إلى مشرف الفلة [الأرشيف]

مشاهدة النسخة كاملة : إلى مشرف الفلة

الموذي

27-06-2005, 21:17

إلى مشرف الفلة السلام عليكم ورحمة الله وبركاته

مساك الله بالخير وانا اسف إذا كان موضوع ( معايير قبيلة شمر ) لم ينل الرضا أو غير مناسب
نشره في الفلة أو المضايف ،،،،،،،،،،،،،
بس هذا هو الواقع وهذا شي لا ينكره أحد
والدعوة كلها مزح بمزح وضحك ووناسة وفلة حجاج بس أنا أبي أعرف السبب ألي حذفت الموضوع من شانه وأنا ماغلطت على أحد ولا جبت سيرة أحد أصلا أنا جديد ولأأ أعرف أهل المضايف
بس إذا أبو غازي زعل من شي وكبر الموضوع أكبر من حجمه ؟؟؟؟؟؟؟؟؟؟؟؟؟

المهم أرجو أن يتسع صدرك للجميع
وبعدين موضوعي على ما أنا أشوفه أبرك من مواضيع بعض الشباب ألي يتبادلون المعايير بالفلة عيني عينك وكل واحد يسب الثاني ويعيب عليه وحتى أنا ماسلمت منهم
بس أخيرا أنت تامر وحنا نطامر ولك فائق تحياتي واحترامي لك ولأبو غازي
وأرجو أن تتقبل النقد والرأي والرأي الأخر وهذا رأيي ولك فائق أحترامي
وأرجو عدم حذف موضوعي هذا بعد علشان العيال كنت مشخص عندهم بالموضوع وحذفته الله يسامحك

ملاحظة لأبو غازي :
إذا دخلت المضايف خذ قسطا وافرا من النوم حتى تركز على المواضيع وتحياتي وقبلاتي الحارة لك
أحبببببببببببببببببببببك

ابو غازي

28-06-2005, 00:59

:2:

بس إذا أبو غازي زعل من شي وكبر الموضوع أكبر من حجمه ؟؟؟؟؟؟؟؟؟؟؟؟؟
الموذي / أهلاً بك
اخي الفاضل أنا لم ازعل منك انت شخصياً ولا من غيرك أنا لاأعرفك شخصياً وكل مانعرفه يوزرك الموذي وفعلاً إسم على مسمى
والدليل / مواضيعك اللي تحب تلصقها بيننا ونحنُ غنيين عنها
الموذي / إنت عميت قبيلة بكاملها وهذا عيب عليك هل ترضى أن يعيرك احد
بمعياره يارجل
أما قولك عن مايشارك به هنا بهذا المضيف من مشاركات بها معايير نحنُ هنا اخوان واخوات متفاهمين بيننا وكل ن منا يمون على الثاني
ومن لانمون عليه لايمكن أن نمزح معه وكل عضو أو عضوه جديد يدخل معنا يندمج معنا بحيث إنه فاهم مايدور بهذا المضيف والقصد الترفيه عن النفس وهذه شروطنا يالموذي
وما دعاني للرد عليك إلا للتنتبه لك أنت شخصياً ولكي لايرد أحد من الزملاء أو الزميلات وبعدها يبتدي الزعل والمزاعل هذا قصدي أما أن اكون زعلان
ترااااااااااااااك غلطان
بعدين الله يعافيك احفظ لسانك ولا تغلط

راعي الوقيد

28-06-2005, 01:57

السلام عليكم ورحمة الله وبركاته

الموذي << اسم على غير مسمى هو بالفعل كذلك يالبناااااخي:)

عرفته وشفته طخمة الطخمات:)

ولكن تخبر إذا الواحد جديد صعبه يتفهم او يتفاهم مع الاعضاء ولكن

اعطوهـ فرصه تروهـ والله احلى من العسل:)

انا بالفعل إستغربت إستخدامه ليوزر الموذي لأن اللي شفت رجال

بكل معنى الكلمة ولا افضله على من يقرا .. يوزرهـ بجهة وهو حقيقة

بالجهة الأخرى !!؟

الموذي:)

كيف الحال يالطربة ، ووش لونك :)

تعال انت وش علمك على بناااااخيي:(

إلا ّ البنااااخي عااااد:(

يالموذي سج على القصة والقصيدة وعلى المضيف العام لأنك وبدون

مجاملة فكرك نيّـر ومواضيعك بصراحة غير عن الفلة هي اقرب ماتكون

الى الجادة عن الهزلية:)

خل الفلة لشبيثااااااان وعصابته:a: ههههههه

وحياك الله اخوي ترك عــــــزيــــز وغالي على قلبي:)

وتحمل شوين وخلك شمااااااالي يالشماااااالي:)

وسلااااااااااام ...
..

