كبار السن فوق صفيح ساخن ...

[المطنوخ]

بصراحه من مبطي وانا ابي اسولف عن هالموضوع .. بس مالقيت المقدمه ... وقلت ابنزّل الموضوع وانتم كل واحد يدور له المقدمه اللي تجوز له ويمحط بها :) ...


لايخلوا منزل من الشيبان او العجز ... واغلب الاحيان يكونون هم النكهة الصدزيه لهالبيت ...
المهم ...

كعادتي لاقمت من النوم ... وقبل ما احط بطني العيشه انقز لجدتي .. واحب راسها عشان اقول لها .. صباح الخير ياجدّتي العزيزه .. واقعد افطر معها .. وعقبها اتيسر للدوام ... واعتقد ان دعواتها لي كل صبح هي السبب الرئيسي اللي يخلي العالم متحمليني ويقولون (( كتير مهضووم << شنقل شلونك:) )) ...


طبعا على جلسه هالفطور ..تبدى تطلع السواليف اللي ماودك تقوم من عندها ... وتبدى السواليف تطلع حبّه حبّه ... وان تسانك تبي تفتح سالفتن ماتنصك قل .. (( شلون اعرس عليتس جدّي )):) ... تبدى تسمع التنهيدات والونين يوم سمعتها اول مرّه دقيت على الاسعاف .. قلت دجّت العجوز :)..

طبعا كل وحده تقول ..
انا كنت حلوه وانا صغيره (( ضامنه انك ماشفتها ... )):) ... وكانوا باب بيتنا ما يركد من الخطّاب .. الين جاني جدك واغراني بقذلته
(( مع انه أقرع!! )) ...
ووافقت بغير عقل .. وتحمّلت غثاه وكراعينه وشينه .. بس وش تقول الوحده .. حمدلله على كل شي ..

أجي عاد انا اسئلها سؤال مباغت !!!

يعني انتي ماتبينه .. او مغصوبتن عليه
وتتغير نظرتها ... وتبدى تطالع مع الدريشه على شجره التفاح اللي برّى بزعمها رومانسيه .. تقول التسذب خيبه .. كان جدّك يحبني موت:)

واقطع سواليفها ... يعني هالحين مايحبّتس ...
وتبدى عاد تسحّب بجدايلها وتناظر أطراف اصابع رجولها على بالها خجلانه .. وتقول .. والله ما ادري عنه .. هااااك السنه بالضحيه جاب لي قطعه من تسبد الخروف .. والله والعالم انه يموت فيني !!:)

حتى مرّه .. جيته وهو يناظر المصارعه وكان مبسوووط مرّه .. وقعد ذيك الليله كلها يسولف معي .. يقول ان فريقه فاز ..:)




الوكاد من عقب سواليف الحب والغرام بين شيباننا والعجز .. حوّلت على سواليف اغانيهم ووشلون كانوا يوسعون صدورهم ... عاد يقولون الكلمه المعهوده (( اول قلوبنا صافيه ومافيه حقد وكان كل شي يقنعنا )) ابد تسننا هالحين ملاعين جدّف الواحد قلبه تسنه الكوره رقم 8 بالبلياردو ..:)

وتبدى تسولف لي شلون كانوا يتجمعون ببيت ابو فلان ... ويجيبون الطيران (( والله العالم انهن قدور )) ... وتبدى رحله الاستنزال .. والا قلتلها غنّي لي طيب من أغانيكم الاوله يبدى يطلع الكلام السنع ...


سواليفهم والله فلّه ... وماودك الواحد يقوم لاقعد !! شاركونا عاد انتم باللي حولكم من عجزكم وشيبانكم ... وهالموضوع مفتوح لسواليفهم كلها .. وكلّن يدلي بدلوه ..


