الجانب السلبي للشباب السعودي

[الموذي]

بالخير ياأهل الفلة السلام عليكم ورحمة الله وبركاته

مسا الخير عمي ابو سلطان ( واحد يشبك) ويله الشبث وطقته شنقل وتوأم روحي وحبيب عمري ورفيق دربي فليص( الحاجة انشا الله الأحد وهي عندك بس على الله تسلم علي بعدها ) والمطنوخ ( ياخي صورتك شي تذكرني بالكويتين قبل الغزو) ولبقية الأخوان لا اسف (laides frist)
السيدات أولا "تصحيح" الاخوات والاخوان من مواطني الفلة
انا اسف على التأخير بالمواضيع بسبب المشاغل لكثيرة ( ولد نعمة )
بس والله دابم اجي الفلة امذرح والمواضيع شوي عليها
المهـــــــــــــــــــــــــــــــم
مرة سمعت مقولة لشاعر رفحاء الكبير ( غصبن عليكم ) محمد الرطيان يقول فيها ان مشكلة الشباب السعودي مع ماينتجه العلم من وسائل مفيدة ومريحة انه يستخدم الجانب السلبي منها
وفعلا كلامه صحيح مش كل الشباب بل معظمهم وخلونا نمسك الاختراعات وحدة وحدة

أولا : الإنترنت
في أمركا واليابان وأوربا والدول المتقدمة الانترنت يجرون فيها بحوث ويتواصلون عبر ارجاء الارض ويحاولون يستفيدون منها كل الفايدة طبعا مش كلهم بس اكثرهم
هنا عندنا أبو الشباب يقعد العصر ويتحرى بس يذن العشا تقول يتحرى صلاة التراويح هو ووجهه علشان بس يدخل المواقع الي مامنها فايدة وتلقاه مدشر اهله بعد ماكان بعد كل صلاة عشا جايب لهم خبز ولبن للشايب لا وكل ماتشوفه يقولك الغالي ماعندك بروكسي عقب ماكان يقول ماعندك سلف ( تطور الأخ ) وشاد حيله سهران ليليا الداشرخذاه ربي
ثانيا : الجوال
الجوال بعد ماكان الواحد يحلم ان يملك جوال يوم كان بعشرة الاف ويتمنا بس يمسكه من خويه او يكذب على خويه بلله جوالك ابكلم هلي ابي اقولهم اني ابتأخر وتلقا الساعة 2 صباحا بس كذا لعانة لا وتلقاه طاق صورة مع الجوال يعني شوفوني اكلم
الحين الناس فسقت لازم جوال كاميرة وفيه بلو توث علشان يجمع من البلاوي ويفتح حلقه والهوا يدخل بحلقه ويطلع وهو مادرا ولا الحين نفس خوينا راعي الانترنت ماعندك بروكسي الحين ماعندك مقاطع رايقة ولاصور وتلقا جواله سوا مافيه رصيد ولا عام ماسدد ويجيك بكل وقاحة وهو ماسك جواله يتفرج اقول عطني جوالك ابغا اكلم ضروري مرة ( اقول مالت عليك وعلى راعي المحل الي باع لك الجوال
ثالثا : جهاز المراسلة أطلع 50
هذا الجهاز مفيد مرة للبدوان واستفادوا منه غاية الاستفادة يتعازمون فيه ويدورون بعض ولأن البدوان بيوتهم بعيدة عن بعض يتعللون ويسولفون فيه ومرة فيه واحد من أهل رفحاء اسمه ابو حمود هذا الجال والله مرة محترم وخدوم لا ومؤدب بعد شلون البدوان يراسلونه بالجهاز ويطلبون انه يتصل باهلهم او قرايبهم من البر ويخليهم يكلمون اهلهم ويتصل عليهم ويكلمونهم بالجهاز الله يجزاه بالخبر وكذلك الشباب لما يطلعون للبر كل واحد معاه جهاز يتراسلون فيه علشان مايضعيون
بس المشكلة هالسملق الي من يقعد يمسك الريشة= المكرفون الي يتكلمون فيه وهو يشبه المكرفون الي بالدوريات المهم يدخل العامة الي هي قناةمفتوحة للجميع يجي يغطي الارسال ويحط شريط مسجل لا وبعضهم من اللعانة يربط الريشة بسير او يلصقها بشرطون ويحط مسجل وينام وتلقا فئة من الحثالة يسمونهم الشواحط او الزنجير هذا تقول يكلمك كعكي الي يطلع بافتح ياسمسم هذاك الي بس ياكل بسكوت مثل صوته تقول غاص بموس يقعد يخربط ويقول البخ وخرابيط ملها داعي ومرة يجي واحد منهم يلقط مكالمات تلفون السيناو ويدخله بالعامة وتسمع كلام الناس والحريم الله ياخذه
رابعا : السيارة
الناس قبل تخاف من السيارة ويالله تسوق وتتمنا تملك سيارة علشان تسافر لاهلها وتلقاه يحافظ عليها ويدخلها الورشة ويغسلها اسبوعيا وهو تلقاه كل ثلاث شهور يتروش
مرة وعياله ذابحهم القمل
الحين جو المهجولين واهل الهجولة وبوبو وماتركس تفحيط وتنطيل طول الليل من شارع لشارع ومن حي لحي والواحد ماعنده عشرة ريال حق بنزين بس لابد من الهجولة وفيه شباب تموت او بشلل او اعاقة او تشوهات وياشباب اتركوا الخرابيط والتفحيط الي اعدمكم واعدم سيارتكم واحزنكم واحزن اهلكم

