ممكن شاورما عربي ..وحمضيات ..

[اخو سعدى]

سلااااااااام

تلاحظون هالايام كثره المطاعم ومحلات الوجبات السريعه
ماتمشي مترين الا هذا مطعم وبعده بوفيه ..
ولا بعد تلقى الشارع زحمه من السيارات لان الشباب
كلها دقت بوري ويجيك راعي المطعم يركض .. ههههه
المهم هذه المشكله محلوله يمكن منع توصيل الطلبات
للسيارات التي تاقف وتسبب هالزحمه ..

ومشكلتنا هي .. ليش نترك اكل البيت .. ونتوجه للمطاعم
( واحد حاقدن عليهم مرررررررره هههههههه )
لا صراحه طبخ البيت انظف واحسن من هالمطاعم ..

هل المشكله بالرجال والشباب او بالحريم لانهن لا يحبن
الــــــطــــــــــــــبــــــــــــــــ ـــخ
( الله يذكر حريم اول .. ههههههه على باله شايب الاخ )

وش رايكم من المسئول عن ذلك .. الرجال ام النساء ..

اقول النساء هن ............. ههههههه

[شنقل]

والله زمااااااااان يالاسري
اخوي ولكموووووووو
سلم لي على الوالد والوالده
واخواني فواز ومحمد:)


يافلاااااان بالنسبه لماضوعك

ياشفتن اوطوط حول هالبوفياااااات
اعرف اني متعزب (عزوبي مؤقتا):)
ماعرف اصلح لو تركش كوفي:)

بصراحه هالمطاعم والبوفيات ماقف عليهن
لاصار بالبيت حريم:)

[منيره]

ما احب اكل المطاعم

يطبخون اكلهم في زيت قديم ومستعمل ،،،،،، هذا غير انعدام النظافة والضمير ،،،،، وما تعرف انواع اللحوم اللي يطبخوها ،،،، طبعا هذا حال اغلب المطاعم ولا احب اعمم

عندك الشاورما مشبع بعوادام السيارت ولونه اسود يعععع وشلون ياكلونه !

وانا ياما مرضت والسبه هالمطاعم مع ان اكل البيت متوفر بس احب التغيير ،،،، اضطرابات في المعدة او تسمم او غثيان ،،،، هذا غير أن رائحه الطعام تكون منفره ،،،،،

وش رايكم من المسئول عن ذلك .. الرجال ام النساء ..

بصراحه وبلا زعل الكل مسؤول ،،،، الحرمة مسؤوله عن زوجها وعيالها والمفروض تسعى لراحتهم وسعادتهم ،،،،، والطبخ والله هوايه جميله ومافيها صعوبة ابداً وتقضية للوقت ،،،،

ليش تزوجت علشان تاكل وتشرب وتنام !! ،،،، وش تفرق عن البهيمه هاهاها

والرجل مسؤول كلمته المفروض تكون مسموعه وشخصيته قويه ،،،،، ما يمشي براي الحرمه وهواها ،،،، الراحه تفسد المرأه وتخليها تتمرد على الرجال ،،،، يعني عطها العين الحمرا ،،،، بلا مطاعم بلا شاورما ،،،، بلا مرض ومستشفيات وقرف ،،،،، تطبخ غصب وتتعلم ،،،،

وفي هالزمن توفرت احدث الاجهزة ،،،، يعني مافي تعب مثل القرون الماضية هاهاها

وسلامتك

[المطنوخ]

ليا انقلب نومك وغدا ليلك نهار ونهارك ليل

وقمت وبطنك ماصطك من الجوع تدور لو بصله

وتنهار من الجوع وتتك عبرتك

ويجيك واحد ويقولك

تبي مطعم هارديز وجبة على كيف كيفك

ولا تبي من بيتزا هت بيبروني هكاللي بأطرافها جبن وحاااااار وتشوف بخار حرارتها توها طالعه من الفرن
ولما ترفعها من كرتونتها تسيح وهي بيدك:)

تقولي طبخ بيت ها؟

استررييييييييييييح

نعم للمطاعم لا لطبخ البيت ماعدا المفاطيح:)

[الشبث]

والله زمااااااااان يالاسري
اخوي ولكموووووووو
سلم لي على الوالد والوالده
واخواني فواز ومحمد

اخو سعدى ثواني بس ...


شنقل اطلع برا


يالله بسااااع اقول


لعنبو بليسك فشلتني عند الربع

حشا ماصار مضيف اسري

صار دار ايتام











اخو سعدى

يالله حيوه

هذي الساعة المباركه ( الله يبارك فيني )


والله خذه مني المره هي المسعوله عن رجله


ولي نكسه






وتقلد تحيتي

[خالد الشمري]

اخو سعدى لاصار مافيه الا (معكرونه ام خيشه ) و (رصيّص) ماتبينا نروح للمطاعم :c: بارك الله فيك اخوي على هالموضوع وجزاك الله خير

[اخو سعدى]

شنقل

هلا بك ونورك اضاء الاسري
حلوه هالترحيب هههههههه

انا اعرف انك ماتنام الا بعد ماتطلب شاورما
وخصوصا من اصداف ..

