الضبان وبنات المضايف ..... [الأرشيف]

مشاهدة النسخة كاملة : الضبان وبنات المضايف .....

الشبث

16-05-2005, 02:08

يوم الله اراد وجاء القيض والحر وجت حزة الضبان طرت علي سالفة صارت من هالسنين

وماني مطولن عليكم دونكم السااااااااااااااااااااالفه ...

مرتن من المراريت اجتمعن خمس بنات من بنات المضايف في بيت شموخ

وهن ( شموخ , الريم , ريم شمر , المهره , كلي بكم اعجاب )

وقالت اخت بدوا الريم ( على وزن اخو بدوا ) يابنات حنا ليه مانروح نقنص مثل الرجال

قالت ريم شمر الله يهداك يا الريم شلون نقنص وعندنا من المشاكل عد واغلط

قالت الريم وش هالمشاكل ؟

قالت ريم شمر اول شي حنا حريم وشلون نروح لحالنا

وصعبه يودينا او يروح معنا واحد من اخواننا

والمشكله الثانيه وش تبيننا نقنص بهالوقت ؟

قالت الريم : ياحبيبت امك انتي انا الريم ومافيه مشاكل عندي

وهي تنقز شموخ قالت : اقول بلا مهايط واخلصي علينا كان عندك حل

قالت الريم اكيد عندي حل ....

اسمعن كلكن اول شي يروح معنا الكمخه ( كومار )سواق المهره

ومثل ماتعرفن الهندي مانعتبره رجال

اما عن القنص فهالوقت هو وقت الضبان

يجيكن الضب مربرب ولا عندكن احلى منوه

ويوم راعن لخويتهن كلي بكم اعجاب ليمار منصفره ( ماتداني طاري الضب )

ويالله يصحنه عقب جهدن جهيد

وحاولن انهن يغيرن راي خويتهن الريم ( اخت بدوا ) لكن مافيه فايده

وبالعكس هي اللي اقنعتهن

واتفقن يروحن للربع الخالي يوم الربوع ( تخبرون ايام الاسبوع دوامات ونصهن عسكر )

ويوم راحن للربع الخالي ليمار لحالهن مع الخط وكل مية كيلوا يمرهن باص نقل معلمات

طبعا البنات شالن العزبه كامله بما فيها السلاح وهو ام خمس ( حتى سلاحهن مؤنث )

وماغير كومار يدربي رويسوه معهن

ويوم طبن طرف الربع الخالي وهن يقومن يتشوفن الضبان

وهو يجيهن راعي ددسن يبي ينذخ عندهن ( يحسبهن مدرسات مضيعات المدرسه )

قال اي خدمه ياااااااااااا ابلااااااااااااات المستقبل

قالت الريم : ضف خشتك هاللي تقل طفاية دشير

قال يعني ماتبن ادلكن على مدرستكن

قالت الريم الظاهر اني بخلي ام خمس تدلك على بيت امك

ويوم رفعت السلاح ليمار هو تقل برق ( الذله بنت حلال )

قالت ريم شمر وانا اشوف امي كل مازعلت علي قالت جعلك تصيرين مدرسه !!!

اثريهن يتعذبن .

المهم كملن رحلتهن وقبل تغيب الشمس شافن ضب

وهي تنقز عليه اخت بدوا وهي تمسكوه

ويوم جابتوه لخوياته وهن يتصرعن كلهن

والاخ كومار لاذ بالفرار

ويوم صحت خوياته وهن يجلسن ينتظرن الكمخه يرجع

لين جاء الليل وهو ما جاء

قالت شموخ وش السوات يا ام المصايب انتي

وش تبينا نسوي الحين

قالت اخت بدوا ( الريم ) بسوق السياره وبنروح للبيت

قالت شموخ اجل تعرفين تسوقين

قال ايه اول كنت اروح على الوايت اروي للغنم

ومالكم بالطويله ساقت بهن الريم

ويوم مسكن القار وهي توقفهن دوريه

قال العسكري معك رخصه ؟

قالت الريم لا

قال اجل شلون تسوقين

قالت والله ياطويل العمر صارت لنا مشكله وبلشنا .

قال وين ولي امرك ؟

قالت لو ولي امري هنا كان ماتكلمت معك .

