(حظي العاثر) اتمنى ان تعجبكم

[مذهل]

هذه مشاركه اتمنى ان تحوز على رضاكم

حظي العاثر

ياحظي العاثر متى ودك تقـــوم ــــــــ متى تعدل مثل غيرك وتربـــح

لاقلت قام الحظ عودت للنـــوم ــــــــ ما ظن ياحظي يجي يوم تنجـــح

غيرك ترى ياحظ مايعرف الـنوم ــــــ والا انت ياحظي اشوفك ترنـــح

لوتنشرى ياحظ بعتك على السـوم ـــــ براس مالك ماابي لك مرابـــح

ماظنني خسران ولا عليلــوم ـــــ فرقاك ياحظي ولااعيش في شــح

ويلاه ياحظي الا جعلك القــوم ــــ يمكن يجي غيرك ويمشي معي صح

وياحظ لاتشره ترى منت مظلوم ــــــــ قدامك الواقع يبـين ويشــــرح


وسلامتكم

[فلاح الشمري]

اخوي مشاري:
كلماتك سلسه
عذبه
راءعه
وتصوير جميل
وتصدقني كلنايلوم الحظ
وكلنايلوم النصيب
وكلنايقول عن نفسه مقرود
ويدعي ان الحظ مقصر معه
ويكفي قول ذلك الصرح العظيم رحمه الله
ياقام حظك باع لك وشترى لك

ومن القلب شكرا

[مذهل]

اخوي فلاح الغالي

انا عاجز عن شكرك

على تعقيبك واطرائك الجميل

وتقبل مني خالص المنى