الله نـشد ياحمود عن معرفة يوم 00 لمن ؟

[الصيرمي]

ياحمود يظهر لك صديق"ن" من القوم

**************** ويظهر من الربـع الموالـيـن عــدوان

القصه والقصيده الكامله

السالفه ومافيها ان
مفضي بن ولمان الاحمدي ذبح واحد من جماعته وجلا عن ديار حرب من المدينة المنورة .. واسقر به المقام في قبيلة شمر وتحديداً عند شيخ اشتهر بالكرم وهوشيخ العليان من شمر / بن سعيد "" معشى الذيب "" ...........
جاهم ( مفضي الأحمدي) تحت اسم " مستعار " وهو (رويعي ), المهم قاله ( معشي الذيب ) وش عندك قال : جاي ادور مرازق الله .وادور الرعيه . ..وهاك الوقت مصادر الرزق محدوده ومافيه الاالرعيه اوماشابه ذلك .
جلس عندهم واتضح لهم انه انسان محترم بكل معاني الكلمة . وقضبوه احدى الرعايا وضلا يسرح فيها . واذا جاء يقضب الدلال لين يسرون للنوم . اخذ عندهم سنين وفي يوم من الأيام وهو كان مستفلي بالبل وبجنبه بنت ابن سعيد معها رعيه , ولادروا الا انقضت عليهم مغيره وهم يأخذون الرعيتين رعيت " ارويعي " ورعية البنت.
وليا.. جيت واحد على خيله من جماعة البنت وينطحه " رويعي" : الحق القوم اخذوا الحلال وانت رجال مسلح وعلى خيل - قال والله مالي فيهم قدره هذولا قوم تبيني انطح قوم الحالي - قاله " ارويعي" - اجل تكفى عطني الخيل والسيف . كن الرجال استهان بـ " رويعي " - نزل عن الخيل وعطاه السيف وقال الله الله لا تضربهم الا مع رؤسهم ...... ركب " رويعي " على الخيل ولحق القوم وقتل منهم اربعة ورد الحلال , ورد الخيل الصاحبه .( البنت شاهدهت وسمعت كل ماجرى .. " كانت متخفيه خلف صخرة" ) ويوم انهم روحوا يم العرب وعلى عادته الاحمدي . يجلس يزين القهوة . والبنت اتراقبه من بعيد .. والناس في بالهم ان اللي رد الحلال " الرجّال اللي معه الخيل" ويوم شافت البنت ان القهوة والمه وهي اتنادي على ابوها - يايبه - قال: نعم -قالت : طلبتك - قال: وش تبين -قالت : اللي يبايعطي مايقول وش تبي .اما قول تم ولاقول بدى . قال : لابالله الا تم .. قالت : ابصب القهوة الي زين " ارويعي " قال : ماعندنا غير بنيـ خيك وعيال عمك ... تعدي صبي القهوة -- وهي اتعدى وتاخذ الدله وتقوم "رويعي" من يده . وهي تقعدة على الشداد الي مرتكي عليه ابوها وصبي اول فنجال لبوها وثاني فنجال " لرويعي " وهي تقول : يايبه ترى هذا الرجال الي رد الحلال ... وعلمت بكل اللي صار ... وقالت ان شفاك ضني ان ماسمه "رويعي" وانه رجّال ماهو بسيط وان وراه قصة --- المهم-علمهم "رويعي" بأسمه الحقيقي الي هو ( مفضي بن ولمان الاحمدي الحربي) وباسباب مجيه انه رجال مطلوب عليه "ارقبه" وطلابته من جماعتة من الاحامده من حرب - المهم - روحو لهم شمر مناديب وقالوا لهم الرقبه الي في بطنه حنا المسوؤلين عنها اطلبو اللي تبون .. قليل اوكثير
واما الرجّال عندنا والله انه ابعد من مطلع الشمس على مغيبها -- قالوا - لاوالله حنا مير ماندري عنه من اول هو حي او ميت مير يوم الله اعقله " نبي الديه " المهم ادفعوا شمر الديه المطلوبه . .....
وطلب الاحمدي البنت من ابوها وجوزه . وجلس عند نسايبه من شمر (18 عام )... ورزقه الله منها بذريه .. واكبر اعياله اسمه حمود . وفي حدا المرات يلعب "حمود "مع عيال خواله " عتمه با الليل .. وضرب حمود واحد من عيال خاله .. وقاله: ولد خاله كلمه(......) ماعمره سمعها حمود .. وراح يم ابوه وقال: يايبه ولد خالي ضربته وقال لي : (.....) قال ابوه اطلعت منهم ( اجدعي البيت يامرة) يوم اصبح الصبح . ويجونه جيرانه ونسايبه .. وش العلم .. قال والله ابد ودي عيالي يعرفون اعمامهم وبنيخيهم .. وانتم ماقصرتم معنا وقضينا عندكم مده ماننساها _ هذا عذره قدامهم _ وقال من قصيدة له وهو ماشي :

