نعتذر عن قبول العنايا

[اخو سعدى]

(( نعتذر عن قبول العنايا ))

يازين هالكلمه اذا شفتها في اخر بطاقه دعوه الزواج ,
الكل يعرف ان تقديم المساعده الماديه للمتزوج , هي
من العادات الحسنه ولذلك للحث على المحبه والتواصل
بين الاقارب والاصدقاء ,,

و شمر تحافظ على هذه العاده الاصيله , ولكن
في هذا الصيف سوف يكون عندنا اكثر من عشر زواجات

وسوف تكون العنيه او المساعده للمعرس لا تقل عن خمسمائه
رياااااااااااااااااااااااااااااااااااااا ااال سعودي ...

صحيح اول كانت الزواجات قليله ولكن هذه الايام
ماشاء الله , الى درجه اني وضعت جدول لمواعيد
الزواجات ومعلقها بالصاله .. هههههههههه


والمشكله الكبرى اذا لم تحضر الزواج , سوف يتكلمون
ويقولون فلان لم يحضر لانه لا يريد ان يعطي العنيه ...


طيب وش الحل ...

[شموخ]

ارسل العانيه لو ماتحضر عيب عليك تترك هالعاده الزوينه :):)

وبعدين ماتكلفك الا خمسه الاف يادكتور :a::a:


تحياتي
شموخ

[اخو سعدى]

انا ماعندي مشكله ولله الحمد
ولكن اللي راتبه الفين رياااال وعنده
عائله كبيره ومتقاعد ...
وش يسوي ..

يتخبا عن جماعته او يدفع مصروف عياله للاخرين ..

هذا اللي اقصده ..

[سلطان الشمري]

اخو سعدى../

اقول ياخذ له وعده .../ او يبيع الموتر ..


ياخي فعلا احراج .. :)

والله فيه طريقه حلوه . هي العوايل فقطيقطون للمعرس من قيمة محدده مثلا الف ريال

وعلى الموظفين فقط .. اي احد يشترك بالقطّه هذي يجيه الدور اولعياله

يعني بين العائله فقط


واشوفه منتشره عندنا ولله الحمد ../ وهذي صورةللتكافل الاجتماعي



شكرا اخو سعدى

[شنقل]

اخو سعدى

خلااااص الاسبوووع الجااااي بنحضر عرس الرجااااال

<<<< متأكد قارين كرت الدعوه ((( لانقبل العناياا))

[المخاوي]

فقطيقطون

مبطين عن التدقيق :)

ياهلا باخو سعدى
تصدق اني فاقدن مواضيعك الدسمه وكل ماهذا امر مضيف الاسره وانكس اثريك بهذاااااااا :7ayyoh:

والله ياخو سعدى العنيه صارت وللاسف شبه ملزمه او بالاحرى ملزمه والمفروض انها تكون عكس ذلك ولكن اصبح بعض الناس الان يهتمون بها اكثر فتجد والد المعرس يحرص على ان يعرف كم مد له فلان وفلان بل وان البعض يأتي بدفتر تسجيل ويسجل فيه كم المدخول :rolleyes: وان كان الدفتر خفياً اهون من ان يكون بوسط المجلس.
صدقني اخي قبل حوال 4 سنوات عزمت على عرس احد زملائي في العمل وذهبت لتأدية الواجب وحضور هذه المناسبه وعندما سلمت وجلست لفت انتباهي احد الاشخاص ومعه دفتر في ساحة العرس وهناك اشخاص واقفين حوله والكل منهم معه نقود في يده وكأنهم واقفين عند خباز :biggrin: ويعطونه الفلوس ويسجل اساميهم وكم عطيت كل منهم وماهي الا لحظات حتى جلس بجنبي شخص لااعرفه واخذ برهتن من الزمن وصوت لبو دفتر وجاه يركض لوه غبره :) ومد لوه فلوس طبعاً خوينا هذا صارن الفليسات مثل صر العجز لهن والغفهن بمخبا ابو دفتر :p: وهو يروح يطلعهن ويعدهن وهو يعبس بوجهوه ويرجعهن بمخباوه قال عطني اسمك وهو يسجلوه وهو يلتفت علي وكأن لسان حاله يقول هالوجه مامر علي :( طبعاً اخوكم من سلم على المعرس حطهن بيدوه ويادار مادخلتس شر :)


والمشكله الان ان اكثر العروس في العطله فالله يعين اللي رواتبهم على قد حالهم ويالله مشين وضعهم

واحسن شي خذ اجازه وافرك لان اذا جيت فلان لازم تجي فلنتان :)

[شنقل]

واحسن شي خذ اجازه وافرك لان اذا جيت فلان لازم تجي فلنتان

ياااااااااااااااخي انت فاهمني

وش عندي امذرح بحرررر الريااااض
الا الفركه الا من كروت هالعروس
اللي تكومن عندي تقل
صكوك عسرررر

[اخو سعدى]

اخوي نبراس

هذولا الناس الفاهمه واللي تقدر الوضع
لكن عندك ناس مايرحمووووون
هههههههههههه

يسلمووووووو

[اخو سعدى]

شنقل

الله يسهل حاضرين حاضرين
ههههههههههههههه

[اخو سعدى]

هلا بالمخااااوي

وينك عن الدتسه .. هههههههههههه


والد المعرس يحرص على ان يعرف كم مد له فلان وفلان بل وان البعض يأتي بدفتر تسجيل ويسجل فيه كم المدخول وان كان الدفتر خفياً اهون من ان يكون بوسط المجلس.

