سواليف شباب حايل !!

[ريم شمر]

في برنامج سواليف الرائع في قناة المجد
كان اللقاء هالمره مع مجموعه من خيرة شباب حايل

حامد الضبعان وسعد الشمري وعيد الشمري

وابناء العديم ( مادري هل هم من حايل او لا )

بس فعلا كان اللقاء رائع وممتع جدا

شعر وسواليف والغاز ومساجلات
طغى عليها لهجة اهل حايل اللذيذه
لدرجة ان المذيعين احيانا يحتاجون لترجمه :)

بصراحه اول مره اتابع شي بدون حتى مالتفت

اخاف يفوتني شي :)

واول مره احرص اني اشوف الاعاده اكثر من مره

وهم على فكره اعادوا البرنامج ثلاث مرات

وفي هالثلاث مرات مامليت من المتابعه :)

ربي يحفظهم ويخليهم لعين ترجيهم

جمعوا الدين و الكرم والطيب وحسن الاخلاق
و القلوب البيضاء وخفة الدم
و الثقافه واسلوب الحديث الجذاب الممتع

بجد يعتبرون واجهه طيبه ومشرقه لحايل ولشمر

كذا الشباب والا فلااااااا

مايغثني الا بعض هالمهّبل اللي يشاركون

بقنوات الاغاني والشاتات والكلام الفاضي

معاكس وسخافه عيني عينك :c:

وياليته مايعلم انه شمري ....الا بعضهم يكتب اسمه كامل
هذا كانه صادق مع اني اشك في هالشي :rolleyes:

والمصيبه اذا طلعت بنت في هالقنوات وقالت انها شمريه

عاد هذي اللي تبط التسبد صدق :148r:

اجمل تحيه لشباب حايل الذين يمثلهم الصنف الاول

وهم اغلبيه بأذن الله

والله يهدي من يشذ منهم عن القاعده



-----------
مشاركه احترت وين اوديها وتوقعت الدكه انسب مكان لها

[عبدالعزيز]

عيال العديم والسلّوم من اهل قرية شري الفاصلة بين حايل وبريدة "150كلم شرقاً" والقرية بالأساس لحايل وللاسلم من شمر تحديداً بس عاد ان التقسيم الحدودي بيننا وبينهم شتل به لهذولاكي

وابوملوح اللي هو حمود العديم"الدبا:)" معنا بالمضايف ومطلع عليه بشكل دائم على كلام ولد عمه بس عاد انه عيا يعلمن بيوزره وهذا ماكان له تأثير سلبي على مرارتي :puzzled:

[محارش]

بالفعل اختي ريم شمر كان البرنامج اكثر من رائع
العديم من ال مسعود من الاسلم من شمر

البرنامج رائع في اغلب حلقاته من خلال متابعتي له ولهذه القناة الرائده التي اتمنى من الجميع ان لا يحرم اهل بيته منها حتى وان كان الاشتراك فيها غير متاح للجميع ( ما عدا اهل الرياض الذين يستطيعون الاشتراك عن طريق التقسيط )

ومع اني اقول بأن اغلب حلقات سواليف كانت مميزه الا اني اجزم ان هذه الحلقه هي الاميز وقد ذكر ذلك المذيعين في اكثر من موضع بل قالوا بأن الكثير مما اعدوه للبرنامج ضاع في زحمة ابداع الشباب .
حامد الضبعان وعيد الشمري وبمجهودات شبه ذاتيه استطاعا ايصال الصوت السنعوسي او الحائلي ( لا فرق ) للجميع ومن ثم لحق بهم الركب امثال ابو مهند والذي لم يحضر للبرنامج وابو ملوح اخوان :)
اتمنى لهم التوفيق من اعماق قلبي .
من اشرطتهم الناجحه جدا

حورنيات 1 و حورنيات 2
المقناص
مهنديات
ابو ملوح



اذا كان فيه تسجيل للحلقه او موقع يعرض الحلقه فأتمنى وضع رابط له .


