الشبث
08-06-2005, 03:13
مرتن من المراريت كنت متواعدن انا والعيال ( شنقل والمطنوخ والاصيل والمحروم )
ويوم تباطيتهم وانا اطلع جوالي ابدق عليهم على جوال شنقل
ومن زود النباهه دقيت الرقم بساع ( تسني حافظوه )
والظاهر اني اخطيت بحدى الرقوم
وهو يرد علي واحد قلت ماتقول لي ياملعون الرقبه وينكم
قال انت من تبي ؟
قلت ابي حنوكك
قال تعقب يالسلوقي الهايت
قلت يعقب شاربك ولحيتك
ومن هنا ومن هنا وكلمه مني وكلمه منوه وحنا نتواعد بحدى البرح اللي حول الرياض
( الله حق انا تصاغرتوه بالجوال )
ويوم تواجهنا ليمار هكا البلايات اللي يالله تشوف خشموه من كبر شدوقوه
قلت تعوذ من ابليس يالهرش
وهو يهجم علي وانا افرك وهو يقوم يديرن وانا عاضن شليلي وفااااااااارك تقل سمونا يلحقونه وغدان
وهو يلحقن ويمسكن قلت التوبه والله ما اعوده
وهو يصفقن هكا الكف ليمار غاديتن فرتي تقل لقمه
وهو يشيلن فوق ويضربي القاع ليمار غادين تقل قش رحيل
وهو يبطحن ويبرتس فوق ظهري ويقوم يفرك فرتي بالقاع
وبغفلتن منوه وانا ادخل يدي بمخباي وانا اسحب الجوال وادق على شنقل
وهو يرد علي قلت تكفى ياشنقل الحق علي ترن وليت
قال العلم ؟
قلت فيه جني فارطن على غاربي
قال اقر المعوذات ويروح
قلت يابن الحلال لا تستخف دمك هذا ادمي مار حيل جني
ياااااااااااااااااااااااااااااااااخوك الحق بساااااااااااع
قال وينكم ؟ وانا اوصف لوه المكان
قال دقايق اصرف العيال واجيك
قلت يالهديفه لا تصرفهم ليه ابروح انا وياك مشوار خاص
جبهم معك خلهم يفزعوووون
قال جايينك بس انت تحمل ليما نجيك قلت زين
وقبل يسكر وانا اصيح
قال شنقل وشبلاك ؟
قلت لا عادي عض اذني
وخلال دقايق ليمار هذي قرشتهم جايين
ويوم شافوه فارطن على غاربي وهم يتطابقون من السياره وهي تمشي
ويوم شافهم الغبر اللي يكمخن وهو يهرب
وهم يلحقونوه
وهو يلقطوه المطنوخ بالقناة بمقرن الكتوف ليمار عاضن القاع
وهم يتكومون عليه
وهو يتجود المطنوخ بشوشتوه
والمحروم عاضن يدوه
والاصيل يتوطى بطنوه
وشنقل يهمز رجلينوه ( اشوى اللي ماجاء لحالوه )
وماخلوه الا يوم حلف انوه مايجيني نوبتن اخرى
وهاللون خلصت هالسالفه المريره على الشبث
** اهدي هالموضوع لعشيري وحبيبي المخاوي بمناسبة توليه الاشراف على مضيف الفله
واتمنى له التوفيق .
وله مني موضوع كل اسبوع على الاقل
وتقلدوا تحيتي
ويوم تباطيتهم وانا اطلع جوالي ابدق عليهم على جوال شنقل
ومن زود النباهه دقيت الرقم بساع ( تسني حافظوه )
والظاهر اني اخطيت بحدى الرقوم
وهو يرد علي واحد قلت ماتقول لي ياملعون الرقبه وينكم
قال انت من تبي ؟
قلت ابي حنوكك
قال تعقب يالسلوقي الهايت
قلت يعقب شاربك ولحيتك
ومن هنا ومن هنا وكلمه مني وكلمه منوه وحنا نتواعد بحدى البرح اللي حول الرياض
( الله حق انا تصاغرتوه بالجوال )
ويوم تواجهنا ليمار هكا البلايات اللي يالله تشوف خشموه من كبر شدوقوه
قلت تعوذ من ابليس يالهرش
وهو يهجم علي وانا افرك وهو يقوم يديرن وانا عاضن شليلي وفااااااااارك تقل سمونا يلحقونه وغدان
وهو يلحقن ويمسكن قلت التوبه والله ما اعوده
وهو يصفقن هكا الكف ليمار غاديتن فرتي تقل لقمه
وهو يشيلن فوق ويضربي القاع ليمار غادين تقل قش رحيل
وهو يبطحن ويبرتس فوق ظهري ويقوم يفرك فرتي بالقاع
وبغفلتن منوه وانا ادخل يدي بمخباي وانا اسحب الجوال وادق على شنقل
وهو يرد علي قلت تكفى ياشنقل الحق علي ترن وليت
قال العلم ؟
قلت فيه جني فارطن على غاربي
قال اقر المعوذات ويروح
قلت يابن الحلال لا تستخف دمك هذا ادمي مار حيل جني
ياااااااااااااااااااااااااااااااااخوك الحق بساااااااااااع
قال وينكم ؟ وانا اوصف لوه المكان
قال دقايق اصرف العيال واجيك
قلت يالهديفه لا تصرفهم ليه ابروح انا وياك مشوار خاص
جبهم معك خلهم يفزعوووون
قال جايينك بس انت تحمل ليما نجيك قلت زين
وقبل يسكر وانا اصيح
قال شنقل وشبلاك ؟
قلت لا عادي عض اذني
وخلال دقايق ليمار هذي قرشتهم جايين
ويوم شافوه فارطن على غاربي وهم يتطابقون من السياره وهي تمشي
ويوم شافهم الغبر اللي يكمخن وهو يهرب
وهم يلحقونوه
وهو يلقطوه المطنوخ بالقناة بمقرن الكتوف ليمار عاضن القاع
وهم يتكومون عليه
وهو يتجود المطنوخ بشوشتوه
والمحروم عاضن يدوه
والاصيل يتوطى بطنوه
وشنقل يهمز رجلينوه ( اشوى اللي ماجاء لحالوه )
وماخلوه الا يوم حلف انوه مايجيني نوبتن اخرى
وهاللون خلصت هالسالفه المريره على الشبث
** اهدي هالموضوع لعشيري وحبيبي المخاوي بمناسبة توليه الاشراف على مضيف الفله
واتمنى له التوفيق .
وله مني موضوع كل اسبوع على الاقل
وتقلدوا تحيتي