المساعد الشخصي الرقمي

مشاهدة النسخة كاملة : ذيب ٍ قنب


فهد عبيد الروقي
19-06-2005, 02:30
بسم الله الرحمن الرحيم

الـــعذر يا شــمّـر هــل الطــولات والســاس الــعريب

وأهل الكرم وأهل الفخر والخيل والسيف الحدب

وأهــل الشــكاله والشــجاعه والحــميه والــحـــريب

وأهــل المــروّه والــوفاء ياللي تفكـــوْن النــشب

العــذر منكـــم والسمــوحه والخــطى ماهـو غـريب

كم واحد ٍ يخـطي لو أنه شيــخ قــوم ومن عـرب

لكن يا شـــمّـر ترى لـــولآ الخــطى مافيـــه طــيـب

والطيب يبقـى والـردى يفنا على سلـم العــرب

والطــيب كايـد للبـشــر والـمـرجـــله حـــظ ونصـيب

وان كان يلـحقنــي كـلامـي نقـــد للّــه العــجب

تـرى الـعتب يالربــع مايزعــل صـحيب ٍ من صـحيب

وقفــة خـــواطـــر والنــوايا كلـــها يمـكـن عـــتب

مـاقـلت شـي ٍ يلــحــق الرجـــال منقــــود ٍ وعـيب

كــل الحـــــكايه ماتوصلنــا مواصيـــل الغــــضب

هـذي رســـالة شاعر ٍ روقـــي ويـدعـي يا مـجيب

ويقــول يا ربــي طلبتــك لا تضــيّع لي تــــعـب

والعــذر جاكـم والرســاله جــات من كــف النــديب

ابيات شعر ٍ من هجوسي نقدها نقـد الذهب

وياذيب لن كانك سمعت الصوت جاوب صوت ذيب

ذيب ٍ قــنب وليـا قــنب يا ذيـب ما كـــنه قــنب


:فهــد عبيـــد:

انا ادري ان مافيه زعل ان شاء الله لكن القصيده هذي .
لأني احس باللي في قلوب الرجال لو ماسمعت شي
المهرة
19-06-2005, 02:47
هلا يامرحبا باللي لهم ثقل في الميزان= مواقفهم لها ميزه وكل الناس تعرفها

سلايل عزوة لاوقفت في ساحة الميدان= رجالٍ في الملاقا دايمٍ تحمى مواقفها

هلا والرجل في دار الكرم والجود ماينهان= وترى ماانت بغريب ودارنا مثلك يشرفها

هلا في دار شمر حلةٍ ماتقبل النقصان=سلوم الطيب ودروب المراجل مانخالفها

بعد ماجابك الله يافهد في دارنا ضميان = تبي تلقى الرجال اللي لفت كيفٍ يكيفها

تريح مع بني عمك الاسلم وعبده اهل الشان = وزوبع في مجالسها و روحك لاتكلفها

انا ربعي على مر الليالي فوق ياابن فلان= رجالٍ عندها شيمة ولاتبدي حسايفها


وحيااااااااااك الله 00 اخي الفاضل
فهد في مضايف شمر
سلطان الشمري
19-06-2005, 03:05
هلا هلا هلا هلا ..بك من بعيد أو من قريب
..........................لا يافهد لا يافهد ../ مابه على الغالي عتب ..

تعال وانزل عندنا ../ وقلوبنا لك به نصيب ..
.......................... والموقده ../ ياصاحبي .. للحين في راسه لهب..

من طيب حاتم ../ورْثنا .. طيبٍ ورَثنا منه طيب..
.......................... وحنا الجنايز ../ يافهد ../ ماهمنا ../ كلمة لقب ..

وانت الشجاع ابن الشجاع ../ الشاعر الذيب الأديب
......................... الروقي اللي ../ بالسماء صيته وبالأرض انكتب ..

