رثع بي فيصل اللويش

[ابو فارس]

بينما انا جالس في مكتبي
ومنهمك في عملي -يعني اني رجل الاعمال
اذ دخل عليّ مو اسم علي اقصد يعني سفت يمي
يعني دخل واحد من الربع
والله وانا ارفع نظري -- يعني اني منشغل حيل
والا هو تدرون من هو؟؟؟


الا هو الذيب
لالالا
الذيب الامعط
شاعرنا فيصل اللويش
والله وهو يسلم ويسال وينشد
واخذت علومه واخباره
وهو يتغافلن وشوي ويرثع بقشي ويقومن من مكاني
وياخذ مكاني وبين الاوراق والتلفونات والاقلام
بيني وبينكم خفت انه يكتب فيني قصيدة واروح فيها
قلت ياابو طلال خذ راحتك
المهم انا يوم شفت الحالة كذا
قلت ياولد مالك الا انك تنقل الصورة للمضايف
وخاصة انه سال ونشد عن الكل
ويعتذر عن المشاركة بسبب ظروف خاصة
المهم يوم صورته وقلت له انا ناقل الصور ناقلها
يوم حطيته امام الامر الواقع وياخذ قلمه اكيد تشوفونه بالصورة
ملاحظة - القلم كانه زين فهو قلمي
ويكتب البتين التاليين تحية للجميع

وصل يا ابو فارس قبل لا اتكلم=
كل الغلا لاهل المضايف وشمر
اصحى بهم حبٍ وحب اتحلم=
والحب في خوة هل الطيب ثمر

وهذه الصور مرفقة لكم
http://www.alkhafji.com/12\faisal.jpg

خبر عاجل
حصريا للمضايف
اخبار ابو طلال القادمة
1- شريط كاسيت بعنوان قصيد قريبا في الاسواق
2- لقاء في التلفزيون السعودي على الهواء مباشرة
3- هناك تعاون بين شاعرنا والمخرج حمود الشمري لاخراج بعض قصائده
ودمتم بخير

[شموخ]

اهلين ابو فارس

الله يسلم ابو طلال وصراحه اشتقنا لقصايده ...

بس نفسي اعرف متى موعد اللقاء معه بالتلفزيون ...

تحياتى لك
شموخ

[سلطان الشمري]

هلا ابو فارس../

الله يرجع لنا الذيب./ ويشفي مريضه ..

سالت عن اخوي ابو طلال ../ وكان فيه احتمالية لقاء معه لكن ظروفه منعته .. الله ييسرها يارب ../




ابو فارس انقل سلامي له ../ وتحيتي القلبيه

[الشبث]

ابو فاااااااااارس

بالله عليك امااااااانه

اذا جيت الغالي ابو طلال قله الشبث يموووووووووت فيك هههههه




تسلم يابو فارس ويسلم الغالي ابو طلال


وبالله علمنا متى موعد مقبلته بالتلفزيون



واعلمكم متى مقابلتي بالتلفزيون




وتقلدوا تحيتي

[سليمان الناصري]

العزيز أبو فارس

شكرا لك لأنك طمأنتنا على شاعرنا الرائع فيصل اللويش

[اخو سعدى]

الله يسلمك ويسلمه ..


لاهنت

[معايد القريتين]

أخبره بأن الشوق يعترينا بعد طول غيابه .

أخبره بأننا لا زلنا على عهد المحبة والاخوة .

أخبره بأن ضمأنا لقصيده ولروحه المرحة الطيبه لن يطفيه سوى سماع قصيده ورؤيته وجها لوجه والاستمتاع بمؤانسته لنا وممازحته البريئة للكل .

أخبره بأن المضايف تزدان بوجوده مع هذه الكوكبة اللامعة من الاخوة المبدعين .

أخبره بأن سلامه وصل ورد سلامنا عليه بمثل سلامه وان استطعنا ان يكون سلامنا احسن فلن نبخل ولكنه دائما ما يبادرنا بالسلام الأجمل .

أخبره بأننا نفتقده .

أخبره بأننا نطلب منه قصيدة عتب ومحبه لأخينا المبدع ابي فارس بحرمانه لنا من ابداع قلمه الرائع .

أخبره بأننا نغبطك عليه ونغبطه عليك .

[غاده]

الفاضل ابو فارس


تسلم ويسلم 000 ويرجع حرفه ينير كلمات القصائد من جديد


نفتقد حرف الساحر ( فيصل اللويش )


ونتوق لرجوعه



:



:




تبي الصدق:473r: محتل مكتبك إحتلال بس يمون ويستاهل :406r:


الف الف شكر على هذ ا الخبر الذي بروعه ساعات الفجر 000



دمت بود أخي الكريم



http://3ssom.com/uploader/uploads3/514.gif

[شنقل]

ابوفااااارس
الله يسلمك
ويسلم ابو طلال اشتقنا لقصايده ...

الا مقابلته بالتلفزيون
نبي نسجله بفيديو



شكرااااااااا ابو فااااااارس

[ابو فارس]

هلا اختي شموخ
تسلمين على مرورك
واذا قرب الموعد بحاول انزل اعلان عنه
---------------
هلا بالغالي نبراس
ابشرك ابو طلال بخير
وقريبا يعود لنا هنا باذن الله
تسلم اخوي
-------------
شبيثان
ماني قايل لابو طلال -بكيفي
بس موعد اللقاء باذن الله نخبركم فيه
الا وش رايك ندخل على ابو طلال بالاستديو وقت التصوير
ونرثع به مثل مارثع بي؟؟

تسلم الشبث

[عبدالله الجعيثن]

ابوفارس

الله يسلمك

ويسلم ابو طلال اشتقنا له

وقصائده لازالة بالاذهان

نتمنى عودته وزوال ضروفه

[ابو فارس]

اخوي سليمان الناصري
هلا فيك
وشكرا لمرورك
------------------
اخو سعدى
ويسلمك يالغالي
ياهلا فيك
------------
معايد القريتين
لا اجد تفسير لما ذكرت الا طيبة معدنك
وحسن ظنك باخوانك
لاعدمناك اخا
----------------------
الملاك غيداء
حياك الله وياهلا فيك
وشكرا لمرورك
----------------
الغازي
الف شكر لك ولحضورك

دمتم جميعا بخير