المساعد الشخصي الرقمي

مشاهدة النسخة كاملة : إن كان ((أبو غازي)) معه حيله يجي ـ!!!!


((بعيدالنظر))
02-07-2005, 19:24
أبو غااازي الله يمسيك بالخير .
ترا إسمك أقحمته في العنوان على شان يجذب السباع.
مع إن أبو غااازي ونعم ستين وكفو أقراله بويتات في الشريط راقيه .
مدري له ولا شاريهن:d:

المهم الثلاثه الظاهر كلهم حاضرين .. وكلهم ونعم .


حيّ الله المشعل ومتأمل وثامر والجميع=وإن كان أبوغازي معه حيله يجي من يمها
باقي ثلاثه مانبي من بينهم غير الشجيع=وإن كانهم شجعان غيّاب العرب ما ذمها
المشعل
02-07-2005, 19:45
الله الله


ابك البقاء ياصاحب الابيات والسد المنيع=هاذي لكم وانتو لها يابن العرابي سمها

اقولها عن ربعنا شمر هل الشان الرفيع=وانا ليا مني توليت الامور اتمها
((بعيدالنظر))
02-07-2005, 19:58
والنعم بك وبشمّر ..

وإستلم .

ونعم بكم يا أصحابنا اللي تعترف بأمر الصنيع=الحق مايصعب عليها والخفاف تدمها
الله يعلم وش يجيب الدهر من ديس الضريع=ولا الليالي بطنها مليان يكفي همها
سرحــان
02-07-2005, 20:01
((بعيدالنظر))......................المشعل



معكم بالصف


:480r: :480r: :480r:
المهرة
02-07-2005, 20:05
http://bestanimations.com/Careers/Entertainment/Entertainment-02.gif

ماشاء الله 00 اخونا مشعل الشعر هنا
اكيد نحن على موعدمع الجزالة والابداع

وماشاء الله اخونا 00 بعيدالنظر
مبدع وجزل 00
بالصف اتابع
دمتم بخير
اختكم 00 المهرة
سلطان الشمري
02-07-2005, 20:10
عاشوا

والله اني داخل براسي شر عليك وفزعة لأبو غازي


ولكن المشعل يسد :)
المشعل
02-07-2005, 20:11
ماعليك زود


الي سعى في مهلكه يلقا له الموت الشنيع= واهل الحا ماتسقي الظالم سوى من دمها

هاذي عصات الي عصا واشوف عبدالله مطيع=مايدري ان الحيه الرقطا تموت بسمها
المشعل
02-07-2005, 20:15
يامرحبا بالاخ سرحان

ووجودك شرف لي
المشعل
02-07-2005, 20:17
والله يحييش ويامرحبا بالاخت الغاليه المهره


ومرورش شرف لي
سرحــان
02-07-2005, 20:17
ونعم بكم يا أصحابنا اللي تعترف بأمر الصنيع
الحق مايصعـب عليهـا والخفـاف تدمهـا


الله يعلم وش يجيب الدهر من ديس الضريع
ولا الليالـي بطنهـا مليـان يكفـي همهـا






((بعيدالنظر))......................المشعل



عــــــــــاشووووووووووو الشعاررررررررررررررر


معكم بالصف و نبراس على يميني
المشعل
02-07-2005, 20:19
والمهلي مايولي يالله ان تحييه حيالله نبراااس

وكلنا فزعه لبو غازي
((بعيدالنظر))
02-07-2005, 20:35
اللي سعى في مملكه وإحتلها من كل ريع=بعض الديْر ماتروي الظامي منابع جمها

ياصاحبي لاتسحب الخطوه على الخط السريع=خف القدم فالسير وأخذ السالفه من عمها
((بعيدالنظر))
02-07-2005, 20:45
سرحان .. الله لايهينك يابطل .
مشجّع من الطراز الأول ولك لمسه جميله في تعليقاتك على المحاوره أكثر من التعليق نفسه .

على شان كذا لانجاح بدونك .



المهره // بصراحه أشكرك لأنك كسرتي القاعده عند الكثير بحضورك الرااائع الجميل في متابعة اللقاءات والتي تتميّز أحياناً بالخشونه بين الشعراء
شكراً لك ألف شكر على هذه المتابعه .



