سياحتنا الداخليه ( ياهملالي ) [الأرشيف]

مشاهدة النسخة كاملة : سياحتنا الداخليه ( ياهملالي )

الشبث

11-07-2005, 06:09

سنتن من السنين الاوليه ( تصلح مطلع قصيده )

كنت جالسن انا وشنقل نسولف وحاطين التلفزيون على القناة السعوديه الاولى

( من القراده )

الوكاد جابو برنامج عن السياحه الداخليه ويسوون دعايه

قلت شنقل

ليمار خويي مهو يمي

قلت شنقل ووجع

قال هااااااااااااااااااه وش تبي

قلت ليه ماترد بساااااع

قال بالله انطم انا متابع ( يحسبوه مسلسل والحلقه الاخيره )

قلت بالله عطن وجه يا ابن الملوح انت وهالفره

وهو يحترف يمي قال هاه وش تبي

قلت بالله عليك هم صادزين بهاللي يقولونه

قال والله انا شفت هالبرنامج اكثر من مره وكل يوم يجيبون مدينه

قلت اكيد كل يوم بيجيبون مدينه

هم صحيح خبول واغبيا بس مهو لهالدرجه

قلت طيب وش جابو من هالمدن

قال جابو ابها وجده ومدائن صالح والباحه والطايف والشرقيه وحايل ورفحاء والقصيم

وعرعر وبلجرشي والقنفذه وبلقرن وبلكراع وبلصوابر وبالاذان ( علق شنقل )

قلت اسمع يا بو دماغ هم وش يقولون عن هالمدن

قال يقولون ان جوهن رهيب والاسعار مغريه واحسن من السفر للخارج

قلت اسمع انت من اهل الشرقيه وتعرفه زين

قال ايه قلت شلون جوه بالصيف

قال والله يالشبث ما خلا هيلاهوبي اصفر الا جو الشرقيه ولا اول ماشريتوه ادهم

قلت اما رفحاء وحايل والقصيم وعرعر نعرفهن زين

وجوهن يخرع اللي ماينخرع بالصيف

مار اسمع نبي نسافر انا وياك بجوله داخليه بالسعوديه ونبي نروح لمدائن صالح وعقبه

لجده وبعده ابهاء ونمر مكه نعتمر ونرجع للرياض

قال زين رحله ممتازه

مالكم بالطويله حجزنا بالنقل الجماعي من الرياض لمدائن صالح ( مالقينا حجز بالطايره

كله رحلات خارجيه)

