المساعد الشخصي الرقمي

مشاهدة النسخة كاملة : واحلولات الهندي جار (ن) لي ....


تعاليل
20-07-2005, 10:58
بسم الله الرحمن الرحيم ..



قبل ما أقول لكم القصه ... :)
بقول لكم الأحداث اللي صارت بسبب هالقصه .. هذا البارح نشبت بحلق أمي وأنواع التودد والتلطف ( يايمه الله يخليتس سولفي لي قصه من قصصكم زمان .. ابي انزله بالمنتدى .. الله يخليتس يا ميمتي ) ...

وتسان تعطيني أمي هاك النظره :148r: ..
وقالت : " أنتي وش تقولين .. ووشو المنتدى "
قلت له " أنتي الحين لما تناديني .... وش اقولتس انا .. ما أقول ... هاه يمه انا هنا جالسه على النت "
قالت لي " أيه النت .. أعرفوه <<<< مثقفه أمي فديتهــــــــا
قلت لها " وصلنا خير هذا المنتدى ببطن النت ... " وانا اجلس افهم فيها وش يعني المنتدى
قالت " يووووووووووه عاد .. لا تخوثين راسي وش تبين الحين "
قلت " ابي قصه حلووووه انزلها بالمنتدى "
قالت " الحين بقولتس قصه حلوه من اللي يلهوون بهن الوغدان قبل النوم << تبي تخوفن أمي علشان أخمد ..وباتسر بخير .. ابي اتفطن لتس على قصه تسووووى .. قلت خير إن شاء الله












وبــــدأت بســــــرد الحكايه <<<<< لاحظو ســــرد



صــــــــــلو على النبي ::

" هذا يا طويلين العمر ... من أول على أيام بيوت الشعر .. وكلن يسكن بشنق خويوه .. لو تقول لوغدك أنزح وراك سمعك قصيرك .. <<< قصيرك يعني جارك لغير المتحدثين بلهجتي ..:ezpi_blus

المهم .. فيه رجال ساكن لوه ببيت شعر مع حرمتوه ووغدهم ابو ثلاث أو أربع شهور ... وهاك اليوم قال الرجال لحرمتوه جهزي لي زوادتي أبي أسير على لي عرب كلها يوم وليله وانا راجع ... قالت الحرمه وتخليني انا وهالوغد ماعندنا أحد .. قال لا ماعليتس أوصي جارنا عليتس وأبد ماني مبطي ... جارهم هذا اسموووه ( هــــندي) ...
المهم صرت لوه زوادتوه .. وتوكل على الله ... ويوم جاء العصير .. جاء هندي :) يطل على قصيرتوه .. يمكن تبي لها شين ولا حاجه .. قالت ياعلك سالم مانبي شين ... قال "ياخييه لا تستحين تريني مثل أخوتس ..يابغيتي اي حاجه بس قولي " ياهندي" وانا عندتس " ......


ويوم جاء الليل ... وهي تضفضف بيته وتحط وغده بحظنه ... وتبي تنام ... وشووووين ...:confused:











وهي تسمع قرقعه بشنق البيت ... ونفس آدمي ... تقل مغمـــووت .. والدنيا ليل وخرمس ماتشوف راحه يدك ... والله وهي تقوم وتويق من له فتق بالرواق .. وش تشووووووووووف ... :135r:












وهي تشوف لك هاك الحايف .... <<<< لغير المتحدثين بلهجتي الحايف يعني الحرامي
بس يخرع .. عيوووونوه ناطاتن حمر .... وشواربوه مطافيش ... وملتغف وراء الرواق ..

