المطنوخ
23-05-2005, 21:02
السلام عليكم ورحمة الله وبركاته
يعطيكم العافيه جميع....
هذه القصيده لها مناسبه ان شاعرنا كان قد خطب فتاة من جماعته، ووعده ابوها بتزويجه
منها حال عودته من (المديد) وهو جلب التمر من الاحساء.
ولما عاد وجد المنازل خاليه، فسأل طفلاً راه عن ذلك فأخبره بأن اليوم زواج الفتاة التي
كان قد خطبها حيث أن ابو البنت زوجها لرجل آخر في غيابه، فصار صاحبنا يضرب
الصبي الصغير بالعصا دون شعور حتى جاء من خلصه!!، وفي ذات الليله يسمع حنين
ناقة خلوج قتل حوارها، فأنشد هذه القصيده الموضحه لتفصيلات أكثر من قصته :-
ياونتي ونة خلوجٍ من النوق=على ولدها بالتهاليك معتاق
أقفوا بها ربعٍ مع كل خنتوق=وقامت تلفت للحوير بالاشفاق
قامت تصعفق بين صافي ومصفوق=واحفاه من ضرب العصا كل مرهاق
من اولٍ تقطف ثمر كل زملوق=واليوم صاعنه خبيثات الاوفاق
جسمي مثل جسمه من الحال مسروق=يشدي لغصنٍ يبسٌت من الاوراق
وهي تعرضها لوابيث وصفوق=فرقا ولدها من خبيثات الاوفاق
وانا تعرض لي من الناس مخلوق=حشُ الضمير وزاد قلبي بالاحراق
هليت دمع العين واحفيت انا الموق=ومن دمعها الصافي على حجرها راق
على وليفٍ زيد القلب بفتوق=اختف قلبي يوم نوُى بالافراق
سقيم عقبه ما تطعمت بالذوق=قفى وعرضني خبيثات الاطراق
غض النهد زين التعازيل منتوق=ما شفت انا غيره على غايتي لاق
سبحان مسويها على كل مخلوق=من مركز القبلة إلى سيف الاشراق
شفت الشعر دانق من العنق مفهوق=متفرٌعٍ من مارق العنق دلاق
زاف على زاف من المتن مفروق=غاشٍ ردوفه شافه القلب واشتاق
ياما حلا شك القلايد على الطوق=وخدود يوضن في حسينات الارناق
خده كما برقٍ ليا ناض بشعوق=غروٍ على قلبي وعقلي معه تاق
واليا طرى لي تاق قلبي وانا اتوق=والا لغير الشوق ما نيب عشاق
أصفر عفر يعطي من الورس برموق=على حسن ما راق ما هيب مبهاق
لكن عليها الورس والمسك مدفوق=ولونٍ كما شاشٍ تماراه بالساق
خواصرٍ هبٌاع من ردفها فوق=وخصرٍ كما الخاتم به السير خفاق
لكن رمش العين لا غضت عن الموق=ريش النعام اللي بالاجناح خفاق
كن العسل في مبسم العذب مذلوق=بالهجس والا راعي القيل ما ذاق!
ادوج وسط الناس من غير معلوق=كني قريصٍ فيه سم الحنش ساق
معجٌمٍ ما اعلم من القيل منطوق=باسباب خودٍ صار للقلب سراق
يا طاردٍ بدماي لا تقبل السوق=إخذ القضا من واحدٍ بالعهد باق
ختم الجواب وخاتم القيل داروق=وين انت ياللي ماتجي لي بالوفاق
وسلامتكم..
يعطيكم العافيه جميع....
هذه القصيده لها مناسبه ان شاعرنا كان قد خطب فتاة من جماعته، ووعده ابوها بتزويجه
منها حال عودته من (المديد) وهو جلب التمر من الاحساء.
ولما عاد وجد المنازل خاليه، فسأل طفلاً راه عن ذلك فأخبره بأن اليوم زواج الفتاة التي
كان قد خطبها حيث أن ابو البنت زوجها لرجل آخر في غيابه، فصار صاحبنا يضرب
الصبي الصغير بالعصا دون شعور حتى جاء من خلصه!!، وفي ذات الليله يسمع حنين
ناقة خلوج قتل حوارها، فأنشد هذه القصيده الموضحه لتفصيلات أكثر من قصته :-
ياونتي ونة خلوجٍ من النوق=على ولدها بالتهاليك معتاق
أقفوا بها ربعٍ مع كل خنتوق=وقامت تلفت للحوير بالاشفاق
قامت تصعفق بين صافي ومصفوق=واحفاه من ضرب العصا كل مرهاق
من اولٍ تقطف ثمر كل زملوق=واليوم صاعنه خبيثات الاوفاق
جسمي مثل جسمه من الحال مسروق=يشدي لغصنٍ يبسٌت من الاوراق
وهي تعرضها لوابيث وصفوق=فرقا ولدها من خبيثات الاوفاق
وانا تعرض لي من الناس مخلوق=حشُ الضمير وزاد قلبي بالاحراق
هليت دمع العين واحفيت انا الموق=ومن دمعها الصافي على حجرها راق
على وليفٍ زيد القلب بفتوق=اختف قلبي يوم نوُى بالافراق
سقيم عقبه ما تطعمت بالذوق=قفى وعرضني خبيثات الاطراق
غض النهد زين التعازيل منتوق=ما شفت انا غيره على غايتي لاق
سبحان مسويها على كل مخلوق=من مركز القبلة إلى سيف الاشراق
شفت الشعر دانق من العنق مفهوق=متفرٌعٍ من مارق العنق دلاق
زاف على زاف من المتن مفروق=غاشٍ ردوفه شافه القلب واشتاق
ياما حلا شك القلايد على الطوق=وخدود يوضن في حسينات الارناق
خده كما برقٍ ليا ناض بشعوق=غروٍ على قلبي وعقلي معه تاق
واليا طرى لي تاق قلبي وانا اتوق=والا لغير الشوق ما نيب عشاق
أصفر عفر يعطي من الورس برموق=على حسن ما راق ما هيب مبهاق
لكن عليها الورس والمسك مدفوق=ولونٍ كما شاشٍ تماراه بالساق
خواصرٍ هبٌاع من ردفها فوق=وخصرٍ كما الخاتم به السير خفاق
لكن رمش العين لا غضت عن الموق=ريش النعام اللي بالاجناح خفاق
كن العسل في مبسم العذب مذلوق=بالهجس والا راعي القيل ما ذاق!
ادوج وسط الناس من غير معلوق=كني قريصٍ فيه سم الحنش ساق
معجٌمٍ ما اعلم من القيل منطوق=باسباب خودٍ صار للقلب سراق
يا طاردٍ بدماي لا تقبل السوق=إخذ القضا من واحدٍ بالعهد باق
ختم الجواب وخاتم القيل داروق=وين انت ياللي ماتجي لي بالوفاق
وسلامتكم..