خالد الشمري
21-05-2005, 16:22
السلام عليكم ورحمة الله وبركاته
(شاعر الجبلين) عبدالله صالح الاشقر شاعر فحل من كبار الشعراء في وقته وكان ابوه قد عاش مع الشلقان من شمر وابوه ترك عبدالله واخوته بحائل بالاضافه الى امهم وجلسو بحائل وخواله من اهل الكويت عائله تدعى (الحميد)
له كم كبير من القصائد احببت ان اورد بعضها لكم :
ياهل الهوى ما بقى لي روح
واشوف انا الزين مرتاحي
هو منستر مير انا مفضوح
قلبي على خف وجناحي
غرو ذبحني بلا مصلوح
جعل الغنادير للماحي
ياعين حر رجح للوح
انا ارتجي وانت ذباحي
............................................
سلام الله يانور القناديل
سلام من على قلبي سلاما
الىما الهجر يازين التعازيل
الىما يابعد روحي الىما
جرى لي من سبب هجرك غرابيل
ابيك تبدل الفرقا بلاما
ماحسب انك قطوع يالغضي حيل
تنام وعين خلك ما تناما
خذيت الزين والقلبه بذا الجيل
حرام ما ظهر مثلك حراما
شربت من الهوى كمع بلا كيل
وذلوا لك سلاطين الغراما
سحرت القلب بعيون مظاليل
تجوح الروح بجروح تدامى
علا صدرك تفافيح مقابيل
به الارواح حرقات عداما
حبيب الروح ماغيرك محاصيل
ولا لي في هوى غيرك مراما
................................................................................ ..................
قصيدته بحائل:
حـوراء سنا نوره بسحر البهـاء سار ***** باهر بهـاه أطفـأ بهـا جملة الحـور
طلت .. وهلت .. وأهمل الوبل مدرار ***** يبكي سماه ويضحك الورد مسـرور
غـنا غـنوج تبتسـم لك بالأزهـار ***** عبيرهـا مسـك وعـنبر وكافـور
تشـكلت فيهـا الروابي والأشـجار ***** لبست حللهـا زينة القـد والطـور
فاحت روايح ريح روحـه والأثمـار ***** نشـوة شذاها تنعش الروح بعطـور
عليلهـا يشـفي عـليله بالإسـحار ***** ترقص غصـونه بالصـباء تيه وغرور
دان جـنا جـناتها الخضـر وجـوار ***** طرب بها البلـبل يغـرد لشـحرور
تكامـلت وأمسـت محط للأنظـار ***** صيغت بهـا الأشـعار نظم ومـنثور
ناديتهـا بخضـوع وإجلال وإكـبار ***** مسـتسلم هـايم ولو مت مـعذور
يالله يا نـور العــذاري والأقمـار ***** من وين يـا بدر تكـامل بديجـور
قالت سنا شمـس العرايس والأقطـار ***** تاج الجمـال ومنتهى الحسـن والنور
أهلي رجـال المجـد وافين الأشـبار ***** لطّـامة العـايل فـنا كل طـابور
يا ما تفانوا وأرخصـوا غال الأعمار ***** من شأن شاني وإسمـي اليوم مشهـور
حايل فخر شمّـر هـل الدار والجـار ***** يوم اللقـاء صبيان حايل على سـور
قـوم إلى ثـاروا هل الـدار للـدار ***** تفرح بهـم عيني وأفاخـر هل الدور
قوم تجـر الضـيف لكـتار وابهـار ***** طـبع تواصـوا فيه غيّاب وحضـور
يا دار حـاتم لـو تنحـيت مقـدار ***** القلب بين السمر والحمـر مأسـور
دار نشـينا به مــواليد واكــبار ***** حقه كـبير وعقهــا زور وفجـور
أم لنـا نفخـر بهـا سـر وأجهـار ***** أهل الجـبل دونه سبيل عن الجـور
يا ما وطـوا دونه من النـار والحـار ***** أحد فنى وأحـد بـذل كا مدخـور
واليوم عز الـدار من روس الأخـبار ***** من صلب أبو تركـي مناعير ونمـور
صـاروا عيال العـود له مثل الأسوار ***** وقرت بهم نجـد بعـد كل محـذور
.....................................................
الله من قلب من الغيض منتك
متضايقٍ عده بقفل وتوباك
والصدر كنه محبس بالعظى ضك
ياعود ماصبرك على كبر بلواك
عليك ياللي منوة الروح شوفك
منشان لاشفتك شفا داك بدواك
بيني وبينك مايرك لنضارك
دوٍ يفل حيول حيل تنصاك
بالليل اشوفك واتلهى ابصورك
وافز وافتح ناضر العين ماراك
جدد جروحي ماشيٍ مثل مشيك
واحى نحيبي واصطفق قال وشجاك
قلت المشقى له مع الناس ركزك
مار البلا مالحال حا لك وحلياك
هذاك لاقذك بالعيان حرقك
نجل هدبهن كسالايك تدالاك
يازين واللي ولدع الزين نطحك
واعطان من حبك ملايين واعطاك
اني بحال لو تحلاه مرضك
لو شفت حالي ماتمناه لعداك
سجاج وهاج غريق ابغبك
بهيام وحيام على ورد مسقاك
مجروح مطروح منيع السربك
عزيل من مثلي وطنه سراياك
اناء وقعت ابغيك اليوم وشرك
مالي من النجدة ترى كود حسناك
اقدار والا كيف اقرب البورك
وانا اشوف الناس تشكي رزاياك
الله يعين مولع القلب بالفك
ويعيد يوم به نشوفك ونلقاك
............................................................................
هذي القصيده بعد مارأى قصر الخفاجي جهة العراق وقال وين اهله :
دندار دار بلبة القلب يليب **ارى جوج ماجوجه ورا العوج يليب
عليُ فار طوفان النبا واحتشا الحشا ** كما فار تنور لابوحام يهيب
لم علا ماها علا كل ماعلا **تعلت ومجراها على ماه حليب
تحدر لها الجاري ولو مات سيّسه ** والأرياح زاجرها بالالواح عطيب
وأنا بت في غبات الأنجاد حاير ** به ساعة غب وساعات …….