ياحمود عن ديرت خوالك جلينا ****** سود الوهـم من يـمنا تـلطخ الـجال

ليا صار قـربك مايحـشم عـلينا ****** ان طعت شوري دنو الزمل بالحال

وصل للحناكيه عند جماعتة الحروب وخذ مايقارب الشهرين وختلف مع ناس منهم وصارت بينه وبين ربعه حرب بعض المشاكل فأرجع لنسايبه من شمر وقال هذه القصيدة الرائعة :

لاواهني ياحمود من فارق الدوم

**************** نـبي عــربـنا ... يـم اطـاريـف رمـان

ياحمـود والله ماعـليـنا بها لـوم

**************** ماستانـس الـى وسـط نـزل العلـيان

ياحمود كني عندهم باشت الروم

**************** ومـزودن وزنـي عـلى كـل مـيـزان

الله نـشد ياحمود عن معرفة يوم

**************** وعشر وثمان اسنين ياحمود جيران

ياحمود يظهر لك صديق"ن" من القوم

**************** ويظهر من الربـع الموالـيـن عــدوان

وعاد الي شمر وجلس عندهم الي ان توفي رحمه الله وجميع اموات المسلمين .. ..

وبقيت ذريته في حائل الي وقتنا الحالي " وتلعة الاحمدي معروفه في حائل " ومشتهره بالنخيل

وعلى ماقليل شمر وحرب عينان في راس واحد:)

ونعم في الجميع والله

وارجو من الله اني افدتكم

تحياتي:)

[راعي الوقيد]

لا هنت يالصيرمي خوووووش سالفة

وتروا كثر ترديد السوالف ما له سنع:)

لا تفهمني غلط . . !!

اقصد الموضوع هذا متكرر عدة مرات بالمضايف ولا جديد او إضافة

حياك الله اخوي

ويا هلا

[ابو خليف]

لاهنت يالصيرمي


على قصة مفضي الولمان

وشكرا لك

[الصيرمي]

راعي الوقيد :)

الله لا يهينك اخو عزيز

وانا اسف با سيدي على اعاده ترديد السوالف:)

كنت افتكر ان الموضوع ما نزل قبل هههههههه

عديها المرررررررره وخلاص ما نتعود لها هههههههه

تحياتي:)

[هايس الشمري]

طيب فيه اضافة يا راع الوقيد :)

اللي نسمع هالبيت من هالشيبان و دايم يقال و يكرر

اللي هو


الله نشد يا حمود عن معرفة يوم و حنا ثمان سنين يا حمود جيران

مهو و عشر و ثمان



و الله اعلم


و تسلم يالصيرمي

[الحربي]

الاخ العزيز

الصيرمي

هذه القصيدة كانت اول مشاركة لي قبل عدة اربع سنوات تقريبا.