نبراااس : ياحبي لك .. ومع كل هذا الحب الله يكفينا من شرك
تعوّذ من بليس . يارجل . لاتجلس تطامر في وجهي . وإنت تعرف الأسد إذا جُرح وش ردة فعله:(
المشعل
02-07-2005, 20:50
طيب طيب


حنا بدو ياصاحبي نشمل لكم ولا نجيع=وليا سكنا في بلاد القوم نجمع لمها

ماني سوات الجاهل الي لاشراء بكره يبيع= الي ليا جات البضايع بالخساير خمها
المشعل
02-07-2005, 20:53
يابعيد النظر فيه واحد موصيني السلام عليك

يسلم عليك حمد الدحابيب
بـنـت النـور
02-07-2005, 20:54
بالصف متابعه

دمتم بحفظ الله جميعااااااا
سلطان الشمري
02-07-2005, 20:57
عبيد./ ايه اترك الحكي وشف المشعل


ووجهك على ثامر
((بعيدالنظر))
02-07-2005, 21:06
حنا بدو وأنتم بدو وأحدٍ عصا وأحدٍ يطيع=ما أحتاج تعرفاتكم كل الثقال نصمها

اللي يبيع ويشتري ماهي جهاله لا تضيع=السوق أبو مرزوق والتجار ويش يهمها
((بعيدالنظر))
02-07-2005, 21:09
المشعل / ونعم مليووووووووووووووووون بالشاعر / حمد الدحابيب
والله يسلمك ويسلمه .

بلغه مني السلام ياطير السلام .. لاهنت يالمشعل ..
((بعيدالنظر))
02-07-2005, 21:11
بنت النور / مشكوره على هالمتابعه الله يعطيك العافيه .
ألا بقلك .. محاورة الدكتور / حمدالعصيمي اللي أبلشنا فيها (نزف) وين ذلفتوا بها؟؟؟

ماهي في المنقول !!!!
المشعل
02-07-2005, 21:13
ياكم ذيبٍ لاعوى يصبح كما الحمّل الوديع=واهل الحسد واهل النكد متحسره في غمها

قالو لي الشعار لاتلعب مع الورعّ الفصيع=وابلشت نفسي في كثير الناس يوم اضمها
((بعيدالنظر))
02-07-2005, 21:14
نبراااس ..

بسم الله إنت وش تبي تتابعنا ؟؟
أنا والمشعل الحين أصحاب . وثامر بعد من خيرة أصحابي . ودك تفتن ولا وش جايب معك ؟ :242r:
((بعيدالنظر))
02-07-2005, 21:24
الذيب مايصبح حمل هذا الخطا جداً فضيع=ماكل الأمثال الغريبه يالفصيح تزمها

يالشمري بعض العلوم تضيع فالصدر الوسيع=والنار شبت من عصر تو الغشيم يشمها
ابو غازي
02-07-2005, 21:27
:2:

عزالله تمون / يابعيد النظر

ابد خذ راحتك

تســــــــــلم / اخونا المشعل

عاشووووووو الشعار http://bestanimations.com/Careers/Entertainment/Entertainment-02.gif

للجميع كل الود http://www.meu.cantinho.nom.br/gifs/amrosaorvalho.gif
:54:
المشعل
02-07-2005, 21:33
الله الله


النار شبت من عصر في راسك الليله تشيع= يالي حسبت الناس لقمه سامحه في فمها

ويازين شكلك يالعرابي فالعرابيه مذيع= تاخذ خبر تعطي خبر ومترجم لك صمها
المشعل
02-07-2005, 21:34
يامرحبا مليون ولايكفون بالاخ العزيز ابو غازي

ووجودك شرف لي
((بعيدالنظر))
02-07-2005, 21:47
يالمشعل إحفظ زبدك اللي في صميلك لايميع=نويت ألبسك العباه وجيتني مع كمها

مازال هذا اللي معك فالصيف ولا فالربيع=تعال أوصلك الإذاعه وإنت ابوها وأمها
المشعل
02-07-2005, 21:56
طيب طيب


يالي مشيت الدرب الأعوج لاتلف ولاتضيع=وش حضرتك حتى تصلي بالعرب وتأمها

واقولها مني سلام ولا طريحٍ من صريع=وليا زرعنا لك بصل ياصاحبي لترمها
((بعيدالنظر))
02-07-2005, 22:05
المشعل // بيض الله وجهك وصح لسانك .. بدأ القاف يشيب وبدأت بعض القوافي تتكرر وهذا محسوب علينا . لذلك إسمحلي نكتفي بهذا القدر منها .

