شيخة المزايين

[نوف الفهد]

بسم الله الرحمن الرحيم

أحلى صباح لأحلى مضايف شمر .. صباح الورد للجميع .. طبعاً إنتم تعرفون إن اللي مافيه خير في

والدينه مافيه خير للناس أبد .. ومثل ماكتبت للوالد .. فهذه للوالدة .. الله يخليلكم كل عزيز وغالي ..

ماراح أطول عليكم إنشاء الله تعجبكم القصيدة ..

شيخة المزايين


هلا يمة هلا يامية هلا وأهلين = لبى خشيمك وقلبك ياأم نوف ولباك

هلا بك عد ماهلت دموع العين = وأعداد مافزت قلوبٍ بلحظة لقاك

وعد ماأفخر بك يايمة سنين وسنين = وعد الدعاوي لجل الله يتمم شفاك

قد سمعتي يايمة بطعنة السكين ؟؟ = السكين يايمة اللي طعنت روح تفداك

يشهد الله علي إني أعشقك عشقين = يعشقك بالي ويعشقك قلبٍ ترهنه يمناك

كيف يلوموني في حب شيخة المزايين = هو حرام إن البشر يعشق ملاك ؟؟

يفداك عمري وتفداك روحي لو تامرين = لعنبو حي العمر لو ماسمى وجاك

عسى الله يحفظك وتبقين سنين وبنين = وعسى الله يقدرني على طاعتك ورضاك

والله غلاك يايمة رجح كفوف الموازين = لو سلا قلبي عن الدنيا ماسلاك

رضا الله ياميمتي من رضا الوالدين = وشلون أبدخل جنة الله لولا رضاك

العفو يمة غلاك أكبر من دواوين = أصلاً مابه معاني توصف ياحياتي غلاك

ياللي سمعتوا أبياتي قولوا معي آمين = عسى الله يطول بعمرك ياملاك

بنتك "نــ بنت الفهد ــوف"

[هايس الشمري]

امين



و صح لسانك


الذيب

[كحيلان]

رائعة وقليلة بحقها

ويكفي انها كتبت في اغلا واعز واسمى كلمة يلفظ بها الانسان بعد الله

(( الجنة تحت اقدام الامهات ))

صح اللسانك و لا هنتي يا بنت فهد

ولي عودة باذن الله لهذي القصيدة

تقبلي فائق احترامي وتقديري لك ِ

اخوك جرح الايام

[أبو ممدوح]

آآآآآآآآآآآآآآآآآآآآآآآآآآآآآآمين

صح لسانك بنت الفهد

روعة في كل ما كتبتي وأروع من كتبتي لها

والله يشافيها ويتم عليها صحتها ويخليها لك

ولك أطيب تحياتي وتقديري

وصح لسانك مليووووووووووووووووون

أبو ممدوح

[سلطان الشمري]

هلا اختي ../ نوف


صباح النور الله يحفظكــ ..


قصيده يكفي انها بالأم .. صح لسانك


وننتظر منكــ الأجمل اختي ../ لاتحرمينا


بارك الله فيك ../ وشفا الله والدتك .. و الله يخليهم لك



اخوكـــ

[احمدالسلطان]

آمين

وصح لسانك اختي نوف

قصيده جميله ويكفي انهاعن الام

دام نبضك

دام حرفك الرائع





تحياتي

[فالح الناهي]

صح لساااانك اختي / نوووف


قصيدة محملة بمعاني الحب الحقيقي

قصيدة ذااااات معنى قوي

وامين الله يشفي مرضانا ومرضى المسلمين

[نوف الفهد]

أخوي الذيب

يا هلا والله ويامرحبا

صح بدنك ولاهنت طال عمرك

أختك

"نــ بنت الفهد ــوف"

[نوف الفهد]

أخوي جرح الأيام

دائماً حضورك مميز

دائماً قمة في الذوق

ولك مني كل الإحترام

ولو كانت قصيدتي رائعة فهي لأنك مشاركتك خلتها روعة

والمكان مكانك طال عمرك

صح بدنك ولاهنت طال عمرك

أختك

"نــ بنت الفهد ــوف"

[نوف الفهد]