ومشينا من الرياض يوم الجمعه 1/5/1422هـ الساعه 9 صباحا

ووصلنا لمدائن صالح يوم الجمعه 13/6/1422هـ الساعه 12 بالليل

الوكاد دورنا مكان ننام بوه ليمار ماحولك الوالي

قلنا مهي مشكله ننام بالبر ليما يجي الصبح ونروح نشوف الاثار

ويوم طلعت الشمس ليمار حنا بلنا بوفيه نفطر تقل وجيه معزا

وعقب الفطور وحنا ناخذ سيارة اجره نبي نروح للاثار

ويوم بغينا ندخل وهو يصوت لنا هكا الحارس قال ياهنووووووووووه وين

وانا اجيه كاشر ماعندك احلى مني قلت هلا وغلا

قال خير يالحبيب وش عندك

قلت والله رايح للاثار تخبر انا سائح

قال هذي اثار ابوك

قلت بكشرتي المعهوده لا يالحبيب هذي مهي اثار ابوي ولا تجيب طاري ابوي على لسانك

لاخربط واجهيتك

وهو يمد السلاح علي قال وش تقووول

قلت يابن الحلال ما اعنيك انا اقصد خويي شنقل

قال اسمع ممنوووع احد يدخل للاثاااار

قلت طيب متى تسمحون

قال مااافيه يمكن بعد مية سنه

قلت اجل غيب لي اثار اذا كنت حي ابشوفه

وحنا نمشي بحسرتنا قلنا اصلا ما حنا ميتين على هالاثار

اصلا حنا بالصيف ونبي البرااااد

قلت هاه يا شنقل وين تبينا نوجه

قال مايبيله نبي نروووح لابها نبرد ونرجع لجده

قلت تم

وحنا نرتسب النقل الجماعي ولا ناصل الا عقب شهر

ويوم طبينا ابها ليمار هالجو اللي يهول

قلت شنقل عزالله انه خوش ديره هالحين نبي نحجز شقه وعقبه نتمشى

قال يالله

وحنا نفر ليمار مهي على اللي انت تبي مادون ثلاث مية ريال شي

المشكله مهن شي تقل عشة حمام

وعقب ما داخت روسنا رضخنا بالقاع وللامر الواقع واستأجرنا شقه بالنار الكبرى

وماجلسنا به يومين الا وفليساتن متنتفات من كل شي

( وللمعلوميه خذين معنا مترجم ) بعض البشر ماينفهم حتسيوه وخصوصا اذا زعل

فا احتياطا خذينا هالمترجم علشان نفهم السب .

مالكم بالطويله وجهنا لجده

ويوم طبينا جده ليمار مثل اسعار ابها

بس ابها اشوى منه بالجو براد ولا فيه احسن منوه

اما جده اعوذ برب الفلق تقل جالسن بشوايه

ومن زين الطبايع كل شي للعوايل حتى الكورنيش للعوايل الله يمحط بهم

وانا وشنقل محد يبينا وكل ماجينا مكان هربونا منوه

الوكاد تنتفت الفليسات اللي معنا وصرنا على الحديده

ويالله رجعنا للرياض تأشيره

حتى النقل الجماعي صار بوه مننننننننه .

فاللي يبي يروح سياحه

ينتبه من السياحه الد.... الخارجيه

واسف على الاطاله

وتقلدوا تحيتي

عجايب بنت الشايب

11-07-2005, 08:16

7
7
7

ياعيشت الشر

يعنبوكم شهرررر بالنقل

ذكرتني بحجة جدتي

المهم

ساالفتك مضحكه مبكيه

لاعاد تعودها

مناكد

11-07-2005, 08:21

يقولون ان جوهن رهيب والاسعار مغريه واحسن من السفر للخارج

مهبل...ولا يصدقهم الا الخبل؟؟؟

وهذا اللي هم يبون...هالمهبل اللي ينخرع الواحد اذا اطروا له السفر للخارج!!!

مالقينا حجز بالطايره كله رحلات خارجيه

يالمهبل...الناس كله هاجة برا!!!

وإذا تبون الرخص جارودا؟؟؟؟؟؟؟؟؟

وين تبون يم هالشهبان اللي بحياتهم ماشافوا خير؟؟؟

قال والله يالشبث ما خلا هيلاهوبي اصفر الا جو الشرقيه ولا اول ماشريتوه ادهم

قلت اما رفحاء وحايل والقصيم وعرعر نعرفهن زين

وجوهن يخرع اللي ماينخرع بالصيف

صراحه انكم ظلمتوا انفسكم!!! احسن صيف...صيف الشرقيه؟؟؟

على الأقل الواحد ببيته واليا جا الليل طلع تقل جرذي (مايطلع الا بالليل) وللبحر وتغمس لياما يصبح...خص شاطي ارامكو شييييييييي؟؟؟
<<<خراط ممنوع النزول للبحر ليلاً في شاطيء رانكو...

اما رفحاء وحايل والباقي وين الواحد يبي يتهطس لابحر ولا وناسه!!!

اكيد بشعيب الطلح اللي يسمونه الكورنيش بحايل!!!

العشير تسلم على هالموضوع...

.

اخو سعدى

11-07-2005, 08:31

تصدق افافي لهالسالفه ..

هههههههههه

شنقل

11-07-2005, 15:13

سنتن من السنين الاوليه

ايواللله اخبره عده اليووووم

شبيثاااان

عليك وجه الله ان تقوووول تم

قل تم

ياخوك

تفكى

انا طالبك طلبت الرجال للرجال
تسانك تقدر يهالبايه

انك تروح معي لابو عريش

يقولوون ان الجو هنااااك هولتن من الهووول

شبيثااااان

ولم عفشك

نبي نثكب لطنجه

الأصيل

11-07-2005, 16:56

أيا حياة الشقا ...:eek:

وش تبي بمداين صالح ؟؟؟

من زود الثقافه ياحلالي ؟؟!!!!!:biggrin:

يخي ..

إلحق يمنا ..

