نواف الشمري
08-06-2005, 00:34
السلام عليكم ورحمة الله وبركاته ،،
هذه القصيدة للمرحوم ( جدي ): فهد بن مطلق الزميلي الشمري في عام 1408هـ وهي وصية لأبنه زيد ،،
وقد أحببت ان اطرح عليكم هذه القصيده التي لم تنشر من قبل وما جعلني انشرها احساسي
بانها لا تعني خالي زيد فقط بل تعني كل شباب الاجيال القادمه لما فيها من نصائح قيمه
اترككم مع القصيده :
نصيحةٍ يا زيد وأقبل وصاتي = وأقبل نصيحة والدٍ ناصحلك
أوصيك أنا يا أبوك أول بداتي = حبايل الشيطان لا يدركلك
جنب جليس السوء والمنكراتي = وصادق صديقٍ بالمراجل يدلك
ومشيك مع الأشراف عز ونجاتي = وعن التهامي بالشرف حجتلك
وأحرص على دينك بعقل وثباتي = وأوصيك بالتقوى ما أنا دايملك
خمس الفروض وساسهن الصلاتي = ياصنتهن عند الولي يشفعنلك
أحرص عليهن وأترك الملهياتي = عند اللقاء بالآخرة يشهدلك
وأفعل فعول الخير قبل المماتي = يامت لو تبي العمل ما يحصلك
وأتعب على اللي ينفعك بالحياتي = وجنب طريق مضل نفسه يضلك
وتابع دروسك وأجتهد يا شفاتي = ولا لك عن اللي بالقلم كاتبلك
غديك تحوز التقى والكفاتي = وتطرد نصيبك بالذي قاسملك
والرزق عند الله صباح وبياتي = والرزق والأجل ماشيٍ مثل ظلك
هذي وصاتي لك وله ملحقاتي = افهمني لا خاب ظني بظنك
الناس كلوني بسبتك بالشماتي = باسباب اني بالرسن مرخيلك
واوصيك بالمعروف وتنسى وصاتي = وتصد عني تقل مانا والدٍ لك
وحقي عليك من اكبر الواجباتي = ستة عشر عامٍ وانا خادمٍ لك
وابيك تخدمني عند تالي حياتي = اقبل انا نفعك وانا بحاجتلك
واليوم انا يالله انقل عباتي = وشوف مني حبل المروه تفلك
مافات من الايام ماعاد ياتي = اللي امس يفوتك مهو راجعلك
ايام نطردهن وهن مقفياتي = خذن مني غض الثمر واقبلنلك
ياعلهن لك بالسعد دايماتي = واطلب من الله بالشرف يمهلك
اليوم انا مابيك تنهج وتاتي = ياكود تقضي حاجةٍ لازملك
ابيك انا عندي تسوي سواتي = يما على صعب المراجل تملك
وامشي بلزوم البيت والمكرماتي = وشب نار الدار وبالملازيم خلك
رجلٍ شريفٍ وتنطح الموجباتي = وشف الدلال وكارهن والمنلك
واحمس يما يزين حمسه وياتي = حبه تقل بخضاب مكه مدلك
لايقال حرقانه ولابه نياتي = كيفٍ لراع الكيف ياجاء محلك
واضحك بوجه الضيف بلطف وحلاتي = واعطه وقاره واجعله منهلٍ لك
ولا تاذي الجيران بالألتفاتي = والجار دع بالك تمله يملك
والجار تره هو حد اللازماتي = بحمال يرتع لو ماهو جايزٍلك
والجار له عند العرب معجزاتي = اشعار النجدي والمهادي تدلك
تبينوا بحقوقه الكاملاتي = ومتابع اللي مثلهم قدوتلك
وبالك تهس وتترك الطايلاتي = الدرب واضح والعمل عايدلك
وصديقك اللي بالملازيم ياتي = عند اللزوم بحاجتك واقفلك
اللي على يمناك سيف وقناتي = ياحسك المحسوس جاء فزعتلك
اجعل خطاء سياتهم صالحاتي = اللي بعازاتك لهم فزعتلك
تم الكلام وهذي آخر وصاتي = درب المروه والشرف واضحلك
