المساعد الشخصي الرقمي

مشاهدة النسخة كاملة : (( العبره لغيري))


الوسي
07-02-2002, 23:22
أنـا مـاصـدقت أنـك تبعدين
...........................................لين شفتك في عيوني ترحلي

ليه اجل قلتي انا اول من تبين
...........................................وانت اغلى من حياتي ومن هلي

وانت اذا النسيان نعمه للحزين
...........................................أنسى هالنعمه وذكرك يسهلي

وابتسم قلبي لهاالحب الدفين
...........................................كيف في حبـي عرفتـه مبتـلي
n
وانتشيت بفرحتي حب وحنين
...........................................وابتـدا سيــل المشـاعر يعتـلـي

أحتوي أرض عليها تجلسين
...........................................واطلـع النجـمه بـليـلك وانـزلـي

لين شفتك عن غرامي تعرضين
............................................وتبعـدي اكثـر ليامـن بـنـتـلـي

آه يالحظه علم فيها السجين
.............................................أنــه لــقبـره يـقـاد ويقــتلـي

مثلها حسيت في يوم الاثنين
............................................يوم حكمك يستبيح الموت لي

كل هذا في حياتي مستكين
.............................................لكن العبره لغيري ماهي لي
ابوحلا
08-02-2002, 16:57
الوسي


صح لسانك يالعزيز

مع السكر والعسل
الوسي
08-02-2002, 22:46
:D

هلا بالسكر والعسل

حيالله ابو حلا (( المذاق الحلو متروك لك ابو حلا ))

تقبل تحيات

اخوك الووووووووووووسي
عادل الشمري
09-02-2002, 13:15
الغالي الوسي...



هلا و غلا...





ايه طلع المستخبي..وساكت طول هالفتره مالك حق!!!



الظاهر ارشيفك مليان ..قصايد..بس تتغلى علينا



قصيدتك هذي تنبض بالصدق كما هو الصدق من سجاياك



سجل اعجابي بقلمك في اي مضيف حل!!!



لك اصدق الود



لا عدمناك
الوسي
10-02-2002, 01:05
عندما يكتب (( الاصبع السادس )) لاتملك اليد الا وتحتضن الاصابع الخمسه لعجزهن

أما هذا (( الاصبع السادس ))

متنبي المنتدى ,, مالاطلالتك تمسح كل الوجوه بعدك !!!

تسلم على رفع المعنويات ,, وألا فأنت الشعر المركز !!!

تقبل تحيات

اخوك الوووووووووسي
ظبيانيه
10-02-2002, 08:29
.............................................لكن العبره لغيري ماهي لي



تعجبني عزة النفس والكبرياء سواء في الحب او غيره


تسلم على هالقصيده اخوي الوسي اللي تبين حزن قلبك على اللي راح
الوسي
10-02-2002, 23:05
الاخت ظبيانيه

شكرا لمرورك على هذه القصيده

وشكرا على تعقيبك الاجمل

ودمتي اختا ومبدعه

تقبلي تحيات

الوووووووووووسي
هواوي
10-02-2002, 23:56
قصيدة أكثر من رائعه للأخ ألوسي مع رجاء خاص بأن تمتعنا دوماً و (ماتبخلش علينا)
الوسي
11-02-2002, 14:42
هلا وغلا هواوي

وينك ياخي ماعاد تبين !!!!

شكرا هواوي على المرور والتعقيب

تقبل تحيات

اخوك الوووووووووسي
فلاح الشمري
11-02-2002, 16:24
وانت اذا النسيان نعمه للحزين
...........................................أنسى هالنعمه وذكرك يسهلي

وابتسم قلبي لهاالحب الدفين
...........................................كيف في حبـي عرفتـه مبتـلي

وانتشيت بفرحتي حب وحنين
...........................................وابتـدا سيــل المشـاعر يعتـلـي

أحتوي أرض عليها تجلسين
...........................................واطلـع النجـمه بـليـلك وانـزلـ

الوسي:
من أول اتحرش بك مااخاف من الهجاء :)

اماهالحين ينـــــــــــخاف منك

صح لسانك لوماتكفي ولكن هذامايقال للشعراء

كتبت في كل المجالات ورأيناكتاباتك تضيء المنتدى

انها نجوم من صنع الوسي فمااجملها
ثاني
13-02-2002, 06:39
الاخ الوسي
ارجو منك العذر بتأخري في الرد على القصيده
صح لسانك على كل حرف كتبته فعلا قصيده تستاهل ان نقراها مرارا انا لا اجاملك قصيدتك سجلت اعجابي بها ولا تحرمنا من جديدك
ودمت اخا
ولك فائق الاحترام والتقدير لشخصكم الكريم

ثاني
ابوعلي
14-02-2002, 00:58
الوسي

صح لسانك ...والله ماني مستغرب انك تقصد!!!!

الغريبه فعلا ان لا تكون شاعرا....فالذي يعرف عمامك وخوالك

يعرف بانك شاعر بالوراثه...كيف لا وانت شقيق شاعر معروف واصيل

على كل حال.....نحن بانتظار المزيد

بس عساك تقصد بدون سفر....ها؟؟

وتسلم لاخوك ابوعلي