الشبث
20-05-2005, 03:57
كان ياما كان منذ مبطي ...
كان فيه حاره اسمه حارة خمس نجوم بوسط الرياض
وكان يسكن هالحاره ناس على قد حالهم
( اللي عندوه دكيكين واللي عندوه غنم واللي مزرعه بسيطه )
وكان فيه رجالين
الاول اسمه ابو غازي
وعنده ست عيال وهم ( شنقل والمطنوخ والاصيل والمحروووم وسرحان وفليص القعده )
وهالعيال طالعين لابوهم شرانيين ودايم هوشات مع الناس ومع بعض ( اذا مالقوا احد يهاوشونه )
اما الثاني فأسمه ابو فارس
وعنده خمس بنات وولد واحد
وهم ( ريم شمر والريم والمهره وكلي بكم اعجاب واجوديه والشبث القعده )
وكانوا عيال ابو غازي كل يوم يكفخون المقرود الشبث
وكل شوين راجعن لاهلوه مفلوق ولا مخربطين وجهوه
ومرتن من المرات رجع لاخلوه ولقوا باذنوه سن حدا عيال ابو غازي ( الله العالم انوه شنقل )
وكل شوين رايح ابو فارس يشتكي لبو غازي فعل عيالوه بولدوه
مار ابو غازي جايزن لوه اللي يسوونوه
وبيوم من الايام اجتمعن بنات ابو فارس مع اخوهن الشبث
قالن شبيثان انت جايزن لك هاللي يسوونه عيال ابو غازي بك ؟؟
قال وش اسوي تعودت على كذا ( يا حول ذالينوه اللي مايخافون ربهم )
قالت الريم شف يا اخوي انا عندي خطه نبي نوريهم
قال شلون ؟!
قالت منهو اكثر واحد غاثك بهم ؟
قال والله كلهم غاثيني بس شنقل هذا دابلن تسبدي هو وهيلاهبوه الاصفر يعنني برازيلي .
قالت خلاص انت اذا جاء بكرى العصر واجتمعوا رح يمهم واصفق شنقل كل قوتك
وافرك للبيت
قال انتي تبينهم يعجنوني . هم بدون ماقول لهم شين يكفخوني وشلون لو اضرب حديهم .
قالت ماعليك حنا نبي نصير عند الباب ومن تدخل نبي نفزع معك ( اشك انه رجال هالبنت )
ويوم جاء من باتسر الظهر وهو يقوم يسخن الشبث ويسوي تمارين رياضيه علشان الفركه
وخواتوه كل وحده مولمتن مهداده
( ريم شمر معه قدر , واريم معه عجراء ( ماقلت لكم اشك انه بنت ) , والمهره معه يد النجر ,
وكلي بكم اعجاب معه المكنسه , واجوديه معه طاسة ماء ( علشان اذا انصرع اخوه تصحيه بالماء))
ويوم جاء العصر واجتمعوا عيال ابو غازي يبون يلعبون كوره ... قالن بنات ابو فارس ياالله يالشبث
رح يمهم .
قال انا اقول ماله داعي .
قالن يالله اخلص علينا
وهو يقوم يبتسي ( مايخلي الطقاااعه )
ويالله يطلعونوه من الباب ( متمسك بالباب تقل بس )
الوكاد راح يمهم . وهم ياقفون يراعون لوه
قال شنقل وش عندك يا شبيثان
قال ابصفقك كف
وهم يطيحون من الضحتس
قال شنقل يالله تعال اصفقني ( مهو مصدق انوه يسويه )
وهو يصفقوه هكا الكف اللي ادار مسمعوه .
وهو يطير الشبث تقل برق
وعيال ابو غازي وراوه تقل سلق يلحقن ارنب ( تشبيه بليغ )
وقبل ياصل البيت وهو يمسك شوشتوه المطنوخ
وخواتوه يمسكن رجلينوه
الوكاد عيال ابو غازي يسحبون شوشتوه
وخواتوه يسحبن رجلينوه
لين انمغطة رقبتوه وصارت تقل رقبة ظبي ( الا رقبة حمااار )
وهي تطلع عليهم ريم شمر وهي تخبص القدر على راس شنقل
وهو يمسك قرونه فليص ....