تقبلوا تشكرااات مطنوخكم

[الـمـحـروووم]

هههههههههه

الله يرجك ياطنخان ماحصلت أحد
ورجعت على الشيبان



أما أنا يالمحروووم
شيباننا عليهم رحمة الله من زمان
قبل ماأشوفهم
بالأصح أول ما أنولدت ماتوا الشيبان والعجز اللي يالحاره جميعاً

[المطنوخ]

هههههههههه

الله يرجك ياطنخان ماحصلت أحد
ورجعت على الشيبان

المحرووم

ههههههههههههههه
وش اسوي يخي
اصبر ابي انزل موضوع قسم بالله يقع لسانك من الضحتس:)



أما أنا يالمحروووم
شيباننا عليهم رحمة الله من زمان
قبل ماأشوفهم
بالأصح أول ما أنولدت ماتوا الشيبان والعجز اللي يالحاره جميعاً
اثري انت سبب نكسة 67؟؟:)

اقووول يحلالي حنابشارعنا به شايب موووذي ماتمر علينا بالله غديك تعطبه:)

[المهرة]

المحرووم

ههههههههههههههه
وش اسوي يخي
اصبر ابي انزل موضوع قسم بالله يقع لسانك من الضحتس:)



اثري انت سبب نكسة 67؟؟:)

وانت الصادق شراره ويمكن نكسة حزيران هههههههههه
وربي ميته من الضحك لي نكسه ثانيه وبرجع ارد على الموضوع
الله يخس ابليسك اخوي المطنوخ ويوسع صدرك ان شاء الله دووم

اقووول يحلالي حنابشارعنا به شايب موووذي ماتمر علينا بالله غديك تعطبه:)
موووذي هذا اسم بريطاني ههههههههههه
تشااااااااااااو

[المطنوخ]

^
^
^
المهره:232r:

انتي متأكده من هالمعلومه هذي؟؟

تري الدعوة به ضرب

لا يصير شينن بذمتس

انفضيه انفضيه:)

[الـمـحـروووم]

المحرووم

ههههههههههههههه
وش اسوي يخي
اصبر ابي انزل موضوع قسم بالله يقع لسانك من الضحتس:)



اثري انت سبب نكسة 67؟؟:)

اقووول يحلالي حنابشارعنا به شايب موووذي ماتمر علينا بالله غديك تعطبه:)


هذا أول ما أنولدت
ألحين خلاص مابه مفعول
ولا كان مريت بعض الشيبان اللي بالفله

[الأصيل]

هالولد مدري منين يجيب هالحتسي

وعليه أسلوب المخرجين والمنتجين ( بتوع السيما )

يخليك

تقول جالس مع جدتوه على الصحن:goooood:



قظت المقدمه

**********************

الله يرحم شيباننا ورومنسياتهم:redface:

هاللي يسمع .. يقول سوالف روميو وجوليت



ياقعدت مع العجز

ما تشم غير ريحة الرشوش

والحلبه والمره والحلتيته ( تعرف الحلتيته ) ؟؟

هاللي عند العطار اللي بفرع جمعية قطعه 7








أخو طنخه





عيني عليك .. ( تخبره )

وعسى ربي يفكك من عيون اللي ( تخبرهم )

ون تسان صفقك لك واحد بعينوه

رح على اللي إنت ( خابر ):eek:







أهم حاجه . إنك ركزت في طيات حوارك

على العجز


لأن بوه من اللي يحبن يتصيدن على الشيبان :c:


بمان الله يابو زبون:biggrin:

بمان الكريم يابو ثوب:315r:

[المطنوخ]

هذا أول ما أنولدت
ألحين خلاص مابه مفعول
ولا كان مريت بعض الشيبان اللي بالفله

المحروووم

واحلالات اللي ملحقن عليك:)

[المشرف العام]

والله انا بعد مثل المحروووم :)

.

اخي المطنوخ :

اسلوب بديع واثقان فريد في السرد

[احمد الهاجرى]

اخو طنخه

مابقى الا هالعوده

الله يرحم والديك قل للمحروووم لايمر علينا في الفله

وله جايزه الظاهر ماهي نكبه 67 لحالها الظاهر نكبات العرب كلها

سمو يوم ميلاده يوم حشره الشيبان

لكم حبي وتقديري

[المطنوخ]

الاصيل الملقب في شرق جنوب بنسلفانيا

بأبوثووووب



ياقعدت مع العجز

ما تشم غير ريحة الرشوش

والحلبه والمره والحلتيته ( تعرف الحلتيته ) ؟؟

هاللي عند العطار اللي بفرع جمعية قطعه 7

الحلتيته وما ادراك ما الحلتيته
انها الدواء للشمم وتؤخذ معاها مباركه حتى تعم الفائده
فهنيئا لنا بالرائحة التي من تشمها كأنك معطبك لك سماد طبيعي وتواير(كفرات) سيارات
مع اكيس جمعية النسيم (تدلها؟)
فينتج عبقا من اروع الوصفات من انيس انيس:)