وختامها مني سلام وصلاتي = على نبي ٍ بالرسالة تملك
هذه القصيدة للمرحوم ( جدي ): فهد بن مطلق الزميلي الشمري في عام 1408هـ وهي وصية لأبنه زيد ،،
وقد أحببت ان اطرح عليكم هذه القصيده التي لم تنشر من قبل وما جعلني انشرها احساسي
بانها لا تعني خالي زيد فقط بل تعني كل شباب الاجيال القادمه لما فيها من نصائح قيمه
اترككم مع القصيده :
نصيحةٍ يا زيد وأقبل وصاتي = وأقبل نصيحة والدٍ ناصحلك
أوصيك أنا يا أبوك أول بداتي = حبايل الشيطان لا يدركلك
جنب جليس السوء والمنكراتي = وصادق صديقٍ بالمراجل يدلك
ومشيك مع الأشراف عز ونجاتي = وعن التهامي بالشرف حجتلك
وأحرص على دينك بعقل وثباتي = وأوصيك بالتقوى ما أنا دايملك
خمس الفروض وساسهن الصلاتي = ياصنتهن عند الولي يشفعنلك
أحرص عليهن وأترك الملهياتي = عند اللقاء بالآخرة يشهدلك
وأفعل فعول الخير قبل المماتي = يامت لو تبي العمل ما يحصلك
وأتعب على اللي ينفعك بالحياتي = وجنب طريق مضل نفسه يضلك
وتابع دروسك وأجتهد يا شفاتي = ولا لك عن اللي بالقلم كاتبلك
غديك تحوز التقى والكفاتي = وتطرد نصيبك بالذي قاسملك
والرزق عند الله صباح وبياتي = والرزق والأجل ماشيٍ مثل ظلك
هذي وصاتي لك وله ملحقاتي = افهمني لا خاب ظني بظنك
الناس كلوني بسبتك بالشماتي = باسباب اني بالرسن مرخيلك
واوصيك بالمعروف وتنسى وصاتي = وتصد عني تقل مانا والدٍ لك
وحقي عليك من اكبر الواجباتي = ستة عشر عامٍ وانا خادمٍ لك
وابيك تخدمني عند تالي حياتي = اقبل انا نفعك وانا بحاجتلك
واليوم انا يالله انقل عباتي = وشوف مني حبل المروه تفلك
مافات من الايام ماعاد ياتي = اللي امس يفوتك مهو راجعلك
ايام نطردهن وهن مقفياتي = خذن مني غض الثمر واقبلنلك
ياعلهن لك بالسعد دايماتي = واطلب من الله بالشرف يمهلك
اليوم انا مابيك تنهج وتاتي = ياكود تقضي حاجةٍ لازملك
ابيك انا عندي تسوي سواتي = يما على صعب المراجل تملك
وامشي بلزوم البيت والمكرماتي = وشب نار الدار وبالملازيم خلك
رجلٍ شريفٍ وتنطح الموجباتي = وشف الدلال وكارهن والمنلك
واحمس يما يزين حمسه وياتي = حبه تقل بخضاب مكه مدلك
لايقال حرقانه ولابه نياتي = كيفٍ لراع الكيف ياجاء محلك
واضحك بوجه الضيف بلطف وحلاتي = واعطه وقاره واجعله منهلٍ لك
ولا تاذي الجيران بالألتفاتي = والجار دع بالك تمله يملك
والجار تره هو حد اللازماتي = بحمال يرتع لو ماهو جايزٍلك
والجار له عند العرب معجزاتي = اشعار النجدي والمهادي تدلك
تبينوا بحقوقه الكاملاتي = ومتابع اللي مثلهم قدوتلك
وبالك تهس وتترك الطايلاتي = الدرب واضح والعمل عايدلك
وصديقك اللي بالملازيم ياتي = عند اللزوم بحاجتك واقفلك
اللي على يمناك سيف وقناتي = ياحسك المحسوس جاء فزعتلك
اجعل خطاء سياتهم صالحاتي = اللي بعازاتك لهم فزعتلك
تم الكلام وهذي آخر وصاتي = درب المروه والشرف واضحلك
وختامها مني سلام وصلاتي = على نبي ٍ بالرسالة تملك