المساعد الشخصي الرقمي

مشاهدة النسخة كاملة : أولى لكم : (اوبريت شمر .. حايل : أغنية للماضي


ناصر الشعلان
05-06-2005, 12:33
ان هذا النص كتب بروحا لاتحمل من الشعر الا اجمله
نصا كان يستدعي ان نقف عند بعض حدود الزمن الفائت بكل مافيه من تمادي وانجذاب للمستقبل..حاولت هنا ان اضع بين يدين الشعر شيء للتاريخ ..قرائه لاتحمل في اوزارها الا تسجيلا ورصدا للماضي كيفما ..اتى حقا للتاريخ وللجغرافيا ايضا
اكتب لشمر وانا اعرف باني اصدق من يكتب عنها لاني لانتمي لها ولو ان انتمائي لها كان سيزيدني شرفا ..لكن من قبيلة الروله جئت لكي انصف شي من تاريخ حايل وتاريخ شمر ان جاز الكلام.
شكرا لكم مقدما احبة الشعر علما ان هذا النص هو كان بمثابة مهر لموضوع لم يحسم عليه الرهان حتى الان:
.....
اولا : الماضي


الرمل تجسيد للماضي=غامض نشوفه وهو واضح
بصحرا الجزيرة هو القاضي=به تختلف بدو وتصالح
بحر البدو ..طعس وفياضي=عذب الضما وخاطره مالح

..
ثانيا: التاريخ

ابتدى التاريخ من عند الرمل
بين قلبان...ومشاوير
وزمل
واستمر الوقت يسرف بالقبايل
وابتدى من هناك تجميع الشمل
الزمن هاجس بعيد
والمسافه فيه حايل
وابتدى حكم الرشيد


ثالثا: حايل


يالنفود انشدك عن تاريخ حايل=هو صحيح انه من الماضي البعيد
هو صحيح انه تنمرد حظ مايل=واعتق الاسياد من سجن العبيد
بسئلك وش صار بالخيل الاصايل=وبسئلك منهو صهر فيك الحديد
جاوبي تكفين يانبع الحمايل= كيف جف النبع واحرجتي* الرشيد

*( الاحراج هنا من حرج الظمأ وهو اقصى مراحل العطش)
..

رابعا :الرشيد

الشجر هم
وظلال االشجر هم
وحدهم
كانو يسوقون المعالي
وحدهم
وكان الضجر
فيهم ينادي بعضهم
كانو شيوخ بواقع الحيرة وحجم المستحيل
وغيرهم
كانو على الهامش
عناوين وماتملك دليل
نجمهم يسطع وبارقهم يبان
وارتوت سود القلوب من البياض
آه ياعجلان يا سر الرياض
كيف..

...
خامسا: الجنازه

الجنازه حي بعيون الكفن=مايموت اللي ورى موته حياة
فارسن يدفن معادينه دفن=ولانوى يصلي على الموتى صلاة
المراجل بعد طاريه اختفن=وانتهى فعل السيوف بمنتهاه
يالسحايب فوق قبره وقفن=وارون عظامه وسم..وارون ثراه
سعيدالعمودي
05-06-2005, 13:18
ناصر الشعلان
والله ماادري وش اقولك
تقزمت كل الكلمات امام ماكتبته
وانا اعرف انك شاعر لاتكتب سوى مايليق
بك وبعبقريتك
شكرن بسمي وبسم شمر
اخوك سعيدالشمري
بركات الشمري
05-06-2005, 14:32
.
.


ناصر الشعلان

أهلا ً بك وبالشعر بقلبك

وأهلا ً بك أخا ً وشاعرا ً وصديقا ً ياغالي



أغنية للوراء المشرق ! الماضي المتشح بالشموخ !
صغتها بأنامل راقية لاتصب إلا الذهب

استمتعت بتصفح أوبريت الشموخ الي حلقنا معه إلى السحاب !



الجنـازه حـي بعيـون الكفـن
مايموت اللي ورى موتـه حيـاة

فارسـن يدفـن معادينـه دفـن
ولانوى يصلي على الموتى صلاة

المراجـل بعـد طاريـه اختفـن
وانتهى فعل السيـوف بمنتهـاه

يالسحايب فـوق قبـره وقفـن
وارون عظامه وسم..وارون ثراه





شاعر جميل والله أنت ياناصر ..
كتبت فاأجدت ياغالي ..

