

المحرووووم .. ياعلنا ماننحرم منك يابطل ..
وجودك في صفي يدعوا للفخر أشكرك على ثقتك .
لكن أنت رددت أبيات نبراااس لايكون تضحك عليّ :d:

المهم الصف واحد وأتشرف بك وبحضورك لاهنت

الـمـحـروووم

21-07-2005, 22:42

المحرووووم .. ياعلنا ماننحرم منك يابطل ..
وجودك في صفي يدعوا للفخر أشكرك على ثقتك .
لكن أنت رددت أبيات نبراااس لايكون تضحك عليّ :d:

المهم الصف واحد وأتشرف بك وبحضورك لاهنت

بالعكس أنا ضحكت على نبراااس

أنا رددت أبيات نبرااااس
عشان يستانس

بعدين يتفأجأ إني بصفك

حمود الشمري

21-07-2005, 23:50

الموضوع لي فيه وجهة نظر

وجهة نظر يابعيد انظر

سلطان الشمري

22-07-2005, 00:24

ياهلا بكم ../ متفاءل والمحروم وحمود ../

وياحمود هات وجهة النظر ..

واستلم ياعبيد

يالعرابي .. هلا بك ياهلابك وانت منا و نورد لك شهوده = وانتبه لا تطيح ولاتسمي والرجل يشتري منا نجاته
وياقلطنا قلطانا مانزحنا والسماء فوقنا ترزم رعوده = ويالحجازي تحيزم لاتوهق كم شجاعٍ خسر منا حياته

((بعيدالنظر))

22-07-2005, 01:52

صاحبي توّ بيّن لي علومه يهرب من الحراره للبروده=لاني بمنكم ولا أنتم بمني شي لو تنثره ما أجمع شتاته
مامعي شك في شيٍ تقوله لكن القبر مابه غير دوده=إحسب حساب ما تكتب وتشطب والموصيّ تفهّم في وصاته

سلطان الشمري

22-07-2005, 02:00

اسمع الهرج والزم كلمتي لك( لكمتي) لك قويه ومحموده = واحتملها والى من هان حيلك رح مثل من تغيّب مع خواته
ياصغيّر تعلم ياصغيّر كم صغيرٍ كسر بايديه عوده = وانت توك صغير وعود لين نكسرك مير رح لابوك هاته

((بعيدالنظر))

22-07-2005, 02:27

لوعطيتك جمل مدري تسوقه مع هل القافله ولا تقوده=لاتعجل تسف آخر طحينك باقي الحب ما دارت رحاته
التهوّر مصيبه والغريبه كيف بين العرب باحت سدوده=وش مع الشمري لاشاف واحد في يده شي يخصه قال هاته

غاده

22-07-2005, 03:31

صباح الخير

:)

خالد الشمري

22-07-2005, 11:08

الله يعطيكم العافيه

شريف روما

22-07-2005, 11:26

يالله صباااااااااااح خير :)
مو كأنه صارت
..
..
انا اشوف اول مادشيت على هالموضوع طلعت لي حروره :)
اثاري صايره ادعثه
..
..
محاااااااااورة طيبة بين (( بعيد النظر ..و..نبراااس ))
..
وفي انتضار الدمويه والحرب الضروس <<< اعجبتن وحطيتها هالكلمة :)

سلطان الشمري

22-07-2005, 14:06

الملاك غيداء..صباح النور....

خالد فراج حيالك الله ../

الزقروطي ياهلا بك.../

سلطان الشمري

22-07-2005, 14:24

الجمل يالعرابي عاقلينه عاقلينه ولا فكّك قيوده =والطحين استوى خبز واكلنا وانت لك يالعرابي من فتاته

يالعرابي تمهل لاتعجل من تعجل ترى ضيع جهوده = والحديث الصحيح اليا بغيته اشربه شرب من منبع رواته

الاصمعي

22-07-2005, 22:40

العرابي ونبراس

نبراس والعرابي

فتل ونقض وابداع ما حصلش

يعطيكم ألف عافية

ولا للحياد يالعرابي ونبراس بطرف المعمعة:)

حيلك به ينبراس ولا تعطيه الا فتات الخبز دامه جانا صايل ولسيفه شايل ويسانده ثامر وابو الاصايل:)

العبد العزيز

23-07-2005, 09:50

سلامي للجميع ومحاوره طيبه
ودعوه طيبه من بعيد النظر للمحاوره

وتصدي اطيب من نبراااس

وانا الصراحه قاعد فى الصفوف الاماميه وتشجيعى لكم جميعا بس

اتحيز واكون بصف نبراس ويالله الي الامام

كل الشكر اخوكم العبد العزيز

العبد العزيز

23-07-2005, 09:54

يالعرابي .. هلا بك ياهلابك وانت منا و نورد لك شهوده
وانتبه لا تطيح ولاتسمي والرجل يشتـري منـا نجاتـه
وياقلطنا قلطانا مانزحنا والسماء فوقنـا تـرزم رعـوده
ويالحجازي تحيزم لاتوهق كم شجاعٍ خسر منـا حياتـه