وهم يودونهن للقسم

لين جو اهاليهن وطلعوهن

والحمد لله على السلامه

واسف على الاطاله

مع خالص اعتذاري لجميع الاخوات

وتقلدوا تحيتي

شنقل

16-05-2005, 02:19

اخت بدوااااااا
هههههههههههههههه
ههههههههههههههه
ههههههههههههه

واتفقن يروحن للربع الخالي يوم الربوع ( تخبرون ايام الاسبوع دوامات ونصهن عسكر )
عسكرررررررر
ههههههههههههه
ههههههههههه

وهي تنقز شموخ قالت : اقول بلا مهايط

شبيثاااااااااااااان
شكرا يافلااان

بس اسمح لي بهالكلمه
فعلا ياخوك يعاني كثير من الناس
من بعد المدارس
تلقى هالمدرسه المسيكينه تقطع
له 200 كيلو الصبح عشان تروح للمدرسه
وترجع كذلك الظهر
الله يعينهن ويستر عليهن من هالخطوط

الشبث

16-05-2005, 02:30

بس اسمح لي بهالكلمه
فعلا ياخوك يعاني كثير من الناس
من بعد المدارس
تلقى هالمدرسه المسيكينه تقطع
له 200 كيلو الصبح عشان تروح للمدرسه
وترجع كذلك الظهر
الله يعينهن ويستر عليهن من هالخطوط

بس ميتين كيلو

ياخوك بعض خواتنا الله يستر عليهن مايشوفن اهلهن الا بالعطل

ابفهم ليه هالعمل

وتقلد تحيتي

الجازي

16-05-2005, 03:31

^
^
^
أنت متأكد إن الريم هذي هي أنا !!؟

أخاف إنه هكرز داخلن باسمي :) >>>>>>>>> تتنيحة على أصولها :)

يالله ,, أهم شيء رجعنا بضب :)

يسلمو شبيثان على هالرحلة الحلوة ,, تصدق عاد انها جازت لي فكرتها :) عسى الله يهدي البنات ويخلونا نجتمع ونشوف بعض :)

الأصيل

16-05-2005, 10:42

يابعد خشمي شبثااااان

يخي .. بردت تسبدي :thumb:

أفييييييه

قصه كوميديه دراميه فلكلوريه محصلتشششش:biggrin:

العزبه ..

عسى بها مكياج والذي منوه :d:

والأتسل .. عسا بوه : كوفي ميت وكوفي حي وكوفي عنان :p:

أخو شبثه :goooood:

تحيتي لك

وتحيتي لكل واحد يكتب مثل هالقصص البروتوقراطيه:315r:

الشبث

16-05-2005, 11:13

^
^
^
أنت متأكد إن الريم هذي هي أنا !!؟

أخاف إنه هكرز داخلن باسمي >>>>>>>>> تتنيحة على أصولها

اما هكرز بصراحه ضحكتيني وانا ماودي اضحك

ليه ياربي وش حاد هالهكرز على اسمك

تدرين فيه هكرز كان يقراء ردتس وقال بسم الله علي

وفرك

يالله ,, أهم شيء رجعنا بضب

العوض ولا القطيعه

يسلمو شبيثان على هالرحلة الحلوة ,, تصدق عاد انها جازت لي فكرتها عسى الله يهدي البنات ويخلونا نجتمع ونشوف بعض

والله يا خيتي تسانكن تبن تسونه كويس وليتكن تصملن

بس خوذي نصيحة اخوتس لا تطلعن بر خليكن باستراحه ابرك لكن

عندنا ناس اعوذ بالله من يشوفون عباة سوداء ومامعه سعودي ينجن

خخخخخخخخ

الله يستر على بنات المسلمين

وتقلدي تحيتي

الشبث

16-05-2005, 11:19

العزبه ..

عسى بها مكياج والذي منوه

والأتسل .. عسا بوه : كوفي ميت وكوفي حي وكوفي عنان

افا عليك بس يابو ثوب

عجوز غليص هذي ماتخلي شين

بس الله حق اللي جابت المكياج مهي هي

وماني قايل اخاف اتوهق خخخخخخ

أخو شبثه

تحيتي لك

وتحيتي لكل واحد يكتب مثل هالقصص البروتوقراطيه

ما شاء الله اجل هالقصه هذي بروتو قراطيه

اجل بنزل وحده بكرى بس والله مادري وش تطلع

خخخخخخخخ

تسلم يابو ثوب على هالطله الكريمه

وتقلد تحيتي

المطنوخ

16-05-2005, 12:31

شبثوثي

انت عندك خبر منو المتميلح اللي قرك لها على الددسن:)