واللي قنب ../ ياصاحبي له ذيب جاوبه القنيب ..
......................... ماخطيت يا قاصد كرم حاتم .. ../ على سلم العرب ..

والله مااعرفك ../ ابد .. لاشك خليتك صحيب ..
......................... لانك رجل.../ و في معرفة شرواك ../ ندفع به ذهب ..

جيت الطنايا ../ يافهد . . . افعالهم فعلٍ رهيب ..
......................... بالسيف دون .. ضيوفهم ../ يبين لك فعل الحدب ..

هذي منازل ديرتي "شمر " ../ هل الراي المصيب ..
........................ عبده والاسلم لابتي../ وسنجاره فتالة شنب ..

وهنا الجنيدي ../ لأنتخى ../ حرٍ شلع ماهو قضيب ..
...................... وحنا معه ياصاحبي../ ولابه على الغالي عتب ..

.
.
.
" كي بورديه مستعجله جداً " ../ جواب لقنيبكــ يافهد ..


وحياك الله بين اخوانك . . .


نتشرف بتواجدك بيننا


اخوك نبراس
المشرف العام
19-06-2005, 03:33
هلا باخونا فهد

يالله حيّه . .

والزّعل بأرضنا مرفوض

وشكرا على هذه القصيده الجميله ، وماتحمل به من معاني ساميه


حفظك الله


وماقصّر شاعرنا المتألّق دائما وأبدا . . اخوي نبراااس





هلا هلا هلا هلا ..بك من بعيد أو من قريب
..........................لا يافهد لا يافهد ../ مابه على الغالي عتب ..

تعال وانزل عندنا ../ وقلوبنا لك به نصيب ..
.......................... والموقده ../ ياصاحبي .. للحين في راسه لهب..

من طيب حاتم ../ورْثنا .. طيبٍ ورَثنا منه طيب..
.......................... وحنا الجنايز ../ يافهد ../ ماهمنا ../ كلمة لقب ..

وانت الشجاع ابن الشجاع ../ الشاعر الذيب الأديب
......................... الروقي اللي ../ بالسماء صيته وبالأرض انكتب ..

واللي قنب ../ ياصاحبي له ذيب جاوبه القنيب ..
......................... ماخطيت يا قاصد كرم حاتم .. ../ على سلم العرب ..

والله مااعرفك ../ ابد .. لاشك خليتك صحيب ..
......................... لانك رجل.../ و في معرفة شرواك ../ ندفع به ذهب ..

جيت الطنايا ../ يافهد . . . افعالهم فعلٍ رهيب ..
......................... بالسيف دون .. ضيوفهم ../ يبين لك فعل الحدب ..

هذي منازل ديرتي "شمر " ../ هل الراي المصيب ..
........................ عبده والاسلم لابتي../ وسنجاره فتالة شنب ..

وهنا الجنيدي ../ لأنتخى ../ حرٍ شلع ماهو قضيب ..
...................... وحنا معه ياصاحبي../ ولابه على الغالي عتب ..

.
.
.
"


اخوك نبراس


بيّض الله وجهك

أنا اشهد انّك قلت فأجدت

لا فض فوك

ولله درّك من شهم


لك ارق تحياتي
المهرة
19-06-2005, 04:21
صح الله لسانك 00 وصاخب حضورك
اخي نبراس
حرفٌ لايتطرق إليه الظلام
به هيبة الوقار
وعذوبة نهر
وشموخ شمر


ثمة ضوء يشع من هنا
وحروف تلتقي على ذلك الجسر الشاعري
شــاعر لقصائده نكــهة الهيل 000


