هدية مضيف راعيات الهودج لاخوانا الرجال

[ظبيانيه]

هذي هدية مضيفنا لاخوانا في المضايف الثانيه عشان لا يقاطعونا مره ثانيه ولا يسوولنا حصار


وبما انه (حلوه بما انه هذي عجبتني) انا موتي حياتي العطورات قلت خلني اكتب كم خلطه عطور للرجال وهي من كتاب خلطة العطور الاماراتيه وعمل البخور


وانشالله تعجبكم الخلطات:

:) خلطقة العقال 1:
تولة فيجي البحرين / تولة زعفران ابيض / تولة مسك سائل / نصف تولة دهن عود

:) خلطة العقا 2:
تولة سلسبيل / تولة اول نظره / تولة زعفران اصفر / نصف تولة فل فرنسي

:) خلطة العقال 3:
تولة مسك ابيض سائل بياع في محلات البودي شوب
تولة زعفران ابيض / نصف تولة فرح / نصف تولة فل البانيان

:) خلطة العقال 4:
تولة اماريج / تولة روح الشباب / نصف تولة دهن عود / قطره من روح الورد

:) خلطة خاصه للرجل1:
تولتان مسك ابيض / تولة زعفران ابيض / تولة عطر الشيوخ / تولة دهن عود

:) خلطة خاصه للرجل 2:
تولتان عطر امواج فرنسي / تولتان عطر موناليزا / تولة مسك ابيض سائل


ملاحظه: اللي ما تتوفر عنده هالعطورات او انه صعب يحصلها ممكن تخليط عطورات الرجاليه بس شرط يكون لون العطر ابيض شفاف او الاكتفاء بالعطورات الشفافه مثل الريحان والمسك

[الفيتو]

اختي ظبيانيه
تسلمين على هذه المخلطات الرائعه
وهديه مقبوله منك

[عبدالعزيز]

خوش خلطات
ولكن ياضبيانية ماهي أقرب للعطورالعادية من الدهن أو المخلطات المعروفة
من ناحية الريح

[ظبيانيه]

بومرزوق تسلم اخوي ويامرحبا



اخوي بوصياح اقرب العطور للدهن عود هي الخلطات اللي اصلا يدخل فيها الدهن عود واكيد ماشي يعلى عليه وتسلم

[وميض]

بسم الله الرحمن الرحيم
أختي الغالية ظبيوووونه :
تحية معطرة بروائع مخلطاتك ...
تسلمين على ما تقدمينه من إبداعات في هذا المنتدى
--------------------
وأحب اهدي إخواني الرجال إهدااااء خاص علشااان ما يقاطعونا مرة ثانية :
*
*
*
*
*
*
*
هذي الله يسلمكم قناعات علشان تصيرون بيضاااان
http://www.lakii.com/images/topics/intel.gif
عاد ادعولي لأنها أقنعة جداً ممتازة تخليكم ( بيروتيين ) علىغفله ..
وأبي أوصيكم بعد بالكريمات الواقية من أشعة الشمس أدهنوا وجيهاتكم فيها علشان ما تصير وجيهكم بعد ما ترجعون بالسلامه من البر كنكم من أم درمان
تحياتي للجميع ...
وخصوصاً لظبيوووونه فهي من أوحت لي بالفكرة .

[ظبيانيه]

اختي وميض تسلمين على الكريمات اللي كتبتيها


والاحلى من الكريمات تعليقج :D والله اني يلست اضحك وانا اقراه





هااااا شو اكثر من جذيه خلطات وكريمات المفروض يحتفلون في مضيف راعيات الهودج

[الوسي]

هلا والله وغلا بالاخت ظبيانيه

تسلمين على كل جهودك

ومشكوره على هالخلطات اللي ذكرتيها

لكن ودي اخذ رايك بشغله اخت ظبيانيه بحكم ان لك خبره بالعطورات وكذا

وبالذات بالنسبه للخلطات ,,,

انا شخصيا ,, ماأحب الخلطات حقيقه ,,

دهن العود حلو ,, وله اوقاته اللي مايصلح فيها غيره,,,

مثل البورمي ,, والبورمي المعتق ,,, والكمبودي بانواعه

مادري بس احس ان الخلطات مهما كانت مو ذاك الزود ,,,

كرا لك مره ثانيه وتسلمين

تقبلي تحيات

اخوكي الوووووووسي

[ظبيانيه]

هلا اخوي الوسي

مثلك فيه وايد ناس ما يحبون المخلطات وصدقت اصلا ما شي يعلى على دهن العود ومن اجود انواع دهن العود دهن العود القديم ودهن العود السيوفي ويليه البورمي والبورمي القديم

ولكن لو جربت خلطات دهن العود عند القرشي خصوصا اللي فيها التوله بالالاف :eek: ياسلاااااااام شو بتقول لانها كلها خلطات بانواع من دهن العود ولها اسامي وايده اذا تبا بخبرك عنها وغير جذيه الخلطات الغاليه تكون دائما رائعه واذا في يوم زرت الامارت وزرت محلات ياس للعطورات شوف عندهم مخلط الهيفاء ومخلط ياس روعه وانتوا في السعوديه عندكم مشالله خلطات رهيييييبه ما نحصل مثلها