إلهي معاذي هو ملاذي ومزبني ** عطوف لطوف لا دعي يجيب
لها العزة العليا مع الطول والبقا ** عليّ تعلا في سماه رقيب
ترا كان مافيها ولا كان سكنها ** ولا كان مخلوق على الكون يجيب
ولا سبعها العليا ولا سبع بيدها ** ولا سبعها الجرا ولا همس دبيب
إلا بتقدير من الخالق الصمد ** حكيم عليم مستعان قريب
أنا عبدها المملوك ذلي لصبري ** وياذل مخلوق لها الرب حريب
أناجيه وحبالي بعفوه وثايق ** ثم أني بفضله طامع رغيب
أجاب يونس في لجاليج غبه ** واعاد لأيوب ويعقوب سليب
هو الواحد الكافي هو الشافي العلا ** هو اللي إلى نيدي للأغرار يجيب
مالي سوى وجهه إله يغيثني ** ولا لي سوى جوده بالأرزاق نصيب
أساله وهو عما بالأسرار عالم ** وحاشا لعبد لادعاه يخيب
نوضي علا ذا الطول والحول والبقا ** ليا جل نوضي مشتكاي حسيب
ألا ياهل الألباب والفهم والنهى ** لقيت التبصر بالليال عجيب
تفكرت بالدنيا شذاها وجلها ** إلهي تهيل بهولها كل لبيب
تجي لك كما العذرا إلى بان ودها ** غاد ضميره من هواك سريب
وتوريك من وجه كما بارق الدجا ** وتقسم فلا لك في هواه شهيب
حتى ترى قلبك تعمق بحبها ** وتراك فيها هايم تليب
تجذ عنك بساعة وأنت غافل ** تجفاك بصدود عن القلب يغيب
تسقيك من غل الليالي وغبنها ** تموت قهر وإن حييت تشيب
تلقاه مع غيرك تزحم غرامها ** صارت معك شري ومع ذاك حليب
لا تأمن الدنيا تحمله على الوفا ** تراها ماله مذهب يطيب
من خلقت الدنيا ونصبة جبالها ** إلى نفختين الصور وحساب الحسيب
ماعاهدت عهد على الكون وانجزت ** ولا عد لها خل من الخل حبيب
ولا حمدها واحد راغب بها ** إلا يذمه حاضر قريب
ولا أضحكت مخلوق إلا بكى بها ** ولا دام فيها واحد طريب
إلى تم به أمر ترقب زواله **ترى كماله للزوال نديب
أشوف أنا الوهاج يكسف إلى كمل ** والشمس تزهر لابغت تغيب
أبصر بمسعاها بناس تقدموا ** تشوف منها عبرة تريب
هلت عليهم سحب الأنعام وارغدوا ** وقامت تصب الطيب من فوق الرطيب
تعظموا فيها بعز وسطوة **تطول لهم لو هم بسكنى الوطى …
دارت بهم وقلوبهم له حزاين ** وصاروا علوم للزمان تصيب
ماتقل شافوا ساعة ماتلذذوا ** أحلام ليل ماتراه ذهيب
هذي منازلهم شهود لمن بقى ** خوالي والبوم له فيها نعيب
مير ليت الدوارس تعطي السايل الخبر ** تنبي عن السكان هيهات تجيب
دنياك ماسوم رضاها وغيضها ** غيضه قليل ضحك منه صعيب
لا دام به عز ولا دام ذلها…فلاكن يديرها سامع مجيب….
لله ما يدله بها كود جاهل **قليل التبصر بالليال وطيب
ماذاق منها لسعة لاجل ينتبه ** حوار على أمه والزمان خطيب
ترا هل التجريب فيها كواظم ** يرون مره من حلاه قريب
سقتهم من الصافي وهم به غراير ** وضمت لهم كدر الليال غبيب
وصارت فعايلها بهم عبرة لهم ** والكل منهم كاظم صويب
مير إن دارت الأفلاك بأمر العلا لهم ** صاروا لها طيّ وهي طار كريب
تمسكوا فيها بعرف من أمرها ** وقلوبهم ببحور الادبار عجيب
الأيام له رب عظيم يديرها ** بامره جميع الكون دولاب يليب
لكن أشوف العلم فضل به الفتى ** فضل بعلمه واللبيب طبيب
يسلك مناهيج المعارف ويهتدي ** لو هو عديم الشوف والمنطي طليب
لاشفت أنا فعله بالاسلاف والخلف ** أصير منها خايب رعيب
توطا لها حر تربى بجالها ** تسوقه بعسره للملام غصيب
بالأمس له منٍّ على كثرة الملا** واليوم بين الناس مسفوه سغيب
وشره على من به عن النوب ملجا ** ليا جاه مجروح الضمير يطيب
لا ضك بك أمر جليل ذكرته ** تلقاك في وجه كما العد عجيب
ولا تأخذ إلا هيلع أو صميدع ** مفراص ماص والابن نجيب
لا سددوا عمالة الرأي رايهم ** يظنون أنه ناجح صعيب
وقامت تخوض الناس في دفع مانبا ** وكل يناظر صاحبه غضيب
نقضهم كما نقض الجواري لغزلها ** وضربهم بمفتول من الراي صليب
هذا تشيله حاضر مااهتنى بها ** توحي لربعه من وراه نحيب
أه لها مامر فجرها وقهرها …. خطر على روحك من الجور تزيب
تشوف بها ناس تزاوم نفوسها ** دجاج تبختر بالكلام تهيب
ضغول تخصه ذي مزارع وثورها ** وهذي مناغزها تصب صبيب
اليوم حصن للمطاليب شبشبت ** توسطوا قالات الاحجا تزيب
إذا مر واحدهم مع الناس ما يرى ** شبر من البيدا يخب خبيب
زوم على بوم من أمس تعظمت ** تقول يالتبعي وراك تغيب
لو هو من أهل المجد من عرنة الثنا ** ما يجرح المعلوق للعليا قريب
أخف بعيون الخلايق من الهبا ** غدا لها الخنات خيال لعيب
ماله من الناموس حق مع الملا ** ولا حوى الطولات ماكرها الخريب
ذيب على اللابه يسرك ذهابه ** سيف على الأقراب مع غيره عسيب
ما ظنها تاتيك الاضرار من فتى ** شريف العناصر للملام حريب
رفيع العمد ياديب يدرا ويقتصر ** عن كل درب مايراه حبيب
ماتقبل المخماة نفس رفيعه** ولا يلبس الأدناس من ساسه عريب
يأبى جناح الصقر يلفح لجيفه ** يرزق وراها أو يموت رديب
مير أبصرت لاجا للمناجيب قصرها ** يفنون شبان والأنذال تشيب
لكن أرى الديان يأخذ خصايص ** حيث أن شمس المستدين تغيب
صاروا هل المعروف غُرب مع الملا ** وضاقت فجوج البيد بالواف النجيب
قضوا يافتى طلابة المجد بالعنا ** ماظن منهم بالوطى كتيب
من ماله الناموس والجود والوفا ** خلي على المرحان ملهود غضيب
هل الشيمة العليا هل الجار والندا ** راحوا وخلوا بالزمان مصيب
خلوا مع الأحيا سطول تضمنت ** تبقى المكارم والعمار ذهيب
إن كان باق من هل المجد ماجد ** فهو عايش عيشة ذليل تعيب
يكفيه من دنياه أمر أمرها **والا المصايب دايم تصيب
أمرها رجوى لئيم إلى كبا **ورده مع الأثار بحجاج كئيب
وهو عاكة لص بخيل أرث بها ** ما يدفع القراع في حبة زبيب
تاقف له الجلاس من شأن ميمته ** لو كان مابه خصلة تعيب
لافرغت الايمان كثرت عيوبها ** لو سلفت بالجود وتفك العزيب
اليوم خير القوم وادناه واشجعه ** رجل دني النفس له مال هضيب
زماننا يمحي ويمشي على القفا ** مداسه على راسه تراه عجيب
تطمن به العالي وطالت به الوطى ** وذاب الجبل ياذيب من خوف الرطيب
غابت رسوس الناس واخفت عدودها ** قل الحيا والسيل ماياطا الشعيب
رخيص بها المرسن عزيز بها القفا ** يمشي بها السرحان والقنفذ طريب
بانت طيور الليل باول نهارها ** وغابت طيور من ورا الطور تليب
تعلت حباريها وذلت صقورها ** وطيّر خشاش البيد من عقب الدبيب
وصارت مخالبها سيوف صوارم ** والسيف يخشى مخلب زريب
تهنا يساريها بصنعة يمينها ** الاشمال خصم واليمين قريب
هذي سجاياها وهذي خصالها ** تبا لها ،تبا لها، تب ، تبيب
واوصيك أنا كان أنت تفهم وصيتي ** ترا راعي التجريب بيطار طبيب
أحذرك أنا عن ملة الهيس والنساء ** ترا ملة الاثنين معيار وهذيب
ولا تصحب أهل العيب والريب والردى** خلك من المشبوه واحزابه حبيب
عاشر خيار الناس تحمل على الندا ** توقى لك العثرات وتحير الحريب
حيث هل السايات هم عرضة البلا ** ترا سهوم الناس للشارة تصيب
ولا تزحم الشاشات تكسب بها العنا ** لا صار ماتعنيك خلك له جنيب
ولا تعتني بالكبر والزور والريا ** تراهن شهود النقص والخزي القريب
لامدك السلطان بامر على الملا ** خل الهوى والزور كان انك أديب
ولا تحسب أن الحرص للمال حارس ** ولا تحسب ان البخل بالدنيا يثيب
توكل على الكافي والاسباب جرها ** ولا ضرك المعبود ما ينفع قريب
الله يضرب حوزة الكفر بالفنا ** ويرفع منار الدين بالوال النجيب
تمت وصلى الله على سيد الملا ** عدد ما علا السبعين لاشراق التعيب......
