وين الفزعه ؟؟

[الأصيل]

السلام عليكم ..

يقول الشاعر :

لاصار بالدنيا رفيدزك يخليك *** ما من ورا عوج النصايب رفاقه

( أنا أشهد )


الموضوع ...

يتخلى عنك رفيدزك بأحرج وأشد اللحظات ...:a:

والعجب العجاب أن هذا الرفيدز .. من أعضاء الفله !!!

حولو .. وتابعو معي .. أحداث المأساة عن كثب ( تعرفون كثب ):goooood:


هكا اليوم ..

جالس بأمان الله .. لا لي ولا علي ..

جاني أبو قرون ( إنت يالشيطان ):188r:

قال لي : يابو ثوب ..

إنت ليه حابس روحك بين الفله والمحاوره ؟؟

قلت : وين أولي ؟؟

قال : عندك الأدب العربي ...

اشهر سلاحك ... وعندك إياهم ..

ما تساذبت خبر ..

وهي لك تطري علي سوالف الأولين :d:

أيام الغزو والحروب ..

قلت .. يالأصيل .. لازم تغزي على أهل الأدب العربي

وتخليهم يعرفون من هم أهل الفله ..

ونا لك .. آخذ البيرق ... يطرخ ...:biggrin:

مكتوب عليه ... ((( إمبراطورية الفله )))

ونا لك أشد على فرسي .. وأدقه سلف ..:315r:

أيام وليالي ..

كل ماجيت على لي عرب .. قالو لي .. إقلط ياضيف .. العشا .. الغدا

قلت : لا بالله .. أنا غزاي على لي قوم

ما لكم بالطويله ..

وصلتهم مع طلعت البيضا ( كنايه عن الشمس )

ونا لك أغز بيرقي بساحتهم ..

وتقوم فرسي له صهيل ..

ونا أصيح ... وين أهل الأدب العربي ؟؟

هل من منازل ؟؟

فارس لفارس !!

فارس لعشره !!

فارس لمائة !!!! ( متأثر بفريد شوقي ):d:

للأمانة .. أنا ماني خابر عندهم غير فارس وفارسه بس فقط لاغير

يعني .. ماعندك أحد يابو ثوب ...


لكن ... النصيب

واللي يطيع شور ( أبو قرون ).. ماهو والفلاح ...

شوين ..

وهم لك يتناتقون من بيوتهم ..

ليو الله .. الدعوا ماهي دعوة مبارزه ..

يبي ياصل الدم للركبه ،، :eek:

ونا لك .. أقصد بهم هكا القصيده ... هجاء حاد بدرجة 70جرام:359r:

يالربع .. ( ولالكم علي يمين ولا يسار ):p:

مافطنت ..

ألا هكا الضربه اللي جتن على دماغي .. :408r:

قصيده كيبورديه ..

رداً على ملويتي ( إسم إشاره يعود على ضمير تقديره : قصيدتي )

ونا لك أدوخ .. وحسيت بنوع من الغثيان ..

أبحّر ( هو النظر بحده وغضب ):d:

ليوالله .. منهو ؟؟؟؟؟؟؟؟؟؟؟

نبرااااس ..:a:

أنا ما أدري إنوه فزّاع مع أهل الأدب العربي ..

أخبره يدوج بالشعر الشعبي

المهم ..

رشقت على وجهي ماء ( الرشق هو الرش بقوه ):luvlove:

على ما صحصحت شوين ..

ليوالله هكا الضربه اللي بين كتوفي ..

ونا أعظ القاع ..:d:

( أويلي ... الله يعوض على أهلي )

منهو ... يمار بحر الشوق

وهو يجيني بقصيدتن تروعن وتروع المتنبي ..

وعينك ماتشوف ألا النور

وهم لك يتفازعون علي ..

يالربع ماعمري شفت حميّا مثل حميتهم على بعض

قام واحد يقال له ( متعجب )

مافطنت .. غير أنا بين السما والقاع

وهو لك يزل عن مطبي ...