والله وهي تفكر .. قالت الحين لو ابي ازعج بالصوت .. يذبحن هالبليه ويهج قبل ما يجيني أحد ينقذن .. بس وش اسوي .. والله وهي تستدني وغــــده .. وهي تقرصوه هاك القرصه اللي فرخ الوغيد فرخه يادافع البلاء :106r: <<< فرخ الوغيد يعني بكى الطفل بكائاً شديداً من الألم ...
وهي تســـتقعد وتحطوه بحظنه .. وتسوي روحه كأنه قعدت من بكاء الوغد .. وهي تقوم تناغي الوغيد
(( لا يايمه ليه تبكي ليه .... أشششش أششش )) وهي تحطوه بحظنه وتقوم تغني لوه هالأغنيه بصوت عالي وتدهده بالوغيد يعني تبي تنوموه ... << أنتبهو لكلمات الأغنيه



يا جاري ياهندي ...... تعال وشوف وش عندي
شواربوه مطافيش ..... وعيونوه خرعني ..
يا جاري ياهندي ..... تعال وشوف وش عندي
شواربوه مطافيش ... وعيونوه خرعني ..


وتغني بعلو صوته ... وهو يسمعه جاره (هنــــدي) والله وهو يمعط روحوه ويجيك فزاع .. مير هو معنط بحلق الحايف ... وأنقذ جارتوه .. ..
شفـــــــــــتو شلون ذكاء الحـــــــرمه ... وفطنت الجار .. اللي يوم سمع جارتوه تغني .. فهم وش مقصده .. مو جيران هالوقت .. تروح لعندهم تسألهم حاجه .. يسوون حالهم مهم فاهمين ..






























خيـــــــر وش تبون لاحقيني تحت .... خلصت القصه ... .. ..


بس هاه ... أبيكم تعلموني وش رايكم بالقصه .. علشان أقول لأمي .. هي جازت لكم ولا لا ..


الـــــــــــــراوي : تعاليل
راعي الوقيد
20-07-2005, 17:12
تسلميــــــــــــن يا تعاليــــــــل وتسسسسسسسلم امتــــــس:)

وعساهـ ذخر لتـــــــــس :)

اي بالله خوووووش سالفئ:)

وعلميه بعــــــــــد ان سالفتــه مميزة:)

تحيتــــــي لتـــــــس

والسلااااااااااام ...
..
تعاليل
21-07-2005, 07:18
خيوووووو ... راعي الوقيــــــــــد


مـــــجرد مرورك .... على الموضوع يكفي
كيف عاد لو صار بالدعوى ... تميـــــــــــــز ....


شـــــــــــــــــــــكراً على التشجيع ...

تعاليل
شريف روما
21-07-2005, 07:42
ههههههههههههههههه
كفو والله يالهندي (( يعني هندي )):)
الله يعطيج العافية على هالسويلفة الطيبة
سلمي على امج كثير السلام عسى الله يخليها
وبانتظار جديد الوالده :) ومن هالسوالف الحلوووووه
ارجو تثبيت الموضوع ههههههههه <<< قوية هاااا:):)
..
..
شكرا مرة ثانية على موضوعج المميز:goooood:
خالد الشمري
21-07-2005, 08:11
تسلمين ويعطيت العافيه
المطنوخ
21-07-2005, 10:04
بعيت انام ياتعاليل:)

اللله وشو هالزين

قولي لامتس عسى الله يخليها لتس تريها محتكرة لمضايف شمر

مو باتسر نلقاها بمنتدى مكسيكي تبيع قصصها:)

تسلمين وتسلم الوالده

دمتي بكل ود
الصيرمي
21-07-2005, 11:46
ماشاء الله من اولها مميز:)

واحنا نكررررررررررررف كرف ال.. ما شمينا ريحه التميز هههههههههه

الف مبروك التميز ياتعاليل تستاهلين:)

بصراحه موضوع مميز وغير شكل:)

تحياتي:)
أجا
21-07-2005, 12:45
تعاليل

الله يعطيك العافيه على القصه

اخوك

ذيب أجـــــــــــا
سلمان النبهان
21-07-2005, 12:50
تسلمين تعاليل وتسلم الوالده ماقصرتي
ننتظر السالفة الثانية لاتتاخرين علينا ...
شخاط
21-07-2005, 14:32
سالفه منتااااااااااااازه ياتعاليل :thumb:

أشهد أنه خووووش تعللله وتستاهلين التميز:)

سلمي على أمتس n) وننتظر تعللتن أخرى :)
تعاليل
21-07-2005, 19:45
يــــــــــــــاهلا باللي لفووونا من بعـــــيد http://smilies.sofrayt.com/%5E/_950/curtsey.gif


الزقروطـــــــي:
مرورك هو المميز ..... ههههههه حلوه ثبتو الموضوع
كلها سالفه وغدان قبل النوم .. <<< بس لها معنى ترى http://smilies.sofrayt.com/%5E/8/newwink.gif .. يسلمووو خيوووو


خالد فراج الشمري http://smilies.sofrayt.com/%5E/r/content.gif شكراً خيووو على مرورك الطيب


طنـــــــــخان .. نيم ولا قاعد http://smilies.sofrayt.com/%5E/r/giggles.gif
الله يسلمك ... وسلامك يبي يوصل للوالده .. بالله وش رايك مو قصة أمي احسن من قصص هالعجوز الشمطاء .. أجاثا كريستي .. << تبي تزيد مبيعات أمها بالسووووق ... http://smilies.sofrayt.com/%5E/b/coolgleam.gif


إلا على فكره .. وش هالأدب .. ولا بس إن الدعوه بها أمي .. خايفن منها
<<<<<<< منتي فيدت حشيمه .. << تنـــخش





الصيرمي http://smilies.sofrayt.com/%5E/f/jumping.gif أنت المميز وغير شكل .. وتـــدري ليه ما أعطوك تميز للحين





























لإن كل مواضيعك مميزه .. وخايفين الاداره لا يعطونك تميز على كل موضوع يكثر القيل والقااااااال ... http://smilies.sofrayt.com/%5E/w/thumbs.gif








ذيب آجـــــا http://smilies.sofrayt.com/%5E/_950/mayi.gif
تسلم يالذيب على هالمرور ..



سلمان النبهان
شكراً على مرورك خيووو .... بخصوص السالفه الثانيه
والله يا خيتك ذاله من امي اقول لها سولفي لي سالفه جديده ..
تهبدن بكبر ماعندها http://smilies.sofrayt.com/%5E/e0/iwantattention.gif





خيووو شـــــخاط ... http://smilies.sofrayt.com/%5E/r/bigstar.gif
والله مرورك هو اللي منـــتاز .. وتستاهل الطيب
يسلموووو
الصيرمي
21-07-2005, 19:54
اشكرج بعنف على كلامج الطيب:)
تعاليل
22-07-2005, 09:06
عفوووووووواً خيووو ...
تســتاهل
الـمـحـروووم
23-07-2005, 00:15
تعاليل:goooood::goooood:

قصة مميزه

الله يعطيتس العافيه
قولي لأمتس

كل يوم نبغى سالفة

على الأقل أسبوعي
تعاليل
23-07-2005, 05:10
المحـــــــــروووم .. http://smilies.sofrayt.com/%5E/r/auskosten.gif
مســــأله اسبوعي .. مش بوووووزك ..
الــــدعوى كلها ... على حسب مــــــــزاج الوالده
والله هي مشتهيه تسولف .. أطلعت سوااااالف تجنن


وياصار مهي مشتهيه تسولف ...
أنســـــــى حتى كلام معانا يا أهله ما تسولف << مثل نفسية بنته


شوووووووووووكرن للمرور
راع البل
23-07-2005, 08:28
تعاليل
سيدة القـــــلم
23-07-2005, 11:08
الله يعطيكـ العافيه قصه حلـــوه ..