ابيات جميله

كل الشكر نبرااااااااااااااااااااااااس

__________________

سيدة القـــــلم

23-07-2005, 10:50

الله يعطيكم العافــــيه

وصح لسانكم جميعاً

تحياتي

عشق القصيد

متفاائل

23-07-2005, 12:44

بعيد النظر - نبراس
الله يقويكم
ويةنسكم بالعافيه
متاااااااااااااااااابعين

((بعيدالنظر))

23-07-2005, 15:32

الله يحييكم جميع اللي يبي صف نبراااس كأنه في صفي .
وكلٍ منكم مثل عيني وأنا أدري كلكم في صف نبرااس :)

الجمل ياطويل العمر لامنّه لقى السمر ماياكل بدوده=ليت وإنك تجي شاعر محنك تتبع شعيل وتسوي سواته
أنت لاتعمي عيونك بنفسك مثل من كفه تصفّق خدوده=ماتعديت شي من السوالف يوم نبراااس كل العلم فاته

سلطان الشمري

23-07-2005, 15:37

هلا بالاصمعي

الله لايهينك ابو خالد

وياهلا بالعبدالعزيز :

الله يرضى عليك وشاكر لك

وهلا وغلا بعشق القصيد

تسعدنا متابعتك والله لنا الفخر ,, ياهلا

هلا بابو عمر

ياهلا وغلا..بحضورك وفيك الف هلا

...

سلطان الشمري

23-07-2005, 15:46

عبيد والله ان مكانك القلب , وحنا نتعلم منك حتى اخلاقك

ياالعرابي تحلم لا تكلم كم كليمن لمطنا له ردوده = اسكت احسن تبلم لاتكلم وسجل العلم بالحبر ودواته
لاتقرّط رضم دارك قزازه يصبح الصبح والدار مهدوده=والشجاعه جنايز يالعرابي وبركات الشريف يبست لهاته

((بعيدالنظر))

23-07-2005, 20:31

أبد ياسلطان القلوب شواهد . ولا عليك زود يالغالي وشمّر كلهم مثل ربعي مافيه شك
علم اللي ورد هداج يوم إن الجمل هاج والبكره ولوده=يوم يرمي ورميه ماوصلني مثل من هو رفس ساعة ذكاته
لوّ ماتعتدل مثل العرب مشّيتك بدرب مالك منه عوده=تاجر أهل المضايف يالفقير الشمري راس مالك من زكاته

متفاائل

23-07-2005, 21:25

يسلموووووووووووووو
الشعاااااااااااااااااااااار
متابعين بالصفوف

هايس الشمري

23-07-2005, 23:25

الله الله لا هنتوا

متابعين

الذيب

مشعل بن حويد

24-07-2005, 06:58

لاهنتم

مستمرين

بعيد النظر تراني بصفك

العبد العزيز

24-07-2005, 10:49

مشكوررررررييييييييييين

ويعطيك العافيه بعيد النظر ونبى المزيد من دون توقف وبقلب صافى

بس وينك نبراس يالله ناطرين ومتاببعين

كل الشكر اخوكم العبد العزيز

سلطان الشمري

24-07-2005, 18:53

متفاءل

الذيب

العاتي

العبدالعزيز ..

هلا فيكم جميع تسعدنا المتابعه والتأخير خارج عن الاراده ..

لاهنتوا

سلطان الشمري

24-07-2005, 18:54

استلم عبيد الله ... والعذر.. منك تبخص الظروف

الجمل خله يوفر سلاحه في مراحه لين يقدر على اللي وسط ذوده=بكرته ما تعشر منه لله ترتجي من جملنا لو لقاته
الجمل حرّ لا منّه وطاها لا وطاها بكرتك تقسم انه ماتعوده=لا تشاور بذيله لا تشاور للبليه تبتلى فيه ويقطع حشاته

الأصيل

25-07-2005, 11:16

متابع حرف حرف

وبحياديه تامه

مع أن قلبي معكم ثنينكم

واسمحو لي على التأخير

((بعيدالنظر))

25-07-2005, 16:56

واحليلك بعد ماطال ليلك جيت عطشان والما في ركوده=ماتبعت السناعيس النشاما رحت في طرقة الزيدي وقاته

يوم ربك عطا النمله نباهه حذرت من سليمان وجنوده=وأنت ما أخذت عبره من زمانك كيف يمطر وجوّك في صحاته

((بعيدالنظر))

25-07-2005, 16:57

متفاءل

الذيب

العاتي

العبدالعزيز ..