أخوي أبو ممدوح

زاد الشرف بوجودك الكريم

شرف لي ياطويل العمر إنها تعجبك القصيدة

والوالدة لو كتبتلها حروف من دمي على جلدي للحين قليل في حقها

الله يخليلك من تحب ويخليك لهم

صح بدنك ولاهنت طال عمرك

أختك

"نــ بنت الفهد ــوف"

[نوف الفهد]

أخوي وأستاذي الكبير والقدير نبراااس

ياهلا والله ويامرحبا فيك في الصفحة المتواضعة

شرفتني طال عمرك وزاد النور نور

دايم حضورك غير دوم مهيوب طال عمرك

شرف لي إنها تعجبك حروفي

صح بدنك ولاهنت طال عمرك

أختك

"نــ بنت الفهد ــوف"

[نوف الفهد]

أخوي أحمد السلطان

ياهلا والله ويامرحبا فيك

أسفرت وأنورت واستهلت وأمطرت بوجودك طال عمرك

زادت الفرحة بوجودك بيننا

صح بدنك ولاهنت طال عمرك

أختك

"نــ بنت الفهد ــوف"

[نوف الفهد]

أخوي الشاعر فالح الناهي

ياهلا ويامرحبا فيك طال عمرك

نورت وأبهرت كل من يدخل ويقرا بوجودك وردودك

قمة في الذوق يالسنافي

صح بدنك ولاهنت طال عمرك

أختك

"نــ بنت الفهد ــوف"

[مشعل بن حويد]

ااااااااااااامين

صح لسانك يأخت نوف

والله يحفظ لك والديك ويخليهم لك

تحيااااااااااااااااتي


العااااااااااااااااااااااتي

[أجا]

ما ألوم القلب يـوم إنـه تعلـق فيـك
لأنك في حياتي ياحياتي أعـز إنسـان

الله لـو تـدري وش كـثـر أغلـيـك
وإنـك بقلبـي ماخـذٍ أعلـى مـكـان

العمر كله وفوقـه عمـر ودي أهديـك
بـس العمـر بيـد ربـي ولــه آوان

ودي أخـذ منـك كـل الـذي مشقيـك
وأعطيك من الفرح كل ماتبـي ألـوان

ودي تفتخر فيني مثل ما أفتخـر فيـك
ودي أسطر لك صعب القوافي والأوزان

بخلي قلبي يحفظك وعيونـي تداريـك
لاغاب النور عن عينـي نـورك يبـان

وإذا هـب الزمـان بجـفـاه أدفـيـك
من ضلعي أشب النـار وتبـات دفيـان

وإن عطشت من ماي العيـون أسقيـك
ماعاش من يروى يبه وإنـت ظميـان

ودي أرفعك فوق البشر فـوق أعليـك
مكانك فوق ياملاك الكون يانور الزمان

دريت إني مرضية ربي دامـي أرضيـك
وبطـول العمـر أدعيلـك كــل آذان

اعذرني يبه ماوفيتك لكن ربي يجازيـك
على الله جزا الوالدين يابن " .. فلان .."





بنتــ نــ بنت الفهد ــوف ــك


"نــ بنت الفهد ــوف"

الاب امـــــس

والام اليــــــوم

الله يطول باعمارهم ويخليك لهم

وصح للسانك

اخوك

ذيب أجـــــــــا

[نوف الفهد]

أخوي العاتي

ياهلا والله ويامرحبا فيك

دوم راعي واجب طال عمرك

ماتقصر وعسى عمرك طويل

وإنت "ياخوي" الله يخليك لعين ترجيك

صح بدنك ولاهنت طال عمرك

أختك

"نــ بنت الفهد ــوف"

[نوف الفهد]

أخوي الغالي القدير ذيب أجـــا

يــامرحــبا عــدة نــجــوم الــجــرة
==== وأعداد مارش المطر وأدلف سهيل
وأعداد من يمشي في بره وبحره
==== وأعداد ماراح الضحى وأقبل الليــل

أرحب طال عمرك

هذه والله الساعة المباركة اللي نورت به صفحتي المتواضعة

عسى الله يحفظك لعين ترجيك

دايم ردودك مميزة

الله يقدرني على رد الجمالة

صح بدنك ولاهنت طال عمرك

أختك

"نــ بنت الفهد ــوف"

[مشــــعل]

شاعرتنا نوف

صح لساااااااااانك
ماشاء الله عليك

قصيده رائعه
ومعناه رائعه
شوقتينا لقرائة المزيد

[أشواق السالم]

آميــــــــــن
صح لسانك ..

