راكبً فوق حرً يذعره ضله

[السكب]

بسم الله الرحمن الرحيم

السلام عليكم ورحمة الله وبركاته

لابتي مساكم الله بالخير الجميع
راكبً فوق حرً يذعره ضله --------- مثل حر كفخ من يد قضابه

عزوتي ابي منكم هالقصيدة كامله لاهنتو ومن اللي قايله.
وتحياتي للجميع...

[خالد الشمري]

هذي لمحمد العوني يوم يستفزع شمر عندما حاصروه قوات نوري بن شعلان ومن معه من القبائل:

راكب فوق حر يذعره ظله
،،،،،،،،،،،،،،،،،،،،،،،،،، مثل طير كفخ من كف قضابه
ماحلا فزته والخرج زاه له
،،،،،،،،،،،،،،،،،،،،،،،،،، والميارك علي متنه تثني به
من سكاك ترحل وتترك الذله
،،،،،،،،،،،،،،، ،،،،،،،،،، واحذرالخوف هاجوسك تهني به
سر لشمر وخبر لابتي كله
،،،،،،،،،،،،،،، ،،،،،،،،،، لابه بالملاقي حي من لابه
قل لوادي ابوعافت بعد قله
،،،،،،،،،،،،،،، ،،،،،،،،،، يانهار على الجوبه تحلابه
الدخن فوقنا كن الدجي ظله
،،،،،،،،،،،،،،،،،،،،،،،،، والرويلي وابن شعلان وقرايبه
دريو اني قليل وادركو خله
،،،،،،،،،،،،،،،،،،،،،،،،، وارتكينا بعون الله وحجابه
مانعرف الضحي من كثر خلق الله
،،،،،،،،،،،،،،،،،،،،،،،،، وين شمر هل العادات والجابه
وين مطني وعباس هم وربع له
،،،،،،،،،،،،،،،،،،،،،،،،،، وياهي كربة لو ان لها لابه
وين هايس وبرجس وربع له
،،،،،،،،،،،،،،،،،،،،،،،،،، وين عبدة اللي ماحل ضبضابه
انخ راعي الملحا لاتساهل له
،،،،،،،،،،،،،،،،،،،،،،،،،، وانخ شمر وعط الصوت يدرابه
وانخ اخو رفعة هو ورمح له
،،،،،،،،،،،،،،،،،،،،،،،،،، لالتقي بالملاقي كف قضابه
وانخ ضاري والاسلم قل تجي كله
،،،،،،،،،،،،،،،،،،،،،،،،،، اخوصلفه اللي ما انه كلخ نابه
وانخ اخوشاهة المنصور وافطن له
،،،،،،،،،،،،،،،،،،،،،،،،،، وانخ مطلق مع التومان بالجابه
وانخ سنجر وساتر الاخله
،،،،،،،،،،،،،،،،،،،،،،،،،، وانخ غضبان ابوعلوش وقرايبه
وانخ عدوان ابوممدوح وربع له
،،،،،،،،،،،،،،،،،،،،،،،،،، يرفع الصوت للفلحان بالجابه
وانخ فهاد وبايق هم وربع له
،،،،،،،،،،،،،،،،،،،،،،،،،، وانخ شيبان شمر وانخ شبابه
وانخ مياح وهل الدين والمله
،،،،،،،،،،،،،،،،،،،،،،،،،،وانخ الاخوان عز الدين وحجابه

[المطنوخ]

لاهنت يابن فراج

السكب --- ابوفراج

لكم خالص الود

[راعي الوقيد]

يا حي الله السكــب:)

تسيف انت حدى هالغيبات ؟

يقولون من طول الغيبات جاب الغنايــم :)

واشوفك تدور عندنا المغانــم:a:

قصيدة محمد العبدالله العونــي بكون الجوف . . .

على لسان سعـود بن عبدالعزيــز بن رشيــد . . .

ينخى شيوخ شمر وفرسانها ليهبوا لمساعدة ابن رشيد الذي

لم يأخذ حسابا ً لهذهـ المعـركة !!؟

ما قصر الأخ ابو فراج قام ببذل المجهود ولا يلام من إجتهد على إجتهادهـ:)

ولكن ما استغربته هو وجود اغلاط واضحة وكان من الممكن لخالد وغيرهـ ممن يهتمون

بالموروث الشعبي وقصص وقصائد الأجداد ان يكشفها لو امعن في قراءتها . . .