تحياتي .

[محارش]

العزي ما انتبهت لردك الا عقب ما بزخت بردي مار العذر يالبناخي .

المهم عاد ترن اعرف لي عجيّزن ما تلهي معه المراره :)

[ريم شمر]

هلا عزوز وسلامة مرارتك :)
شف محارش شكله عنده العلاج :)

تسلم على المعلومات

والله يبيض وجيههم ويحفظهم من جد ماقصروا



---------------
محارش

بالنسبه لقناة المجد مثل ماقلت
فعلا رائعه
وتستاهل من يتابعها

اما البرنامج فهو مميز

بس حلقة شباب شمر مالها مثيل ابد :thumb:

وبصراحه اعجبني جدا اسلوب الشاعر

سعد الشمري وتمنيت انه مايسكت ابد:)

ياليت اذا فيه امكانيه واحد منكم

يسوي لهم دعوات للمضايف

يجون يكملون سواليفهم هنا :)


اما الحلقه فانا مسجلتها فيديو

وبحاول اسجل بعض المقتطفات كصوت فقط

وانزلها بالمضايف اذا سمح لي الوقت

بس حددوا لي وش الفقرات اللي

تبونها علشان اركز عليها ؟!!!

[شنقل]

وهم على فكره اعادوا البرنامج ثلاث مرات

وفي هالثلاث مرات مامليت من المتابعه

تسان معلمتنا من اول نشوف البرناااااامج لو هو معاااااد



اذا كان فيه تسجيل للحلقه او موقع يعرض الحلقه فأتمنى وضع رابط له
نفس كلااااام صديغي محاااارش

[عجايب بنت الشايب]

السلام جميعاً

اولا .. احب ان اصفق لك ياريوم بكل يديني << اجل وشبون الناس تصفق

المهم احب اصفق لك بحراره



على هالموضوع ...


انا ولله الحمد من متابعين المجد <<< اصلاً ماعندك الاهو


وهذي القناة العظيمه ... رائعه بكل ماتحمله الكلمه


كذلك .. لما ترجعين لاول مشاركه لي ودخولي معكم بالمضايف

ذكرت مدى حبي لهالقبيله بالرغم انني لست شمريه

وشمر .. واهل شمر ... يعلم الله اني احبهم حب عظييييم

ويمكن هذا اكبر سبب خلانا اشارك في منتدى ولاول مره في حياتي

لاني من النوع اللي يفضل ان يكون زائر ولاعضو

لاني انسانه سريعه ولا احب ارتبط بمواضيع

اضطر لاني كاتبتها اردعليها



ولكن



مضايف شمر


كسرت هذه القاعده

وعلى قولتهم

الحب غلاب


-----------------------------

اهدي تحياتي

وسلامي


الى كلاً من

. .... عيد الشمري

سعد بن عقيل الشمري

حامد الضبعان (ابو صالح )

عيال العديم

واللي يشتغل بالهلال الاحمر ..... ناسيه اسمه لانه ماتكلم كثير

زي ابو صالح وابو ملوح




-------------------------


سنايدي ريومه


تسلمين يالدره

[خالد الشمري]

الاخت ريم مثل ماقالو الاخوان عيال العديم من شري والعظيم ولهم قرى اخرى وهم من الاسلم
واما البرنامج قصير وما خذو راحتهم فيه خاصه الشاعر سعد والمبدع عيد
واما البرامج الهابطه اللي اشرتي له فهي مصيبه بس ماندري هلا فعلا هم يكتبون الصحيح او لا يعني اروح واكتب اسم قبيله او عائله والله ولا احد يدري عني لذالك نقول الله يهدى الجميع وجزات الله خير

[الجازي]

والله انها روووووووعة ,,

تصدقين عاد على ان عيد هاجد ولا حتسى الا شوي بس أحس انه مبدع ,,

أما سالفة فزعته رهيييييييييييييييبة :) >>> نذلة بتقهر اللي ماشافوا الحلقة :)