شموخ

28-06-2005, 02:49

السلام عليكم ورحمة الله وبركاته
الموذي << اسم على غير مسمى هو بالفعل كذلك يالبناااااخي:)
يالموذي سج على القصة والقصيدة وعلى المضيف العام لأنك وبدون
مجاملة فكرك نيّـر ومواضيعك بصراحة غير عن الفلة هي اقرب ماتكون
الى الجادة عن الهزلية:)

ويالموذي ولا تنسى مضيف إقرأ " ول ياراعي الوقيدماحتى يذكر قسمى يقوله مر عليهم هناك " :):)
خل الفلة لشبيثااااااان وعصابته:a: ههههههه
وسلااااااااااام ...
..

تحياتي
شموخ

الشبث

28-06-2005, 04:20

الموذي

ابو غازي صادق لا تعم احد انت وخشمك

رح يم راعي الوقيد يم القصه والقصيده يالفرزدق

واذا خلصت مر على اقراء عند الاخت شموخ

اما حنا لا له عاده تقبل علينا انت ومناخرك هاللي تقل صرة دلاغات

خخخخخخخخ

المواضيع الجاده مهي عندنا تفهمون ولا لا

تروني عصبت <<<<<<<< احلا يالقوي

وتقلدوا تحيتي

راعي الوقيد

28-06-2005, 04:29

مكرر

راعي الوقيد

28-06-2005, 04:35

مكرر

الشبث

28-06-2005, 04:40

راعي الوقيد

السالفه وشهي ترن ماحضرته هههههه

الله يبعد الزعل عنا

وتقلدوا تحيتي

محارش

28-06-2005, 09:46

وش انت قايل يهالموذي خخخخخخخخخ
اكيد انك واطي بالمعجن ولا تسان ما قشع موضوعك ( حلولات ياللي قاريه قبل قشعته <<< مهو شفاي ابد :) )

الدعوى مزوووح يالبناخي

تدري عاد وش اللي خلاني اعزك اكثر ؟
اسمك :) لاني احس ان فيه صلة قرابه بينه وبين اسمي ( الظاهر انه ولد عم اسمي من التستاب خخخخخخخخخخخخ )

عاد يوم اننا صرنا عيال عم من التستاب :) فياليت اذا كان عندك سلف خمس ميه وارده ليا جت الشرهة المعطلطه :)
تره سلف مابيه رحمة والدين خخخخخخخخخخخ

راعي الوقيد :

مهو انك شفت الردود بلاش قمت تكرر على كيفك ؟ تر ان ما تركت عنك هالحركات الا اعلم عليك ابو سلطان ( وده يحرّش بأي طريقه :) )

تحياتي المحارشية العنيفه

المخاوي

28-06-2005, 11:31

^
^
الا ماعندك انت سلف :)

ياهلا بالمووذي

اول شي اقلط وخذ من هالمهيله وسع صدرك ودعوانا بسيطه
وهذي الفله مابه الا مزح وناسه وفلة حجاج :thumb:

وانا اطلب من الجميع تركيب رديتر اربع 10 رصات منعاً لارتفاع الحراره المفاجأه والبساط احمدي :biggrin:

ماعليييه هالمره امسحه بوجهي وابي ادور موضوعك بحدى هالاراضي حولنا ولايصير خاطرك الا طيب بس اخاف انك معايرن احد :puzzled:

بس اهم شي لاتطيع راعي الوقيد ولايغريك بحتسيوه
انت مكانك بهذا الا تسان تبي تسير عليهم مسيار وتسلم وتنكس بسرعه ماهنا مشكله :)

المهم أرجو أن يتسع صدرك للجميع

تصدق اني مركب ثلاث رديترات ومكيف صحراوي :p:

وأرجو أن تتقبل النقد والرأي والرأي الأخر وهذا رأيي ولك فائق أحترامي

صدقني وبكل سعة صدر بس وخر يدينك عن حلقي خلن اتنسم :biggrin:

وأرجو عدم حذف موضوعي هذا بعد علشان العيال كنت مشخص عندهم بالموضوع

بشرط انك تشخص بلك موضوع فلاوي :awink:

الموووذي لاتبعد بعيد وخلك شمااالي والا ابي اعلم عليك الشبث :)

المطنوخ

28-06-2005, 14:16

^
^
^
عندك عطيه ماهي سلف:)

اما انا ياواحدن احتسي عن نفسي

صدري خرطوه الشبث والمحرووم وشنقل والاصيل

ياما غدى تقل خيمه ام 12 عمود:)

الصدر شمالي والهوى يطرقه:)

الموووذي ان تعرضت ولا ازعلت ريسنا مخااااوي

تر ابي ادلقم الشبث وارصك بين حجانك هاللي تقل جنحان ابوحقب:)

قبلاتي الحارة والملتهبه على خدودك

ابو غازي

28-06-2005, 15:30

الظاهر اااااااااااااااااااااااالجميع لم يفهمون المقصد
ولااعلم لماذا تخرجون عن صلب الموضوع
7
7
7
الموذي غلط غلطه كبيرة ونزل موضوع عم شـــــــــــــــــمر بالمعايير
وهذا لاأرضااه أنا ولاغير هنا صحيح ولا أنا غلطان

أنا ماعرفك اخي الكريم وبعد ماعرف عليك خااااااااالي راعي الوقيد
نقولك أهلاً بك بيننا ولاكن أبعد عن الغلط على خلق الله
أما حنا بهذا وفي هذا المضيف نمون على بعض والشخصي غير العام
وانا اخوك
نعلق تعليقات بيننا ونستانس على هذه التعليقات بشرط أننا ضامنين
من نخاطبهم ونتحاور معهم هذا كل شي
قبل يومين كان احد الاخوان جديد على الفلة وصار المزح ورد بقصيدة
لاتليق ابداً وكلمته تلفون والرجال اجيه من هنا ويروح هناك احاول اقنعه
وهو مصر بان الزميل غلط عليه
ويالله حلينا الوضع وهذا مايدعوني اتدخل بمثل هذه المواضيع يعلم الله
ليس لزعل مني بل للمحافظة على الزملاء والإبتعاد عن المواضيع اللتي تثيرهم وتزعلهم

هذا كل شي اخونا / الموذي

شكراً للجميع

أسير الليل

28-06-2005, 16:50

السلام عليكم ورحمة الله وبركاته

تحيه للجميع

انا رايي من رأي أخونا أبو غازي , يجب علينا أن لا نجرح بالاخرين والمزح يجب ان يكون بحدود المعقول .

كما تعلمون أن المزاح آفة الأحترام .

و أخونا الموذي لا تزعل من كلمة حق , يوم انا رديت عليك .

تحاتي للجميع بارك الله فيكم

الشبث

29-06-2005, 05:57

اقول رفعت الجلسه

وتقلدوا تحيتي

ابو غازي

29-06-2005, 16:05

هاللي رافع ن ضغطك منهو :188r:

:p:

تبيني اهل الخيط والمخيط حاااااااظر :g:

شف يا شبثوه :eek:

وين / الموذي :(

عجايب بنت الشايب

30-06-2005, 18:06

علشان ما احد يقول جتنا ولا ردت

بس بقول كلمتين

كلي بشمر إعجاب :165r:

من اسمي تعرفون رائي بكلام الموذي

بس مايعني ذلك ان اكون ضده لان المساله ماهي حرب

ابو غازي .. معك كتفاً بكتف <<< واخزياه بنات 2000

7
7
7
7
كني قات بقول كلمتين وش جاها وصارت عشر ؟؟

الـمـحـروووم

30-06-2005, 18:31

عجايب بنت الشايب

30-06-2005, 18:49

7
7
7
7
7

المحرووووووووم

مايجوز تتبع عثرات المسلمين :bluboomte

أها

انا من يوم شفت

في مجال الطيب أبوي اللي مدرٌسني دراسه
مدرسة ولكن ماهي بطاولات ولا كراسـي
مدرسة تعليمها النخوة وعلـوم الفراسـه
والكرم والجود فيها يعتبر درساً أساسـي

عرفت انك مدرس أملاء

المطنوخ

03-07-2005, 13:21

غرفتوا الغداء؟؟

اخو سعدى

04-07-2005, 00:08

Matnookh, 午餐准备好, 但Alshabath 现在睡觉。

المطنوخ

04-07-2005, 03:36

عزالله صدقت والله يرحمه كان عالم محترم

اخوسعدى ياخوي هيضت جروحي

الـمـحـروووم

04-07-2005, 17:04