ودرب ابداعي 00تعرفة بطيبة قلبه 00 حتى وهو يكتب الشعر

والأيمان الذي يسكن طرقات روحه
وافر الشعر00 نبع لايتوقف عن العطاء

نرحل معه على أجنحة الشعر 00 ونرتمي

في حضن المعنى الشاهق
ابدعت 00 ماشاء الله عليك
وكفو
ولكن شاب القاف في وجود حضرتي
ولكن سأقلب القاعدة هذه المرة
وسأعود للرد على اخي فهد
دمت بخير
اختك 00 المهرة
سعود بادي
19-06-2005, 04:21
فهد الروقي
.
.
الف صح لسانك على هذه الفاتنه الراقيه
ابدعت وامتعت براائعتك

.
دام نبضك وبانتظار القادم
.
.
عبدالله المهيني
19-06-2005, 05:30
فهد الروقي


ياهلا ومرحبا

وحياك الله اخوي بمحلك


والف صح لسانك

حضورك رائع .. أدامه الله


لك الإحترام أخوي

دمتــ بخير
بـنـت النـور
19-06-2005, 05:41
http://www.asmilies.com/smiliespic/FAWASEL/033.gif
حياك الله فهد الروقي

صح لسانك

حضور رائع
http://www.asmilies.com/smiliespic/FAWASEL/033.gif
هلا يامرحبا باللي لهم ثقل في الميزان
مواقفهم لها ميزه وكل الناس تعرفها

سلايل عزوة لاوقفت في ساحة الميدان
رجالٍ في الملاقا دايمٍ تحمى مواقفها

هلا والرجل في دار الكرم والجود ماينهان
وترى ماانت بغريب ودارنا مثلك يشرفها

اختي العزيزه المهره

مبدعه صح لسانك

ودمتي متألقه مميزه رائعه

http://www.asmilies.com/smiliespic/FAWASEL/033.gif

هلا هلا هلا هلا ..بك من بعيد أو من قريب
..........................لا يافهد لا يافهد ../ مابه على الغالي عتب ..

تعال وانزل عندنا ../ وقلوبنا لك به نصيب ..
.......................... والموقده ../ ياصاحبي .. للحين في راسه لهب..

من طيب حاتم ../ورْثنا .. طيبٍ ورَثنا منه طيب..
.......................... وحنا الجنايز ../ يافهد ../ ماهمنا ../ كلمة لقب ..

اخي نبراس

صح لسانك

ودام ابداعك

دمتمـ بنـور

http://www.asmilies.com/smiliespic/FAWASEL/033.gif
عبدالله الجعيثن
19-06-2005, 07:46
فهـد الروقي

صح لسانك

ودام تواجدك

والزعل مايجي بين الاصحاب

تشرفنا جميعا بحضورك

والشكر موصول للاخ نبراس

دمتم بخير
فهد عبيد الروقي
19-06-2005, 07:58
شكرا ً لكم الجميـع

والله يبقيكم

شكرا ً للاخت المهــره على القصيده الترحيبيه الرائعه

بعد ماجابك الله يافهد في دارنا ضميان
تبي تلقى الرجال اللي لفت كيفٍ يكيفها

مبدعه اختي المهــره
0
0
0
شكرا ً لك اخوي نبــراس على القصيده الرائعه والجميله
وكفيت واوفيت والله يبقيك

واللي قنب يا صاحبي له ذيب جاوبه القنيب
ماخطيت يا قاصد كرم حاتم على سلم العرب

كلام جميل وابداع تحياتي لك اخوي نبرااااس
0
0
0
شكرا ً لك اخوي المشرف العام ابو سلطان على الكلمات
المختاره والله يبقيك اخوي وان شاء الله اني ماكون مقصر معكم
0
0
0
شكرا ً لك اخوي سعود بادي على ماتقدمت به والله يبقيك اخوي
تحياتي لك
0
0
0
مشكور اخوي عبدالله المهيني والله لا يهينك وابقاك الله اخوي
تحياتي لك
0
0
0
مشكوره اختي بنت النور على ماقدمتي والله يبارك فيك
واشكرك على أطرائك الجميل ودمتي
@