إقمز يامتعجب فووووق وهو يبرتس على تسبدي بهكا القصيده

( أبي الخلاص ... عجزت )

( أوا حلولات يالحجّاز ):106r:

ما اكتفو بها المذبحه

وهي تشارك العنصر النسائي

( هذا اللي قهرن ... حتى حريمهم مردغني تمردغ ):c:

( لاعادت قصيدتك يابو ثوب ) ( لا وتبي تغزي )

جتن وحدتن يقال له .. ريوف الشمري

معه له رمح 9 متر وهي تندفن بين الضلوع

يمار أخوكم من صيد أمس

المهم .. ماقمت أسمع ألا دبيكهم فوق صدري

وسمعت وحده تقول :

إذا ظل منوه عظام .. خلوهن لي !!!!!:a:

أنا أخو العيال ..

ياكلوني لحم .. ويجدعوني عظام

عزااااااااااااااه يابو ثوب


في هذا الأثناء

حصل شيء غريب

ماهو ؟؟؟























تابعونا بعد الفاصل ..:goooood:


******************************************

أضف إلى معلوماتك :

* هل تعلم أني شمري ؟ وأن أبوي وعمي شمامره أيضا؟!!!:a:

* هل تعلم أن خالي .. من جماعة أمي ؟؟

* وهل تعلم أن ولدي .. أصغر مني سناً ؟؟ !!:thumb:


قظى الفاصل

*********************************************
نظرت .. بربع عين ( نعمه .. سلمت على هالربع عين )

يمار هكا السراب اللي لوه غبره من بعييييد

الذلول اللي تلوح سفايفه

فوقه .. هكا الولد ... يهوجن ..

ياهل الهجن خوذو بهن فله ** اسرو الليل واطراف الأيامي

يالفيت العرب بيته أدله ** يهوي القلب ويمشن الأقدامييييي

ونا راعي فراسه ماتخطي

قلت .. كن أبا زبون المطنوخ ..:o:

يوم وصل ..

يمار إنوه المطنوووووخ

قلت .. جاك الفرج يابوثوب

المطنوخ .. لعنبو دارك .. افزع لي ..

قال :

ماذا قال !!!

هل تعلمون ماذا قال ؟؟!!!


.
.
.
.
.





قال : تستاهل يالأصيل ..

خلك ...

قلت .. ياخو طنخه .. أنا رفيدزك بالفله ..

وهاللي تشوف حالتي

ذبحن الظما ..

عطن جقمة ماء .. أبي أبل ريدزي

قال : لله ..

عاد هو معوه ببسي كولا وسفن آب وتايم آوت

ومعوه لوه زهابن حاطوه بخرج الذلول ( عسى ذلولوه للذيابه ):p:

بهاللحظه ..

حسيت إني مالي الوالي :puzzled:

وقلت : ياشينين .. ارحمو عزيز قوم .... ذل:408r:

وهي لك تخر دمعتي ( بالله .. ماكسرت خاطركم ):goooood:

صدق الكابتن اللي يقول :

المستجير بالمطنوخ عند كربته *** كالمستجير من الرمضاء بالنار:cool:

قلت : طيب .. إنت وشجابك ؟

قال : جاي أتشمت بك.. وآخذ جثمانك للفله علشان تدفن هناك !!!:g:

******************************


(( نهاية .. رجل شجاع ))


******************************




أهل الأدب العربي ..

خذو فرسي ..

وقامو يلعبون ..

عرضه ودحه

والبنات يصفدزن ويهلهلن

والمذهوب أخو طنخه .. مع أهل الدحه ...:480r:


مافطنت .. ألا أبورائد عندي ( يابعدي هكا الوجه .. راعي فزعات ):goooood:

وهو لك يطلبهم أنهم يعفون عني

وهو يقصد بهم قصيده ..

وهم لك يهجدون ...

ويسحبن أبورائد .. يمار أنا صايرن ( مثلوثه ):315r:

....