.....................................................................
أبهى من الجوهر اللعاج
.....................على نحر كل مزيونه
أبو جبين عليه التــــاج
.................... بين الحجاجين مقرونه
يازين مالمريض علاج
................... كانك قدرتوا تداوونه
لو إنك أظلم من الحجاج
.................في حبك النفس مفتونه
................................................................................ ...........................
ألا يامل عين عن لذيذ النوم مشطونه
وجار النوم عن موقه وزاد الويل ولوالي
وحياة اللي تخضع له جميع الخلق يرجونه
فلا احسب الهوى يذبح لمني شفت انا حالي
انا توي عرفت ان الموده جاير كونه
تسل الروح برموع له المعلوق ينشالي
نطحني فارع دالع يشوح الريح بقرونه
مغر يطرق القذله يحسب المطرق خالي
قضمضم يوم لاقيته وضف الراس بردونه.. تذّير قلت لاتزمل انا المملوك يالغالي
غرير غر في زوله وعيني فيه مفتونه
مغر بالهوى توه غرامه لاح باقبالي
فتاة يزمله ظله شذاة مايعقلونه
غرير بالهوى كله غرام لاحق تالي
اعيذك يانظر عيني عن الحساد وعيونه
كما انك مع هلا الدنيا غريب مالك امثالي
الا يازين ماترفق بروح فيك مرهونه
دخيلك لاوليت ارحم ترى حبل الهوى بالي
تبسم وارتخ الملثم غزال معجبه لونه
طلبته يدفع السايل يقول الخير بأقبالي
................................................................................ ....
الا واويل من قلبه من الفرقى يزيد جنون ....كلا دور الهوى عوده وهو بالغي سكراني
ابيع الغي واشري به وقلبي للهوى مرهون....اشيل الفن وابدي به عذابي طال هجراني
لقيت الغي غدار ولا له مذهب مضمون .......غديت اليوم مملوك ذليل بإيد سلطاني
عليك الله فلا عيني تذوق النوم لو تدرون......مدام الشوق مغتاظ وانا بالروح بلشاني
نطحني ساحب دله وقلت الهون بي بالهون....احسبه يدمح الزله يقول الخد ميداني
الا ياسيد من هو مثلي ومن هو بالهوى مفتون ......عليك من الولي جاه وتمر اليوم من شاني
تشوف العين مضنونه وانا لك بالرضى مضنون....اشم الورد بغصونه وافل المال كسباني
انا بي ولف يعقوب عليك وبي رجاء ذا النون......ابيك اليوم توريني رضاك وغيظ عدواني
تجي والراس مقضوض تثني يامليح اللون.....انا بي يالله الهادي شريد زاره الثاني
................................................................................ ...........
ياملا ماخبرت ان للموده مداوي ........دام حالي وروحي ماقضت كلها
يوم ربي نواني بالشقاء والبلاوي......ساقها لي مغره ثم ساقلها
جيت الزين والله ماتجي بالهقاوي.......كلمة مع رفيق قلتلها قلها
مقبل ومتبسم مثل عين النداوي......الهوى يستوي له والبهاء دلها
يامليح المجدل ذب عنك الغطاوي.....جعل عين تملك ماترى ملها
يالخديد المورد والمقاد الضباوي.......من ثمان تبل الروح وتعلها
ياغظيظ مضمر مستميل هفاوي........يشتكي من ردوفه متعبه تلها
الله اللي محطلك سيد للهواوي.......عيذها من عيون الناس تفطن لها
................................................................................ .........
دار الغرام برابعي مقبار.........حل الفرح والعين جاء نوره
اهلا هلا مني بزول زار..........اقبل ربيع القلب وسروره
يوم اقبلت كل وقف محتار........غابت عقول الناس وشعوره
ماصار مثلها بالمها ماصار.......الحور مابها ذا الصوره
يانور نورك يحرق الانوار......احرقتني يانور بنوره
لو قيل كل اهل الهوى بالنار..........ارواحنا بالغي مجبوره
................................................................................ ............
يامل قلب على ميهاف.........متعلق والقدم هافي
عليك يابو ثمان رهاف..........ياللي سبب داي واتلافي
سبحان رب قسمك انصاف......عسكر على الصدر وقافي
................................................................................ ...............
قصيدته (التمني ) عندما كان بالسجن بالبصره وقالو له المسجونين معه من شمر يالاشقر وش تمنى فتمنىان تعود ايام قبيله شمر:
بادي بدا ياللي عزيز جلاله.........متعلي يسمع دبيب الظلامي
يامدبرالاحوال حال بحاله..........يامدير فلك الملك تقبل سلامي
قال الفهيم اللي غريب مقاله..........من علة بالقلب لولاي كامي
قيل ثقيل عذبن بإنهلاله............يقبل كما تقبل مزون الغمامي
لارتاح بالي بالهوى واهتواله......ياتي من المعلوق مثل النظامي
اوسّع الابيات واعدّل مماله........لاحفى البيطار إليا هي تمامي
قلت آه من حال نحال حباله.......مدلاه لو دلاه يظهر بلامي
مير عزي لنفس زاد همّه عناله......ولا لي جدى سوى عظة إبهامي
ياول ياوقت ٍ حياةٍ رزاله..........اللي به الاجواد مثل اليتامي
المال هو وجه الفتى هو كماله......لو هو ذليل قيل هذا قطامي
اشوف راع المال الى اقبل خياله....نضّو وجضّو له بعدل السلامي
وفزّو بوجهه كنهم من عياله.......وإليا تكلم قيل هذا التمامي
وخطو المشبّب لو يهب الهواله......يقلط على الصابور يوم الزحامي
مير ليت التمني من تمناه جاله.......كان اتمنى طاويات المظمي
وجدي على حمراء جديد دلاله.......طويله النازح نزوح السنامي
قب الضلوع شناح عدل خياله..........عديله المفرع وسيع الخصامي
لاكثرت ايامه وعدت لياله..........دلت تزود وتاخذ الدو زامي
الى هزّه الركاب ثم استشاله..........فرّت ذليل ذيّره حس رامي
باغي عليها مع عيال الجهاله........(غلبا) وسيعين الطعون الكرامي
(غلبا) كما جالي لجى من لجى له......واللي في راسه خذنه شمامي
هم فرحة المنقوص لازيح ماله.......لاقالو من هو اللي عليّ يحامي
ركبو على الطفقات وارخو حباله.......وتلقى الجليبه مع خطات الغلامي
ياسعد من هم له إليا حل قاله ........وعزي لجمع حظبو به مدامي
مالي عذاب الا النضا من حياله......ولا لي بهم من المغازي عمامي
مير كل على عقله يحاول مراله......مير ان هذي ماهي منوتي مع مرامي
وصلو على محمد نبي الرساله.......وسلمته الحاضر يزيد السلامي
................................................................................ ..........................