يقول العـونـي:-


راكب فوق حر يذعره ظله = مثل طير كفخ من كف قضابه
ماحلى فزته والخرج زاه له = والميارك علي متنه تثني به
من سكاكا ترحل واترك الذله = واحذرالخوف هاجوسك تهنى به
سر لشمر وخبر لابتي كله = لابتي بالملاقى حي من لابه
قل لوادي وابوعافت بعد قله = يانهار على الجوبه تحلى به
الدخن فوقنا كن الدجي ظله = والرويلي وابن شعلان واقرابه
دريوا انّا قليل وادركوا خله = وارتكينا بعون الله وحجابه
مانعرف الضحي من كثر خلق الله = وين شمر هل العادات والجابه
وين مطني وعباسٍ وربع له = والله ياهي كربة ٍ لو ان له لابه
وين هايس وبرجس وربع له = وين عبدة اللي مايحلون ضبضابه
وانخ راع المليحا لاتساهل له = وانخ شمر وعط ّ الصوت يدرى به
وانخ فهران اخو رفعة ورمح له = لأ لتقى بالملاقى كف قضابه
وانخ ضاري والاسلم قل تجي كله = وين اخو صلفه اليا منه كلخ نابه
وانخ اخوشاهة المنصور وافطن له = وانخ مطلق مع التومان بالجابه
وانخ سنجارة وقاسم ساتر الذله = وانخ غضبان ابوعلوش واقرابه
وانخ عدوان ابوممدوح وربع له = يرفع الصوت للفلحان بالجابه
وانخ فهاد وبايق وربع له = وانخ شبّاب شمر وانخ شيّابه
وانخ مياح واهل الدين والمله = وانخ الاخوان عز الدين وحجابه

الآن لنتعرف على الشخصيات التي جاءت في القصيدة من فريس شمر وشيوخهم . . .
وهم غنيين عن التعريف وعزاويهم والقابهم معروفه لدى عامه شمر والقبائل الأخرى . . .
قل لوادي وأبو عافت بعد قلـــــــــه : هو وادي .؟ وابوعافت هو عقاب ابن عجل من فرسان عبده وشيوخهم - عرف عنه الفراسه والشجاعة ويطرب للحرب 0
وين مطني وعباس وربع لــــــــه : مطني الشريم من شيوخ اليحيا من عبده
وين هايس ابن رخيص من شيوخ النبهان من الزميل من سنجاره وبرجس ابن عردان من شيوخ السلمان من الزميل من سنجاره هم وربع لــه
وأنخ راعي المليحا لا تساهل لــه: هو ندا بن نهير من عبدة
وأنخ فهران أخو رفعه ورمح لــه: هو فهران الصديد من شيوخ الصايح من سنجارة
وأنخ أخو صلفه الى ما نه كلح نابه : هو ضاري بن طواله أمير وفارس من شيوخ الأسلم : الى منه كلح نابه: يضحك للخصم
وأنخ أخو شاهه المنصور وأفطن لـه: أخو شاهه هو مشل التمياط من سنجارة
وأنخ مطلق مع التومان بالجابـــــــه: هو مطلق ابن عايش من التومان من سنجارة
وأنخ سنجارة وقاسم ساتر الذلــــــه: هو قاسم من كبار سنجارة 0( ربما قاسم ابن رخيص . ؟
وأنخ غضبان أبو علوش واقرابــه: هو أبو علوش غضبان بن رمال 0من سنجارة
وأنخ عدوان أبو ممدوح وربع لــه: هو عدوان ابن هجهوج (ابو ممدوح )من الرمال من الغفيلة من سنجاره
وأنخ فهاد وبايق هم وربع لــــــــــه: فهاد ابن مسطح من الجسار من سنجاره وبايق ابن ثنيان شيخ شمل الزميل من سنجاره
وأنخ مياح واهل الدين والملــــــــه: من الشلقان من سنجارة 0

ولك التحية يالسكب والاخوة الحاضرين:)

والسلام ...
..

[خالد الشمري]

((ما قصر الأخ ابو فراج قام ببذل المجهود ولا يلام من إجتهد على إجتهادهـ

ولكن ما استغربته هو وجود اغلاط واضحة وكان من الممكن لخالد وغيرهـ ممن يهتمون

بالموروث الشعبي وقصص وقصائد الأجداد ان يكشفها لو امعن في قراءتها)) فعلا البلا منا مادققنا ولا امعنا النظر بهالشي انا اسف :)
بس يامشرفنا فيه ملاحظه وحده وهي
وادي هو الشيخ والفارس وادي العلي من الجعفر من عبده
عباس هو الشيخ والفارس عباس العلي من الجعفر من عبده
وانا مشكك بهايس تقول انت انه من الزميل والله العالم واذا ماخاب ظني انه هايس من العلي بس ابتأكد وارد لك مع تحياتي ياخال

[السكب]

خالد فراج الشمري ياعزيزي الف شكر وجمل الله حالك وماقصرت,,,

[السكب]

المطنوخ شكراً على المرور الكريم,,,

[السكب]

راعي الوقيد مشرفنا الكريم لك مني كل والشكر والتقدير.

أتمنى لك التوفيق إستاذي الكريم,,,

[نافع بن طواله]

وأنخ أخو صلفه الى ما نه كلح نابه : هو ضاري بن طواله أمير وفارس من شيوخ الأسلم : الى منه كلح نابه: يضحك للخصم



العمده يا راعي الوقيد


وانخ ضاري والأسلم لك تجي كلّه %% أخو صلفه إليامنه كلح(تسلح) نابه



كلح(تسلح) الناب لا يعني التبسم بل يعني التكشيره

وعندما يكلح الناب أي يبرق أو يلمع الناب