******************

وأختم هالقصه المراثونيه بقصيدة أفلاطون اللي يقول به :

من طلع من داروه .. قل مقداروه ...:puzzled:

*************************

وإليكم الأدله المقتبسة من كلام المطنوخ نفسوه :

********************************

عليكم به هذا الاصيل

لا تأخذكم به شفقه :)

جاء يومك يالاصيل وانا اراك تنزف وتحت اشرافي

اها اها اها<<ضحكه كناية عن الغرور

شعارنا لكم ساحة المعركه

وان خصمكم لشديد البأس

فأن لم تظفروا به من الجولات الاولى

ظفر بكم في الجولات الاخيره

فامكنوا روحكم:)

متابع<---->ولي عوده




ويقول المطنوخ أيضاً :



ان العين لتدمع وان القلب ليحزن

أيها القوم سألتكم بالله

ان بقي من هذا المقروووود شيء

أعطوني اياه فإن اصحابه الفلاليون

يطالبون ببقايا جثته وحتى لو ما بقي الا ضرسه العقل

وان اردتم فلتأخذوه فإنه ليس لنا به حاجه







وداعا الاصيل:)










ويقول برضوه :



يابوثووووب ياولد بسك ابتسامه

ياولد ابتسمتك طلعت من وجهك من فرط السعاده<<بما اننا بالفصيح:)

شوف بالاوله اذكرها
هذا الخال ابورائد فزع معك وانت واقفن ضدنا بحربنا الضروس بسنة فيضة الشعبان

وهذي الاخرى تر الريم مافزعت الا بعد ماسمحت لها تفزع معك يعني هالفصيح ما يمشي الا بشوري<<<العراب على غفله:)

لا تفتكر اني ما اتعدى الفله

بل ان كل المضايف يدفعون لي جزيه حتى لا اتعرضهم

فقدم الولاء لي كيلا تتمردغ نوبتن اخرى

ولك اجمل ود واقوى تعظيم سلام



والآن ياأهل الفله

أبي حكمكم الصارم على مثل طنخان .. الذي تبين أن ولاؤه

لغير الفله وأهلها ..

والله من وراء القصد


*************************************


ثلاث همسات :

1 ـ المخاوي ..هالمويضيع هديه لك بمناسبة توليك الإشراف .

2 ـ الشبث : واللي رفع سبع وبسط مثلهن .. إني متقلد تحيتك

لاتكلف روحك وتكتب لي : وتقلد تحيتي !!!!!!!!!!!!!!!

3 ـ أخو طنخه .. أغليك أكثر من عصير الكوكتيل .

[راعي البيرق]

أخي الأصيل ..
شاعر مجيد ولا شك وقصيدة إعلان الحرب في الفصيح تشهد ، ثم أنك في هذا الموضوع ، قد أظهرت العجب العجاب في المقدرة على إدخال البسمة لقلب القارئ ، (( طيب ما دام الدعوا هلون ليه يوم جيت انا وشفت الدخنه بالفصيح وقريت قصايد الموضوع اعلنت خوفي تقولي لا تخاف وخلك معي وانت الربحان ، أشوا اني ما طعتك وخذيتها من قاصرها ومشيت ))
شكراً لك ايه الشاعر الجريء ..
وعاود الكره فلا نصر إلا مع الصبر ...
ونحن في الإنتظار ...
والسلام ...

[المطنوخ]

قضي الامر يابووزبوووون

عزالله انكفشت

(مشهد وضع الكلبشات وبجنبي ضابط مصري ملابسه العسكريه بيضاء وجبهته معرقه:))

المطنوخ:ياحضرة الصول واللهي ماعملتش حاقه دانا غليان

حضرة الصول:امشي من أودامي عند حضرة الزابط

((انتهى الفيلم بإلتقاء المطنوخ بسعاد حسني)):):)

يا هل الفله

اما جاءكم نبأ قول دستوركم العظيم

الذي يقول ياداخل بين البصله وقشرتها ما يأتيك الا ريحتها

وهذا الرجل قد جائته الطناخة وشرب شراب الحرمل المطعّم بورق الينسون

واعتقد لوهلة انه الفارس المطنوخ دام ظل فرسه العالي

وصمم على الذهاب رغم انه غير متزود بالمؤن اللازمه مثل شراب مكه كولا

وبربيكان بالتوت

واعتقد انه سيهزمهم لوحده رغم التحذيرات التي وجّهت اليه كي لا يذهب لكنه ركب دماغه واصر على قتالهم لوحده