قصيدته هذي عندما طلب محمد بن سعود السعود (العرافه) ان يقول فيه الاشقر عروس شعر فقصد الاشقر هالقصيده:
دار الغـرام ولـف بالقلـب لافـوف...لاع الولـع قلبـي ونفسـي صرمهـا
انا وليع مـن عنـا العيـن مشغـوف...سيف الهوى بالحـال يلحـي لحمهـا
القلب رفرف وانغرف غرف بكفـوف...والروح فوح الجـوح يلفـح فحمهـا
مرهوق زاهق غارق حرق منحـوف...ولـه ٍ ذِهِيـل ٍ هايـم فـي غرمـهـا
بلجوج موج النجل والنجـل بشنـوف...وهروج بوح الغنج روحـي حكمهـا
ماني بحال العـذل عنِّـي بمعـروف...لا تبحـثـه بالله يقـبـس لغـمـهـا
جسر الغـرام برافعـي زل بزلـوف...نزغ الزغـازغ زلزلـه عـن قدمهـا
الله خلق بالنـاس نـاس بهـا نـوف...والشمس ما تخفَى العرب مع عجمهـا
كاس الهوى بالباب الأشباب مزلـوف...من ذاق رشف شفـاه يفـرق طعمهـا
لولا الهوى ما رشوش الطير بخشوف...والناس نسناس الهـوى هـو نجمهـا
خِشفٍ عفر فارع ظفر عشر مكشوف...تـلّ القلـوب وسلّـهـا واستلمـهـا
رعبوب راعب كاعب خطرغطـروف...عمهـوج لاعـج داعـج عـاج فمهـا
مقدور باهر مابـه البـدر موصـوف...مسلـول عنـق لعنـدلٍ راق دمـهـا
اقفت تهـز العمـر تنعـاج بعطـوف...مال الهوى به مال !! عـوذا كصمهـا
عفرا برى طرز الطرى صدر وردوف...طرخ الطخا طخم الطراخـم طخمهـا
ابـو ثليـل ٍ بـه كثاثيـل وزلــوف...يلعب على هاضم ضميـره هضمهـا
مـادار دوّر نهدهـا نـزّ بـوقـوف...نشو ٍ نشا مانيـش مشمـش حرمهـا
بعيونهـا رايـات وآيـات وحـروف...ترمى علـى الغايـات سـمٍ سهمهـا
كن البرد فيمـه ورا الـورد ملفـوف...وخديد به موجـات جمـر ٍ زحمهـا
شربت شذا شذر الهوى كمع وكفـوف...من طاح بتفاحه حَـرِقْ مـن وحمهـا
تلعا فتـى تـرس الفتاتيـل بتـروف...تِتِـل رِدفـه تنثنـي تــو تممـهـا
تكسف وجيه البيض وان جاه بكسوف...من طب حفلات الملا هـو خصمهـا
ياناس خلونـي احوفـه وابـا شـوفلا مـوت فـوت وناظـري مافهمهـا
واا سلب قلب المبتلي فيـك مكلـوف...ارفق تـرى روحـي تقطّـع وذمهـا
إمنع طريـح طـاح بإيديـك مكتـوف...سلم العرب من سالمـة فـي لزمهـا
ردّ النظـر زيـن التعازيـل بهنـوف...قالت سنا نـار الهـوى مـن كهمهـا
حنّـا عريبـاتٍ نجيبـاتْ وعـفـوف...جواهـر بالصـون دونـه خدمـهـا
حنّا كما خزنٍ بالأرصـاد مرصـوف...بالـك يضـرك سمّهـا فـي دسمهـا
ياخشف بدّيت الرّجا منـك بالخـوف...العفـو عافـاك الولـي مـن وهمهـا
ياخشف قلبـي بالنـدم دوم وحسـوف...العبـد زل وزلّـتـه مــا علمـهـا
قالت: كفى لا تكلِّف النفـس بعنـوف.....ايضا ً ولا عاب الفتـى مـن شممهـا
ياذيب شوفه طافـح ٍ فـوق بشنـوف..ما شـاق عيـنٍ مـن يوالـم ولمهـا
ما شفت من يملا نحر كل ما سـوف...النفـس يشهـد عزّهـا فـي كرمهـا
................................................................................ ............................................
هذه القصيده لشاعر الجبلين / عبدالله الصالح الأشقر يمدح به الأمير / عبدالله بن متعب بن عبد العزيز الرشيد رحمهما الله جميعا :
دار الهوى محّال محمل هباهيب ...
واندار دندار للندار سحاب
يامعتلين ٍ عوب عرب مراعيب ...
هيب ٍ نواهيب ٍ عياهيب هراب
هبّو هبا من هاب قطع العباعيب ...
بااكوار كنّس عنّس تطرب اطراب
ارقاب علط ٍ والعلابي معاليب ...
تلع المفارع فج الأكواع درّاب
وساع الخصوم مسنسعات الغواريب ...
فزر المحاصر بتر الافخاذ حظّاب
مثل الادامي قوضن عن ضباضيب ...
او جول كدري ورد والصبا هاب
قيفوا هديتوا ياهمام معاطيب ...
مادام لبّي بالنبا ناب في ماب
خوذوا جواب من جبا جيب ماجيب ...
من جاش من جاشه كما جاش دباب
صاف ٍ صفاه الصاف من صاف ماصيب ...
صافيه فيه وفيه صافيه من حاب
كلام احلا من درور الغباغيب ...
واحلا من النجوى بعد خطر الانشاب
اليالفيتوا دار شمس الكواكيب ...
شمس الصخا نور على الكون لاغاب
نادو على نـدّ الندى معدن الطيب ...
نبو نضايض متعب ٍ نسل الانجاب
عبدالله الوافي مجيب المواجيب ...
فرّاش كبده للمعارف والاحباب
قولوا يخصك ياجناب الثناء اديب ...
ماحاط شوفك مار في ذكر الاصحاب
سلام من قلب سليم ابترحيب ...
ثم التحايا مالها عد وحساب
سلام مشغوف امود ٍ بلا ريب ...
له يستشب الشاب ويشبّ من شاب
سلام ابها من زهر زاهر ٍ صيب ...
رياه مسك ٍ والعنابر والاطياب
حيثه إلربعه واقف بالمراقيب ...
مثل الكهف للطارفة سنّد الباب
للجود في وجهه جنود محاضيب ...
سحب الندا في منطح الليث سكّاب
ماذا غريب ٍ به !! غريب ٍ به العيب ...
ذا له شروك بالفخر مثل الاطناب
ساسه سنا ناموس جل المواهيب ...
ولا رسى راس ٍ بلا ساس واسباب
لامرّ ذكره طرّب القلب تطريب ...
كل ٍ ينادي بالثنا تقل خطاب
ذكره القلبي كالمطر للمجاذيب ...
افوز بافراح ٍ له القلب لعاب
عليه من بحر المعالي مرازيب ...
لا كنّ يمينه مالها كيس وجراب
من عنصر به للفضايل مطاليب ...
والغصن يشرب من مشاريب الاصلاب
وصلوا على طه رفيع المراتيب ...
كما ذكر مولاه بأيآت الأحزاب
........................................................