أهم حاجه . إنك ركزت في طيات حوارك
على العجز
لأن بوه من اللي يحبن يتصيدن على الشيبان

أفا عليك وانا ما محطت بهن بهذا الا ليعم الجميع وخلها تقبس كلن يرجد بما طفحت بها ذكرياته

بمان الكريم يابوثوووب

بمان الله يابوزبووون

[المطنوخ]

وش هالســــاعه المباركه!!!

وش انا اشوف؟؟!!

المشرف العام؟

ياهلا ببوسلطان ويامرحبا





والله انا بعد مثل المحروووم

اثريكم ملبدين بهذا ومحدن درابكم؟:)
اقول تأثيركم هذا هو يطول الشباب ؟
طبعا بأستثناء ابوغازي وابوخليف:)



.


اخي المطنوخ :

اسلوب بديع واثقان فريد في السرد

لي الشرف اخي ابوسلطان اني لامست ذائقتك
وما هذا الا اجبارا لي على تقديم المزيد
فلك جزيل الشكر وفائق الاحترام

[الجازي]

وتبدى تطالع مع الدريشه على شجره التفاح اللي برّى بزعمها رومانسيه ..

أقول مطنوخوه ,, الحين على بالك تبي تعلمنا ان جدتك لبنانية :)

أجل شجرة تفاح :)

قل عبري ويخب بعد :)

<<<<<<<<< تسني حاقدة على جدتك :)

أنا بصراحة لحقت لي على كم جدة :)

بس المشكلة ماكانوا معنا بالبيت ,,

بس اللي لحقت عليه شوي هو جدي الله يرحمه يوم يموت وأنا الظاهر أم ست سنين :) ,, وبصراحة كانت العلاقة بيني وبينه متوترة :)

بدور لك موقف من هالمواقف واشوف تسان اسعفني الوقت محطت بها عندك هنا :)

والا المارية الغفلة :) >>> مارية والا كارلوس :)

[المطنوخ]

احمد الهاجري


الله يرحم والديك قل للمحروووم لايمر علينا في الفله

وله جايزه الظاهر ماهي نكبه 67 لحالها الظاهر نكبات العرب كلها

سمو يوم ميلاده يوم حشره الشيبان

ماهو الله يجيرك هذا الشيبان بقطر
يقدمون له الولاء ويسوون له الولائم
ومحد يخالفه ودوم يسمحون خاطره
لانه ان زعل ابادهم:)
هههههههههههههههههههههههههه

ياحلو هالمرور
لاتحرمنا منه

[هايس الشمري]

المشكلة وشي


انك مرات تكفشه انه ما عنده سالفه


و هي مسويه فاهمه :)

يا حبي له


اسمع شف انا بعلمك بهالسالفة لو اني ما ودي


لكن عاد اسمه خربت :)


هذا يا طويل العمر مرة وديت جدتي للسوق

قلت يا جده ابي لي مية ريال :)

ابي لي غترة ما عمري جربت الغترة كل يوم بشماغ :)

قالت شف خذ هالخمسين غيروه ما فيه

اتطلبه اتطلبه ما فيه فايده قلت طيب

انا بروح معتس بساعدتس على اللي تبين تشرين :) <<<<<<<<اي هين


المهم كل ما دخلت محل و شرت و رجع عشرين ثلاثين خذيت عشرة و عطيته الباقي و مرات اخذ خمسه علشان ما تكفشن :)

و الله ما تدري كم بقى و لا تدري وش الطبخه هههههههههههههه


المهم يوم كملت قيمة الغترة قلت يالله انا بروح خخخخخخخخ


يوم جيته يمار ادودل غترتي معي :)


عاد يوم رجعنا للبيت علمته :)

يالله سلااااااااااااام

[تعاليل]

الشـــــــــيبان والعـــجز .. هم بركــــة الدنيا
وياحلو البيت اللي بوه شايب ولا عجوز .. تلقاوه كلوه بركه
وأحسن شين بهم .. وقت الهوشات .. تلقاهم فازعين معك


أنا بطبعي عنيده .. ودايم بخلاف مع امي .. هههههه عاد يابغيت شين ولا حصل لي
ازبــــن العجوز .. (جدتي ... أم أمي) وأهل عنده لي دمــعتين ثلاثه ..
إلا كل انواع الفزعات على امي حاضره .. ههههههه ..