===

ما يستفاد مما سبق :
1-ان ابوثوووب جنى على روحه
2-اضمر الكره بقلبه تجاهي لانني لم اعطيه شراب البيبسي
3-جيراننا يسكنون بجنب بيتنا


لي عودة مجيده مدججه بالادله الدامغه على ابوثوووب

[المهرة]

انت وش وداك للفصيح يافصيح http://www.asmilies.com/smiliespic/evil/013.gif

جنت على نفسها طماطم http://www.asmilies.com/smiliespic/evil/011.gif
ما قلت لك الف مره تعال للنبطي وقد رأيت عن كثب وعن طريق جبال اجاوسلمى http://www.asmilies.com/smiliespic/evil/025.gifوالتماسيح ماقصروا فيك لازم تكتب قصيدة هجاء فيهم لاتخلي حقك يروح ههههههههههه
كانت نهايتك نهاية الكبسه اللي انت زينتها من قبل http://www.asmilies.com/smiliespic/happy/016.gif

طيب ماحاولت الاتصال بصديق عن طريق جهاز الثريا http://www.asmilies.com/smiliespic/happy/019.gif

لكن ابشر بعزك قريباً ان شاء ستكون هنالك حرب البسوس والكنافة بيننا
عن طريق المحاوره هههههههههههههههههههههههههه

تشااااااااااااااو

[سلطان الشمري]

وانا جيتك بهذا .. زوار ٍ لك ..

وطالبك تالي السالفه .. :)

وهذي فرسي .. ( سلكي سوفت ) هديه لك :)


لكن لاترد النقا علينا



احم احم ..اقول انت حي لهاالحين؟:)

[ابو غازي]

:2:

:Goodstar:

لم أكن أنوي التســــــــــــــــــجيل لعجلتي من أمري
وأجبرتني على الدخول للمضائف لكي أرد على مشاركتك الرائعة
قلمي يجف أمام رائعتك وفكري تشتت ولم يسعفني للرد عليك أيها الأصيل
فكرتك هذه لم يسبقك أحد عليها وإنت راااااااااااااااااعيها أيه ااااااااااااااااالرائع
ماشاء الله عليك جمعتها من الفصيح للنبطي لقصة وقصيدة وبعثرتها بفلة حجاج وكم أسعدنا ماجلبت
بارك الله فيك ونفع بك / ومنكم نتعلم إســـــــــــــتاذي الفاضل


:shrt27:
لك كل الود http://www.meu.cantinho.nom.br/gifs/amrosaorvalho.gif
:54:

[المخاوي]

يالله حيوووه :7ayyoh:

حي الله فارس الفله اللي غزاا وسيفه ماسله >>> كنايه عن قوته :)

ابشر والله بالفزعه :biggrin:

خلن بس اضحي لي شوي واروح عليكم :)


ابو ثووب هديتك مقبوله وبالحفظ والصون :goooood:

[درداح]

خشـــــــــــتي بخشتك
اشر بس وابشر بعيوني هالي مفلصات

[متفاائل]

ياخوي يالاصيل انت بغيت الامور طفحة ودك تنفرد بالبطوله وانغريت من حكي و شور ابو قرون يعني كبرياءك منعك من انك تكز لربعك مناديب من خوف سبحان الله ياخوي لو كاز مناديب كان حضرنا حولك ان نجحت ماقلنا شين وان طحت تلقى من يحجز اقل شي وانت تحيزم بمحزم هالخوص اللي انفرث بين يديك وتبرى منك :):) .
المثل يقول (( اذا رحت للفصيح تحسب مالك نطيح وطحت فلا تصيح ))

[اجوديه]

واالله أني دااخله المضيااف مستعجله عندي شغله ابي اسوويهاا واطلع بس خبررك اللقاافه:) وش تسووي بالانساان :)يووم أني شفت عنوان مووضوووعك شدني ونسيت اللي دااخله له:) المهم وداام اني دخلت وقرأت المووضوووع المطوول:) اللي كل مااقريت فقرره قلت يااليل مااطولك :)
وبماا أن مووضووعك جااز لي :)قلت حشاا وألف حشاا والحشااا عن ألف يمين اني أطلع من دوون ماارد:) ،أكيد قااعد تسأل حاالك وين الرد:) جاايك لاتستعجل على رزقك هااك الرد:):):)

