حاولت ابيع سيارتي ولكن ...

[الاعلامي]

عندي كامري 2002 ممتازه وماشيه معاي صح

ازعجونن زملائي بالدوام يقولون حرام عليك راتبك 6200 وسيارتك كامري

قلت لهم يعني اشتري شبح قالوا مو لها الدرجه الشبح للتجار والكامري للمراهقين

اشتر لك قراند ماركيز ولا فكتوريا ولا فورد سيارات شبابيه وكشخه

المهم بعد ما ودوخني رحت لصاله سيارات قريبه من الحي اللي ساكن بوه

ولقيت ثلاث سيارات من فئه قراند ماركيز يعني على ذوق زملائي بالعمل

الاولى لونها ازرق فاتح ورايقه وموديلها 2000

والثانيه عنابي والمراتب جلد وموديلها 2000

والثالثه لونها كحلي دلع ومنزله وموديلها 2000وفيها اكثر من 40 شريط شعبي

مابين كسرات وعيسى وبشير وعزازي وبقيه الشباب الشعبيين

سألت موظف الصاله عن قيمه السيارات وقالي مع اللوحات ولا بدون اللوحات

قلت له فيه سيارات تنباع من غير اللوحات اكيد مع الوحات

قال لي الماركيز الزرقاء قيمته 38 الف ومع اللوحه 43 الف

قلت له وش هاللوحه اللي قيمته 5 الالاف ريال قال لي

( ك ل م 5 5 5 )


قلت له والسياره الثانيه قال لي 38 الف ومع اللوحه41 الف ريال

وقلت له اللوحه هذي اقل سعر من اللي قبله قال لي رقم اللوحه

( ع ل ى 7 8 8 )

ويوم قفلت معاي وطفشت قلت له والسياره الاخيره ام الشرطان الشعبيه كم قيمته

قال لي هذي ارخص سياره بالصاله عندنا قيمتها 39 الف ومع اللوحه 40 الف ريال

وقال لي اللوحه

( ر ق م 8 2 5 )




طلعت من الصاله وانا فاقد الامل من موظف الصاله واسلوبه الكاذب والخادع مع الزبائن

وفاقد الامل بتغيير سيارتي





















وبعد فتره اكتشفت ان صاحب الصاله هو احد زملائي العمل اللي لوه فتره مدوخن بيع سيارتك واشترى افضل منه

ولاتعليق على زملاء العمل

..

.

[مناكد]

بالبدايه لايلعبون عليك...ترى الياباني ابرك الف مره من الإمريكي...

ويصبر ويتحمل الجور...ويعيش أطول وإقتصادي...

ووجه تعرفه ولا وجه تنكره!!!

وإذا كانت سيارتك على قد اسرتك لاتفرط به على شان كلام الزملاء...



ولو تشتري قلابي حصني موديل 1956 وتداوم عليه ولا تشتري من هالمجرمين...



هذولا يبون ينكبونك...فالحذر الحذر!!!





وإذا قسم الله وإشتريت سياره لاتبيع عليهم سيارتك؟؟؟


.

[مشاكسه]

زين مابعتها


نصابييييييييييين

[الاعلامي]

مناكد

ياجدي ابشرك سيارتي مابعته

لاني اكره الامريكي لكن اخوياي ادوخونن

ويعطيك الف عافيه يارب


..

.

[الاعلامي]

مشاكسه

ماني بايعه ابد لكن هالناس مايتركوني بحالي

ويعطيك الف عافيه يارب


..

.

[أسير الليل]

دير بالك لا ينصبون عليك وعلى قولة أخوي مناكد أن بعت سيارتك لا تبيعها لهم

لا حول ولا قوة إلا بالله العلي العظيم وش هالنصابين .

قديمك نديمك لو الجديد أغناك

تحياتي

[الاعلامي]

اسير الليل

ياخيي ماني بايعه ابد والله لو تجيب لي مليون

ويعطيك الف عافيه يارب


..

.

[الحنشل]

خلنا من السياره
انا يوم شفت
يقولون حرام عليك راتبك 6200
دخت
الا ماعندك سلف 500لاخر الشهر
والكفيل شبيثان والا المطنوخ

[شموخ]

تدري ليش اغلوها باللوحه
لان الاولى لوحتها ( كلم ) :)
والثانيه ( علي )
والثالثه ( رقم ) :)

لو انك اخذت ام الاشرطه الشعبيه وتشغل الكسرات وتفحط عليها هههههه

تحياتي

[سلطان الشمري]

احمد ربك فكك الله منهم .. ومن شرطانهم

الشرطان حرام والسياره امريكي وين العافيه :)



طع شوري اقضب الكامري .. وماعليك .. من حتسيهم :)


واذا جزمت تغير الموتر .. طق لك عراوي .. واذامالك به رغبه

اشتر لك سيكل ولا تشتري امريكي

,,


<<<متوهق سابق :) وتاب الله عليه

[المطنوخ]

الا تسان تبيع الكامري ترن شراي:)

انا والله يالفوردات من مبطي وانا اسمع طاري الحراره بهن وعفتهن ولا اداني حتى مركوووبهن

مثل ماقال مناكد عليك بالياباني ياما تحس انك مقتدر لا يردك الا الالماني




برايفت الحنشل*

انا وشو شايفن منك منشان اكفلك؟؟

انا يالله افك رقبتي من اللي يطلبونك حسبي الله على ابليسك:)