وله قصيده اللي رد على فهد بن صليبيخ وهي طويله (والله عاجزن اكتبه يدي راحت وطي :) )
اتمنى من الاخوان الاضافه وان لايبخلو علينا بأي شي عندهم للاشقر رحمه الله
(شاعر الجبلين) عبدالله صالح الاشقر شاعر فحل من كبار الشعراء في وقته وكان ابوه قد عاش مع الشلقان من شمر وابوه ترك عبدالله واخوته بحائل بالاضافه الى امهم وجلسو بحائل وخواله من اهل الكويت عائله تدعى (الحميد)
له كم كبير من القصائد احببت ان اورد بعضها لكم :
ياهل الهوى ما بقى لي روح
واشوف انا الزين مرتاحي
هو منستر مير انا مفضوح
قلبي على خف وجناحي
غرو ذبحني بلا مصلوح
جعل الغنادير للماحي
ياعين حر رجح للوح
انا ارتجي وانت ذباحي
............................................
سلام الله يانور القناديل
سلام من على قلبي سلاما
الىما الهجر يازين التعازيل
الىما يابعد روحي الىما
جرى لي من سبب هجرك غرابيل
ابيك تبدل الفرقا بلاما
ماحسب انك قطوع يالغضي حيل
تنام وعين خلك ما تناما
خذيت الزين والقلبه بذا الجيل
حرام ما ظهر مثلك حراما
شربت من الهوى كمع بلا كيل
وذلوا لك سلاطين الغراما
سحرت القلب بعيون مظاليل
تجوح الروح بجروح تدامى
علا صدرك تفافيح مقابيل
به الارواح حرقات عداما
حبيب الروح ماغيرك محاصيل
ولا لي في هوى غيرك مراما
................................................................................ ..................
قصيدته بحائل:
حـوراء سنا نوره بسحر البهـاء سار ***** باهر بهـاه أطفـأ بهـا جملة الحـور
طلت .. وهلت .. وأهمل الوبل مدرار ***** يبكي سماه ويضحك الورد مسـرور
غـنا غـنوج تبتسـم لك بالأزهـار ***** عبيرهـا مسـك وعـنبر وكافـور
تشـكلت فيهـا الروابي والأشـجار ***** لبست حللهـا زينة القـد والطـور
فاحت روايح ريح روحـه والأثمـار ***** نشـوة شذاها تنعش الروح بعطـور
عليلهـا يشـفي عـليله بالإسـحار ***** ترقص غصـونه بالصـباء تيه وغرور
دان جـنا جـناتها الخضـر وجـوار ***** طرب بها البلـبل يغـرد لشـحرور
تكامـلت وأمسـت محط للأنظـار ***** صيغت بهـا الأشـعار نظم ومـنثور
ناديتهـا بخضـوع وإجلال وإكـبار ***** مسـتسلم هـايم ولو مت مـعذور
يالله يا نـور العــذاري والأقمـار ***** من وين يـا بدر تكـامل بديجـور
قالت سنا شمـس العرايس والأقطـار ***** تاج الجمـال ومنتهى الحسـن والنور
أهلي رجـال المجـد وافين الأشـبار ***** لطّـامة العـايل فـنا كل طـابور
يا ما تفانوا وأرخصـوا غال الأعمار ***** من شأن شاني وإسمـي اليوم مشهـور
حايل فخر شمّـر هـل الدار والجـار ***** يوم اللقـاء صبيان حايل على سـور
قـوم إلى ثـاروا هل الـدار للـدار ***** تفرح بهـم عيني وأفاخـر هل الدور
قوم تجـر الضـيف لكـتار وابهـار ***** طـبع تواصـوا فيه غيّاب وحضـور
يا دار حـاتم لـو تنحـيت مقـدار ***** القلب بين السمر والحمـر مأسـور
دار نشـينا به مــواليد واكــبار ***** حقه كـبير وعقهــا زور وفجـور
أم لنـا نفخـر بهـا سـر وأجهـار ***** أهل الجـبل دونه سبيل عن الجـور
يا ما وطـوا دونه من النـار والحـار ***** أحد فنى وأحـد بـذل كا مدخـور
واليوم عز الـدار من روس الأخـبار ***** من صلب أبو تركـي مناعير ونمـور
صـاروا عيال العـود له مثل الأسوار ***** وقرت بهم نجـد بعـد كل محـذور
.....................................................
الله من قلب من الغيض منتك
متضايقٍ عده بقفل وتوباك
والصدر كنه محبس بالعظى ضك
ياعود ماصبرك على كبر بلواك
عليك ياللي منوة الروح شوفك
منشان لاشفتك شفا داك بدواك
بيني وبينك مايرك لنضارك
دوٍ يفل حيول حيل تنصاك
بالليل اشوفك واتلهى ابصورك
وافز وافتح ناضر العين ماراك
جدد جروحي ماشيٍ مثل مشيك
واحى نحيبي واصطفق قال وشجاك
قلت المشقى له مع الناس ركزك
مار البلا مالحال حا لك وحلياك
هذاك لاقذك بالعيان حرقك
نجل هدبهن كسالايك تدالاك
يازين واللي ولدع الزين نطحك
واعطان من حبك ملايين واعطاك
اني بحال لو تحلاه مرضك
لو شفت حالي ماتمناه لعداك
سجاج وهاج غريق ابغبك
بهيام وحيام على ورد مسقاك
مجروح مطروح منيع السربك
عزيل من مثلي وطنه سراياك
اناء وقعت ابغيك اليوم وشرك
مالي من النجدة ترى كود حسناك
اقدار والا كيف اقرب البورك
وانا اشوف الناس تشكي رزاياك
الله يعين مولع القلب بالفك
ويعيد يوم به نشوفك ونلقاك
............................................................................
هذي القصيده بعد مارأى قصر الخفاجي جهة العراق وقال وين اهله :
دندار دار بلبة القلب يليب **ارى جوج ماجوجه ورا العوج يليب
عليُ فار طوفان النبا واحتشا الحشا ** كما فار تنور لابوحام يهيب
لم علا ماها علا كل ماعلا **تعلت ومجراها على ماه حليب
تحدر لها الجاري ولو مات سيّسه ** والأرياح زاجرها بالالواح عطيب
وأنا بت في غبات الأنجاد حاير ** به ساعة غب وساعات …….