هلا فيكم جميع تسعدنا المتابعه
لاهنتوا

((بعيدالنظر))

25-07-2005, 17:00

الأصيل .

حضورك فخر وتشريف لنا ولازلنا في البدايه .

إلى هذه اللحظه لم يحسم النقاس ولم يتم الدخول في الموضوع الذي نريده وأعلم أن لدى فارسنا نبراااس ظروف تحول دون تواصله كما نريد نسأل الله له التمام والتوفيق ..
ومتابعتك تسعدنا .

سلطان الشمري

25-07-2005, 17:25

يابعيدالنظر يالله بدينا وابتدينا واشعل النار لاتصبح سموده= هات قافك وقافي شعب ثاير..نوّر الليل ياصاح لسراته
ودس يدك بجيبك يالعرابي واحضر الشعر منها مع جنوده = يافقيّر عرفتك يافقيّر لا ترابي كم غنيٍ من حسابي غناته

سلطان الشمري

25-07-2005, 17:30

الأصيل

ابو عثمان والله على اسمك اصيل..

يسعدنا حضورك وتواجدك / ومافاتك الا الشر..

لكن .. العرابي..يبي له:)

احمد الناصر خطم لنا بهالطاروق :(

الأصيل

25-07-2005, 20:17

الله يحييكم

وانتم الشرف

وأنا أتعلم من مدرستكم بلا شك

بعد إذنكم

أبي أقظب صفي لاياخذوه الذيب

((بعيدالنظر))

26-07-2005, 15:04

أنت ماقمت من نومك ليومك لين حتى الجبل صاحت قروده=أشهد إنك وصلت ولاوصلت وقبل تاصل لقيت إلك إنكفاته

نعرف البيت يانبراااس مايرفعه بين البيوت ألا عموده=جيت ضمن الرعيه والبلد محكوم وأمره يجينا من ولاته

((بعيدالنظر))

26-07-2005, 15:05

الأصيل ..

.

.

.

.

حضورك شرف لنا ياراااائع :)

الأصيل

26-07-2005, 20:18

بهذا

ومتابع

وبحياديه

ومبسووووط

وننتظر نبراااس

سلطان الشمري

26-07-2005, 21:56

لاتولول مثل من مات زوجه راحت تصيح له تلطم خدوده = شقت الثوب وانته شق ثوبك كم سفيه شرى بأيده عناته

والعراقي مقاوم في عراقه ماتزحزح عن عراقه صموده = واليماني يماني يالعرابي.. همّه الكيف مع تخزين لقاته

سلطان الشمري

26-07-2005, 21:58

الأصيل (ابو همزه) :)

حياك وبياك../ نتشرف

ماخبرتك حيادي بك عرق ينبض بأسمي ..:)

((بعيدالنظر))

26-07-2005, 22:25

((بعيدالنظر))

26-07-2005, 22:30

الأصيــــــــــــــــــــــل:452r:

أشوفك تراقب عن كثب:106r:

وكأن الأمر لك بووووه خشر:485r:

الظاااااهر قرب يوم:112r:

الأصيل .. يشرفني حضورك بحياديه:biggrin:

سلطان الشمري

26-07-2005, 23:08

لا خشر ولاغيره

عبودي../ اترك ابو عثمان على جنب ولاهو قصور بووووه:)

الـمـحـروووم

26-07-2005, 23:41

كم مطبٍ تزلّه فيك خله تاكله لين يتعدى حدوده=لايحسك كلام ولا تحسه والوطن ماحماه ألا حماته
والله إني لوردك المهالك وأنت من فوقك حبال إمعقوده=بعد ها لاتعلمني ولا أعلمك نبرااس نعرف منجزاته

الله الله عليك يالعرابي

ترن مازلت بصفك

والمشعل يسلم عليك
ويسلم على الشباب كلهم

((بعيدالنظر))

27-07-2005, 00:09

نبراااس .. أتركك من الحتسي الفاضي وهااات بيتك .
الليل يمكن نخلص من القاف عام 1476 هـ ويمكن نورثه لمن يكمله إذا مامدانا عليه
:confused:

((بعيدالنظر))

27-07-2005, 00:12

المحروووووووم .. والله إن حضورك ينومس ..
فديتك يالغالي إيوالله فديت عمرك . وسلمت وسلم المشعل وقله إني ولهان عليه بالحيل يابعد حيي الله لايحرمني من الغالين ..