واللي يرحم ابوكــِ ترجمي لي هالكلمات ..:ezpi_blus

بشنق البيت ..
خرمس..
فتق...
مطافيش...
ملتقف..
تدهده..
ترجميهم لو سمحتـــي :361r:

تحياتي
عشق القصيد
شموخ
23-07-2005, 22:39
سالفه منتازه على قولة شخاط :)

تسلمين ياتعاليل بس ماتلاحظين ان الحرامى دلخ مافهم وش تقول الحرمه :)

تحياتى
شموخ
هايس الشمري
23-07-2005, 22:44
^
^
^
^
اوافقك الراي :)


سالفة مميزة


و الله يعطيك العافية


الذيب
تعاليل
24-07-2005, 19:28
راعي البــــــل
________________ <<<< تقلد طريقة راعي البل http://smilies.sofrayt.com/%5E/r/biggrinclarifils.gif













عشق القصيد .... http://smilies.sofrayt.com/%5E/q/crying.gif أنا توقعت إن فيه بعض الكلمات صعبة الفهم على بعض الاعضاء



http://smilies.sofrayt.com/%5E/4/eek.gif يعني بعض الكلمات مو هالكثر ..... <<< على هاللسان توك طالعه من بيت الشعر




بس من عنـــــــــــــــوني أترجم ... http://smilies.sofrayt.com/%5E/j0/leseratte.gif
بــــــــشنق البيت = بـــــجانب البيت
خـــــرمس = شــــــديد الســــواد << لاحظو العربيه الفصحى
فتــــق = شــــق أممم أحس هذي بعد صعبه أممممم يعني بيت الشعر قديم ومنـــشق خبرتس بــــــدو

مــــطـافيش = يعـــني زي شوارب مدباج أبو شوارب
ملـــتقـــف = يعني متـــخبي
تدهده = يعني أممم وش اقول << توهقت ......... امممم يعني حاطه البيــبي بحظنها وتربت بيدها على صدره علشان ينام هههههههه << والله انا ضحكت على نفسي من هالترجمه السخيفه قال بيـــبي قال


سؤاااااااااااااااااااااااااااااال <<<<<< من جد الكلمات صعبه http://smilies.sofrayt.com/%5E/k/sorry.gif











خيتــــووو شموووخ http://smilies.sofrayt.com/%5E/r/biggrin.gif
أولاً شـــــــــــــــــــكراً على المرور الطيب
ثانياً ... الحرامي خبرتس خايف أنوه ينكشف من سمع صوت الوغيد يبــتسي .. فلما بدأت الحرمه تغني لودها ...أرتاح وظل متخبي .. وشكلوه ما ركز بكلمات الأغنيه لإن لو تلاحظين كل كلمات أغاني البدو اول أو حتى سوالف قبل النوم .. يكون بها نوع من التخويف .. فهو ما توقع ان يكون اسم جارها ( هندي ) <<< واسم هندي كان يستخدمونه البدو أول للتخويف

<<<<<<<<<<<< تحاول ترقع للحـــــــــــــرامي









خيوووو الذيب
والله مـــــــــــــرورك هو المميز
شكـــــــــــــــراً





تعـــــــــــــــاليل
عيوووون باااكيه
25-07-2005, 03:52
يعطيك الف عاافيه اختي تعااليل

وتسلمين ولاااااااهنتي
تعاليل
27-07-2005, 08:11
عيــــــــون باكيــــــــــــــــه

تسلمي خيتووو .... مرورك هو المميز
متعب الخريصي
02-08-2005, 22:46
الله يعطيتس العافيه ياختي تعاليل
عزالله خوش قصه
تعاليل
03-08-2005, 14:33
خيـــــــووو : مـــــــــــتعب الخــــــــريصي

تسلم على المرور الطيب




تعاليل
الـمـحـروووم
03-08-2005, 16:08
تعاليل


خلاااااص

القصة صارت قديمة
بتاريخ 20/7
اليوم 3/8

نبغى قصة جديدة
تعاليل
07-08-2005, 19:49
المحــــــــــرووم ..
أبشـــــــــــــــر خيوو ... أبي أحرث أمــــــــي أغديه تقول لي
قصه من قصصهم زمان .... أو إنها صانـتني بكبر ماعندها ...


أنتــــظرني ...


تعاليل