بيّض الله وجيهكم والله لا يهينكم

اخوكم : فهــد عبيــــد
فهد عبيد الروقي
19-06-2005, 08:08
صح بدنك اخوي الغــــازي ولاهنت وابقاك الله

وبيّض الله وجهك اخوي
فهد عبيد الروقي
19-06-2005, 08:32
تحياتي للجميع وأشكركم جزيل الشكر على أطرائتكم الجميله
مرزوق الشمري
19-06-2005, 10:52
بسم الله البادي على كل منثور@@@@اللي عطانا صاحبا من خياره
هات القلم واكتب سلامي على الفور@@ وده لابو عبيد حشما اجواره
حيك فهد عد ما رفت اطيور@@@@@@@ يامرضي ربك بعدل المساره
حي المعنى دام وقته باللسرور@@@@ تلفي عابو سلطان ضو المناره
يالله تحفظ ضيفنا من كل مخدور@@@@@ اللي لفنا بالضحى وبجهاره
وصلوا على المعصوم ماشعشع النور@ على النبي الهاشمي في اقتداره

تقبل محبتي واحترامي
نيابه عن من لم يرد على كلامك الطيب
مرزوق ابن عبد الكريم ابو الغنم(((العلي)))
أم نــــــــــواف
19-06-2005, 23:33
اخوي فهد


هلا والله فيك

وصح لسانك على هالقصيدة


وصح لسان اخونا الشاعر نبراس عز الله ماقصّــــر ..


كفووووو والله فيك وفيه
خالد الشمري
19-06-2005, 23:43
الاخ فهد الله يحييك بين اخوانك وصح لسانك وما عليك زود لانت ولا ربعك

الاخ نبراس مااقول الا ماشاء الله تبارك الله وصح لسانك
المشرف العام
20-06-2005, 00:37
هلا يامرحبا باللي لهم ثقل في الميزان= مواقفهم لها ميزه وكل الناس تعرفها

سلايل عزوة لاوقفت في ساحة الميدان= رجالٍ في الملاقا دايمٍ تحمى مواقفها

هلا والرجل في دار الكرم والجود ماينهان= وترى ماانت بغريب ودارنا مثلك يشرفها

هلا في دار شمر حلةٍ ماتقبل النقصان=سلوم الطيب ودروب المراجل مانخالفها





أختنا الشاعره القديره المهره

لا فض فوووك

ماااشاء الله عليك

وبيّض الله وجهك

واخي فهد . . يستاهل هذا الرّد الجميل


حفظك الله
ابو غازي
20-06-2005, 00:58
:2:

ماعليك زود
والله لايهينك اخونا / فهد الروقي

اهلاً بك بين اخوانك واخواتك ببيتك الثاني مضائف شمر
دام قلمك وصح لساااانك الف

الشكر موصول لجميع اخواني الشعار والشاعرات اللي اهدو اخونا / ابو عبيد
هالأبيات الكيبوردية

ابو عبيد / لك كل الود http://www.meu.cantinho.nom.br/gifs/amrosaorvalho.gif
:54:
فهد عبيد الروقي
20-06-2005, 06:05
صح بدنك اخوي مرزوق الشمري ولا هنت

وصح لسان على هالقصيده الرائعه

والكلمات الجميله والحقيقه كان ودي ارد عليك

بقصيده ولكن لا استطيع مجاراة هذه الكلمات ارائعه

مشكور اخوي والله يبقيك
فهد عبيد الروقي
20-06-2005, 06:10
الله يبقيك اخوي ابو غازي

ومشكور على ما تقدمت به

وصح بدنك الف واكيد اني

احمل لك كل الود اخوي

ابو غازي
فهد عبيد الروقي
20-06-2005, 06:20
صح بدنك اختي ام نواف

وتسلمين مشكوره اختي
فهد عبيد الروقي
20-06-2005, 06:24
صح بدنك اخوي خالد فراج

والله لا يهينك ومشكور على هالكلام الجميل

تحياتي لك