الموذي
19-05-2005, 17:57
السلام عليكم ورحمة الله وبركاته يأهل الفلة
أولا أنا أسف جدا على أنقطاعي الي طولت عليكم فيه ( معليش كنت مشغول )
وبعدين أشكر كل الأخوان الي تواصلوا معاي في موضوعي السابق( الشبث وشنقل والمطنوخ وعمي ابوسلطان و الاخت شموخ
والحين خلونا نخش بالموضوع
اللهجات اكيد كل واحد منا اذا سافر لديرة تختلف بكلامها عن ديرته تمر عليه كلمات صعبة مايعرفها والمشكلة اذا كان معاه واحد مسوي فبها معجم ؟؟؟؟؟؟؟؟؟؟؟
مرة رحنا انا وواحد من العائلة الي تشتهر بالذكاء المفرط لمكة نبي عمرة المهم جاعوا الوغدان وحريمنا ورحنا انا وقريبي المعجم نجيب غدا من المطاعم الي تحتنا
اول ما دخلنا على المطعم فال المعجم : وش عندك غدا ؟ إلى الأن ما أخطا الرجال قام راعي المطعم يعدد أصناف الطعام بعدها جا الرد التقليدي لأي مواطن سعودي يدخل مطعم
( عطني 3 حبات مع الرز ) قال راعي المطعم تبغون ( تبسي ) راعيت لخووي الا هو فاتح حلقه كنه أنفاق مكة والهوا يدخل بحلقه ويطلع وهو مادرى بعد دقيقة صمت وهدؤء صاخب يوحي بحلول العاصفة جاوب وملامح الغباء ترتسم في محياه الطفولي
قال : بالله التبسي هذا لحم أو دجاج؟
بعدها هاجت موجة تسونامي ضاحكة من كل الموجودين بالمطعم وصاحبي زاد قطر حلقه أتساع ( جاب العيد ) قال راعي المطعم يا ولدي التبسي = صحن..... الغبي قالي عن اذنك ابكلم جوال برا عن اللجة وقعدت فيها انا""""""""""
ومرة كنت مصيف انا والغبي في لبنان اسف ( تم تعديل المعلومة لوجود الشبث هو وشنقل وفليص ) قصدي سوريا وكنا انا ونفس الغبي في ديرة قبل دمشق وخلصنا شغلنا وجينا ننروح لدمشق وقلنا لواحد سوري ودنا للتكاسي قال وهو يعرض خدماته ليش ماتروحون (بالسرفيس)
فجأة سمعت صوت هوا وامواج بحر راعيت لخووي ولا هو فاتح حلقه كعادته
جيت انا وترجمت كلمة سرفيس ولقيت فيها مرادف باللغة الانجليزية سرفيس = servies= خدمة
قلت لخووي ووضحت له معنى الكلمة انبسط الرجال وقال يله مشينا ورحنا ولقينا السرفيس مثل باصات المخابز والتوصيل السريع للمطاعم وحنا الى الان ما ادركنا خطورة الموقف المهم ابلشنا خوينا السوري اثريه متفق مع راعي الباص على عمولة بسمونها (كمسيون) ناظرت اخوي وصنفت معاه مايركب ابد بالسرفيس ولا فيه حوالي منتخب وربع متحاشرين داخل الباص من شيبان وعجز ووغدان وحريم ومن غير اغراضهم
شاورت خووي ولكنه اغلق جميع السبل الدبلوماسية للحوار المثمر وما زال مصر على رايه وقلته يابن الحلال خلنا نجرب يمكن تكون شى جميل نتذكره وبعدين نضحك عليه المهم من هنا وهنا الرجال وافق وهو زعلان
بعد كذا ركبنا الباص انا ووياه وكان زحمة وانا لقيت لي مكان وجلست فيه وخووي مازال واقف المهم ناظر لي وقال ياخي وين اجلس ابغا كرسي قلت له بكل برود : ياخي شسوي لك اذا مالقيت مكان ( فحج على القير ) الرجال طلع من راسه دخان وقام يهاوش ويسب و شوي يحذفني من الدريشة وانا ميت ضحك عليه لين وصلنا
وهناك الكثير من المواقف الي مرت علي منها لما كنت في الجامعة كنت ساكن في سكن الجامعة( جامعة الملك سعود) وكان معي واحد من الدينة المنورة وكنا بالشتا ننام بالبلكونة وكانت البلكونة مصكرة بجزاز ( خايفين علينا نطيح ) وفيها درايش وكنت افتحها علشان البراد وصديقي دايم اذا جينا ننام يقول لي بالله صكر ( الطاقة ) وانا مدري وشي الطاقة وكل ليلة يعاتيني ياخي صكر الطاقة الله يرحم والديك وانا اهز راسي واقول انشا الله
لين مرة قعدت الصبح نشيطا مفعم بالحيوية وصحيت صاحبي علشان المحاضرات ولا هو يقول لي انا تعبان وحاس بحرارة ومزكم ماافدر اروح وقلت له خلني اوديك للمستشفى قال ياخي انت بس صكر الطاقة وجزاك الله خير الان وبعد المعاناة الي مرت فيها ضديقي سألته وشي الطاقة رد على بكل أسى وحزن ممزوج بنوع من الغضب بالله ماتعرف الطاقة قلت لا قال الطاقة هي ألي يجي معاها الهوا ويروح يعني لغويا الشباك النافذة قلت بالله ياخي قل دريشة ؟؟؟؟؟؟؟؟؟؟؟
وهذي البعض من الكل وهناك الكثير والكثير
اخيرا اكرر اعتذاري لفترة انفطاعي عنكم و شكـــــــــــرا..............