ومثل ما قلت خلطات الرجال عموماً نادره ولكن هالخلطات اللي حطيتها في الاول هي للعقال وللاستخدام اليومي بس بعد الدهن عود شي ثاني

اتمنى اني جاوبت على استفسارك


وتسلم :)

[واحد من الناس]

بسم الله الرحمن الرحيم

الاخت ضبيانيه

مساء الخير
بصراحه هديتك رائعه بس عاد وين اللي يعرف يخلط

انتى تحسبينا زيكم ( يالبنات ) حنا الواحد وهو يركض 0 مر على محل العطور وشم هذا وهذا وهذا وقال عطني هذا !! اما انتم يالبنات تعرفون شغلات عجيبه 0

للاخت وميض 0 ام الكروت الحمر ماعندك اقنعه للبيروتيين تخشنهم شوي!!
على شان نقدر نفرق بين ميشو 0 وريما مكتبي ؟!!

ولكم ولكن تحياتي

n (( واحد من الناس ))

[كـ زمان ـان]

عزيزتي ضبيانيه
لك مني التحية والتقدير0
وبعدين وش هالخلطات اللي تهبل0
بس ابي اسئل؟ عندكم مخلوط مال الشيوخ شريته من اجمل بالشارقه وتحسفت اني ماكثرت ابي اعرف خلطته إذا ممكن0

[كـ زمان ـان]

عزيزتي وميض
بس ياليت تكون الاقنعه من اعشاب طبيعيه لأنك تعرفين ان بشرتنا حساسه
وتتأثر بالتركيبات الكيميائية0
وانتبهي لا تكون من (افون) وخلطاته0ههههههههههه0:D

[كـ زمان ـان]

عزيزتي ظبيانيه

اشكرك لاكن اكيد انه مخلط مودهن عود خالص لانه فيه ريح زعفران0

[كـ زمان ـان]

تابعي برامج الدكتوره(مريم نور) ازين من الكيماويات0
خليها خيار وطماطم0ههههههههههه;)

[برزان]

شكرا لك اختي العزيزة لهذه الهديه ولو انها معقدة .....


لكن انا عنديلك هديه لك ولكل الاخوات المشاركات ....


ويجب عليكم التوجه فورا لشرائها



cwotion



why walk when you can fly

[ظبيانيه]

اخوي برزان مشكور و

he wanna be different

[فلاح الشمري]

الاخت ظبيانيه:
يمكن تكون الخلطه جيده بس المشكله الشهبان قصدي حتى النيفيا بعد الحلاقه عيب عندنا:)

[ظبيانيه]

اخوي فلاح


استفسار بسييييط شو الشهبان؟!!!:(


بس هالخلطات رجاليه يعني فيها دهن عود ليش عيييب ؟:confused:

[فلاح الشمري]

اختي الظبيانيه
شهبان كلمه من المعجم الشمري المبطي وتعني توهقت الفزعه يالربع :)

[ظبيانيه]

اخوي فلاح

ما عليه فوتها طاف :) :) :)

[الخوير]

الاخت ظبيانية


هديتك مقبولة

الطيب مايهدي الا طيب

[عبدالعزيز]

أبشروالله بالفزعة يافلاح
شهبان ......................يعني شهبان ...........شلون تبينن أوضح
شـــــــــــــــــــــــــهـــــــــــــ ــــــــبـــــــــــــــــــــــــــــان
:p :p :p
وأي فزعة ثانية يابوسعد -أبشر والله بعزك

[ظبيانيه]

اخوي الخوير



تسلم ويسلم غاليك انشالله

[ظبيانيه]

بوصياح





مشاللـــــــــــــــــــــــــــــــــــ ـــه ياي تفزع!! ومب عارف المعنى

الظاهر بعرف انا المعنى وبكتبه قبلكم :D

[كـ زمان ـان]

الشهبان هم
لقد قسم العلماء الشهبان إلى عدد من الاقسام معضمهم عاش منذ العصر الحجري
ويقال انهم انقرضو مع الدينصورات عند الهزة الكبرى 0ويقول احد العلماء
انه يوجد منهم انواع تم اكتشافها منذ زمن ولاكن يقال انهم من اخطر الانواع
فهم لايتحملون الحرارة مثل الانواع القديمةويقال انهم تيوبلس ويقال انه تم اكتشاف بقايا لهم في الجزيرة العربيةولكنهم ولله الحمد قد تم القضاء عليهم
بعد اكتشاف النيفيااااااااااااااااااا0:eek:

[ظبيانيه]

اخوي كان زمان


انا اللي فهمته ان اللي قلته دعايه عن نوع من انواع البف باف صح؟

[كـ زمان ـان]

ظبيانيه
معقول مافهمتي 0ماصدق تشطري عاد وافهميها0

جايب لكي تعريف الشهبان منذ العصر الحجري إلى اكتشاف ال؟؟؟؟؟
بس ركزي شوي0 ولو اني داري ان السن له دور هههههههههه0;)