ليمار كلي بكم اعجاب لوه من امس بعصا المكنسه
وهو يمغطه سرحان مخمس ( نوع من انواع البقوس )
وهي تجي الريم وهي تمغط سرحان بالعجراء ليمار من صيد امس
وهو يجي المحروووم يمشي خمس الاف يبي يرجف الريم
وهي تعترض لوه المهره بيد النجر ياهي لوه بالفره
ليمار معدمتن الواجهيه
المطنوخ يوم شاف الوضع مهو بصالحهم وهو يلوذ بالفرار
وهم يلحقونوه اخوانوه
وبنات ابو فارس وراهم لين دخلوا بيتهم
والشبث منصرع ( ياقردي مامن عز )
لين صبت عليه اجوديه الماء اللي بالطاسه ( رحوم هالبنيه )
ومن هكا اليوم وقفت تعديات عيال ابو غازي على الشبث
وعقب عشرين سنه
عيال ابو غازي كلهم صاروا جنود بالحرس
وبنات ابو فارس صارن ممرضات ( تعلمن من كثر مايضمدن اخوهن البايه )
والشبث صار لاعب في العاب القوى ( سباق 100 متر )
من كثر مايلحقونوه
وعفوا على الاطاله
وتقلدوا تحية اخوكم الشبث
كان فيه حاره اسمه حارة خمس نجوم بوسط الرياض
وكان يسكن هالحاره ناس على قد حالهم
( اللي عندوه دكيكين واللي عندوه غنم واللي مزرعه بسيطه )
وكان فيه رجالين
الاول اسمه ابو غازي
وعنده ست عيال وهم ( شنقل والمطنوخ والاصيل والمحروووم وسرحان وفليص القعده )
وهالعيال طالعين لابوهم شرانيين ودايم هوشات مع الناس ومع بعض ( اذا مالقوا احد يهاوشونه )
اما الثاني فأسمه ابو فارس
وعنده خمس بنات وولد واحد
وهم ( ريم شمر والريم والمهره وكلي بكم اعجاب واجوديه والشبث القعده )
وكانوا عيال ابو غازي كل يوم يكفخون المقرود الشبث
وكل شوين راجعن لاهلوه مفلوق ولا مخربطين وجهوه
ومرتن من المرات رجع لاخلوه ولقوا باذنوه سن حدا عيال ابو غازي ( الله العالم انوه شنقل )
وكل شوين رايح ابو فارس يشتكي لبو غازي فعل عيالوه بولدوه
مار ابو غازي جايزن لوه اللي يسوونوه
وبيوم من الايام اجتمعن بنات ابو فارس مع اخوهن الشبث
قالن شبيثان انت جايزن لك هاللي يسوونه عيال ابو غازي بك ؟؟
قال وش اسوي تعودت على كذا ( يا حول ذالينوه اللي مايخافون ربهم )
قالت الريم شف يا اخوي انا عندي خطه نبي نوريهم
قال شلون ؟!
قالت منهو اكثر واحد غاثك بهم ؟
قال والله كلهم غاثيني بس شنقل هذا دابلن تسبدي هو وهيلاهبوه الاصفر يعنني برازيلي .
قالت خلاص انت اذا جاء بكرى العصر واجتمعوا رح يمهم واصفق شنقل كل قوتك
وافرك للبيت
قال انتي تبينهم يعجنوني . هم بدون ماقول لهم شين يكفخوني وشلون لو اضرب حديهم .
قالت ماعليك حنا نبي نصير عند الباب ومن تدخل نبي نفزع معك ( اشك انه رجال هالبنت )
ويوم جاء من باتسر الظهر وهو يقوم يسخن الشبث ويسوي تمارين رياضيه علشان الفركه
وخواتوه كل وحده مولمتن مهداده
( ريم شمر معه قدر , واريم معه عجراء ( ماقلت لكم اشك انه بنت ) , والمهره معه يد النجر ,
وكلي بكم اعجاب معه المكنسه , واجوديه معه طاسة ماء ( علشان اذا انصرع اخوه تصحيه بالماء))
ويوم جاء العصر واجتمعوا عيال ابو غازي يبون يلعبون كوره ... قالن بنات ابو فارس ياالله يالشبث
رح يمهم .
قال انا اقول ماله داعي .
قالن يالله اخلص علينا
وهو يقوم يبتسي ( مايخلي الطقاااعه )
ويالله يطلعونوه من الباب ( متمسك بالباب تقل بس )
الوكاد راح يمهم . وهم ياقفون يراعون لوه
قال شنقل وش عندك يا شبيثان
قال ابصفقك كف
وهم يطيحون من الضحتس
قال شنقل يالله تعال اصفقني ( مهو مصدق انوه يسويه )
وهو يصفقوه هكا الكف اللي ادار مسمعوه .
وهو يطير الشبث تقل برق
وعيال ابو غازي وراوه تقل سلق يلحقن ارنب ( تشبيه بليغ )
وقبل ياصل البيت وهو يمسك شوشتوه المطنوخ
وخواتوه يمسكن رجلينوه
الوكاد عيال ابو غازي يسحبون شوشتوه
وخواتوه يسحبن رجلينوه
لين انمغطة رقبتوه وصارت تقل رقبة ظبي ( الا رقبة حمااار )
وهي تطلع عليهم ريم شمر وهي تخبص القدر على راس شنقل
وهو يمسك قرونه فليص ....
ليمار كلي بكم اعجاب لوه من امس بعصا المكنسه
وهو يمغطه سرحان مخمس ( نوع من انواع البقوس )
وهي تجي الريم وهي تمغط سرحان بالعجراء ليمار من صيد امس
وهو يجي المحروووم يمشي خمس الاف يبي يرجف الريم
وهي تعترض لوه المهره بيد النجر ياهي لوه بالفره
ليمار معدمتن الواجهيه
المطنوخ يوم شاف الوضع مهو بصالحهم وهو يلوذ بالفرار
وهم يلحقونوه اخوانوه
وبنات ابو فارس وراهم لين دخلوا بيتهم
والشبث منصرع ( ياقردي مامن عز )
لين صبت عليه اجوديه الماء اللي بالطاسه ( رحوم هالبنيه )
ومن هكا اليوم وقفت تعديات عيال ابو غازي على الشبث
وعقب عشرين سنه
عيال ابو غازي كلهم صاروا جنود بالحرس
وبنات ابو فارس صارن ممرضات ( تعلمن من كثر مايضمدن اخوهن البايه )
والشبث صار لاعب في العاب القوى ( سباق 100 متر )
من كثر مايلحقونوه
وعفوا على الاطاله
وتقلدوا تحية اخوكم الشبث