تحيااتي لك :023b::023b:

[المطنوخ]

دخلت بس علشان اخرب رد اجوديه :)

سلاام

[المهرة]

المثل يقول (( اذا رحت للفصيح تحسب مالك نطيح وطحت فلا تصيح ))
بصراحه اخوي متفائل مثل في الصميم ان شاء الله يعتبر اخونا الاصيل هههههههههههههه
تشااااااااااااااااااااو

[احمد الهاجرى]

يوم اني سمعت صوت الاصيل

يزهم وين الفزعه وين الفزعه ياهل الفله


وانا الي اركب فريسه عندي صنيع ماتشرب كل ليل

الا كبتشينو وانا الي امدبها ايدي يم الصياح ومتقلدن رمحي

او مدري سيفي غيب عني من الصطر ويوم اني قربت من المعركه

وانا اسمع صهيل فرس الاصيل بعد الضربه الاولى

واناا لي احدها عليهم ويوم اني قربت منهم وهي الي تنكس راجعه

مع دربه وانا الي اردها يمهم ويوم انها قربت منهم وهي الي تنكس ثانيه

وانا الي اخالفها ولانا بلقاع ولا صحيت من الطيحه الا انا مكتف وماخوذ السلاح

ويوم طالعت الى الي مكتفاتني الحريم ويصفقن ويضحكن علي

وانا اسعلهن عن الفارس راعي الفرس الي تصهل قالن ذبحوه فرساننا

والي انت فزعتوه ماهو طايلن شاربوه

المهم مانطول عليكم قعدت عندهم اسير ايلين تم تبادل الاسرا

ونكست يم الفله وحلفت ان ابيع الفريسه وقبل بيعها حرمتها من الغبوق

الكبتشينو


هذي فزعتي لخوي الاصيل


وشرهان على المطنوخ يوم حضر المعركه ولاسوا مثلي

مير صار شمتان بالاصيل

[الأصيل]

ياراعي البيرق ...

أنا يوم أبيك تفزع معي ..

أبي يجيك نصيبك من اللي جاني :d:

يافلان ...

انضربت ضرب : سنه بساعه ..:106r:

وأما إني أعود الكره ... فـ هيهات يافلان:eek:

ياروح ما بعدك روح ...






وأشكرك على ثناءك ومشاركتك ياعزيزي ..

******************************************

تأبط شراً .. ( أخو طنخا ):goooood:

وشلونك مع الكلبشات ؟؟

عسى الصول ( عشماوي ) ؟؟

العشماوي هو المختص بـ ... المشنقه :a:

ماخفت ربك ياشين ..

لعنبو ابليسك .. كلهم تفازعو علي ..

ونت تزيد الطين بله ...:c:


ولعلمك الخاص والعام

سوف أغز بيرقي غزاً في الأدب العربي

لكن .. بعد أن آخذ أهبة الاستعداد من البربيكان:biggrin:


وبإذن واحد أحد

إني سأتحل هكا المضيف

وعندها .. سأنفيك إلى جزر القمر :p:






( جيرانكم يسكنون بجنب بيتكم ؟؟؟!!!! )

أفهم من كلامك إنك تشجع القادسية !!!!!!!!:p:










وتحاااااتوووووووووو لأغلى مطنوخ بآسيا:315r:

*******************************************

خالتي المهره ...

الدنيا تجارب ياخاله ..:goooood:

قلت أبي أجرب حظي بالفصيح

لكن

ليتنا من غزونا سالمينا !!!

وأشوفتس تسنتس شمتانه!!!!!!!!!!!!!!!!!!!!!!!