بصراحة اثبتوا وجودهم في البرنامج وأعطوه نكهة ثانية تختلف عن باقي الحلقات ,,

الله يعطيهم العافية,,

[هايس الشمري]

تابعت البرنامج بالجزء الاخير

و ضحكت على سالفة كروووووووووه :) :) :) :)

قسم بالله انهم رايقين

على العموم اللي طلع بالبرنامج جزء قليل من مواهبهم

حضرت لهم مرة عرض بالرياض اناشيد و مسرحيات


صراحة قمة بكل شيء

نسال الله ان يوفقهم

و سلااااااااااااااام

[ريم شمر]

هلا شنقول

والله المفروض سويت له دعايه

بس المشكله في كل المرات

اتفأجا بالاعاده بما التلفزيون عندي 24 ساعه على المجد

يعني ماكان عندي خبر بموعد اعادة الحلقات

بس بأذن الله بحاول قد مااقدر اسجل المقاطع المهمه

ولعيونكم ياعيال العم تستاهلون :)


-------------

كلي بكم اعجاب

تسلمين ياوخيتي

وترى شمر يستاهلون الحب كله :)

ومن يغلينا نغليه


وانا معك بالنسبه للثالث حتى انا ماعرفت اسمه

اصلا ابو صالح اكل الجو كله ولاعطى احد فرصه :)

[ريم شمر]

اخوي خالد الشمري
هلا ومسهلا والنعم فيك وفيهم
ومثل ماقلت كان الوقت قصير
بالنسبه للشخصيات الغنيه
اللي في البرنامج

واما الصنف الاخر فبصراحه ماظن فيه
انسان عاقل حتى ولو غير ملتزم
دينيا او اخلاقيا يرضى ان يقحم اسم قبيلته
في قنوات مثل هذي وفي مواضع مثل هذي
لذلك فالشك كبير جدا بان الاسماء ليست حقيقيه

نتمنى ذلك

--------------

هلا ريوم

ايو الله انتس صادقه بالنسبه لعيد
احس عنده الكثير ماقاله
وش رايكم نسوى مظاهره نطالب بحلقه
اضافيه :)


----------
حيا الله الذيب
الحين كروووه هذي من لهجة اهل حايل ؟!!!

اول مره اسمعها :)


فعلا يالذيب مثل ماقلت
ناس مبدعين ويستاهلون الاحتفاء



يعطيكم العافيه جميعا

[الاصمعي]

تسلمي ريم شمر على تنويهك بهالبرنامج والمشاركين فيه,,

فعلاً برنامج رائع الى أبعد الحدود.

جمع بين الفائدة الدينية والتسلية المباحة

طبعاً أحد المشاركين فيه يعتبر من ألمع نجوم مضايف شمر وخاصة مضيف الفصيح:)

وهو من أعضاء المضايف القداما والمقلين بالمشاركة حالياً

العضو هو مشرف الفصيح سابقاً الشاعر العذب سعد عقيل الشمري:)

((العذب))

تحياتي

[هايس الشمري]

يوم قالهم اللغز اللي حلوه الاذان

اول ما خلص من اللغز قالوا كروه

عاد هو يحسب كروه حل اللغز


و معنى كروه يعني قلوه مره ثانية :)

ههههههههههههههههههههههههههههههههههههه

و هذه الكلمة مشتهرة عند راعين الالغاز و عند راعين البلوت على حد سواء :)

[الجازي]

^
^
^
هههههههههههههههههههههههههههههههههههاي

الله يقلع ابليسك :)

ياأنا كريت من الضحك يوم شفت هالموقف :)

حسيت ان عبدالمجيد ماهب يم الدنيا :)

بس ولو كللش ولا سالفة ياعيالي حقت عيد الشمري :) هذي اللي ماقدرت أقاوم وأنا أسمعها :)

[ريم شمر]