هذا المحروووووم خخخخخخخخخخخخخخخخ

بس مستغربن من شين الا العجيز ريم شمر هي الخبره بالبراري وشعلمها ماجابت شي؟

اما يالريم خخخخخخخخخخخخخخخخخخخ بنت جدعان

اما ياللي بس تنصفر الله يدفع البلا

تراها تفطر على ضب وتعشا على حاشي مار لا يغركم انصفارها

مستحيتن من شموووخ:)

عزالله ياهو مقناص على تسيف تسيفك

تانكيو فيري متش

عبدالله المهيني

16-05-2005, 12:47

وحاولن انهن يغيرن راي خويتهن الريم ( اخت بدوا ) لكن مافيه فايده

وبالعكس هي اللي اقنعتهن

اجل قلبت الطاسه عليهن :)

ويوم راحن للربع الخالي ليمار لحالهن مع الخط وكل مية كيلوا يمرهن باص نقل معلمات

مع ان القصة من نسج الخيال

بس هنا فيه حقيقة

ما أقول إلا

الله لا يحيجنا حنا وياكم لتعريض محارمنا لمثل هالوظائف

قالت الريم : ضف خشتك هاللي تقل طفاية دشير

هههههههههههههههههههههه

يلعن ام الطلعه هذه

الله يرجك يا شيخ من وين لقيت هالتشبيه

طفاية دشير :)

ههههههههههههههه

قالت ريم شمر وانا اشوف امي كل مازعلت علي قالت جعلك تصيرين مدرسه !!!

اثريهن يتعذبن .

مع انها لم تقال حقيقةً

بس خذيها حكمة ( كل بنت )

قال ايه اول كنت اروح على الوايت اروي للغنم

شفتوا في أوقات الازمات الواحد يعرف الفوائد

لو ما سرحت بالغنم ولا اتعبته الريه لهن

ماكان تعلمت السواقه

وفكت نفسه وخوياته بهالوقت الحرج :) :)

شبوثي

وطيت دبوس :)

ههههههههههههههههههههههه

الضماد منهو عليه :)

ريم شمر

16-05-2005, 13:58

واتفقن يروحن للربع الخالي يوم الربوع ( تخبرون ايام الاسبوع دوامات ونصهن عسكر )

هههههههههههههههههههههههه

الله ياخذ عدوينك ياشبيثان

كله كوووم وهالمقطع كووووم

قسم بالله مت من الضحك

اما نصهن عسكر :)

اما الرحله علشان ضب فاسمح لي

والله اللي مافيه امل اشارك فيها

كان تبي صيد فراشات يمكن :)

تسلم شبيثان

الشبث

16-05-2005, 14:43

شبثوثي

انت عندك خبر منو المتميلح اللي قرك لها على الددسن

هذا المحروووووم خخخخخخخخخخخخخخخخ

لاااااااااااا يالمطنوووووووخ

مهو المحروووم

الله العالم انوه ابو شوارب

تسان ماني واهم

وتسلم يالعشير على هالمرور

وتقلد تحيتي

الشبث

16-05-2005, 14:48

مع ان القصة من نسج الخيال

بس هنا فيه حقيقة

ما أقول إلا

الله لا يحيجنا حنا وياكم لتعريض محارمنا لمثل هالوظائف

امين

والله انت صويدز يابو عابد

وهالموضوع لازم يلتفتون لوه

هذولي حريم مهن رجال يدبرن عمارهن

ياخي هذولي ليا طلعن من بيوتهن قامن يتراعدن

وشلون عاد اذا قلعوه

شبوثي

وطيت دبوس

ههههههههههههههههههههههه

الضماد منهو عليه

عبادي

وش دقاااااااتوه

الله يهداك انت تبي تشبهني انا وموضوعي

خخخخخخخخخ

الضمااااااااااااد على ريم شمر

هههههههههه

وتقلد تحيتي

الشبث

16-05-2005, 14:52

قسم بالله مت من الضحك

عمرتس طويل يا اختي

كان تبي صيد فراشات يمكن

يااااااااااااااااااااي يالعجووووووووووووووووز

خخخخخخخخخخخ

اما فراش

ليه محدودين عليه ياربي

اقول لا يسمعتس صلفيق ابو قناة والله يروح يجيب تمساح من افريقيا

ولا يرجع للعصور القديمه ويجيب ديناصور

تسلمين اختي على المرور

وتقلدي تحيتي

احمد الهاجرى

16-05-2005, 16:09

شبيثان يابعد تسبدي

والله فرحتني بهالقصه

خاصه هذيك الي اسمها طويل

يوم انصرعت هههههههههههههه

هذي وهي شايفه ضب

والدريوله الريم واخواتها

عاد ماطرا عليهن المقناص الا في الصيف

اقول خلن الزعاطه لهلها يابنيات

( المسك )