ساعات ياصرت طفشانه ولا عندي شغله
أجمع هالعـــجز على لي تعلله .... <<< ماجابت اسم تعاليل من فراغ
ويا أكتمل العدد .. ألبس درعي << تحــــــسبن من الإصابات ... هههه
واتسذب لي تسذبه عندهن ... تعال عاد شوف انواع الهوشات ..
خصوصاً يا قلت " جده .. صحيح أن أم فلان أصغر منتس .. لإنها تقول يومنتس تآخذين جدي هي تلعب مع الوغدان بالبراحه ماتعرف وشو العرس .. " ههههههههههه تصير أم المعارك بجد ..
كل شئ ولا تغالط لك عجوزين بأعمارهن .. كلن تبي تثبت انها الاصغر .. هههه



أخوي المطنوخ .. موضوع قمه بالروعه ... وحبي للشيبان والعجايز ما ينتهي
ولا سوالفي معاهم .. برجع مره ثانيه معاي كم موقف ..



تعـــــــــــــاليل

[المطنوخ]

فيدة الفصيح .. الريم
الملقبه بـ( :) :) :) )


أقول مطنوخوه ,, الحين على بالك تبي تعلمنا ان جدتك لبنانية :ezpi_blus


بس اللي لحقت عليه شوي هو جدي الله يرحمه يوم يموت وأنا الظاهر أم ست سنين ,, وبصراحة كانت العلاقة بيني وبينه متوترة

من زين طبعتس يوم انتس ترجين زين العلاقه مع يور قراند فاذر
ام شرين وكل يوم وهو متوذي منتس الله يحله ويبيحه

ب
دور لك موقف من هالمواقف واشوف تسان اسعفني الوقت محطت بها عندك هنا
اعجلي بهن ولا توخرين



والا المارية الغفلة >>> مارية والا كارلوس
يقالتس ظريفه الحين؟؟:)


بانتظار شطحاااات الريم اللي تعودنا عليهن

[المطنوخ]

سجين الاقواس

((((((((((((الذيب))))))))))))



انك مرات تكفشه انه ما عنده سالفه


و هي مسويه فاهمه

من المواقف هذي طلع مثل استر على ما واجهت:)



اسمع شف انا بعلمك بهالسالفة لو اني ما ودي


لكن عاد اسمه خربت

هذا انت قلتها .... خربت:)




هذا يا طويل العمر مرة وديت جدتي للسوق

قلت يا جده ابي لي مية ريال

يلعن ام التواضع ... ميه؟؟!!

الله يرحم جدي اللي مصيت منه حروة الالفين:)



قالت شف خذ هالخمسين غيروه ما فيه

اتطلبه اتطلبه ما فيه فايده قلت طيب

لو انت شاحذن ميتين تسان عطتك ميه!!




المهم كل ما دخلت محل و شرت و رجع عشرين ثلاثين خذيت عشرة و عطيته الباقي و مرات اخذ خمسه علشان ما تكفشن

و الله ما تدري كم بقى و لا تدري وش الطبخه هههههههههههههه

مدزدي:)




عاد يوم رجعنا للبيت علمته

عساها حلتك؟:)

تسلم يالعشير على هالسالفه الحلوة

الله يونسك بالعافيه

يالغالي

عاد ليا طرت عليك شي ولا بغيت تخربها انكس علينا نوبتن اخرى:)

والسووولام

[شنقل]

(( كتير مهضووم << شنقل شلونك ))
طيب يانطلااااااااان
الاسبو ع الجاااااي وانا عندك

<<<< ذابحته الشفاااااااايه


وتبدى تطالع مع الدريشه على شجره التفاح اللي برّى بزعمها رومانسيه
اجل المحروسه جدتك من




اقليم التفااااح بلبناااااان

[المطنوخ]

تعللة التعاليل:)




الشـــــــــيبان والعـــجز .. هم بركــــة الدنيا
وياحلو البيت اللي بوه شايب ولا عجوز .. تلقاوه كلوه بركه
وأحسن شين بهم .. وقت الهوشات .. تلقاهم فازعين معك