والله يخليلك أمك ...

ويطول بعمرها ..

ويرزقها الصحه والعافيه

ننتظر جديدكـ القادم [لوحة8]

[سعود بادي]

نوف الفهد

.
.

صباحك نور

وعطرك سرور

نص مميز في معناه

ويحمل من الحس الراااقي الكثير

حضور للجمال ولاسواه


الف صحك

ودام هطولك الراااقي

.
.
.

[نوف الفهد]

أخوي مشعل

ياهلا والله ويامرحبا فيك

شرف لي طال عمرك وجودك معنا

والروعة في القصيدة وجودك طال عمرك

ردك نيشان فخر أفتخر فيه قدام الكل

دائماً متميز

يعطيك العافية على ذوقك والله يخليك لكل عين ترجيك

ويخلي لك كل عزيز وغالي ولايحرمك من محبيك

صح بدنك ولاهنت طال عمرك

أختك

"نــ بنت الفهد ــوف"

[نوف الفهد]

هلا والله وغلا ومرحبا بعيوني أشواق السالم

نورتي وأبهرتي وعطرتي هالمتسان بنورك وعطورك

هلا بك عد ماهل المطر وأرعد رعد وأعداد ماطاف بالبيت وصلى وسجد

يسعدني إن إحساسي أعجبك

ولو كانت القصيدة حلوة فهو بوجودك معنا

صح بدنك ولاهنتي طال عمرتس

أختك

"نــ بنت الفهد ــوف"

[نوف الفهد]

الشاعر الشيخ مارد الحروف

سعود بادي

ياهلا والله ويامرحبا فيك طال عمرك

صباحك ورد وفل وياسمين

من الفخر لا من كل الفخر والعزة إن قصيدتي تعجبك

وهي لو كانت روعة فبتكون بروعة وجودك العطر

فالرائع يرى كل شي رائع

صح بدنك ولاهنت طال عمرك

تلميذتك

"نــ بنت الفهد ــوف"

[بركات الشمري]

.




اللهم آمين


اللهم آمين



أختي الكريمة / نوف الفهد

أبيات فيها من الأحاسيس الشئ الكثير ..

ترجمة أحاسيس رائعة .. ومفعمة بالحب / الحنان ..

أدام الله عليك ِ هذا الحب وأمد الله بعمر والديك ِ بالصحة والعافية ..


تابعي المسير فنحن ُ نتابعك عن كثب ..


دمتي بنور يانوف


.

[نوف الفهد]

الشاعر القدير والأستاذ والمعلم

الشاعر المبدع بركات الشمري

عسى الله مايحرمك من عزيز وغالي عليك

وعسى الله يخليك لكل عين ترجيك

وعساني ما أذوق حزنك طال عمرك

يسعدني ويشرفني وجودك في صفحتي المتواضعة

والوالدين مهما كتبت فيهم يظل قليل في حقهم طال عمرك

أخوي بركات الشمري ياهلا والله ويامرحبا فيك

صح بدنك ولاهنت طال عمرك

أختك

"نــ بنت الفهد ــوف"

[خلـيف الجهيلي]

نوف الفهد

حياك الله بمضايفنا الغاليه بين اخوانك وخواتك

الله يعطيك العافيه وماقصرتي يانوووووووووف

على الكلام جميل

ننتظر الاجمل

تقبلي
تحياااااااااااتي

اخوووووووك
خليف الجهيلي

[نوف الفهد]

المشرف القدير خليف الجهيلي

نورت الصفحة طال عمرك

بنتكم إنشاء الله بترفع راسكم وإنشاء الله أكون عند حسن الظن

شرف لي وجودك بصفحتي طال عمرك

والله يعافيك ولاهنت طال عمرك

بنتكم

"نــ بنت الفهد ــوف"