محمد الوبير
15-06-2005, 05:04
يالغايب اللي كبلتني مراسيك = نورس حنيني عاف كل المواني
الا ليالي معتبرها موانيك = كانت تصب الصبح في زعفراني
ومقرودةِ كانت اتراقب مساريك =من موقها شفها تهل الثواني
استسرقك واسمع تغنج خطاويك = واحاول احبس ماسمعته ف ذاني
واهذي احاول في صميمي احاكيك =ويهز صمتك في صميمي كياني
واطش حزني صرخةِ في حواريك =ويلمني حزن السكك والمباني
حتى ستاير غرفتك والشبابيك =من غيبتك شفها كئيبه اتعاني
وذيك المرايا والهدايا تناديك =والطاوله والمحبره والمعاني
في مخدعك ذابت ملامح معاليك =على التحف في مرسمك والاواني
مو بس انا اللي مفتقد لك وراجيك =شف كيف ذبلت هالشُرف والاماني
وسمي وصالك تفتقد له اراضيك =عامين ماسيل حضورك مكاني
في غيبتك حافظ ف صدري مماليك = ترفض تطيح بكف منهو غزاني
لحضات افكر من غيابك اعاديك =واتوب ولعن شيطنة هالاناني
واتلعثمك بحضورهم وارجع انفيك = واعن واسرج في غيابك حصاني
انت الشمال اللي ضلوعي محاريك =شف كل ماتنبض توجه بناني
مادرهم الخفاق الا سوانيك =وانا عطشتك ياحنين السواني
يحق لك تزعل وتزعل ورضيك =ليش الغياب وانت طفل المحاني
اتذكرك واذكر فضول الصعاليك =لامال خصرك طاح حظ الغواني
ومبيسمك لامن تمرغ بلاضيك = تنجض لهاتي احسبنه كواني
كنك ذهب مصبوب فوق المساويك =رح علم الصواغ صب اللياني
ما احسد الا باب بيتك ف كفيك = يامعلم الاعياد طعم التهاني
الدرب ينبت من تدوسه خطاويك =شف شارعك ورده يفوح بأغاني
اتصدق اني من كثر ماني اطريك =خايف حروفك تنطبع في لساني
http://www.dojaa.com/images/malw.wav
للتحميل اضغط هنا (http://www.dojaa.com/images/malw.wav)
الا ليالي معتبرها موانيك = كانت تصب الصبح في زعفراني
ومقرودةِ كانت اتراقب مساريك =من موقها شفها تهل الثواني
استسرقك واسمع تغنج خطاويك = واحاول احبس ماسمعته ف ذاني
واهذي احاول في صميمي احاكيك =ويهز صمتك في صميمي كياني
واطش حزني صرخةِ في حواريك =ويلمني حزن السكك والمباني
حتى ستاير غرفتك والشبابيك =من غيبتك شفها كئيبه اتعاني
وذيك المرايا والهدايا تناديك =والطاوله والمحبره والمعاني
في مخدعك ذابت ملامح معاليك =على التحف في مرسمك والاواني
مو بس انا اللي مفتقد لك وراجيك =شف كيف ذبلت هالشُرف والاماني
وسمي وصالك تفتقد له اراضيك =عامين ماسيل حضورك مكاني
في غيبتك حافظ ف صدري مماليك = ترفض تطيح بكف منهو غزاني
لحضات افكر من غيابك اعاديك =واتوب ولعن شيطنة هالاناني
واتلعثمك بحضورهم وارجع انفيك = واعن واسرج في غيابك حصاني
انت الشمال اللي ضلوعي محاريك =شف كل ماتنبض توجه بناني
مادرهم الخفاق الا سوانيك =وانا عطشتك ياحنين السواني
يحق لك تزعل وتزعل ورضيك =ليش الغياب وانت طفل المحاني
اتذكرك واذكر فضول الصعاليك =لامال خصرك طاح حظ الغواني
ومبيسمك لامن تمرغ بلاضيك = تنجض لهاتي احسبنه كواني
كنك ذهب مصبوب فوق المساويك =رح علم الصواغ صب اللياني
ما احسد الا باب بيتك ف كفيك = يامعلم الاعياد طعم التهاني
الدرب ينبت من تدوسه خطاويك =شف شارعك ورده يفوح بأغاني
اتصدق اني من كثر ماني اطريك =خايف حروفك تنطبع في لساني
http://www.dojaa.com/images/malw.wav
للتحميل اضغط هنا (http://www.dojaa.com/images/malw.wav)