ونعم بك وبقبيلة الرولة الشامخة والتي هي أيضا ً غنية عن التعريف بكل شي فيها ..



ادامك الله ياغالي وأدام عطائك
وأهلا بك مرة أخرى




بركات ..
المهرة
05-06-2005, 18:24
صح الله لسانك 00 وعذب هتانك
هنا شعله من الابداع 00 والتميز في حرفنة رسم
اللوحات الشعريه
هنا شعر شرقي الحضور 00 بكامل اناقته
هنا عزف الابداع 00 ونشر شراع التميز
شاعر هطل بكامل عنفوانه وعبقه
فسال شلال الشعر 00
هنا اختصرت الزيزفون بحق من شم الخزامى
المفعم في كل بيت
دمت بخير
اختك 00 المهرة
مشــــعل
05-06-2005, 23:45
ابن شعلان

والسبعة انعام
ماشاء الله عليك

مبدع يالطيب

وانتم هل العليا

ننتظر المزيد
هايس الشمري
06-06-2005, 08:46
خالد الشعلان


و مليون نعم بك و بربعك


و صح لسانك


اخوك

الذيب
خالد الشمري
06-06-2005, 14:51
صح لسانك ولا عليكم زود
فلاح العماش
06-06-2005, 15:14
أخوي الشاعر العذب



ناصر الشعلان





أولاً


ألف أهلاً وسهلاً بك ها هنا


بين أخوانك الذين بالتأكيد يشرّفهم تواجدك بينهم




وثانياً



ألف شكر لك على المقدمة البهيه كقلبك أخوي ناصر

ونعم فيك ياراعي العليا

وهذي الساعه المباركه اللي تكون فيها من ضمن مضايف الجميع




وصح السانك على العزف العذب والشجي

حروف فارهه وباسقه كقامتك أخوي ناصر


وصدقني راح نحتفل كلنا هنا بحضور شاعر جداً راائع


يخبئ في أدراجه الشي المبهر والمذهل


بأنتظار القادم

وشكراً لقلبك سيدي
سلطان الشمري
06-06-2005, 23:07
ناصر ..


واخيـــــــــــــراً اتيت لقلوبنا المتعطشه ..

وينك يارجل ؟؟



لي عوده
ناصر الشعلان
07-06-2005, 22:35
ناصر الشعلان
والله ماادري وش اقولك
تقزمت كل الكلمات امام ماكتبته
وانا اعرف انك شاعر لاتكتب سوى مايليق
بك وبعبقريتك
شكرن بسمي وبسم شمر
اخوك سعيدالشمري

مساء الخير اخوي سعيد

انا اعرف وش تبي تقول واعلم انه وصل صدقني
لكن صدقني ان ماكتبته بشمر هنا لايعدو كونه جزء يسير من ماتحمله الحنايا لكم

شكرا لمرورك سعيد وانا سعيد جدا بهذا المرور
عبدالله الجعيثن
08-06-2005, 10:39
ناصر الشعلان

راع العليا

تسلم وصح لسانك

ولاعليك ولا على ربعك زود

وننتظر ماستنثره من ابداع
ناصر الشعلان
09-06-2005, 22:27
.
.


ناصر الشعلان

أهلا ً بك وبالشعر بقلبك

وأهلا ً بك أخا ً وشاعرا ً وصديقا ً ياغالي



أغنية للوراء المشرق ! الماضي المتشح بالشموخ !
صغتها بأنامل راقية لاتصب إلا الذهب

استمتعت بتصفح أوبريت الشموخ الي حلقنا معه إلى السحاب !



الجنـازه حـي بعيـون الكفـن
مايموت اللي ورى موتـه حيـاة

فارسـن يدفـن معادينـه دفـن
ولانوى يصلي على الموتى صلاة

المراجـل بعـد طاريـه اختفـن
وانتهى فعل السيـوف بمنتهـاه

يالسحايب فـوق قبـره وقفـن
وارون عظامه وسم..وارون ثراه





شاعر جميل والله أنت ياناصر ..
كتبت فاأجدت ياغالي ..

ونعم بك وبقبيلة الرولة الشامخة والتي هي أيضا ً غنية عن التعريف بكل شي فيها ..



ادامك الله ياغالي وأدام عطائك
وأهلا بك مرة أخرى




بركات ..