ظاهره الدفتر .. هذه الطااامه ومعناها لااااااااااااازم تدفع ونقدااااااا
ولا يقبل الشك او بطاقات الفيزا او ماستر كارد ..ههههههه


اخوكم من سلم على المعرس حطهن بيدوه ويادار مادخلتس شر

تصدق العام الماضي كنت بزواج احد الاقارب بحفر الباطن
وكان الدفتر يحوم حولنا .. ولكن اخوك اخو .. جيت وانا ازندهن
للمعرس ..
وبعد انتهاء العرس شاهدنا فيلم الزواج .. والا هذا انا حاطن
العنيه بمخبا المعرس .. هههههه
ويقول لي المعرس انه ما علم احد بعنيتي ولكن الكاميرا
افضحته .. هههههههههه وبعدها تم التحقيق مع المعرس
من قبل اهله وراعي الدفتر .. اخوووووووه ههههههه

[( المسك )]

مدام مامنها مفر العنيه

خوذوو لكم تايد بالاقساط المريحه

وادفعو العناياا


طيعوو شووري :):)

[اخو سعدى]

فليص

خوووش شوووووور
ههههههههههههه

يسلمووووووووو

[معايد القريتين]

العانية بشكلها الحالي ليست عادة لــنا بل اقتبست من آخرين !! .

العانية الاصيلة والمعروفة لدى كبارنا تختص بأقارب المعرس من ابناء عمومته القريبين جدا واقرب الناس اليه فقط . وهي ليست لزاما اطلاقا حتى لاقرب الناس اليه فكل حسب ما يستطيع ومن لم يستطع لا يحق لاحد ان يتشره عليه او ينتقده او ينتظر مدته .

اما ان يدفع للمعرس كل من هب ودب لمجرد معرفه او انه من ابناء عمومته البعيدين فهي دخيلة علينا .
ووصفها الحقيقي سيزعج البعض كثيرا لذلك سأحتفظ به لنفسي .

والادهي من ذلك من يقوم بالتسجيل , وفي الحقيقة لم ار التسجيل سوى مرة واحدة فقط ولله الحمد رغم اني حريص جدا على حضور المناسبات , وهو امر سيئ جدا ودخيل علينا ويجب التصدي له ومحاربته .

[عبدالله الجعيثن]

^
^
برايفت معايد الفيدتين

نعم مانت مجبور ولا هي الزاميه.

العانيه لابن العم القريب جدا واما القادر فالله يجزاه خير.

[ابو غازي]

يالربع :) لايدرن الربعات n)

:(

انا والغازي بيييييييييييييك >< بهالعطلة بحول الله نبي نعرس
ونبيكم تعينوننا والعنيه دراهم والدراهم مراااااااااهم وبلسم على المخبى
البعارين والغنم .......... مانقبلهن بنوب :p:

الغازي :( للشــــــــــــــام على طول :rolleyes:

ـــــــــــــــــــــــ

أما العنية تصدقون أعرسنا ولم يعيننا لاقريب ولابعيد وحنا سبق وأعنا الكثير ولله الحمد ولاهي منه ولاكن اخو سعدى هواللي يبحث الخفا :p:

[اخو سعدى]

معايد القريتين
العنيه للقريب والبعيد .. هذا اللي حاصل الان
واذا حضرت الزواج لاااااااازم تدفع والا تكون
فضيحتك على كل لسان ..

يسلموووو

[اخو سعدى]

نعم مانت مجبور ولا هي الزاميه.

العانيه لابن العم القريب جدا واما القادر فالله يجزاه خير

الغاااااازي

ياهلا فيك ..

ما لك لوى .. العنيه للقريب والبعيد ..
مثلا .. اذا كان زميل لك او صديق .. وهو من قبيله
اخرى .. هذا يكون حقه اكبر ..