ابو خالد

لا لاتقوووووول

معقوله ؟!!!! هو نفسه العذب

صدق اللي مايعرفك مايثمنك <<حسب مصادر معلومات الريم وهي ابخص :)

يعطيك العافيه على التنبيه

ونتشرف والله بوجود امثال اخونا

سعد بيننا

ويستاهل الترحيب فيه من جديد

7
7
http://www.shmmr.net/vb/showthread.php?t=26802

[الجازي]

ريومة معليش حلليني :)

يوم قريت ردك قلت عسى ماشر وراها ضيعت المره :)

بس يوم رجعت للصفحة الأولى انتبهت لرد ابو خالد :) يعطيك العافية يابو خالد على هالتنويه ,,

والله والنعم بسعد (( العذب )) ,, وزي ماقلتي ريومة يستاهل الترحيب فيه من جديد ,,

ريومة تعالي شوي :)









بعيدا عن أعين الرقابة :)



صدق اللي مايعرفك يجهلك

ترى المثل يقول ,, اللي مايعرفك مايثمنك أو مايقدرك :) أما سالفة انه يجهلك فهذي مافيها جديد :) يعني فسرتي الماء بعد الجهد بالماء :)

ودتس تسطريني ؟؟ :) عادي تمونين بس البلا انتس بعيدة :) اذا جيتي يمدينا نتفاهم :)

[ريم شمر]

8
8
هانت كلها ثلاثه اسابيع واوريتس التسطير على اصوله :)

بعد ماأدخل دورة الكارتيه اللي مسويه اعلان عنها في
الاسري :)


بالنسبه للمثل او المقوله
والله يمكن كلامتس يكون صح بس انا
سمعتها كذا ( يمكن اني سامعتها بفلم هندي :) )
والمقصد يالغاليه انه اللي مايعرفك ومايعرف من تكون
او شخصيتك الحقيقه يجهل التعامل معك
بما يليق بك

وانا صراحه متاكده من مصدر معلوماتي
( الفلم الهندي :) )

بس عاد مانقدر نقول شي:(

هذي مشرفة الفصيح :)

[الجازي]

^
^
^
اقول ياشين اللي مايعرفون يصرّفون :)

ريومة ,, أنتي تعالي وبعدين نتفاهم :)

[راعي الوقيد]

ريم كرررررررري السالفة حقت اللي ما يعرفك مادري وش يسوي

ما سمعته زييييين هاهههه

ياعيااااااااال ياعيااااااااال:)

عنديييي لكم خبغ حلوووووووو:)

جااااااااااني بنيه صغييييييييييغه:)

الله يذكر فصيل وهنيِّف والباسل بخييييييير:408r:اغغغغغغغغ

حفظت الشريط من كثر ما اشغله لهم الله يصلحهم:106r:


اي والله والله وانا اروح لم هلي:)

ورجعنا للعزوبييييييييييه:puzzled:

[ريم شمر]

8
8
8
لاحووووووووووووول

يعني مايمدي الوحده تغلط عندكم

الا نشبتوا بحلقها :148r:

قضينا من راعية الفصيح جانا المصحح اللغوي :055r:


غيرناها لعيونكم

بس عاد مازال في نفسي شئ من حتى :(

عندي احساس ان كلمتي صحيحه
وتفسيري اصح بس الشكوى للي ماتنام عينه

دائما العباقره مضطهدين :408r:<<< ومازالت تصّرف :)



ابو فيصل

لاتحطها بالعيال:055r:

عادي كلنا نسمعه :242r:

[الجازي]

ياحبيلتس ياشيخة :)

تدرين روحي اكتبيها زي ماكانت أول ,, بصراحة ماتهونين علي يابعد الفصاحة كلها :)

هو صح ان الجملة شكلها غبي بس لعيونتس يهون الغباء كله :)

[الشبث]

