!! مصـــافحـــة أولــــــــى !! ...

[عز الجبيل]

إخواني أعضاء هذا المنتدى الرائع .. أود ان أسمع آرائكم حول ما أطرح وبكل أمانه ..
واتمنى منكم الإنتقاد قبل المديح إن وجد ..


وهذه المشاركة بعنوان ...

( خلاص ياعذابي مالك ومالي)






أنا شفتك قبال عيني والا تهيالي ..؟
والا عيوني تشوف كل البشر انت ؟

يافرحة العمر وحبي وآمالـــــــــــي
أنا معك كلي عطا وين ماكـــــــنت

إن نمت صادفتك بحلوم الليالــــــي
وإن قمت شفت نورك وتسلــــطنت

أشوف الكون معك كله حلالــــــــي
وأشوف إني من الشدايد تمكـــــنت

انت يابعد(عمي)و(خالي)و(حالي)
الوحيد اللي مايوم بحبه تهاونــــت

إن جيت غالي وإن رحت غالـــي
على العهد باقي لابعتك ولاخــنت

تبعد .؟ ابعد وشوقي يحطك قبالـــي
تنسى .؟ انسى واذكر اني تجننت

تقسى .؟ اقسى مُرك عليّ حالـــي
تجرح .؟ اجرح دامك بهذا تفننت

تقرب .؟ اقرب منزلك داخلي خالي
وفاة وتوفيت وعن وفاتي أعلـــنت

وبعلن حياتي بقرب الغوالــــــــــي
دامني بشوف روحي تطمـــــــنت

خلاص ياعذابي مالك ومالـــــــــي
ابعد ماحصل يكفي ولا هــــــــنت

اللي تمنيته مابين يميني وشمالي
تحضنته بعد العذاب اللي تحضنت

وبقول كلمة اخيره جت على بالي
لوكنت ماكنت تقدر تذبحك بنت

وسلامتكم

[ابو خليف]

صح لساااانك


مصافحة رائعه

وان شالله نشوفك تنشر بالنبطي عن قريب

مدام محاولاتك كذا

[عز الجبيل]

صح بدنك يابو خليف ..

حضور جميل وتشجيع أجمل ..

أتمنى ذلك ولكن ننتظر ردودكم حول ما أطرح هل أستطيع الخوض مع الشعراء ..

وفي النهاية لا يسعني الا أن اشكرك على حضورك

تحياتي لك ودمت بخير

[بعض الناس]

صح لسانك ....

إبداع رائع ،،،

[متفاائل]

عز الجبيل
اهلا وسهلا حياك الله
ومدامت المصافحة الاولي بهذا الجمال
اعتقد انك تستطيع قول الشعر ولا ينقصك سوى ان تكون القصيده اصلا
على وزن اغنية معروف لحنها لديك لكي تعرف اماكن الخلل لتكون موزونه

تحيااااااااااااتي

[عز الجبيل]

بعض الناس .. صح بدنك يالغالي .. وشاكر لك مرورك الكريم ..

المتفائل .. لاهنت يالغلاا على حضورك المشرف لك خالص الشكر والتقدير على ماتقدمة من انتقادات هادفة ..


تحياتي لكم ودمتم بخير