ياحن قلبي حنين بيوك !!!!! :)

[راعي الوقيد]

قصائد هجينية للشاعر دخيل الله بن مرضي الدجيما




حنتي حنة من الهجن منتلة=في سموم الصيف حفيه ومردوفه
فوقها قرم رديفه ابن آخي له=هم شريدة سرية تو مصدوفة
وارد عد بعيد ولا دله=ويتقلب والظما محرق جوفه
اه من عين قضى دمعها كله=كنها عن لذة النوم مشغوفه
يا محجرة البني ما لكم ملة=ما بكم رجل فهيم وعاروفه
ما تخلون المولع على حله=لين يروى من هو الزين بكفوفه
بو جديل فوق دمث النحر فله=اشقر يضفي على حد سرجوفه






ذبحتني يا دقيق العود=وانا احسب انك تداويني
ذبحتني با لعيون السود=والسلهمه يا بعد عيني





طيري غدا والسلوقي راح=لا وا حلالاة يا طيري
اصيح وادعيه با لملواح=واظن طيري لقى غيري



فر قلبي من ضميري يوم فرا=فر حر شايف جول الحباري
شاف زول لا بلاك الله بشرا=ما دريت انه لقتل الناس ضاري
لا تبي بيت العنود ولا تمرا=الخطر يا للي على عمرك تداري
العنود سهيل والبيض المجرا=فرقها فرق الفتيل من السواري
العنود هي العنود واخت سرا=فارقاته بالزميم والخزاري







يا حن قلبي حنين بيوك=لا عشقوا له على الثاني
في سهلة فرمله مفكوك=سواقه خضير سوداني
يا سعود يا خوي عاين دوك=كيف الكراجي تعداني
عقب التفندي وركب بيوك=اليوم في سوق حمالي


اتمنـــــــــــى تعجبكــــــــــــم يابعـــــــــــــدحيي:)

عسى ما يكون الموضوع مكرر:)

والسلام ...
..

[خالد الشمري]

مشرفنا العزيز الله يعافيك وتسلم على الروائع

[راعي الوقيد]

الـــروعــــة فـــي حضــــــورمك خلودي:)

تسلـــــــــم عزيـــــــــــزي ولاهنـــــــــت

والسلاااااااااام ...
..

[عبدالله الأسلمي]

راعي الوقيد لاهنت والله انك اتحفتني تسلم يمينك يالغالي