والمصيبه اذا طلعت بنت في هالقنوات وقالت انها شمريه

اقول تعقب وتخسي مهي شمريه

هذا تسلبن من هالتسلاب






اختي ريم والله انا ماشفت هالبرنامج


بس عزالله هذي هي عادة اهل حايل


كلهم حلا وزين







وتقلدي تحيتي

[عبدالعزيز]

يابوفيصل عسى ان الضبعة يم اهله بحايل بشر؟ .. ليته والله اغديك تصير تردد علينا وعقبال هكا الثور الادرع بالشرقية انشالله بعد .. واعذرن ياجدي تر اللي مايعرفك يجهلك:)

[ريم شمر]

8
8
ورى ماتروح تشرب حليب نياق بس :242r:


-----------
ريمو
انا بديت اتعلم كارتيه ...ماعاد يمديتس :055r:


--------
الشبث
مثل ماقلت بالاول وبالتالي
تسلم شبيثان
وحياك الله

[ابو غازي]

افا وشنوحكم ماعلمتوني http://smilies.sofrayt.com/fsc/nono.gif
راحت عليك يابو غازي .... كل السوالف الحلوه لخوالك http://smilies.sofrayt.com/fsc/crying.gif

ريووووم http://smilies.sofrayt.com/fsc/sunglasses.gif

دااااااااااايم وافيه اختي http://www.al-wed.com/pic-vb/955.gif

[سلطان الشمري]

عزوز اشي وخر شوي



ريم وشايفتن برنامج بقناة المجد ياحليله حليلاه ولوعندي جمسن تسان اعطيته اياه :)

المه تعالي بالصيف لحايل وشوفي الوناسه على اصوله مهي حلقة بالمجد وشفتي الاعاده ثلاث مرات الله يخلف :(



عزوز الا ماعندك حليب نياق ؟ انا من شفت هكالدبا اللي عندك راع الببسي قصدي الــــ ..... غسلت يدي

بس قلوه اللي مايعرفك يجهلك خخخخخخخخخ :)



ياحلو الشماته عقب الامتحان:)

[راعي الوقيد]

ستر دااااااي:(

سندي مندي:(

كمبيوتر:( كمبيوتر:(

رهيبه هالحركة الي بالشرقيه:)

[ريم شمر]

هلا وغلا ابو غازي
حسافه فعلا فاتتك السواليف صراحه شيييييي

يسلمك ربي

---------------

نبراسوووه

خلك في امتحانتك اصرف :147r:















وين الجمس :055r::055r:



-------------

ستر دااااااي

سندي مندي

كمبيوتر كمبيوتر

رهيبه هالحركة الي بالشرقيه

:goooood:

[المطنوخ]

تسمحون لنا بالمذرحة معكم؟

انا بصف ابوفيصل مار لو يقول ويش مايقول<<مامداك زبنت الرجال:)

[الشبث]

حياك المطنوخ


تعال بجنبي





يالربع ترو دوري انا والمطنوخ عقبهم




وتقلدوا تحيتي

[المطنوخ]

اقووول يالطربه وليه تحرى دورك؟

اقول انقزهم بس وماعليك

اويحي يالشبث هذي اتلاتنا نتطلبهم دورنا:)

[المهرة]

>>>>حاقده على صديقتها ريم شمر
تقول ليه مادقيتي بيجر اقصد تلفون علي علشان افتح التلفزيون
اذا تبين الصدق وش فيه ازين من كلام اهل حايل وسوالفهم
لاخلا ولاعدم من راعية الموضوع
ومواضيعها المميزه
دمتِ بخير
اختك 00 المهرة

[فاصــ بيضاءــلة]

انا الصراحة كنت مثل عبدالمجيد نص هرجهم مافهمته ..

بعدين وشي ذي (أطق الطوق) ..

حنا نقول (اسكر الياقة) بس حقتكم اغرب.. فيها تناغم موسيقي..

ولا ابو صالح هو والطيارة .. لا ويسأله اللي بجبنبه كم مرة ركبت الطيارة ..
وهو ماوده يقول مرة وحدة..