إلهي معاذي هو ملاذي ومزبني ** عطوف لطوف لا دعي يجيب
لها العزة العليا مع الطول والبقا ** عليّ تعلا في سماه رقيب
ترا كان مافيها ولا كان سكنها ** ولا كان مخلوق على الكون يجيب
ولا سبعها العليا ولا سبع بيدها ** ولا سبعها الجرا ولا همس دبيب
إلا بتقدير من الخالق الصمد ** حكيم عليم مستعان قريب
أنا عبدها المملوك ذلي لصبري ** وياذل مخلوق لها الرب حريب
أناجيه وحبالي بعفوه وثايق ** ثم أني بفضله طامع رغيب
أجاب يونس في لجاليج غبه ** واعاد لأيوب ويعقوب سليب
هو الواحد الكافي هو الشافي العلا ** هو اللي إلى نيدي للأغرار يجيب
مالي سوى وجهه إله يغيثني ** ولا لي سوى جوده بالأرزاق نصيب
أساله وهو عما بالأسرار عالم ** وحاشا لعبد لادعاه يخيب
نوضي علا ذا الطول والحول والبقا ** ليا جل نوضي مشتكاي حسيب
ألا ياهل الألباب والفهم والنهى ** لقيت التبصر بالليال عجيب
تفكرت بالدنيا شذاها وجلها ** إلهي تهيل بهولها كل لبيب
تجي لك كما العذرا إلى بان ودها ** غاد ضميره من هواك سريب
وتوريك من وجه كما بارق الدجا ** وتقسم فلا لك في هواه شهيب
حتى ترى قلبك تعمق بحبها ** وتراك فيها هايم تليب
تجذ عنك بساعة وأنت غافل ** تجفاك بصدود عن القلب يغيب
تسقيك من غل الليالي وغبنها ** تموت قهر وإن حييت تشيب
تلقاه مع غيرك تزحم غرامها ** صارت معك شري ومع ذاك حليب
لا تأمن الدنيا تحمله على الوفا ** تراها ماله مذهب يطيب
من خلقت الدنيا ونصبة جبالها ** إلى نفختين الصور وحساب الحسيب
ماعاهدت عهد على الكون وانجزت ** ولا عد لها خل من الخل حبيب
ولا حمدها واحد راغب بها ** إلا يذمه حاضر قريب
ولا أضحكت مخلوق إلا بكى بها ** ولا دام فيها واحد طريب
إلى تم به أمر ترقب زواله **ترى كماله للزوال نديب
أشوف أنا الوهاج يكسف إلى كمل ** والشمس تزهر لابغت تغيب
أبصر بمسعاها بناس تقدموا ** تشوف منها عبرة تريب
هلت عليهم سحب الأنعام وارغدوا ** وقامت تصب الطيب من فوق الرطيب
تعظموا فيها بعز وسطوة **تطول لهم لو هم بسكنى الوطى …
دارت بهم وقلوبهم له حزاين ** وصاروا علوم للزمان تصيب
ماتقل شافوا ساعة ماتلذذوا ** أحلام ليل ماتراه ذهيب
هذي منازلهم شهود لمن بقى ** خوالي والبوم له فيها نعيب
مير ليت الدوارس تعطي السايل الخبر ** تنبي عن السكان هيهات تجيب
دنياك ماسوم رضاها وغيضها ** غيضه قليل ضحك منه صعيب
لا دام به عز ولا دام ذلها…فلاكن يديرها سامع مجيب….
لله ما يدله بها كود جاهل **قليل التبصر بالليال وطيب
ماذاق منها لسعة لاجل ينتبه ** حوار على أمه والزمان خطيب
ترا هل التجريب فيها كواظم ** يرون مره من حلاه قريب
سقتهم من الصافي وهم به غراير ** وضمت لهم كدر الليال غبيب
وصارت فعايلها بهم عبرة لهم ** والكل منهم كاظم صويب
مير إن دارت الأفلاك بأمر العلا لهم ** صاروا لها طيّ وهي طار كريب
تمسكوا فيها بعرف من أمرها ** وقلوبهم ببحور الادبار عجيب
الأيام له رب عظيم يديرها ** بامره جميع الكون دولاب يليب
لكن أشوف العلم فضل به الفتى ** فضل بعلمه واللبيب طبيب
يسلك مناهيج المعارف ويهتدي ** لو هو عديم الشوف والمنطي طليب
لاشفت أنا فعله بالاسلاف والخلف ** أصير منها خايب رعيب
توطا لها حر تربى بجالها ** تسوقه بعسره للملام غصيب
بالأمس له منٍّ على كثرة الملا** واليوم بين الناس مسفوه سغيب
وشره على من به عن النوب ملجا ** ليا جاه مجروح الضمير يطيب
لا ضك بك أمر جليل ذكرته ** تلقاك في وجه كما العد عجيب
ولا تأخذ إلا هيلع أو صميدع ** مفراص ماص والابن نجيب
لا سددوا عمالة الرأي رايهم ** يظنون أنه ناجح صعيب
وقامت تخوض الناس في دفع مانبا ** وكل يناظر صاحبه غضيب
نقضهم كما نقض الجواري لغزلها ** وضربهم بمفتول من الراي صليب
هذا تشيله حاضر مااهتنى بها ** توحي لربعه من وراه نحيب
أه لها مامر فجرها وقهرها …. خطر على روحك من الجور تزيب
تشوف بها ناس تزاوم نفوسها ** دجاج تبختر بالكلام تهيب
ضغول تخصه ذي مزارع وثورها ** وهذي مناغزها تصب صبيب
اليوم حصن للمطاليب شبشبت ** توسطوا قالات الاحجا تزيب
إذا مر واحدهم مع الناس ما يرى ** شبر من البيدا يخب خبيب
زوم على بوم من أمس تعظمت ** تقول يالتبعي وراك تغيب
لو هو من أهل المجد من عرنة الثنا ** ما يجرح المعلوق للعليا قريب
أخف بعيون الخلايق من الهبا ** غدا لها الخنات خيال لعيب
ماله من الناموس حق مع الملا ** ولا حوى الطولات ماكرها الخريب
ذيب على اللابه يسرك ذهابه ** سيف على الأقراب مع غيره عسيب
ما ظنها تاتيك الاضرار من فتى ** شريف العناصر للملام حريب
رفيع العمد ياديب يدرا ويقتصر ** عن كل درب مايراه حبيب
ماتقبل المخماة نفس رفيعه** ولا يلبس الأدناس من ساسه عريب
يأبى جناح الصقر يلفح لجيفه ** يرزق وراها أو يموت رديب
مير أبصرت لاجا للمناجيب قصرها ** يفنون شبان والأنذال تشيب
لكن أرى الديان يأخذ خصايص ** حيث أن شمس المستدين تغيب
صاروا هل المعروف غُرب مع الملا ** وضاقت فجوج البيد بالواف النجيب
قضوا يافتى طلابة المجد بالعنا ** ماظن منهم بالوطى كتيب
من ماله الناموس والجود والوفا ** خلي على المرحان ملهود غضيب
هل الشيمة العليا هل الجار والندا ** راحوا وخلوا بالزمان مصيب
خلوا مع الأحيا سطول تضمنت ** تبقى المكارم والعمار ذهيب
إن كان باق من هل المجد ماجد ** فهو عايش عيشة ذليل تعيب
يكفيه من دنياه أمر أمرها **والا المصايب دايم تصيب
أمرها رجوى لئيم إلى كبا **ورده مع الأثار بحجاج كئيب
وهو عاكة لص بخيل أرث بها ** ما يدفع القراع في حبة زبيب
تاقف له الجلاس من شأن ميمته ** لو كان مابه خصلة تعيب
لافرغت الايمان كثرت عيوبها ** لو سلفت بالجود وتفك العزيب
اليوم خير القوم وادناه واشجعه ** رجل دني النفس له مال هضيب
زماننا يمحي ويمشي على القفا ** مداسه على راسه تراه عجيب
تطمن به العالي وطالت به الوطى ** وذاب الجبل ياذيب من خوف الرطيب
غابت رسوس الناس واخفت عدودها ** قل الحيا والسيل ماياطا الشعيب
رخيص بها المرسن عزيز بها القفا ** يمشي بها السرحان والقنفذ طريب
بانت طيور الليل باول نهارها ** وغابت طيور من ورا الطور تليب
تعلت حباريها وذلت صقورها ** وطيّر خشاش البيد من عقب الدبيب
وصارت مخالبها سيوف صوارم ** والسيف يخشى مخلب زريب
تهنا يساريها بصنعة يمينها ** الاشمال خصم واليمين قريب
هذي سجاياها وهذي خصالها ** تبا لها ،تبا لها، تب ، تبيب
واوصيك أنا كان أنت تفهم وصيتي ** ترا راعي التجريب بيطار طبيب
أحذرك أنا عن ملة الهيس والنساء ** ترا ملة الاثنين معيار وهذيب
ولا تصحب أهل العيب والريب والردى** خلك من المشبوه واحزابه حبيب
عاشر خيار الناس تحمل على الندا ** توقى لك العثرات وتحير الحريب
حيث هل السايات هم عرضة البلا ** ترا سهوم الناس للشارة تصيب
ولا تزحم الشاشات تكسب بها العنا ** لا صار ماتعنيك خلك له جنيب
ولا تعتني بالكبر والزور والريا ** تراهن شهود النقص والخزي القريب
لامدك السلطان بامر على الملا ** خل الهوى والزور كان انك أديب
ولا تحسب أن الحرص للمال حارس ** ولا تحسب ان البخل بالدنيا يثيب
توكل على الكافي والاسباب جرها ** ولا ضرك المعبود ما ينفع قريب
الله يضرب حوزة الكفر بالفنا ** ويرفع منار الدين بالوال النجيب
تمت وصلى الله على سيد الملا ** عدد ما علا السبعين لاشراق التعيب......