16-05-2005, 16:27

ههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههه اوووه ياسبدي سبداااه

شبيثاان لعنبو حيك من تجيب هالسوالف

تسلم عزالله قصتن حلوووه مو مثل خشتك

عجايب بنت الشايب

16-05-2005, 19:32

منيره

16-05-2005, 23:28

تصبحون على خير هاهاها

سرحــان

17-05-2005, 00:02

وانتي من اهله

الشبث

الله يطول بعمرك

اجل كومار على خشتوه

هههههههههههه

والحصيله ضب

هههههه

تسلم والله يالغالي

الشبث

17-05-2005, 02:18

اخوي احمد تسلم والله

وابشر بهالنوعيه وزياده

وتسلم على مرورك الطيب

وتقلد تحيتي

الشبث

17-05-2005, 02:20

فليص يا مفلصتن عيونك قل امين

سوالفي من مبطي وهن حلوااااااااات

بس انت اللي ماعندك ذوق

وانتبه لتسبدك لا تنطق

وتقلد تحيتي

الشبث

17-05-2005, 02:23

وبه نستعين <<< شد حزامك يالشبث

أها ياشبيثان

أثريك ... انت اللي تطاردنا ... راعي الددسن موديل 96

ياعزاااه ...

تقطعت علابيك وانت تطالع فينا ... وتعطلت سيارتك وتشر لنا تبينا نفزع لك

ومافزعنا لك

معليش معليش ... انا اقول للربعات .. خلونا نوقف للضعيف .. تراه متعطل

ويقولن ... لا لا

المهم ... لاعاد تسوي بخوياك حركات مهب زينه علشان يالشاطر

ما يحذفونك على طريق الربع الخالي

وبعدين وش قايل انت لكومار

هاه ؟

وش قايل ؟؟؟

يقول ... ماما هذا نفر يلحق ورى انا من يوم انا يطلع من بيت ماما سموخ

يسوي حركات

يقول .. كوماااار تكفى كومار عطني لبس مال انتا وانا اسوق بدل انتا

تكفى كومار

بس انا ياماما اسمي طويل .. أنا قول

نهي نهي

معصي معصي

انا فيه هميه وشيمه

عاد ياشبثان انا وصلت لك كلام كومار وماهو تبريرك

اعترف

موهب تعدا فينا

قبل انتعشى فيك .... واحنا والله مانوينا بعد

بس مااحد قالك

تنطح الصوت بالصوت

بنات .....<<< صفقن لي

يالربع شوفوا هالعجوز اللي تبي تبلاني

انتي هيه يا ام قرون بالله ماتقولين لي ليش تصدقين ابو هنود

وبعدين الله واكبر وين اروح اللي بالسياره كلهن خواتي

وانتي عجوزن رملا حسبت جدة ابوي

بس انا قايله من شفت الدقه اللي بجبهتس دريت انتس تبين تصدقين

ابو هنود

وبعدين تعالي هنا وشلون تسولفين مع الهندي

على اي اساس

انا عارف انتس تبينوه يهرب وتشغلينوه عندتس

اعلم المهره

وتقلدي تحيتي

الشبث

17-05-2005, 02:26

منيرووووووووه

يعني انتي جايتن هنا تبين تبشريننا انتس تبين تنامين

عزالله انها بشرى ساره

خلاص من اليوم ورايح ماني داخل الا اذا نمتي

وتقلدي تحيتي

الشبث

17-05-2005, 02:28

هلا وغلا بعمي سرحان

يالله حيوه

والله يالغالي انهم يقولون ان كومار للحين ماعين

خشت راعي الحصان اللي راح ولا جاء

تسلم على هالمشاركه الطيبه

وتقلد تحيتي

الـمـحـروووم

17-05-2005, 19:33

ههههههههههه

نعم أنا راعي الددسن

شفت البنيوات كنهن ضايعين
وأبغى أسوي خير فيهن

لكن صدق لا قالوا
أفعل خير ويجيك شر

الشبث

19-05-2005, 02:59

نعم صدقت يالعشير

بهالايام سو الخير وقطه بالبحر

ته ته ته ته راح الخير

وتقلد تحيتي