عموما هذه القصة والقصيدة لتلك الابيات

كان مفضي بن ولمان الاحمدي جاراً عند العليان من شمر ، وهم خوال ابنائه، ويقال انه تزوج من بنت السعيد شيوخ العليان والملقبون بـ ( معشي الذيب )، ومناسبة القصيدة ان قوم من قبيلة حرب اغاروا على ابل احد الاشخاص من العليان من شمر وكسبوها فاطلق احد البواردية من العليان النار عليهم فأصاب ذلول لهم اصابة مميته فتركوها، فتجهز العليان بقيادة شيخهم ابن سعيد ومعهم مفضي بن ولمان لتعقب الغزاة لرد الابل وحينما وصلوا الى الذلول الميته عرف مفضي بن ولمان ان وسم الذلول هو وسم قبيلة حرب وبالتحديد وسم الاحامده جماعة مفضي فقال لهم مفضي لادعي لتعقب الغزاة لان الوسم وسم جماعتي الاحامدة وان شاء الله نسير عليهم انا وصاحب الابل ونردها بدون قتال. وانطلق مفضي ومعه الشمري الى قرب الحناكية جماعة مفضي وتكلم مفضي عند شيخ الاحامده وقال له الابل حقت جيراني لازم ترجع فقال له الشيخ اللي في وجهك تراه في وجيهنا وامر الغزو برد جميع الابل للشمري وقال للشمري عد ابلك هل فيها نقص؟ قال ناقصة ناقه وضحاء فسئل الشيخ جماعته عند من قالوا عند مطلق ومشعان متشاركين فيها، فطلبهم الشيخ وقال رجعوا الناقة الوضحاء حقت الشمري قالوا ضاعت منا فامرهم بدفع اربع نياق للشمري تعادل قوائم الناقة وقال للشمري رضيت. الشمري قال رضيت ورجع مع مفضي لديارهم، وبعد فترة جاء مفضي يزور جماعته وعرف من بعض افراد القبيلة ان ناقة الشمري موجوده عند مطلق ومشعان وكذبوا عليه يوم قالوا انها ضاعت. فزعل مفضي وطالب برد ناقة جارهم من مطلق ومشعان لكنهم رفضوا يرجعونها وقالوا الشمري اخذ عوض عنها اربع نياق لكن مفضي ما اقتنع بذلك وقرر العودة الى ديار العليان متوعد مطلق ومشعان بأخذ الناقة منهم وقام يخاطب ابنه حمود ويحرضة على استعادة الناقة او قتل مطلق ومشعان او الموت دون ناقة جارهم وقال :-




لا وهني يا حمود من غادر الدوم
= = = = = نبي عربنا يم أطاريف رمان

يا حمود والله ما علينا بها لوم
= = = = = ما استانس الا وسط نزل العليان

يا حمود كني عندهم باشة الروم
= = = = = ومزودٍ وزني على كل ميزان

الله نشد يا حمود عن معرفة يوم
= = = = = عشر وثمان سنين يا حمود جيران

يا حمود للجيرة قوانين وسلوم
= = = = = والله ما نرضى على السلم ينهان

ما تروح ناقة جارنا وانت شغموم
= = = = = موتٍ بعز ولا حكى ذاك وفلان

أما تجي ما دونها هرج وعلوم
= = = = = والا سددها رأس مطلق ومشعان

يا حمود تلقالك رفيقٍ من القوم
= = = = = وتلقى من الربع الموالين عدوان





اخوكم الحربي




.

[المطنوخ]

الصيرمي --- الحربي

تسلمون وماقصرتوا

[خالد الشمري]

الصيرمي الله يعافيك والاخ الحربي بارك الله فيك للتوضيح

[الصيرمي]

ابو خليف

تسلم حبيب قلبي والله لا يهينك:)

مرورك كريم واسعدني ههههههه

مرررررحبابك والله:)

(( الذيب ))

وانت بعد تسلم :)

ربي لك الحمد انه فيه اضافه مش زي ما قال مشرفنا لا جديد او إضافة

الله يسعدك يالذيب:)

الحربي

مرحبابك والله :)

باين انه قصتك اختلفت عن قصتنا اللي جبناها :)

مشكور على مرورك

المطنوخ

تسلم على مرورك يامطنوووووووخ ههههههه

تشررررررفنا:)

خالد فراج الشمري

الله يعافيك :(:)

[منيره]

الله لا يهينك اخوي

مشكور

[الصيرمي]

http://www.asmilies.com/smiliespic/128pxl-smilies/embarrassed.gif

يانايم وحد الدايم:)

الله لا يهينك

عفوا اخت منيره:)

تحياتي:)

[majed0911]

مشكور على هالقصة وعلى الاسلوب الرائع بالسرد ودمت.

[الصيرمي]

العفو ياسيدي :)

وتسلم يا طيب على كلامك الطيب

تحياتي:)