هذا الكلام على ذمه الشبث هههههه

اسئلوه يالربع ..ههههه

[اخو سعدى]

اختي

كلامك معقول ولكن من يسمع ذلك
والناس الان هابه بالمطاعم وبالعكس
يتفاخرون بجوده المطاعم ومكانها ..

طيب كلام جميل والمراه هي المسئول عن ذلك
ولكن اكثر مايطلب من المطاعم عبر التوصيل السريع
هن الحريم .. وبكثره ..

والحمد لله نحن بنعمه ولكن حريم اول ما احد يصير
مثلهن ابد ..

[اخو سعدى]

المطنوخ

هلا بعشير اخوي ..
ايوه انت والشبث وشنقل ما القاكم الا هالفجور
تراكم طايحين بالاكل .. ههههههههه

طيب .. هل تضمن مصداقيه المطاعم ؟

يسلمووووووووو

[اخو سعدى]

الشبث

وشنوحك مطسسسسسسسسس
شوي شوي كل مطرود ملحوق

تقول يعني المراه هي المسعوله ..

وشلووووووووووووووون ..

[اخو سعدى]

اخوي خالـــد

نحن الان بنعمه نحسد عليها وكل هذه النعم
من فضل الله على عباده

وكلها خير .. ولكن هل تعتقد ان المراه هي سبب ذلك ؟

[المطنوخ]

طيب .. هل تضمن مصداقيه المطاعم ؟

شوف سلمك الله

ترى نظافة اكل المطاعم على حسب دور الرقابه والتفتيش

يعني اذا كانوا اربع وعشرين ساعه يشنون حملات على هالمطاعم والله تلقى اتسلهم مامثله

ومن ناحية اخرى<<شرايكم بالثقافه:)

ترى المطاعم العالميه واللي موجوده من زمان مثل بيتزا هت وماكدونالدز وبرغر كنج هالمطاعم هذي تخاف على اسمها

مو حبا بالناس لا

الا الله يخلي التنافس بين المطاعم هو اللي يخليهم يتفننون بالطبيخ

يعني كل ومايجيك الا اللي الله كاتبه لك

خايف من التسمم ها؟:)

بسيطه يعني لو مرتك تحطلك سم بالاكل وتسمم يعني خلاص ماراح تاكل اكل البيت؟؟

اقول حسبي الله على عدوك شهيتني بالبيتزا قامت تهيا لي:)

سلام ختام

[عبدالعزيز]

بسنة.ن من السنين جانن ولد خالة.ن لي من الرياض لحايل وبحدى الليالي قال ابذوقك البروستد!!

كليته يابوسعدى هكا الليلة وساح كويلي معه:)
واقفت الايام ببناخيي لديرته وقلت ابشتري لي نصيص بروستد و والله واخذه واجيبه للبيت واتغيب بوه ورى الفلة وماامدانن افك قراطيسوه الا وجدتي الله يرحمه مغيرة.ن على وياغارة الزير سالم هالغارة وهي تقول عزيّززززززز وش تعمل بهاه ووش هاللي معك؟؟ انا هنا عجزت لااحتسي ودنقت للصحين والاهو من مطعم وتشهق هكا الشهقة اللي سالت على اثرها عيوني:) وعقبه قالت الا ياااااااااااااااااااا قليل الحيا يالكافر!!:puzzled:
وبين كل كلمة وكلمة كف اما بالوجه او العلبا وهي تشيله وتكبوه بالزبالة الله يرحمه وتقوم تظبط هكا المرقوق لي انا وياه وكأنه تظبط اندومي عند بنات يومنا هذا لاعنن روحن وصملن على دخلة المطبخ!

عاد قللللللللللللللل انت لاي وحدة بهالوقت اظبطي لنا مرقوق وش ان ماانصفرت عليك الله يخلف علينا

احتسب الاجر واصبر ومالك الا الجنة انشالله من عمولهن

[اخو سعدى]

هلا بالمثقف ..
قصدي المطنووووخ


لا تنسى البيتزا ياهي شيييييي ههههههه
ولا تهنون المثلوثه ..

لكن اعرف ناس اكلهم دائما من المطاعم
ليش مفطومين هناك ..

او هي موضه وتفاخر بين هالجيل التالي ؟؟

[اخو سعدى]

يابعدي تسبدي عزوز
ايه هذا الحتسي السنع , والله انك صادز
بنات اليوم حدهن اندومي .. لا وبعد اذا جتها
الطيبه هكاليوم سوت بيض .. وطماط نيي .. هههه

لكن تشوف ما احد رد منهن الى الان الا اختنا منيره فقط

وشنوحهن .. شكلهن بالمطبخ ...