وشكراً أبو غازي على حضورك وكلماتك العسل التي تعكس صفاء روحك الله يعطيك العافيه .
كما أشكر كل من مر وشاااااكس ولطّف أجواء هذا اللقاء .. ونراكم على خير في لقاءات أخرى بإذن الله ..


المشعل // أنت في القلب يابطل ولا تنسى بلغ السلام للدحابيب حمد ولك التحيه
ابو غازي
02-07-2005, 22:13
تســــــــــلمون الجميع

الجميع اخوان وكلنا نمون على بعض والقصد للترفية عن النفس
وحب لهذه المقالطة

للجميع كل الشكر والتقدير
حمود الشمري
02-07-2005, 23:29
المشعل حياك الله

نورة وسلملي على ابو جابر
الاصمعي
03-07-2005, 00:19
اللي سعى في مملكه وإحتلها من كل ريع=بعض الديْر ماتروي الظامي منابع جمها




طيب طيب


حنا بدو ياصاحبي نشمل لكم ولا نجيع=وليا سكنا في بلاد القوم نجمع لمها


احتلال وتحرير وكلام كبيييييييييييييير

وبعد في صف المشعل

تلولسوبه النشاما الزول هذا أبداً مش ساهل:)

لا هنتوا مبدعين جداً

تحياتي
الأصيل
03-07-2005, 00:27
روووووووووووووووووووووووووعه







الكبار كبار ...





صح لسااااانكم ...











هذا اللعب ولا ... بلالالاش:thumb:
متفاائل
03-07-2005, 03:49
:001b:

:480r:
http://bestanimations.com/Careers/Entertainment/Entertainment-02.gif http://bestanimations.com/Careers/Entertainment/Entertainment-02.gif http://bestanimations.com/Careers/Entertainment/Entertainment-02.gif
المهرة
03-07-2005, 04:13
ابداع ماشاء الله عليكم
وماقصرتووا
وان شاء الله القادم اجمل

كانت رحله مع التميز والحضور الابداعي
صح الله لسانك 00 اخي الفاضل المشعل
صح الله لسانك 00 اخوي بعيد النظر

دمتم بخير
اختكم 00 المهرة
المشعل
03-07-2005, 17:04
بعيد النظر/ الله لايهينك على هذا الطاروق الممتاز والروح العاليه
والصدر الرحب واتمنى انك ماتصور شخصيتي من خلال محاوراتي معك لاني في المحاوره غير عني خارج المحاوره ومثلك عارف المحاوره لها جو غير وتضع الشخص على المحك وكلنا على ماقال الاخ العزيز ابو غازي ربع وخوان والمقصد الترفيه عن النفس................


واشكر جميع من اسعدنا وشرفنا بوجوده ويشهد الله لولا وجودهم ماتمت المحاوره والدار بلا ناس ماتنداس ماعليش ضيعت المثل

ابو عيد/ يبلغ باوصل سلامك لبو جابر واروع له تراه جايكم ذي اليومين
العبد العزيز
13-07-2005, 09:58
سلامي لكم واسف جدا تون شفت المحاوره بينكم بس انا قاعد بالصف الامامي اتابع

وانا مع صف اخوي المشعل ولا تزعل بعيد النظر

ودي بمحاوره يبدي فيها نبراس او اي شاعر مع اخوي نبراس

مهو كره ولاكن معزه وله غلا وراح اصف معاه واشجع

اشكركم

كل الشكر
سيدة القـــــلم
13-07-2005, 10:19
الله يعطيكـــم العافــــيه ..
بعــيد النظــــر ....:thumb:

ماقــــصرت ...
وترااني بصفكــ

ولايهون الأخ مشعــل

تحياتي
عشق القصيد