عز الله صدقتي :)




ساعات ياصرت طفشانه ولا عندي شغله
أجمع هالعـــجز على لي تعلله .... <<< ماجابت اسم تعاليل من فراغ
ويا أكتمل العدد .. ألبس درعي << تحــــــسبن من الإصابات ... هههه
واتسذب لي تسذبه عندهن ... تعال عاد شوف انواع الهوشات ..
خصوصاً يا قلت " جده .. صحيح أن أم فلان أصغر منتس .. لإنها تقول يومنتس تآخذين جدي هي تلعب مع الوغدان بالبراحه ماتعرف وشو العرس .. " ههههههههههه تصير أم المعارك بجد ..
كل شئ ولا تغالط لك عجوزين بأعمارهن .. كلن تبي تثبت انها الاصغر .. هههه

اثريتس منتي قليلة شر

وصاحبة فتنه:)

هالعجز مابهن الا سنتين (عدد 2 من السنون:))

وان تكامشن غدن مردوسيه:)

وكل وحده تركب طقم الثانيه:)





أخوي المطنوخ .. موضوع قمه بالروعه ... وحبي للشيبان والعجايز ما ينتهي
ولا سوالفي معاهم .. برجع مره ثانيه معاي كم موقف ..

تسلمين والله

وحنا بنتظارك على احر من الرمضاء:)

لاتوخرين

[الاعلامي]

المطنوووووووووووووخ

الظاهر ان جدتك هي جدتي

اجل كل عجزنا هذي سوالفهن يوم كنت ويوم كنت

وهي حتى فضلته ماتنشرب

مشكور الف شكر على الموضوع

ويعطيك الف عافيه يارب



..

.

[المطنوخ]

شندزل

ا
جل المحروسه جدتك من
اقليم التفااااح بلبناااااان

نعم..

وهي ايضا شاركت بأعمار لبنان ...! :)

[راعي البيرق]

أخي المطنوخ .. والشبث .. شنقل
والله .. لا أدري ماذا اقول ..
ولكن أضحك الله سنكم .. وأدخل السرور إلى قلوبكم .. كما فعلت ، وإني لأسر وأيما سرور ، وأنا أقرأ لكم .. ( أزعم أن مثل هذا الطرح ثقيل الظل في مثل هكذا موضوع .. ولكن لا أحسن غيره وهذا نقص أقر به )
فشكراً لكم من الأعماق ..

[المطنوخ]

الاعلامي

والله انهن حلا وطرى هن وسوالفهن

اما انا جدتي ماتجيها الطنخه الا ليا مني قلت لها اني اقول لخوياي قصصتس واعلمهم
وانا لو يدري حدى خوياي بسوالفها تسان ماخلاني ادخل مجلسهم:)

تسلم على المرور الغالي

لاعدمناك

[المطنوخ]

راعي البيرق




أخي المطنوخ .. والشبث .. شنقل
والله .. لا أدري ماذا اقول ..
ولكن أضحك الله سنكم .. وأدخل السرور إلى قلوبكم .. كما فعلت ، وإني لأسر وأيما سرور ، وأنا أقرأ لكم
والله نتشرف يالغالي
اننا قدرنا نصل لذائقتكم
والاهم اننا قدرنا نرسم البسمه على شفاهكم
ووالله انك افرحتنا بهالخبر



.. ( أزعم أن مثل هذا الطرح ثقيل الظل في مثل هكذا موضوع .. ولكن لا أحسن غيره وهذا نقص أقر به )
فشكراً لكم من الأعماق ..

لا لا تراك تزعلنا والله بهالكلام

انت مجرد مرورك فقط يسعدنا
فما بالك اذا شرفتنا بردك الكريم

لاعدمنا هالمرور الغالي

واتمنى انك ماتحرمنا مثل هالطله

وتقبل فائق الاحترام

[المخاوي]

وتبدى عاد تسحّب بجدايلها وتناظر أطراف اصابع رجولها على بالها خجلانه .. وتقول .. والله ما ادري عنه .. هااااك السنه بالضحيه جاب لي قطعه من تسبد الخروف .. والله والعالم انه يموت فيني !!


