يا مـاحــلا القيلات بأكنـاف حـايـل

[بـنـت النـور]

يا ماحلا القيلات بأكنـاف حايـل
بظلال طلـح والمكيـف طبيعـي

بأكناف حايل والجبـال الهوايـل
اللي كما الجوهر حصى كل ريعي

لا صرت بين اللغف وام المسايل
جليسـك السبهـان والا القويعـي

بديـار شمّـر كاسبيـن النفايـل
اللي لهم عصم الشوارب تطيعـي

بأجاء وسلمي مكرميـن السبايـل
امجادهم من قبـل دور المنيعـي

اللي حموها بالسيـوف الصقايـل
غلبا هل الطولات واهل الصنيعي

اهل الجبل وافيـن ياكـل كايـل
ولولا الثنى كان القدايـم تضيعـي

ما فيه شك ولا تبي قـول قايـل
وحشي معشي الذيب فعله يضيعي

وراعي جفيفا من خيـار الدلايـل
وغضبان والمجفي وولد القفيعـي

وياما ويامـا لـو نعـد الفضايـل
مايحصى الكاتب لهـا والمذيعـي

وادخل علي الله مانسـب القبايـل
مار إن شمر لي ربوع ووذريعي

مناثر البـن الحمـر كـا النثايـل
عند البيوت اللي قراهم سريعـي

اهل المنـاوخ بالسنيـن السحايـل
ترفع لهم بيضً بصـوتً رفيعـي

وصلاة ربي عد مـا قـال قايـل
علي النبـي الهاشمـي الشفيعـي







الشاعر / عبدالمحسن الهذيلي التميمي

[راعي الوقيد]

بظلال طلـح والمكيـف طبيعـي

بأكناف حايل والجبـال الهوايـل

اللي كما الجوهر حصى كل ريعي

آخ دقيتي على الوتـــــــر الحساس:)

جبتــــي هالقصيــــــدة في الوقت اللي استعد فيه لتــرك هذهـ الجبال:)

قصيــــــــدة راااائعـــــــــــة لاهنتـــــــــي ،،،

والسلااااااااام ...
..

[أجا]

بنت النور

الله يعطيك العافيه على الرائعه

وتسلم الانامل

وصح الله للسان الشاعر

تحياتي

ذيب أجــــــــا

[خالد الشمري]

صح لسان الشاعر ويعطيت العافيه

[السرعوفي]