أولا أنا أسف جدا على أنقطاعي الي طولت عليكم فيه ( معليش كنت مشغول )
وبعدين أشكر كل الأخوان الي تواصلوا معاي في موضوعي السابق( الشبث وشنقل والمطنوخ وعمي ابوسلطان و الاخت شموخ
والحين خلونا نخش بالموضوع
اللهجات اكيد كل واحد منا اذا سافر لديرة تختلف بكلامها عن ديرته تمر عليه كلمات صعبة مايعرفها والمشكلة اذا كان معاه واحد مسوي فبها معجم ؟؟؟؟؟؟؟؟؟؟؟
مرة رحنا انا وواحد من العائلة الي تشتهر بالذكاء المفرط لمكة نبي عمرة المهم جاعوا الوغدان وحريمنا ورحنا انا وقريبي المعجم نجيب غدا من المطاعم الي تحتنا
اول ما دخلنا على المطعم فال المعجم : وش عندك غدا ؟ إلى الأن ما أخطا الرجال قام راعي المطعم يعدد أصناف الطعام بعدها جا الرد التقليدي لأي مواطن سعودي يدخل مطعم
( عطني 3 حبات مع الرز ) قال راعي المطعم تبغون ( تبسي ) راعيت لخووي الا هو فاتح حلقه كنه أنفاق مكة والهوا يدخل بحلقه ويطلع وهو مادرى بعد دقيقة صمت وهدؤء صاخب يوحي بحلول العاصفة جاوب وملامح الغباء ترتسم في محياه الطفولي
قال : بالله التبسي هذا لحم أو دجاج؟
بعدها هاجت موجة تسونامي ضاحكة من كل الموجودين بالمطعم وصاحبي زاد قطر حلقه أتساع ( جاب العيد ) قال راعي المطعم يا ولدي التبسي = صحن..... الغبي قالي عن اذنك ابكلم جوال برا عن اللجة وقعدت فيها انا""""""""""
ومرة كنت مصيف انا والغبي في لبنان اسف ( تم تعديل المعلومة لوجود الشبث هو وشنقل وفليص ) قصدي سوريا وكنا انا ونفس الغبي في ديرة قبل دمشق وخلصنا شغلنا وجينا ننروح لدمشق وقلنا لواحد سوري ودنا للتكاسي قال وهو يعرض خدماته ليش ماتروحون (بالسرفيس)
فجأة سمعت صوت هوا وامواج بحر راعيت لخووي ولا هو فاتح حلقه كعادته
جيت انا وترجمت كلمة سرفيس ولقيت فيها مرادف باللغة الانجليزية سرفيس = servies= خدمة
قلت لخووي ووضحت له معنى الكلمة انبسط الرجال وقال يله مشينا ورحنا ولقينا السرفيس مثل باصات المخابز والتوصيل السريع للمطاعم وحنا الى الان ما ادركنا خطورة الموقف المهم ابلشنا خوينا السوري اثريه متفق مع راعي الباص على عمولة بسمونها (كمسيون) ناظرت اخوي وصنفت معاه مايركب ابد بالسرفيس ولا فيه حوالي منتخب وربع متحاشرين داخل الباص من شيبان وعجز ووغدان وحريم ومن غير اغراضهم
شاورت خووي ولكنه اغلق جميع السبل الدبلوماسية للحوار المثمر وما زال مصر على رايه وقلته يابن الحلال خلنا نجرب يمكن تكون شى جميل نتذكره وبعدين نضحك عليه المهم من هنا وهنا الرجال وافق وهو زعلان
بعد كذا ركبنا الباص انا ووياه وكان زحمة وانا لقيت لي مكان وجلست فيه وخووي مازال واقف المهم ناظر لي وقال ياخي وين اجلس ابغا كرسي قلت له بكل برود : ياخي شسوي لك اذا مالقيت مكان ( فحج على القير ) الرجال طلع من راسه دخان وقام يهاوش ويسب و شوي يحذفني من الدريشة وانا ميت ضحك عليه لين وصلنا
وهناك الكثير من المواقف الي مرت علي منها لما كنت في الجامعة كنت ساكن في سكن الجامعة( جامعة الملك سعود) وكان معي واحد من الدينة المنورة وكنا بالشتا ننام بالبلكونة وكانت البلكونة مصكرة بجزاز ( خايفين علينا نطيح ) وفيها درايش وكنت افتحها علشان البراد وصديقي دايم اذا جينا ننام يقول لي بالله صكر ( الطاقة ) وانا مدري وشي الطاقة وكل ليلة يعاتيني ياخي صكر الطاقة الله يرحم والديك وانا اهز راسي واقول انشا الله
لين مرة قعدت الصبح نشيطا مفعم بالحيوية وصحيت صاحبي علشان المحاضرات ولا هو يقول لي انا تعبان وحاس بحرارة ومزكم ماافدر اروح وقلت له خلني اوديك للمستشفى قال ياخي انت بس صكر الطاقة وجزاك الله خير الان وبعد المعاناة الي مرت فيها ضديقي سألته وشي الطاقة رد على بكل أسى وحزن ممزوج بنوع من الغضب بالله ماتعرف الطاقة قلت لا قال الطاقة هي ألي يجي معاها الهوا ويروح يعني لغويا الشباك النافذة قلت بالله ياخي قل دريشة ؟؟؟؟؟؟؟؟؟؟؟
وهذي البعض من الكل وهناك الكثير والكثير
اخيرا اكرر اعتذاري لفترة انفطاعي عنكم و شكـــــــــــرا..............