هههههههه

الظااهر يبيه تغص :p:


المطنووخ

كتبت فأبدعت :thumb:

موضوووع جمييييييل جداً

وعز الله ان سوالفهم ماتنمل يالبناخي

يرفع للاهميه :)

[عجايب بنت الشايب]

السلام

خخخخخخخخخخخخخخخخخخخخخخخخخخخخخ


الله يبرد تسبدك


والله انك صادق <<< اول مره


قاهريني بس ما اقدر اقول لهن شي


هن الحلوات
وهن الجيدات

وهن النظيفات <<< ركزوا

وهن اللي كلن يبيهن


ياوجه الله وجهه

وحنا على قولتك مولعونات جدف


ووصخات


وما نستحي


عاد مانستحي هذي يبيلها موضوع


كانهن نسن

عبات النسف اللي تطلع اكثر ماتخش


ونسن الرقص يوم العيد


ونسن ... اها نسن الطاااامه


حبة العيد مافيها رزيه


ياويلي ويلاه حبة العيد مافيها رزيه


وطبعا هذي من عاداتهم وتقاليدهم











وش رايكم نعيد التراث <<< اللحين في ذي نعيد التراب يالــ......!!



استر على ماوجهت

موهب بكره ترسل لجدتي ايميل تعلمها اني سبيتها

[المطنوخ]

مشرفنا الغالي<<مايبي يتميلح عندوه:)

يامرحبا بهالطله<<<يعني فاقدوه؟؟

توه يحلى الموضوع<<<جحد الباقين:)

اقوووووول ماهو يعني انك مشرف تنس تسن مالك شغل

اقوووول اسرد لنا من هالعلوم الطيبه لا ندبل تسبدك بالمنقووول

عاد اعذر من عطس

[المطنوخ]

صاحبة الاسم الطويل

يالله حيها

انتي وينتس كل هالمده؟؟

اما العجز يوووووو

هذي وحدتن من عجزنا الله يطول بعمرها

ليا قالت لي سيرتها الذهبيه

اقول ياجده مادري الزير سالم الظاهر

وش هالامجاد ووش هالبطولات

وطبعا انا ومن كان يجالسنا كأننا مثل المصريين اللي يقعدون قدام الشعرواي الله يرحمه
بس نهز روسنا مابقى الا نقول الله الله الله:)

نتحرى علومتس ولا ترى مايردن عن ماسنجر جدتس شين

[المطنوخ]

من خلال تمحيصي للأثريين <<هالكلمه تعود لكبار السن

طلعت علوووم الا ياربي دخيلك

تحريف مو طبيعي للدين

خلوني اجمعهن لكم مزبوووووط وانثرهن لكم

==


انا ابي اعرف اكثركم ياللي تستفتون هو انتم مستحين ولا وشو بالضبط؟؟؟

[تعاليل]

كــــــــلي بكم إعجاب .. << اسمتس يذكرن بكرتون (صاحب الظل الطويل )


يــــــــــــاتسبدتس مرمره على هالعجز ..
هههههههه بس على قولتس وانا اختس ..
هن الجيدات <<< وحنا لا
هن اللي يستحن << وحنا لا
هن الشغولات المعدلات <<< وحنا لا
هن راعيات الاوله << وحنا لا
هن اللي يعرفن الواجب <<< وحنا لا





كلي بكم إعجاب .. قربي شوين ابي اقول لتس شين بأذنتس
((( المشكله هالعجز يا تكلمن تقل .. فاطمه الزهراء ولا عائشه .. تقيات نقيات ..
وهن علوووووووووومهن علوم .. ماخلن شين بنفوسهن .. اهم شين حبه العيد هاه ..))





هههههههههههه والله تسبدي انا اللي مرمره عليهن مو انتي .. بس وش اسوي
نخشتيني عليهن .. ههههه الله يخليهن لنا ..



تعااااااااااااليل

[المطنوخ]

والله ماتفدغت تسبدي الا على سالفة لشايبن عندنا

مادري انا نفسي اعرف منو مرجعه؟؟:)

اسمعوا السالفه واحكموا...