وأما نهايتي ..فبالضبط مثل هكا الكبسه ...:359r:

وأما الاتصال بصديدز ... فالصديدز .. مافزع لي يافلانه :408r:


وإلى اللقاء في حرب البسوس:188r:

****************************************

حيا الله نبرااااااااااااااااااس

اللي ضربوه يوجع الرااااااس :biggrin:

حيا الله اللي بدأ بالهجوم

ماتخافون الله إنت وربعك ...:106r:

ثمانيه وعشرين طعش على واحد

خوذ فرسك يانبراااااس:c:

والوعد بعد تسم يوم

نبي نحشل عليكم ...:d:









وصح لسانك مليون على قصيدتك

******************************************

خالي أبـــــــــــــــوغازي:goooood:

والله إني تمنيتك هناك

بس أدري .. ما لك سجات حولهم

الديار بعيده والمواصلات متعطله ياخالي :315r:







ويسعدني ويشرفني مرورك وتعليقك هنا

وشهادتك وسام ..

دمت لنا وللمضايف كلها .

******************************************

المخاوي

حيا الله مشرف الفله

ياخي ماظل به فزعات ..

عسى ماتشوف اللي شفتوه أنا

مابقلوبهم رحمه على الطرقيه

ولا واحدن منهم قال .. الغدا العشا !!!:eek:

تسيف يافلان ماعندهم أحد يحجز

نبي نكز لهم : 3 حجازين .....






للحين جنوبي يوجعني


ياعسى جنوبهم للجنه ( آمين ):thumb:

وبهالمناسبه .. أقترح إن يكون بيننا جهاز الانذار المبكر

بحيث إن أي عضو من أهل الفله يتعرض لهجوم

ماعليه ألا أن يضغط زر الانذار ليحدد مكانوه :thumb:

ليقوم مشرف وأعضاء الفله بتلبية ندائه بأسرع وقت ممكن:biggrin:






ودمتم ذخراً للفله

*********************************************

درداح ...

يابعد خشت بعض الناس

يافلان ..

أخاف هالعيون المفاليص ماوراهن فزعه !!!!:d:


على العموم ..

أنا عندي هجوم قريب ..

تولم يالغالي ...


********************************************



متفائل

آآآآخ يابو عمر آآآخ



يافلان أنا ماأبي بطوله

لكن هقيت بروحي هقوه .. وقلت .. أجرب تجربه

لو عندنا من غيب الأيام ....


لكن ..

ملعون أبو الجدف . أبوقرون .. ورطن هكا الورطه :408r:

أنا أحسب الموضوع مثل المحاوره

آخذ وأعطي ..

هذولا ياخذون ولا يعطون يافلان ..:359r:

.
.
.

المثل يقول (( اذا رحت للفصيح تحسب مالك نطيح وطحت فلا تصيح ))


منهي لوه هالقصيده ؟؟!!:315r:



عز الله مثل .

********************************************

أجوديه

تسني شفت زولتس مع أهل الأدب العربي !!!!!!!!!!!!!

مهي انتي اللي تهلهلين !!!!!!!!!!!!!!!!!!!!!!!!:eek:

ترا بيننا ثار

وحنا الحين بفورت الدم ...:c:




وأشكرتس على مشاركتس ..


والحين..لاتنسين شغلتس تسانتس مستعجله

*******************************************

طنخان ..

هو وين الرد اللي تخربوه أيها العدو اللدود ( عسى ماياكلك الدود ):d:

**********************************************

ياللله حي أحمد الهاجري

يابعد خشمي على فزعتك


أثريهم خذو فرسك مثلي ....


وبعدين يابعد خشمي ... وين تبادل الأسرى!!!!!!!!!:a:

يابن الحلال حنا زين سلمنا على رقابنا!!!

هم اللي أسرونا ..




المره الاخرى ونا خوك

درّب الفرس

وبدّل الكفرات .. ترا الطريدز طويل:d:







وتسلم على فزعتك ومشاركتك يابعدي:goooood:

[عجايب بنت الشايب]

لااله الا الله <<<<جتكم ذات البرقع الادهم n)

والله يومني قريت العنوان

قلت بس :puzzled:

قام يستفزع الاصيل اكيد يا يبيله ببسي << وهذا اللي حصل

ولا يبيله كيكه:290r:

ولا يبينا ندور طاقيته سارقها احد:192r:




بس يومن قريت سالفته

الا وتغورق عويناتي :frown:

سبايب يوم يبي

((جقمة ))