ياعرب هذا انا ما اعرفوه

[نافع بن طواله]

حبيبي أعرف لك واحد مستعد يبدلك بيوكون . صح المطنوخ ؟

[المخاوي]

الاعلامي

انا اشور عليييك تشاور الربع بهذا لان شنقل هو راعي الخبره بالامور هذي ولاراح يقصر معك اما من ناحيتي انا فاقول لك خلك على مجنونك لايجيك اجن منه :)

والفورد عموماً فيه مشاكل واكثر مايذكرون الحراره وايضاً فيه مشكله انه اذا خمته طفى واذا طفى مايشغلوه الا خبيير وعليك الحساااب :biggrin:

[المطنوخ]

[لوحة]حبيبي أعرف لك واحد مستعد يبدلك بيوكون . صح المطنوخ ؟ [/لوحة]

قااااااسي البااااااااس

والله ان الرجال يمدحووووه ولونه اسود ملكي ورخيص ونظيف..:)

اجمل سلااااام لأحلى اعضاء بعلبك

[الاعلامي]

لي رجعه بس اتقهوى

..

.

[الاعلامي]

خلنا من السياره
انا يوم شفت
دخت
الا ماعندك سلف 500لاخر الشهر
والكفيل شبيثان والا المطنوخ

اعطيك عيوني ياقلبي
ويعطيك الف عافيه يارب..

.

[الاعلامي]

تدري ليش اغلوها باللوحه
لان الاولى لوحتها ( كلم ) :)
والثانيه ( علي )
والثالثه ( رقم ) :)

لو انك اخذت ام الاشرطه الشعبيه وتشغل الكسرات وتفحط عليها هههههه

تحياتي



شموووووووووخ


ماشاء الله عليك فاهمه وذكيه

لكن باقي لك خطوه صغيره وتحلي اللغز اللي الاعضاء ولا واحد قدر يحله

ويعطيك الف عافيه


..

.

[الاعلامي]

احمد ربك فكك الله منهم .. ومن شرطانهم

الشرطان حرام والسياره امريكي وين العافيه :)



طع شوري اقضب الكامري .. وماعليك .. من حتسيهم :)


واذا جزمت تغير الموتر .. طق لك عراوي .. واذامالك به رغبه

اشتر لك سيكل ولا تشتري امريكي

,,


<<<متوهق سابق :) وتاب الله عليه



مثل ماقلت اقضب الكامري اريح لي

لكنهم بالدوام غثونن مغثه

والحين معطيهم اشكل




نبراس

مشكور الف شكر

ويعطيك الف عافيه يارب

..

.

[الاعلامي]

الا تسان تبيع الكامري ترن شراي:)

انا والله يالفوردات من مبطي وانا اسمع طاري الحراره بهن وعفتهن ولا اداني حتى مركوووبهن

مثل ماقال مناكد عليك بالياباني ياما تحس انك مقتدر لا يردك الا الالماني




برايفت الحنشل*

انا وشو شايفن منك منشان اكفلك؟؟

انا يالله افك رقبتي من اللي يطلبونك حسبي الله على ابليسك:)

ياعرب هذا انا ما اعرفوه




]ودي بالالماني لكنوه غالي حيل

واذاصرت مليونير ان شاء الله اشتري لك ولمناكد شبحات


المطنوخ

مشكور الف شكر

ويعطيك الف عافيه يارب

..[/size]
.

[الاعلامي]

حبيبي أعرف لك واحد مستعد يبدلك بيوكون . صح المطنوخ ؟


اخوي قاسي

اذا الرجال من طرفك اعطيه عيوني مو السياره

مشكور الف شكر

ويعطيك الف عافيه يارب..

.

[الاعلامي]

الاعلامي

انا اشور عليييك تشاور الربع بهذا لان شنقل هو راعي الخبره بالامور هذي ولاراح يقصر معك اما من ناحيتي انا فاقول لك خلك على مجنونك لايجيك اجن منه :)

والفورد عموماً فيه مشاكل واكثر مايذكرون الحراره وايضاً فيه مشكله انه اذا خمته طفى واذا طفى مايشغلوه الا خبيير وعليك الحساااب :biggrin:





خلاص الكامري ماني بايعه لو تجيب لي مليون

المخاوي

مشكور الف شكر

ويعطيك الف عافيه يارب..

.

[سليمان الثنيان]

اخوي الاعلامي

صراحة لوحات السيارة مميزة

ولو انت شاريهن كلهن

كان صار ((كلم* رقم* علي))

واما الامريكي هج عنه

عليك بالياباني واذا كثرة الميزانيه عليك بلــ VXR

[لوحة] مجنني VXR[/لوحة]


:

والله فكك من النصب


:

[الاعلامي]

اخوي الاعلامي

صراحة لوحات السيارة مميزة

ولو انت شاريهن كلهن

كان صار ((كلم* رقم* علي))

واما الامريكي هج عنه

عليك بالياباني واذا كثرة الميزانيه عليك بلــ VXR

[لوحة] مجنني VXR[/لوحة]


:

والله فكك من النصب


:



زي ماقلت الحروف

كلم على رقم

528 / 887 /555

حروف مميزه واراقم مميزه

لكن السيارات غاليه

ويعطيك الف عافيه يارب

..

.