.....................................................................
أبهى من الجوهر اللعاج
.....................على نحر كل مزيونه
أبو جبين عليه التــــاج
.................... بين الحجاجين مقرونه
يازين مالمريض علاج
................... كانك قدرتوا تداوونه
لو إنك أظلم من الحجاج
.................في حبك النفس مفتونه
................................................................................ ...........................
ألا يامل عين عن لذيذ النوم مشطونه
وجار النوم عن موقه وزاد الويل ولوالي
وحياة اللي تخضع له جميع الخلق يرجونه
فلا احسب الهوى يذبح لمني شفت انا حالي
انا توي عرفت ان الموده جاير كونه
تسل الروح برموع له المعلوق ينشالي
نطحني فارع دالع يشوح الريح بقرونه
مغر يطرق القذله يحسب المطرق خالي
قضمضم يوم لاقيته وضف الراس بردونه.. تذّير قلت لاتزمل انا المملوك يالغالي
غرير غر في زوله وعيني فيه مفتونه
مغر بالهوى توه غرامه لاح باقبالي
فتاة يزمله ظله شذاة مايعقلونه
غرير بالهوى كله غرام لاحق تالي
اعيذك يانظر عيني عن الحساد وعيونه
كما انك مع هلا الدنيا غريب مالك امثالي
الا يازين ماترفق بروح فيك مرهونه
دخيلك لاوليت ارحم ترى حبل الهوى بالي
تبسم وارتخ الملثم غزال معجبه لونه
طلبته يدفع السايل يقول الخير بأقبالي
................................................................................ ....
الا واويل من قلبه من الفرقى يزيد جنون ....كلا دور الهوى عوده وهو بالغي سكراني
ابيع الغي واشري به وقلبي للهوى مرهون....اشيل الفن وابدي به عذابي طال هجراني
لقيت الغي غدار ولا له مذهب مضمون .......غديت اليوم مملوك ذليل بإيد سلطاني
عليك الله فلا عيني تذوق النوم لو تدرون......مدام الشوق مغتاظ وانا بالروح بلشاني
نطحني ساحب دله وقلت الهون بي بالهون....احسبه يدمح الزله يقول الخد ميداني
الا ياسيد من هو مثلي ومن هو بالهوى مفتون ......عليك من الولي جاه وتمر اليوم من شاني
تشوف العين مضنونه وانا لك بالرضى مضنون....اشم الورد بغصونه وافل المال كسباني
انا بي ولف يعقوب عليك وبي رجاء ذا النون......ابيك اليوم توريني رضاك وغيظ عدواني
تجي والراس مقضوض تثني يامليح اللون.....انا بي يالله الهادي شريد زاره الثاني
................................................................................ ...........
ياملا ماخبرت ان للموده مداوي ........دام حالي وروحي ماقضت كلها
يوم ربي نواني بالشقاء والبلاوي......ساقها لي مغره ثم ساقلها
جيت الزين والله ماتجي بالهقاوي.......كلمة مع رفيق قلتلها قلها
مقبل ومتبسم مثل عين النداوي......الهوى يستوي له والبهاء دلها
يامليح المجدل ذب عنك الغطاوي.....جعل عين تملك ماترى ملها
يالخديد المورد والمقاد الضباوي.......من ثمان تبل الروح وتعلها
ياغظيظ مضمر مستميل هفاوي........يشتكي من ردوفه متعبه تلها
الله اللي محطلك سيد للهواوي.......عيذها من عيون الناس تفطن لها
................................................................................ .........
دار الغرام برابعي مقبار.........حل الفرح والعين جاء نوره
اهلا هلا مني بزول زار..........اقبل ربيع القلب وسروره
يوم اقبلت كل وقف محتار........غابت عقول الناس وشعوره
ماصار مثلها بالمها ماصار.......الحور مابها ذا الصوره
يانور نورك يحرق الانوار......احرقتني يانور بنوره
لو قيل كل اهل الهوى بالنار..........ارواحنا بالغي مجبوره
................................................................................ ............
يامل قلب على ميهاف.........متعلق والقدم هافي
عليك يابو ثمان رهاف..........ياللي سبب داي واتلافي
سبحان رب قسمك انصاف......عسكر على الصدر وقافي
................................................................................ ...............
قصيدته (التمني ) عندما كان بالسجن بالبصره وقالو له المسجونين معه من شمر يالاشقر وش تمنى فتمنىان تعود ايام قبيله شمر:
بادي بدا ياللي عزيز جلاله.........متعلي يسمع دبيب الظلامي
يامدبرالاحوال حال بحاله..........يامدير فلك الملك تقبل سلامي
قال الفهيم اللي غريب مقاله..........من علة بالقلب لولاي كامي
قيل ثقيل عذبن بإنهلاله............يقبل كما تقبل مزون الغمامي
لارتاح بالي بالهوى واهتواله......ياتي من المعلوق مثل النظامي
اوسّع الابيات واعدّل مماله........لاحفى البيطار إليا هي تمامي
قلت آه من حال نحال حباله.......مدلاه لو دلاه يظهر بلامي
مير عزي لنفس زاد همّه عناله......ولا لي جدى سوى عظة إبهامي
ياول ياوقت ٍ حياةٍ رزاله..........اللي به الاجواد مثل اليتامي
المال هو وجه الفتى هو كماله......لو هو ذليل قيل هذا قطامي
اشوف راع المال الى اقبل خياله....نضّو وجضّو له بعدل السلامي
وفزّو بوجهه كنهم من عياله.......وإليا تكلم قيل هذا التمامي
وخطو المشبّب لو يهب الهواله......يقلط على الصابور يوم الزحامي
مير ليت التمني من تمناه جاله.......كان اتمنى طاويات المظمي
وجدي على حمراء جديد دلاله.......طويله النازح نزوح السنامي
قب الضلوع شناح عدل خياله..........عديله المفرع وسيع الخصامي
لاكثرت ايامه وعدت لياله..........دلت تزود وتاخذ الدو زامي
الى هزّه الركاب ثم استشاله..........فرّت ذليل ذيّره حس رامي
باغي عليها مع عيال الجهاله........(غلبا) وسيعين الطعون الكرامي
(غلبا) كما جالي لجى من لجى له......واللي في راسه خذنه شمامي
هم فرحة المنقوص لازيح ماله.......لاقالو من هو اللي عليّ يحامي
ركبو على الطفقات وارخو حباله.......وتلقى الجليبه مع خطات الغلامي
ياسعد من هم له إليا حل قاله ........وعزي لجمع حظبو به مدامي
مالي عذاب الا النضا من حياله......ولا لي بهم من المغازي عمامي
مير كل على عقله يحاول مراله......مير ان هذي ماهي منوتي مع مرامي
وصلو على محمد نبي الرساله.......وسلمته الحاضر يزيد السلامي
................................................................................ ..........................