عندنا كرنيش 24 ساعه:001b:

ولا أحد يقول لك : وين تبي :thumb:

ولكن

ممنوع الهيلهبات :315r:

يعني .. علم شنقولي الغالي

والله إنك تكسر الخاطر يالشبث :biggrin:

المهم

تقلد تحيتي:goooood:

سلطان الشمري

12-07-2005, 00:03

وواااوجع تسبدك يانبراس

وانا وش مجلينن للشام ؟

اخذ لي قصر .. ومعه مزرعه .. وبه من هالفكوهااااات اللي تمشي وتاكل وتغسل من النهر بجنبك

تاخذ كل الصيف بلك .. 5000 .. مع اللوازم والملزومات

طبعا ..

وناااسه .. وروحات وجيات .. وجو على كيفك .. ووجهن حسن

وش لي بأبها .. وخرابيط ابها مابها الا هالقرود يالله لك الحمد

.
.

الشبث تبي تخاويني .. للنيصيه او لقفار نتصيد قمري؟ :(

او تعال بعد اسبوع من الحين نبي نطرش انا وبعض الشباب

للخوال .. ببيروت :) الحق لايروح عليك الحجز :) الكميه محدوده للعوايل فقط ..

هات معك اي احد . . واتفق مع الاصيل تروه الريس

شنقل

12-07-2005, 00:10

عندنا كرنيش 24 ساعه

ولا أحد يقول لك : وين تبي

ولكن

ممنوع الهيلهبات

يعني .. علم شنقولي الغالي

ابو ثوووب

الموووت ياكرميشكم

مره رحت امذرح به طبعا بكامل اناقتي ((الهيلاهووب الاصفر))

يافلااان الله ستر علي بغيت اخطف
من مجموعتن من الجواااري لانهم شبهوووا على
وقالوا اقرب مالك ويليام ولد دينااا

وهي تضيع علومي ياعلى جيت المنقذ اخو طنخه

وهو يزخن ويقرطن باليوكن وهو يدعس
ماوقف الا عند باب بعلبك

على فكره لها الحين وانا لابسن الهيلاهوب الاصفر

وحا ندخل

عاااد ماودي اخش بالعميق واعلمكم وش صاار هناااك

للاستفسار الاتصال على اخو طنخه

الأصيل

12-07-2005, 01:21

أبو هيلاهوب

نسيت أعلمك

ترو بوه كوارنيش ( جمع كرنيش ):thumb:

بوه كوارنيش خطره

يخي .. ينخطف المزيون :d:

عندنا ( الله يجيرك )

متخصصات بالخطف

يخطفن الكحل من العين

لكن عاد .. مدري وشلقن بك !!!!!!!!!:315r:

أنا على زيني محد قال لي وين إنت رايح:puzzled:

ترو قربنا نخش بالعميق

والعميق غريق :eek:

حط رجلك ياولد:goooood:

المطنوخ

12-07-2005, 01:54

يااااااااااااااابوهيلاااااهووووووب

ياخوي رجااااااءاااا اذا بغيت تجي تمذرح عندنا

لا تجي بوجهك الوسيم

ياخوي استاجر وجه المحرووم اللي تقل حافر فرس:):):)

يقولون وجهه والذمه على الراوي ان وجهه اكتشفوا فيه احفورة ديناصور قديم:)

ولقوا به فقعتين ورمث حول اذنه اليمين ههههههههههههههههه
ههههههههههههههههههههههههههههههههه
ههههههههههههههههههههههههههههههه

الشبث

12-07-2005, 04:07

7
7
7

ياعيشت الشر

يعنبوكم شهرررر بالنقل

ذكرتني بحجة جدتي

المهم

ساالفتك مضحكه مبكيه

لاعاد تعودها

بعد طبع

احسن تعالي اصفقيني كف

لا تعالي بالله عطيني ركبه بخشتي

اصغر عيالتس تقولين لي لاعاد تعودها

ام شوشه لاعاد تعودينه

وتقلدي تحيتي

الشبث

12-07-2005, 04:11

العشير تسلم على هالموضوع...

هلا وغلا بعشيري مناااااااااكد

اقول

لاحد يسمعك انت وجو الشرقيه

ياخوي العام جيتكم يوم رجعت للرياض امي ماعرفتن تحسبن داخلن

دوره عسكريه من الرطوووووووووبه

تسلم على المرور يالعشير

وتقلد تحيتي

الشبث

12-07-2005, 04:13

تصدق افافي لهالسالفه ..

