قصايد عالوجع.. اعجبتني.. بتمنى تعجبكم

[دعاء الخليج]

أصعب خبر



يا بارد الإحساس صدرالغلا ضاق يكفي غياب ويكفي اللي جرالي

مسكين قلب دايم الدوم مشتاق مستحمل ظلم الزمن والليالي

مثل الجبل ما هزتك ريح الأشواق ولا زارتك ذيك الهموم الثقالي

خسران دامك ماتبي حب ووفاق تذبل زهورك كلما الوقت طالي

اصعب خبر لا قلت لي كلمة فراق عقب الوفا والحب تنسا وصالي

واجمل خبر لاجيتني حيل سباق تطلب حنيني يابعد كل غالي

كن الغلا مزروع في وسط الاعماق غايب ولايمكن تفارق خيالي

لك في خفوقي حب وازهار واشواق ولي فخفوقك بس هجر وتعالي

ويامالك الاحساس صدر الغلا ضاق يكفي غياب ويكفي اللي جرالي


دعاء

[دعاء الخليج]

شجاعة
عندي شجاعة وأقدر أقول ما بيك..
لكن أحاول معك عل وعسنك

تصحى بعد ماشوه البعد ماضيك

وتشوف وين افكار عقلك خذنك

أبصر طريقك زين.. تاهت خطاويك

حاسب تراهن أبعدن وابعدنك

كل شيء تغير فيك حتى مامباديك

وحذرا المبادي بالظهر يطعننك

مرة تقول الحظ دايم معاديك

ومرة تقول ان الظروف يحدنك

حتى كلامك نبرته غيرت فيك

قبل العباير لا حكيت أمنعنك

تدري شصار البارحة يوم أحاكيك

يوم شروق وخاطري غاب عنك

بغيت تسقط مع دموعي وأخليك

لكن رموشي ما رضن وأرفعنك

وش فايدة لا صار عيني تعاديك

دام الجوارح كلبوهن يبنك

زعلان منك واعتذر لك واراضيك

ومافوق حقي أطلب العذر منك

يقطع ضلوعي قد ما أقول مابيك

لا ضاق صدري صفقن واطلبنك

دعاء

[دعاء الخليج]

الوداع



حل الوداع ومابقي شيء ينقال

لفي العباية يالهنوف وتغطي

كثر الخطا ياغالية يتعب الحال

واللي يتوب من الخطا ليه يخطي

ليتك تعيشين الهوى بقلب رجال

وفي وقتها تدرين وش كثر يعطي

لا تحسبين ان الهوى شرب فنجال

وانك وصلتي يوم طحتي بشطي



احوالنا يابنت احوالها احوال

مر يعجل شعفها ومر يبطي



صحيح انا اللي اعطيتك احلام وامال

لكن مثلك صعب يوفي بشرطي



أرسلتلك خطي مع كل رحال

ولاقريتي ويش مضمون خطي



من ذكرياتك ماخطر لي على بال

الا الجروح اللي على الجوف تسطي



قلبك خلا ماكنه الا أشهب اللال

وقلبي عشب روض نباته مغطي



والصفعة اللي عانقت خد رجال

ماتنغفر حتى ولو كان مخطي



وهذا الوداع ومابقي شيء ينقال

دوك العباية يالهنوف وتغطي

[دعاء الخليج]

الغلا

الغلا لك في عيوني لا تسال
كيف تسأل دام دمعي ماوقف



كيف وانته عندي راس مال

ولي ذكرتك ناظري دمعه ذرف



في خفوقي لك ترا اكبر مجال

لو خفاه القلب عيني تعترف



اتمنى منك لو لحظة وصال

وكل هجر طاف عندي ماخلف



لو تصد وتبتعد وتصير لال

ولو تجرعني من أنواع الكلف



لك جزا عندي من انواع الزلال

شهد حب ماتغير واختلف..!!



بس ياليتك ترا ياابن الحلال

لو تجاملني من لسانك طرف



وليت يوم انك تعزم بالسوال

تنظر لطرف هميلة ما وقف

[دعاء الخليج]

يسعد صباحكم
هذه قصائد اعجبتني فاحتفظت بها واحببت ان انقلها لكم
بتمنى تعجكبم


دعاء

[فالح الناهي]

دعاء الخليج



قريتها

مره ومره ومره



كني ادور عن كلام ولقيته




اختيار رائع



وذوق عال

اشكرك اختي


ودمتي لنا

[سلطان الشمري]

دعاء اختيار جميل../

شكرا لهذه الباقة الشعريه


لكن محلها المنقول اختي../

بارك الله فيك


وشكرا الف

[ابو خليف]

نقل راائع



اختي دعاء ان دل يدل على ذوقك الشعري

فح لسانك ولسان قائلينها
ودام تواجدك معنا

[دعاء الخليج]

فالح
نبراس
ذيب
يسعد مساكم
وجمعة مباركة
وصلاة مقبولة
ومروركم عنجد شرفني واسعدني
يسلمو ياكل الذوق