قصيدته هذي عندما طلب محمد بن سعود السعود (العرافه) ان يقول فيه الاشقر عروس شعر فقصد الاشقر هالقصيده:
دار الغـرام ولـف بالقلـب لافـوف...لاع الولـع قلبـي ونفسـي صرمهـا
انا وليع مـن عنـا العيـن مشغـوف...سيف الهوى بالحـال يلحـي لحمهـا
القلب رفرف وانغرف غرف بكفـوف...والروح فوح الجـوح يلفـح فحمهـا
مرهوق زاهق غارق حرق منحـوف...ولـه ٍ ذِهِيـل ٍ هايـم فـي غرمـهـا
بلجوج موج النجل والنجـل بشنـوف...وهروج بوح الغنج روحـي حكمهـا
ماني بحال العـذل عنِّـي بمعـروف...لا تبحـثـه بالله يقـبـس لغـمـهـا
جسر الغـرام برافعـي زل بزلـوف...نزغ الزغـازغ زلزلـه عـن قدمهـا
الله خلق بالنـاس نـاس بهـا نـوف...والشمس ما تخفَى العرب مع عجمهـا
كاس الهوى بالباب الأشباب مزلـوف...من ذاق رشف شفـاه يفـرق طعمهـا
لولا الهوى ما رشوش الطير بخشوف...والناس نسناس الهـوى هـو نجمهـا
خِشفٍ عفر فارع ظفر عشر مكشوف...تـلّ القلـوب وسلّـهـا واستلمـهـا
رعبوب راعب كاعب خطرغطـروف...عمهـوج لاعـج داعـج عـاج فمهـا
مقدور باهر مابـه البـدر موصـوف...مسلـول عنـق لعنـدلٍ راق دمـهـا
اقفت تهـز العمـر تنعـاج بعطـوف...مال الهوى به مال !! عـوذا كصمهـا
عفرا برى طرز الطرى صدر وردوف...طرخ الطخا طخم الطراخـم طخمهـا
ابـو ثليـل ٍ بـه كثاثيـل وزلــوف...يلعب على هاضم ضميـره هضمهـا
مـادار دوّر نهدهـا نـزّ بـوقـوف...نشو ٍ نشا مانيـش مشمـش حرمهـا
بعيونهـا رايـات وآيـات وحـروف...ترمى علـى الغايـات سـمٍ سهمهـا
كن البرد فيمـه ورا الـورد ملفـوف...وخديد به موجـات جمـر ٍ زحمهـا
شربت شذا شذر الهوى كمع وكفـوف...من طاح بتفاحه حَـرِقْ مـن وحمهـا
تلعا فتـى تـرس الفتاتيـل بتـروف...تِتِـل رِدفـه تنثنـي تــو تممـهـا
تكسف وجيه البيض وان جاه بكسوف...من طب حفلات الملا هـو خصمهـا
ياناس خلونـي احوفـه وابـا شـوفلا مـوت فـوت وناظـري مافهمهـا
واا سلب قلب المبتلي فيـك مكلـوف...ارفق تـرى روحـي تقطّـع وذمهـا
إمنع طريـح طـاح بإيديـك مكتـوف...سلم العرب من سالمـة فـي لزمهـا
ردّ النظـر زيـن التعازيـل بهنـوف...قالت سنا نـار الهـوى مـن كهمهـا
حنّـا عريبـاتٍ نجيبـاتْ وعـفـوف...جواهـر بالصـون دونـه خدمـهـا
حنّا كما خزنٍ بالأرصـاد مرصـوف...بالـك يضـرك سمّهـا فـي دسمهـا
ياخشف بدّيت الرّجا منـك بالخـوف...العفـو عافـاك الولـي مـن وهمهـا
ياخشف قلبـي بالنـدم دوم وحسـوف...العبـد زل وزلّـتـه مــا علمـهـا
قالت: كفى لا تكلِّف النفـس بعنـوف.....ايضا ً ولا عاب الفتـى مـن شممهـا
ياذيب شوفه طافـح ٍ فـوق بشنـوف..ما شـاق عيـنٍ مـن يوالـم ولمهـا
ما شفت من يملا نحر كل ما سـوف...النفـس يشهـد عزّهـا فـي كرمهـا
................................................................................ ............................................
هذه القصيده لشاعر الجبلين / عبدالله الصالح الأشقر يمدح به الأمير / عبدالله بن متعب بن عبد العزيز الرشيد رحمهما الله جميعا :
دار الهوى محّال محمل هباهيب ...
واندار دندار للندار سحاب
يامعتلين ٍ عوب عرب مراعيب ...
هيب ٍ نواهيب ٍ عياهيب هراب
هبّو هبا من هاب قطع العباعيب ...
بااكوار كنّس عنّس تطرب اطراب
ارقاب علط ٍ والعلابي معاليب ...
تلع المفارع فج الأكواع درّاب
وساع الخصوم مسنسعات الغواريب ...
فزر المحاصر بتر الافخاذ حظّاب
مثل الادامي قوضن عن ضباضيب ...
او جول كدري ورد والصبا هاب
قيفوا هديتوا ياهمام معاطيب ...
مادام لبّي بالنبا ناب في ماب
خوذوا جواب من جبا جيب ماجيب ...
من جاش من جاشه كما جاش دباب
صاف ٍ صفاه الصاف من صاف ماصيب ...
صافيه فيه وفيه صافيه من حاب
كلام احلا من درور الغباغيب ...
واحلا من النجوى بعد خطر الانشاب
اليالفيتوا دار شمس الكواكيب ...
شمس الصخا نور على الكون لاغاب
نادو على نـدّ الندى معدن الطيب ...
نبو نضايض متعب ٍ نسل الانجاب
عبدالله الوافي مجيب المواجيب ...
فرّاش كبده للمعارف والاحباب
قولوا يخصك ياجناب الثناء اديب ...
ماحاط شوفك مار في ذكر الاصحاب
سلام من قلب سليم ابترحيب ...
ثم التحايا مالها عد وحساب
سلام مشغوف امود ٍ بلا ريب ...
له يستشب الشاب ويشبّ من شاب
سلام ابها من زهر زاهر ٍ صيب ...
رياه مسك ٍ والعنابر والاطياب
حيثه إلربعه واقف بالمراقيب ...
مثل الكهف للطارفة سنّد الباب
للجود في وجهه جنود محاضيب ...
سحب الندا في منطح الليث سكّاب
ماذا غريب ٍ به !! غريب ٍ به العيب ...
ذا له شروك بالفخر مثل الاطناب
ساسه سنا ناموس جل المواهيب ...
ولا رسى راس ٍ بلا ساس واسباب
لامرّ ذكره طرّب القلب تطريب ...
كل ٍ ينادي بالثنا تقل خطاب
ذكره القلبي كالمطر للمجاذيب ...
افوز بافراح ٍ له القلب لعاب
عليه من بحر المعالي مرازيب ...
لا كنّ يمينه مالها كيس وجراب
من عنصر به للفضايل مطاليب ...
والغصن يشرب من مشاريب الاصلاب
وصلوا على طه رفيع المراتيب ...
كما ذكر مولاه بأيآت الأحزاب
........................................................
وله قصيده اللي رد على فهد بن صليبيخ وهي طويله (والله عاجزن اكتبه يدي راحت وطي :) )
اتمنى من الاخوان الاضافه وان لايبخلو علينا بأي شي عندهم للاشقر رحمه الله