هههههههههه

اخو سعدى

تعاااااااال ابيك

وت از ذا ميننق اف افافي

وتقلد تحيتي

الشبث

12-07-2005, 04:16

انا طالبك طلبت الرجال للرجال
تسانك تقدر يهالبايه

مهو تم

ويالله اطلع برا موضوعي

وتقلد تحيتي

الشبث

12-07-2005, 04:19

يخي ..

إلحق يمنا ..

عندنا كرنيش 24 ساعه

ولا أحد يقول لك : وين تبي

ابو ثوب

انت تبي تصلخ واجهيتي بحركم

لعنبو بليسك انا ابي ديرتن اتمشى به بالنهار

وانتم ناسن ما تطلع الا بالليل

تسان تبون شنقل ابرسلوه لكم خخخخخخخ

تسلم يالعشير على هالمرور

وتقلد تحيتي

الشبث

12-07-2005, 04:21

الشبث تبي تخاويني .. للنيصيه او لقفار نتصيد قمري؟

عزالله انوه شورن مبروك

جهز السلاح بس

اهم شين الوناسه

وتسلم على مرورك

بس والله حرقت دمي بسالفة الفله والمزرعه ههههههه

وتقلد تحيتي

الشبث

12-07-2005, 04:25

مره رحت امذرح به طبعا بكامل اناقتي ((الهيلاهووب الاصفر))

يافلااان الله ستر علي بغيت اخطف
من مجموعتن من الجواااري لانهم شبهوووا على
وقالوا اقرب مالك ويليام ولد دينااا

والله انك ماعديت الصحيح يالتسذوب

يا شين انا مارن من عندهن ولا قالن لي شين

من زين واجهيتك انت وهالوجه اللي تقل طفاية دشير

وتقلد تحيتي

الشبث

12-07-2005, 04:28

أنا على زيني محد قال لي وين إنت رايح

تدري ليه يابو ثوب

لانك الله يهداك كاشخن ببدلة السكرتيه حقت دوامك اللي بسوق

شرق ويحسبونك سكيورتي

انتبه على نفسك لا يمسكونك الجوازات بس ههههههه

وتقلد تحيتي

الشبث

12-07-2005, 04:32

يااااااااااااااابوهيلاااااهووووووب

ياخوي رجااااااءاااا اذا بغيت تجي تمذرح عندنا

لا تجي بوجهك الوسيم

ياخوي استاجر وجه المحرووم اللي تقل حافر فرس

يقولون وجهه والذمه على الراوي ان وجهه اكتشفوا فيه احفورة ديناصور قديم

ولقوا به فقعتين ورمث حول اذنه اليمين ههههههههههههههههه
ههههههههههههههههههههههههههههههههه
ههههههههههههههههههههههههههههههه

بالله عليك

لا صحيح

ياخوك قل غيره

اقول تعال ابيك شوي

بعد اذنكم يالربع

انت وخشمك اللي تقل ممصع بوجي مالقيت تستهبل الا عندي

ترن ماني حاطن هالموضوع سبيل

يالله رد زي الناس ولا اقضب الباب

وتقلد تحيتي

عجايب بنت الشايب

12-07-2005, 05:04

[QUOTE=الأصيل]

يخي .. ينخطف المزيون :d:

عندنا ( الله يجيرك )

متخصصات بالخطف

يخطفن الكحل من العين

[B][font=Times New Roman][size=5][align=center]7
7
7

جعلني الطاااعون والفاقوش واللي ماينذتسر ...

ان حاولت او تمنيت بس ان أخطفك

الشبث

12-07-2005, 05:08

جعلني الطاااعون والفاقوش واللي ماينذتسر ...

ان حاولت او تمنيت بس ان أخطفك

لا لا لا تدعين على نفسك

اصلا من تقربين منه تجيك هالامراض وزياده عليه العنقز

وتقلدي تحيتي

الأصيل

12-07-2005, 10:36

[QUOTE=الأصيل]

7
7
7

جعلني الطاااعون والفاقوش واللي ماينذتسر ...

الفاقوش !!!!