من المطنوخ ولا عطاه

ياشين الحاجه لاصارت عند المطنوخ يابوثوب

وعلى قولت الشاعر

ياشينها لاصرت للناس محتاج

تصغر في عين الناس علشان جقمه

---------------------------------------------

المهم سالفتك

بكتني

وضحكتني

وحيرتني

واعجبتني

فهمتها

ولا فهمتها


بس قالها الشاعر وانا اختك



((( ما كل ما يتمناه المرء يدركه

غبنات الايام ماتمدي لياليها )))

[المطنوخ]

^
^
^
هالبنت مليانتن حكم ومن كثرهن قامت تملي الفرش

بس للاسف محد اكتشف موهبتها ولا اظن احد عنده استعداد يكتشفها:)

يالربع هذي لو انها على ايام عنتر تسان ماعينا معلقته ليا هالساع..!

انتي يا ام رقيط وشبلاتس علي؟؟

انا بس ابي اعرف شغله وحده

انتم ليه بس هاقيين مني الشر دايم؟؟

ليه مو هالناس يبون حلقي؟؟:)<<<والله لو انك تشارلز (رجلتس يا ديانا الله يغفر له)

[بو رائد]

الاصيل تفداك المهج ايها الغالي
ان اردتها اخرى فانا معك بما تريد ولن اتخلى عنك
************************************
&&ياصيل لو تطلب لك الروح فدوه
مثلك نعزه يافتى الجود لاهنت**
&&انشهد انك ثروتن واي ثروه
وانشهد انك للمضايف تبينت**

[المطنوخ]

يابورائد

صح لسانك مليوووون

ياخوي هذا ليا شاف كلامك هذا يبي ينتفخ وتجيه النذخه قدامك ويقوم يمسط ظهري:)

حنا يالله نهجده وانت ترثع بوه وهو على طريف يذكرن بأيم مراهقتي يوم اني غزيت اسكتلندا بسنة 1948 يوم اطوح براس وليام والاس اللي بفيلم القلب الشجاع..!!!:)

[بو رائد]

ايها الفتى الطيب المطنوخ

الم تسمع ماقال جدنا رحمة الله عليه

***حلفت مابقي حلالن لوارث+++ ولااحط بين الصفتين قسام
***يابنت عمارن واخت معمر +++ يابنت اجاويدن ونسل اكرام
***لاتلطمين البيت من يم جارنا+++ وزادن بلا جارن علي حرام
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^
اشهد الله على حبي للاصيل حبا اخويا صادقا لامصلحه فيه ابدا
كذلك انت ايها المطنوخ لك مثل ذلك من المحبه والاحترام
كذلك جميع الاخوة والاخوات لهم من التقدير الشيء الكثير
وانا اعلم انها كلها مساجلات لاتخلو من الطرافه واضفاء جو اخوي
وليعلم اخيك مافي نفسك تجاهه وفق الله الجميع وعطله سعيده
لجميع الاخوة والاخوات والقراء

[الأصيل]

اسمعي ياذات البرقع التركوازي n)


الحقيقه .. أول مره أحس إن كلامتس ذهب عيار 26 ( عيار جديد ):d:

بالذات يوم تقولين :


((( ياشين الحاجه لاصارت عند المطنوخ يابوثوب

وعلى قولت الشاعر

ياشينها لاصرت للناس محتاج

تصغر في عين الناس علشان جقمه ))):thumb:


لعنبو الأخطل ... ما خلا شي للشعار اللي عقبوه :315r:



لا .. ( وهرجتس على متموه ):biggrin: هالجقمه ونا كنت بحال يرثى لها


( ترو .. كلمة يرثى لها .. عاجبتن من زمااان .. وقلت لازم أحطه بالرد ):d:










((( ما كل ما يتمناه المرء يدركه

غبنات الايام ماتمدي لياليها )))


ياعيال ...

أنا قايلن لكم .. إن هالبنت نابغه ( إختك يالنابغه الذبياني ):eek:



مشكوره ياخاله ...

وعسى مايجرا عليتس اللي جرا على أبو ثوب .:408r:


**********************************************

طنخان ..:188r:

إنت ماسمعت بالقصيده اللي يقول قاصوده ::biggrin:

فوق ( نقط نقط ) قوات عينوه ؟؟؟؟؟؟؟؟؟!!!!!!!:188r:


إنت وشتبي بهالعجيز ( كلها ببعض الناس إعجاب ):p:


مناشبه مناشب ...