الموضوع هذا مرتبط لموضوع جائزة الدولة لشباب رفحا
بانتظار الردوود
وشكـــــــــــــــــــــــــــــــــــــ ـــــــــرا

[اخو سعدى]

هنا اذاعه الفله ..
ههههههههههه

[( المسك )]

:):):) يقولون لكل شخص من اسمه نصيب

اما انت ولا حتى نتفه :puzzled:

لاتنسى الحووويجه فديت قلبك :awink:

وبعيدن ماخبر غيررر واق واق :good1:

في قرقه بصدري ابقولها


بس بعدين

بعد ماتخلص الحويجه يالموذي واقولهاااا:):)

[الحنشل]

وشنوحك ياخوي هلون

شبابنا ماعليهم نوبات يركبهم لهم شيطان بس مع هذا اشوى من غيرهم

تسلم على الموضوع

[المطنوخ]

مسا الخير عمي ابو سلطان ( واحد يشبك) ويله الشبث وطقته شنقل وتوأم روحي وحبيب عمري ورفيق دربي فليص( الحاجة انشا الله الأحد وهي عندك بس على الله تسلم علي بعدها ) والمطنوخ ( ياخي صورتك شي تذكرني بالكويتين قبل الغزو) ولبقية الأخوان لا اسف (laides frist)
السيدات أولا "تصحيح" الاخوات والاخوان من مواطني الفلة
انا اسف على التأخير بالمواضيع بسبب المشاغل لكثيرة ( ولد نعمة )
بس والله دابم اجي الفلة امذرح والمواضيع شوي عليها

اموووووت واعرف وشو هدف هالمقدمه هذي

او احد يجي يرتبها لي

عجست لا اعرف وشو الطلوب منا

مادري عقب المقدمه هذي نشب نارنا ونسوي قهوتنا؟؟

ولا نلعب بيسبول ولا نطالع للتلفزيون ولا وشو بالضبط؟؟

وبعدين يالموذي..وش عندك يوم انك تحط على صورتي؟؟

ماتشوف وجهك اللي تقل بقايا خرتيت متحلل:)

اقووول لا تحرثن تر لي تسم يوم فاقدن الشبث وطاخ مالي حركه

اقوووول هالموضوع هذا يسمح للاخوان الكوايته بمذرحون بوه ولا لا؟؟:)

[اخو سعدى]

المطنوخ

ههههههههههههه
ههههههههههههه
ههههههههههههه


هياااااااااااااااااااااااااا

[الأصيل]

والله يالموذي ..

كلامك عين العقل .. وعقل العين:315r:



.
.
.
فعلاً..

الاستخدام السيء .. جعلنا في ذيل الأمم بعد أن كنا في الصداره


وموضوعك هذا .. يفترض إنوه يوضع في المضيف العام

حتى تكون المشاركات جاده وبناءه وحتى تعم الفائده










ماعينتو الشبث ؟؟؟

أريت منهو الشاعر اللي يقول :

هيا بنا نمذرح ؟؟؟:goooood:

[الموذي]

مادري أخو سعدى أنت يوم ترد ذابحك النواد
وإنت يالمطنوخ الهدف من المقدمة بالعربي غير صورتك شكلك فيها كنك من فرقة السيف ماناقصك إلا طار وعصا
وأنت يافليص أحترم نفسك معي لمدة عشررررررر سنوات لين تنتهي الحاجة ولا والله شراب عائلة ماتشريه
والمحروم أشكرك لأخلاقك العالية الي مكتسبها من مدينة رفحا المشهورين بالأخلاق الحميدة (ياروحي الشارع الأصفر)
وشكرا لك ياالأصيل

[شنقل]

كلااااااام كوويييييس




أريت منهو الشاعر اللي يقول :

هيا بنا نمذرح ؟؟؟

^
^
^
^
^
حقوق النشر محفوظه لشنقل

[ابو غازي]

فعلاً صدتهم يالموذي :thumb:


:p:

[( المسك )]

:36_1_4:
وأنت يافليص أحترم نفسك معي لمدة عشررررررر سنوات لين تنتهي الحاجة ولا والله شراب عائلة ماتشريه

واق واق واق واق واق:):):):):):):):):):):)

هههههههههههههههههههههههههههههههههههههههه

[الموذي]

أشكرك أبو غازي

ماعليك منهم

وأنت يافليص لا تتهووووووووووور