حايل حايل حايل حايل ثم حايل ثم حايل
دار عكفان الشوارب بين حضره والبوادي
دار دار اهل الحمية دار ماضين الفعايل
سعد من هو في حماهم عند صولات الطرادي
دار مروين السلايل لااعتلوا فوق الاصايل
كم عدو من وحمهم حرّم لذات الرقادي
دار عز ودار مجد ودار وافين الخصايل
منبع اسباع ضواري ماكر طيور الهدادي
منبت قروم زحول كارهم كسب النفايل
يوم ولد اللاش خضب لحيته فعل السوادي
هم مدابيس المخاطر هم عناتيت القبايل
دون نقص في القبايل في نحى كل البلادي
كل حي دون حقه لا حتدم صايل وعايل
ما يخلي حقه الا كلف وهدان ربـــــــادي
الخبر شفته بعيني ما سمعته قول قايل
الكرم والجود ميزانه بحايل بازديادي
دار من داسو حياض الموت وارجال الحمايل
دار شجعان تبع الروح في وجه الأعادي
يوم روغات العقول ويوم حومات الهوايل
يوم دورات الليالي يوم قدّاح الزنادي
ساع لا عانق لهيب الزند في خشم الفتايل
لا اشتبك حابل ونابل حزة المت الوكادي
لا بدا صوت الموازر مثل رجاس المخايل
في نهار من مصابه شاب ورع بالمهادي
ارتكو للحمل مثل طويق وازمول الثقايل
واعتلو من فوق قب الخيل واكوار الشدادي
واعذاب اللي يناحيهم ليا صارت صمايل
اشهد انه شال حتفه في رداه وجاك عادي
فاقبلو عذب التحايا يالشغاميم الاوايل
بريح ورد وعطر مسك الفل عنبر ريح كادي
راعي الزلفي بعثها وافيه حد الكمايل
لدار حايل واهل حايل عد ودان الغوادي
حدني شوق الصبابه لأهل حايل جيت حايل
وشاقني حب الأمير الفذ زيزوم الاسادي
العقيد بن الغضنفر باتع وافي الشمايل
حاتمي الكف ريف اللي من الضيم متحادي
ساد في راس المعالي وهو ينبوع الفضايل
ما حد وافى مقامه نافل بين العبادي
سامي الهمة سديد الراي وهاب الجزايل
شيخنا اللي ساع شوفه عاض عن شربي وزادي
فاسعدي يادار حايل بالأبي راع الجمايل
مقرن السيف الصقيل الفينق الشهم الجوادي
فعل هتان المزون وعل رعاف الرفايل
فوق جوك ينثر حقوقه ويخضر كل وادي
يا بلاد هي منى روحي ولا عنها بدايل
هي مرامي هي غرامي هي هوى غاية مرادي
حب حايل واهل حايل صادق مابه دغايل
واضح كالشمس راسي كالشماريخ العوادي
لولا مكة كان اوجه في صلاتي صوب حايل
واسعى بين اجا وسلمى سبعة اشواط اعدادي
قلتها ياهل المعاني بالنوادر والمثايل
دون منّه رغم خشم الحاقد الضد المعادي
سقتناها من ضميري بالشهود وبالدلايل
ومايلام المرء لا منه بذل كل اجتهادي

[بـنـت النـور]

سلمت لمرورك راعي الوقيد

[بـنـت النـور]

الله يعافيك ذيب أجــــــــا

[بـنـت النـور]

الله يعافيك خالد فراج الشمري

[بـنـت النـور]

السرعوفي الله يعافيك سلمت لمرورك

[بنت الشمال]

غاليتي بنت النور
إختيار أكثر من رائع
يعطيكِ العافيه ياذوق وسلمتي لنقلكِ الجميل

اطيب المنى

غيث السحايب

[بـنـت النـور]

غيث السحايب سلمتِ لحضورك

[بركات الشمري]

.



أختي الرائعة بنت النور

أتحفتي الشعر بهذه الفاتنه


يسلم الذوق وراعية


لاخلا ولاعدم يارب





دمتي بعطاء كما أنتي



.

[نوف الفهد]

أخيتي بنت النور

الله عليتس ياعيون أخيتس

والله ماتقصرين على هالنقل قصيدة مميزة

صح لسان الشاعر عبدالمحسن الهذيلي التميمي

ولاهانت يمينتس ولاهنتي طال عمرتس

أختس

"نــ بنت الفهد ــوف"

[بـنـت النـور]

بركات الشمري

سلمت لمرورك وعطر حضورك

دمت بنور

[بـنـت النـور]

نوف الفهــد

الله يعافيك ويسلمك

سلمتي لحضورك

[سيدة القـــــلم]

صــح لسان الشاعـــر عبدالمحسن,,,
والله يعطيكـ العافيــه على النقلــ الجميلــ
:
:
:
تحياتي
سيدة القلم

[قيصر العرب]

صح لسان الشاعر

ومشكوره اختي على النقل


قيصر العرب

[بـنـت النـور]

سيده القـــــلم

الله يعافيك ويسلمك

سلمتي لحضورك

[بـنـت النـور]

قيصر العرب

سلمت لمرورك

[مرزوق الشمري]

ياماحلا القيلات باكناف حايل بظلال طلح والمكيف طبيعي


بنت النور شكرا لكي وصح لسان الشاعر

[بـنـت النـور]

شكراً لك اخي مرزوق الشمري