(طبعا راح اقول السالفه مثل ماينطقها )

(((يقول هذا الرسول عليه الرضا والسلام قام النوم وليا الغمص بعيونه وهو يصوت للذباب وقاله تعال نظف عيوني من الغمص !!
وهو يكش الذباب وقال لله ما اقرب وهو يطير
وهي تجي النحله وتقوم تنظف عيو الرسول عليه الرضا والسلام من الغمص ويوم قضت وهو يقوم الرسول يدعي على الذباب انه ياكل (اعزكم الله) الفضلات
ويدعي على النحل انه ياكل العسل
والحين ماتشوفون الذباب يحك يدينوه ببعض؟
قاعد يقول آآآآآه الا واحلولات اللي ماكل غمص الرسول !!!!!)))


ههههههههههههههههههههههههههههههههه
عسى الله يرحم حالهم ويغفر لهم:)

[فاصــ بيضاءــلة]

(((يقول هذا الرسول عليه الرضا والسلام قام النوم وليا الغمص بعيونه وهو يصوت للذباب وقاله تعال نظف عيوني من الغمص !!
وهو يكش الذباب وقال لله ما اقرب وهو يطير
وهي تجي النحله وتقوم تنظف عيو الرسول عليه الرضا والسلام من الغمص ويوم قضت وهو يقوم الرسول يدعي على الذباب انه ياكل (اعزكم الله) الفضلات
ويدعي على النحل انه ياكل العسل
والحين ماتشوفون الذباب يحك يدينوه ببعض؟
قاعد يقول آآآآآه الا واحلولات اللي ماكل غمص الرسول !!!!!)))

:232r::232r::232r:

تحليل خطيييييييييير واستنتاج أخطر
-------------------------

دوكم هالسالفة و(دوك) عندنا بمعنى خذ << للاطلاع فقط.. << هالجملة افرح اذا شفتها بكتبنا

السالفة
جدتي الله يرحمه عندها خلفية انجليزية بسيطة يعني تفحط عشان تطلع له كلمة..
وبمرتن من المراريتت<< على قولة شبيثان
كانت مسافرة برا يعني دولة اوروبية وصحت الصباح تبغى موية ولا لقت بالثلاجة شي فما هان عليه تقوم احد ..
فدقت على الرسيبشن تحت
وقالت: بليز ووتر
طبعا قعدو سنة لين مافهموها وحولوها على المطعم..
حولوها على المطعم
قالت: بليز ووتر
والحمدلله ذي عدت على خير بس يوم جابولها الموية قالت لازم اشكرهم وقعدت سنة تتذكر وش معنى شكرا والحرمة واقفة عند الباب برا بتعطيها الموية تقول اول ماتذكرت فتحت الباب واخذت الموية وجت بتقول شكرا بالانجليزي فجابت الصاعقة




تدرون وش قالت








قالت: دونكي
العاملة: اكسيوزيمي
جدتي بابتسامة: دونكي

العاملة طيرت عيونها وراحت وجدتي ياعميري مستغربة تقول اكيد ماتفهم انجليزي..

ويوم قام عمي وقالت له السالفة مات من الضحك..
وفهمها وش معنى دونكي
قالت: ايه عادي هاللي ماعندهم دين ينقالهم مثل هالكلام !!

اللهم اغفر لجدتي اللهم اجعل قبرها روضة من رياض الجنة ولاتجعله حفرة من حفر النار واجمعنا بها في جنات النعيم

[المطنوخ]

فاصلة بيضاااااااااااء

ياناس تعلموا مثل هالتصريفه اذا توهقتوا...

قالت: ايه عادي هاللي ماعندهم دين ينقالهم مثل هالكلام !!

هههههههههههههههههههههههههههه
هههههههههههههههههههههههههههههه
هههههههههههههههههههه


اللهم اغفر لجدتي اللهم اجعل قبرها روضة من رياض الجنة ولاتجعله حفرة من حفر النار واجمعنا بها في جنات النعيم

آمين يارب العالمين
وكل مسلم

فاصلة بيضاء

مادام على قولتس مرة من المراريت اجل فيه مراريت اخرى

نبيهن تسان فضيتي الله لا يهينتس :)

لاتوخرين ترينا نتحراااتس:)

دمتي برعاية الله

[حويدر]

المشاركه جيده لولا أنها تمس بمشاعر الشيبان لذا نرجو أن تكون المشاركه القادمة تطيب خارهم ولك خالص تحياتي
حويدر