[font=Simplified Arabic][size=4][align=center][B]هو اللي يقال عنوه : إنفلونزا الدجاج ؟؟!!:eek:

ان حاولت او تمنيت بس ان أخطفك

ياخاله أنا ماني خايف منتس

إنتي عندي بمقام إدريس ( بواب العماره ):315r:

أنا أحتسي عن البنيوات

ياحليل هالعجيز:d:

عادتن رويحته من البنات ...:biggrin:

طبت الفيضه مابه حتسي:goooood:

الأصيل

12-07-2005, 10:41

لا لا لا تدعين على نفسك

اصلا من تقربين منه تجيك هالامراض وزياده عليه العنقز

وتقلدي تحيتي

شبثان ..:c:

هالحين اللي يسمع حتسيك يقول إنك : أنور وجدي هو وقذلتوه:biggrin:

على كيفك يافريد الأطرش ...:goooood:

لعلمك الخاص ..

أنا من زيني ( الله يخليني لكم ):d:

أكثر مايشبهن من الناس

يونس شلبي أيام شبابوه:315r:

عجايب بنت الشايب

12-07-2005, 18:52

شيء اكيد واكيد طبعا

ان لااعد نفسي من البنيوات

لاني من طائفة

السنيورات !!!

1/0

الـمـحـروووم

12-07-2005, 19:58

الـمـحـروووم

12-07-2005, 20:00

شيء اكيد واكيد طبعا

ان لااعد نفسي من البنيوات

لاني من طائفة

السنيورات !!!

1/0

نعم

وأنا أوافقك الرأي

2/0

الشبث

13-07-2005, 04:49

الاصيل

انا مامدحت نفسي مثل حضرت جناب خال جد عمك

مهو انت اللي بس تتسكع بهالكرنيش وتدور الخطف مار ماش

وبعدين انا سمعت انك تشبه ليحيى الفخراااااااني خخخخخخخ

وتقلد تحيتي

الشبث

13-07-2005, 04:51

لاني من طائفة

السنيورات !!!

اول احسبتس من طائفة الزواحف

وتقلدي تحيتي

الشبث

13-07-2005, 04:53

حبيبي المحروووم

هذا المطنوخ طايرن بالعجه هو ومناخروه

بس انت لا تعطيه وجه

اسفهوه

مستانسن بهالصوره اللي تقل وجه رحولن مضيعن اموه

وتقلد تحيتي

الأصيل

13-07-2005, 17:48

إسمع يابو تقلدو تحيتي

هاللي يسمع .. يحسب تحيتك ميدالية أولمبياد سيئول:goooood:

شبثان ..

أشوفك قمت تحرث النار ..

عسى ما أحد محرشك علي ...:c:

أنا يحيى الفخراني

يا

محمود المليجي:d:

القطوه الحولا

14-07-2005, 18:24

سنتن من السنين الاوليه تقص قصه :)

قال اسمع ممنوووع احد يدخل للاثاااار قال مااافيه يمكن بعد مية سنه
علباله حدائق ميرابيل خايف على الورود خخخخخخخ

ومن زين الطبايع كل شي للعوايل حتى الكورنيش للعوايل الله يمحط بهم
وانا وشنقل محد يبينا وكل ماجينا مكان هربونا منوه ممممممممدام عوايل لللللليش ترووحون ؟؟؟ http://www.asmilies.com/smiliespic/evil/014.gif

أ أأيش سـسـسـسويتو حتى يلاحقونكم ويقولون يلااااااااا

ينتبه من السياحه الد.... الخارجيه

اي سياحه صحرا وغبار وشمس تشووووووووووووووووووووويhttp://www.asmilies.com/smiliespic/3dsmilies/36_1_47[1].gif

تبي شيبسhttp://www.asmilies.com/smiliespic/3dsmilies/36_11_15[1].gif

وتقلدوا تحيتي

تقلدناها لا واله وشاح التخرج حتى نتقلدها http://www.asmilies.com/smiliespic/award-icons/scr_y.gif

تعيش السياحه الداخليه

سرحــان

14-07-2005, 21:03

هــــــــــلا والله بالشبث

متقولي بالعلا وشلون

سلم الهلهوبي من القناصه:7_5_132:

اخبار العمره يافلان ماعطيتنا يقود العنوان

وليه ماتعلم عن البنقالي الي لقا ء شنقل

يومهو يغدي :)