وعقب .. ميلت على أبورائد

اسمع ياخو طنخه

إن ماتعوذت من إبليس ...

ترا يصير شين ماصار ويبي يجيك

تسونامي الأصيل ...


ونت تعرف تسونامي ابوثوب !!!!!!!!!!!!!!!:a:


********************************************

أبوائد:goooood:

يابعدي هكا الوجه

يابن الحلال .. ليت عندنا مثلك اثنين




ياصيل لو تطلب لك الروح فدوه
مثلك نعزه يافتى الجود لاهنت**
&&انشهد انك ثروتن واي ثروه
وانشهد انك للمضايف تبينت



ماعليك زود يابعد روحي

والله الشاهد على محبتك وغلاك

ليس عندي فقط

بل عند جميع الأعضاء الذين يكنون لابورائد كل احترام وتقدير

[المطنوخ]

آآآآآخ انا بلاي اني ما اقدر على ابورايد اغليييييييييه بالحيل

لكن انت يابوثووووب لولا البن والهيل اللي بيننا تسان صرت عليك مثل أعصار النينو<<ماخوذ من النيدو بس قالوا عيبن على اللي يتقي عقب مابان:)

انا لازم اني اسوي معاك خطة الكر والفر

ولازم افر الحين:)

[عجايب بنت الشايب]

--------------------------------------------------------------------------
الحقيقه .. أول مره أحس إن كلامتس ذهب عيار 26 ( عيار جديد )

الاصيل1426 هـ
--------------------------------------------------------------------------
ياناس اخيراً اعترف ابوثوب ويسبقه ابوطنخه

بان كلامي ذهب



على العموم ماشفت شيء والخافي اعظم وامر



طحياتي !!!

[الأصيل]

آآآآآخ انا بلاي اني ما اقدر على ابورايد اغليييييييييه بالحيل




مايقصد بك .. لو تتميلح من هنا للرميثيه ...:d:



لكن انت يابوثووووب لولا البن والهيل اللي بيننا تسان صرت عليك مثل أعصار النينو<<ماخوذ من النيدو بس قالوا عيبن على اللي يتقي عقب مابان:)


صح لسانك ..:315r:





انا لازم اني اسوي معاك خطة الكر والفر

ولازم افر الحين:)




فر يابن الحلال ......

أحد قاظبك لاتفر ؟؟؟:goooood::puzzled:

[الأصيل]

--------------------------------------------------------------------------

ياناس اخيراً اعترف ابوثوب ويسبقه ابوطنخه

بان كلامي ذهب



والله ياخاله .. المثل يقول :

قال وش حادك على المر .. قال : معي سكّري:p:



على العموم ماشفت شيء والخافي اعظم وامر



طحياتي !!!


ياخوفي من الخافي ...:a:

[المطنوخ]

على العموم ماشفت شيء والخافي اعظم وامر

ياناس هالبنت صارت بالنسبه لي مثل مدرسنا الحساب بالابتدائي!!

كل مادخل الصف تجيني روعه :)

وجهه توفيق الدقن قاعد:)

وعليه ضربن تقل حنا ميتمين عيالوووه

وليا دخل الصف تجينا حنا يالوغدان اعراض حمل:) تقلب معدتنا ونحس بالدوخه من الهلع هو وخيزرانتوه الله لا يحلوه :)

نرجع لمحور حديثنا....

صاحبة الاسم الطويل=مدرسنا الحساب=سيم سيم


ودمت انا بكل ود وحب وغلاء وزين وسعاده وهناء وكاميرا وماوس<<<قام يحوقها:)

[الـمـحـروووم]

أخوي الأصيل



أبشر بالفزعة



أصبر علينا يومين


أنا توي جاين من السفر وحبيت أشطف
أشوف أخباركم



ولكن أبشر بالفزعة
وإذا تبين أغزي على المضايف الأدبيهكله
من مضيف الشعر الأدبي لا مضيف الألغازالمحلولة
ترن مستعد


وطنخان حسابوووه بالفله