ولي الشرف إنك في صفي إيبله لي كبير الشرف:goooood::d:

الـمـحـروووم

27-07-2005, 00:19

متأمل

27-07-2005, 01:12

الله...الله

وش هالزين...ويني عنه من زمان

طاروق طيب...و فطاحله يتبارزون

لكن السموحه يا بعيد النظر...الحياديه ما نقدرها بعض المرات

تدري...علشانك...الله عطاكم الى سنة 1475 بعدها...سأعلن موقفي

تحياتي للنجمين...و أنا كل نصف ساعة في صف واحدٍ منكم

و دمتم...

الأصيل

27-07-2005, 13:46

وبرضوه متااااابع

من اليوم

إلى

1475هـ

صح لسان الشعار

فلان وفلان ( يعني حيادي )

100%

راح تستخدم الأسلحة البيولوجيه

((بعيدالنظر))

27-07-2005, 15:31

المحروووم هلابك يالغالي وهذا الفوز أهديه لك يالمحروم . لأنك مامسكت الحياااد صرت بصفي أنا فداك وربي إني اقدرك .

أما نراااس علومه مااااش طااااش ماطااااش . وللأمانه إذا تأخر نبراااس فللإمانه وللتاريخ نبراااس لديه ظروف وكان طالب مني أتأخر في الإعلان عن موعد المحاوره لكني .. تقدر تقول إستغليت فرصة ظروفه . نتمنى له جميعاً أن يعود وهو بخير وعافيه . لذلك صدعت بالحق حتى لايظن بأخي وصديقي نبراااس ظناً آآخر .
تحياتي للمحروووم ويشرفني وقوفه في صفي ومؤازرته لي .

((بعيدالنظر))

27-07-2005, 15:39

متأمل .. أنت يتهيأ لي إنك مأنت بشمري الظاهر إنك من ربعي لذلك أنت مستثنى من الحياديه:023b:
زيد الصفوووووف وتبي تفرع إفرع والشمامره ماجا كثرهم ماشاء الله إبعد عني الأصيل وحوس مريره هنيا :d:

والله إني فرحت بعودتك يالغالي وشرفتنا والله يحييك .
لك الشكر والتقدير ..

الأصيل وبرضووووه متاااابع إلى أن يحدث الله بعد ذلك أمرا .
تحياتي واصيل يالاصيل . لاهنت

سيدة القـــــلم

27-07-2005, 16:30

الله... الله ..

الله يعافيكم جميعاً

تحياتي

عشق القصيد

سيدة القـــــلم

27-07-2005, 16:33

انا برضةة من الربع الحياديين ..
مانيب مع أحــــــــــد ..

اتابع بس ..

تحياتي

عشق القصيد

حمود الشمري

03-08-2005, 12:16

((بعيدالنظر))

03-08-2005, 15:42

الاخوان العزا السلام عليكم

الفايز الوال في الطاروق نبراس ونا مشرف

وشهادتي تحسب عن عشرين

بعيد انظر هو البادي ومختار القافيه والوزن الي يعجبه

وطاف عليه من نبراس معاني كثيره مافطنلها
فيه حل ثاني نبراس يطلب بعيد انظر في طاروق حتا تكون المبارات شوطين
اخوكم ابو عيد

هلا أخوي حمود الشمري .. شهادتك تحسب عن مليووون وليس عشرون فقط
وشهاده أعتز فيها لأخي نبراااس ويستاهل نبرااس الفوز ولاهي غريبه على شاعر بحجمه وبعيد النظر توه عليمي يتعلم منكم .
باقي ياحمود تبلّغ نبرااس يبدع طاروق جديد كماقلت حتى تكون المياره شوطين ربما يستعيد بعيد النظر من خلالها بعض ماء وجهه . أو على الأقل يتم التعادل .
الله يسامحك ياحمود . حطمت بعيد النظر .
تحياتي لك مشرفنا الرااائع حمود ووفقك الله لكل خير

حمود الشمري

03-08-2005, 18:19

والله نبراس ماعرف عنوانه وماحصلي الشرف ابمعرفته

ونا وجهله دعوه من خلال هاذي الصفحه

طبعن اشكرك على التواضع والخلاق انبيله

سلطان الشمري

03-08-2005, 18:45

حمود ماقصرت يابعدي

لكن الكتاب باين من عنوانه .. :(

بعيد النظر عز الله انه بعيد نظر .. :) وشهاتي فيه مجروحه

الا عز الله انه هو اللي فاز .. ويستاهل

اما الطاروق الثاني ../ يبي يجي ان شاء الله قريب

لكن بهذي عبيدالله مايحتاج ../ صقعن 9 / صفر :)

الحقيقه يكفي اني لعبت هالطاروق الصعب ومع بعيد النظر

مفخره لي حتى لو اني انهزمت ../

شاكر لكم