شف كمل السالفه.بالذات بتاعت السوبيا

ههههههههههههههههههه

هههههههههههههه

خويك ترا علم بكل شي

بطراف جلاجل

هههههه

تسلم والله يالغالي على الموضوع الطيب والمفيد

وكثر الله من امثالك تقبل تحياتي

سرحـــــــــــــــــــان

الشبث

16-07-2005, 03:43

محمود المليجي

انا كأني محمود المليجي

يا محمود الجندي

ولا تتعرض تحيتي لا اوريك الشغل

مهو تشوف نفسك شاعر وتحسبنا ما نقدر لك

والله لعلم ابو سلطان

وتقلد تحيتي

الشبث

16-07-2005, 03:47

تقلدناها لا واله وشاح التخرج حتى نتقلدها

اي تخرج الله ياخذ خشمك

بس مالي الا ادعي لك

الله يجعلك من خريجين كلية الملك فهد الامنيه

تعيش السياحه الداخليه

وتقلدوا تحيتي

الشبث

16-07-2005, 03:50

هــــــــــلا والله بالشبث

متقولي بالعلا وشلون

سلم الهلهوبي من القناصه

اخبار العمره يافلان ماعطيتنا يقود العنوان

وليه ماتعلم عن البنقالي الي لقا ء شنقل

يومهو يغدي

شف كمل السالفه.بالذات بتاعت السوبيا

ههههههههههههههههههه

هههههههههههههه

خويك ترا علم بكل شي

بطراف جلاجل

هههههه

تسلم والله يالغالي على الموضوع الطيب والمفيد

وكثر الله من امثالك تقبل تحياتي

سرحـــــــــــــــــــان

هلا بالعشير

ازهل ابو هيلاهوب

هذا كل السوالف ابجيبهن

ههههههه

تسلم يالغالي على المرور

وتقلد تحيتي

المخاوي

17-07-2005, 17:43

هههههههه

مالقيتوا الا مداين صالح تمشون به تسان رايحين لمداين فالح اصرف :)

والا اقوول لك بوه متسانن للتصييف مامثلوه مرونن انت ويليام :) ونتخاوا يموه :thumb:

يابعد حي خذ العلم تسان معك فايض فليسات طق لك مكيف سبلت ينت طنين وتبرد بديوانيتك وخل عنك المذرحه :p: وليابغيت تمذرح وتدور البراد الطبيعي خل جوازك بيدك :7ayyoh:

تحيااااااااتي

الأصيل

17-07-2005, 19:43

يابعد حي خذ العلم تسان معك فايض فليسات طق لك مكيف سبلت ينت طنين وتبرد بديوانيتك وخل عنك المذرحه :p:

يالربع

هالمشرف كلاموه من ذهب :315r:

لو عندنا أربع مشرفين مثلوه

تسان صرنا بجامعة الدول العربية:goooood:

شنقل

18-07-2005, 02:02

اول احسبتس من طائفة الزواحف

وتقلدي تحيتي
هههههههههههههه
ههههههههههههه
ااااااااه يابطني هههههههههه
هههههههههههههه

شنقل

18-07-2005, 02:07

والا اقوول لك بوه متسانن للتصييف مامثلوه مرونن انت ويليام ونتخاوا يموه

عشيري مخ مخ

وين هو هالمتسان نبي نروح نمذرح

بس ترى مالك كرت لاتخاويت مع
الوسيم هاااري والاطخم ويليام:):)

الحنشل

18-07-2005, 02:19

قلت اما رفحاء وحايل والقصيم وعرعر نعرفهن زين

وجوهن يخرع اللي ماينخرع بالصيف

يالربع القرد بعين امه غزال

ياخوي انت براسك تخرع الجن وشلون معك شنقل

اسمع ياشبيثان علم ياصلك ويتعداك

ان شفتك توطوط برفحاء نوبة ثانيه

و الله لخلي اكبر قطعك اذانك

وتر الزو والم وتوي سانه مار .....ايه

اخو سعدى

21-10-2005, 23:12

^

^

^

الدغيشم الشمري

22-10-2005, 00:38

بما ان ردي متأخرررررر مررررررررررة...

فابد الاجازة الجايه تعالوا معي يالشبث,

قل تم...

تحياتي,