هذا الواقع ... عمووووووو

[اخو سعدى]

ابو غازي

اذا اعرست انت والغازي .. وفي ليله وحده
عنيتكم بعيييييييييييييييييييير .. ههههه



أما العنية تصدقون أعرسنا ولم يعيننا لاقريب ولابعيد وحنا سبق وأعنا الكثير ولله الحمد ولاهي منه ولاكن اخو سعدى هواللي يبحث الخفا

الخفا .. وش هو الخفا ههههههههههههه
هذه من دعاوي الاولين ههههههههه

[الحنشل]

اخو سعدى

هذي فعلاً مشكله << وعويصه بعد

يعني اذا جيت لازم العنيه معك واذا ماجيت ترسله

والمصيبه ان الان في بعض الناس يسجل اللي يجيبوله العنايا

من شان اذا صار له عرس اجيب له عنيه واذا ماجاب لي ما احظر عرسه



والله والله مصيبه



والمشكله ان الناس ماتقدر ولا تفرق بين الضعيف مادياً والميسور

وانا اذكر واحد من الشباب صادف بحدى الاجازات ان (14)واحد من جماعته عرسهم بالصيفيه

لا وكلهم بفتره متقاربه

فيعني يبغاله(( 7000)) الاف ريال فا يقول سبع الاف مين اجيبها

هذا ما احببت قوله




واسف على الاطاله

[المطنوخ]

والله على حسب

يعني اذا الشخص عانوه الناس بعرسه راح يعينهم وماراح يتضايق من انه يعينهم لانه لازم يوجبهم مثل ما وجبوه

الوكاد طاري الاخذ ماهو مثل التسليم:)

على طاري الاخذ

اريت انت تعينن ليا اعرست؟؟:)

[خالد الشمري]

بالعكس ياخو سعدى المفروض العانيه نلزم به الجماعه لانه تعاون وكلن على قدرته اللي بفلوس واللي بأغراض واللي بذبايح وهذا المفروض مع شكري لك على طرح هذا الموضوع المهم

[اخو سعدى]

الحنشل

كلام عين العقل ..
والله يعين ..
وهالزواجات يبي لها ميزانيه خااااصه

[اخو سعدى]

المطنووووخ

عطني واعطيك ..

اما انت ليش انت عطيتني علشان اعطيك
هههههههههههههه

[اخو سعدى]

اخوي خااالد

كلامك صحيح ولكن الذي لا يقدر على ذلك
وش يسوي .. يتسلف .. او ...

[الـمـحـروووم]

أخو سعدى


عادي إذا ماعندك عنيه تعال بس لا تأكل من العشاء


هههههههههههههههههه


العانية أنا أشوفها شي صار إلزامي هاليومين


عندي رأي وش رأيك

ألحين لو كل ناس يعني
جماعة وحده يتقاطون ويقدم العانيه كبيرهم
ويقول هذي عن الجماعة

ماأعتقد أن أحد بيكلف نفسه






إلا على طار ي العانية
بوه شباب من السعودية يدرسون بجامعة الأمام
وقرروا يسافرون في إجازة الصيف لتونس
وبوه تونسي يعرفونه هناك ولسؤ الحظ وصلوا هناك مع وقت عرسوه
المهم تقاطوا الشله وعطوه 100 دولار

أثاريهم عندهم عادة ماهي زينة وشبابنا مايعرفون عنها
وقبل العشاء قام واحد من التوانسه وكان معاه ورقه
وقام يقرأ على المعازيم
فلان الفلاني دفع 4000 دولار
وفلان 3000 دولار
وفلان 3500 ........ إلخ

آخر شي

شباب من السعودية 100 دولار
وضحك
طبعاً الشباب أنحرجوا
لكن فيهم واحد ملقوف وقف وقال أنتم ماعندكم سالفه لا أبوكم لا أبو زواجكم

[الاعلامي]

بسم الله الرحمن الرحيم

انا لست افهمكم ولا اكبركم لكن عندي وجهت نظر وهي

تخفيض المهر الى 30 او 35 الف

وتمنع العنايا

يكون هذا افضل حل

واللي عنده تعليق فليتفضل

..

.

[اخو سعدى]

المحروووم

طيب ابحضر وماني متعشي ههههههه

اما فكرتك رااااااااائعه ولكن من ينفذها ..


ههههههه اما سالفه التوانسه هذه شيييي

[اخو سعدى]

الاعلامي ..

الله يسمع منك ولكن متى يكون المهر
عندنا بثلاثين الف .. والله نبطي ...

حل منطقي .. واتفق معك .. جداااااااااا


لا هنت

[شنقل]

على طاري الاخذ

اريت انت تعينن ليا اعرست؟؟


المطنوووخ

انت اجزم بس

ومالك اللي يعينك

ادل بيتكم مهو عند الاشاره اللي معلقن عليه
لوحة وااااحد معرررررس:)

الا هي لهااا الحبن موجوده
تكفى

قل لهم لايشيلووونه
ماادل بيتك الا به:)

[سليمان الثنيان]

فعلااا والله العنايا مصيبه


بس انا عندي طريقتي الخاصة

اشتري مجموعة من الذبايح

وكل عرس اعطيهم ذبيحه

وبلاخير افتك من الخمس ميه

واريح راسي

وللمعلوميه الذبايح دين

من شريطية السوق.


[لوحة]صــح خـطيــر[/لوحة]


:





.

.

[اخو سعدى]

الثنيان

يعني دين بدين

الله يعين ..

[شنقل]

اووووووف


باقي اربعه عرس