اخوي بركات

الله يبارك فيك وبوجودك العذب معي


في هذا النص يابركات قلت مايجب ان يعترف به الحق

شمر لاتحتاج تزكيات وشهادات من احد

لكنه الحب هو ماجعلني اتنفس شمر بهذا النص


شكرا لك ولمروك العذب يابركات
خالد الشمري
10-06-2005, 00:46
الاخ ناصر رجعت مره ثانيه احتراما لشخص فاضل مثلك لاعبر لك عن تشرّفي ان اكتب لشخص نبيل مثلك والنعم بك وبجماعتك وتاريخكم ماحد يجهله معروف من عرف الرجال اللي تقدّر وتفهم ولا اقدر اقول اكثر مما قاله الشاعر الكبير خلف ابو زويّد الشمري بالشيخ سطام ابن شعلان (رحمهما الله ):


ياراكبٍ حمراء تسوف العراقيب =حمراء تسوف كعوبها بي سبيبه
تلفي لهل العلياء هم منقع الطيب =ونعمين بالعلياء ومن ينتخي به
رويلات والله مابهم عد أجانيب=ولا منهم اللي نازحٍ عن قريبه
سطام مثلك ماحمل به ولا جيب =من مطلع البيضا لغربي مغيبه
ياشوق من عيّت على كل خطيّب =قبلك على كل القبايل عصيبه
ناصر الشعلان
14-06-2005, 07:56
صح الله لسانك 00 وعذب هتانك
هنا شعله من الابداع 00 والتميز في حرفنة رسم
اللوحات الشعريه
هنا شعر شرقي الحضور 00 بكامل اناقته
هنا عزف الابداع 00 ونشر شراع التميز
شاعر هطل بكامل عنفوانه وعبقه
فسال شلال الشعر 00
هنا اختصرت الزيزفون بحق من شم الخزامى
المفعم في كل بيت
دمت بخير
اختك 00 المهرة

المهرة

مرورك ثلج

ابيض بهذا الجزء من المتصفح

شكرا للورد لك اختي الكريمه
متعب الخريصي
14-06-2005, 18:00
تسلم اخوي ناصر الشعلان
وهذا ان دل على شي فأنه يدل على طيب اصلك
ناصر الشعلان
19-06-2005, 07:50
ابن شعلان

والسبعة انعام
ماشاء الله عليك

مبدع يالطيب

وانتم هل العليا

ننتظر المزيد

مشعل والنعم بحالك

شكرا لمرورك الغالي هنا
مرزوق الشمري
19-06-2005, 10:24
هلا وغلا اخي ناصر الشعلان

ويامرحبا صوره جميله

وحي الله الشعلان
الصيرمي
19-06-2005, 13:57
http://www.shmmr.net/vb/images/stamps/thread_bst.gif
ناصر الشعلان

صح لسانك:)

والله والسبعة انعام بك وبربعك:)

وقصيده اكثر من جزله لاهنت يابن شعلان

تحياتي:)
ناصر الشعلان
30-06-2005, 20:19
خالد الشعلان


و مليون نعم بك و بربعك


و صح لسانك


اخوك

الذيب

ولسانك يالذيب

شكرا للمرور
ناصر الشعلان
10-01-2007, 14:45
أخوي الشاعر العذب



ناصر الشعلان





أولاً


ألف أهلاً وسهلاً بك ها هنا


بين أخوانك الذين بالتأكيد يشرّفهم تواجدك بينهم




وثانياً



ألف شكر لك على المقدمة البهيه كقلبك أخوي ناصر

ونعم فيك ياراعي العليا

وهذي الساعه المباركه اللي تكون فيها من ضمن مضايف الجميع




وصح السانك على العزف العذب والشجي

حروف فارهه وباسقه كقامتك أخوي ناصر


وصدقني راح نحتفل كلنا هنا بحضور شاعر جداً راائع


يخبئ في أدراجه الشي المبهر والمذهل


بأنتظار القادم

وشكراً لقلبك سيدي


فلاح العماش

شكرا للشعر الذي جعلني اقابل امثالك حتى لو ان اللقاء عبر مساحات الفضاء بالانترنت

اخنئ نفسي بوجودك بمتصفحي سيدي الكريم

وصدقني اني لم ولن اضيف الى مجد السناعيس شيء
بل على العكس
قد استفيد بخصهم شعرا ان اتنامى لعيون وقلوب امثالك وهم كثر

لقد زاد الخجل مني كل موضع على كلامك الرقيق اخوي فلاح

دمت بكل النور