ابحث عن موقع اختبار لغة انجليزيه

[مذهل]

السلام عليكم ورحمة الله وبركاته

يالربع كان عندي موقع يسوي لك اختبار مكون من 26 سؤال انجليزي طبعاً وبعد كذا بناءاً على نتيجة الاختبار هذا يحدد لك مستواك بمعنى انه يصنفك لمستويات اللغه النجليزيه المعروفه الاول او الثاني او الثالث ...الخ

والمشكله سويت فورمات للجهاز وضاع الموقع وحاولت ان ابحث عن طريق قوقل وعطاني كم موقع بس ما هي بالحيل وواحدن من هالمواقع عطاني 80 سؤال ومن شروطه انك تحط ايميلك وقعدت احل بهالاسئله الين دخت وتوقعت يرسل النتيجه وللاسف ما ارسلها لي :( وقتها بغيت اكسر جهازي من القهر

طولت عليكم ونسيت المطلوب:) اللي عنده خبر عن هالموقع او اي مواقع اخرى مشابهه

لا يبخل علينا

وجزاكم الله كل خير

[المطنوخ]

وواحدن من هالمواقع عطاني 80 سؤال ومن شروطه انك تحط ايميلك وقعدت احل بهالاسئله الين دخت وتوقعت يرسل النتيجه وللاسف ما ارسلها لي وقتها بغيت اكسر جهازي من القهر

ههههههههههههههههههههههههههههههههههههههه
ههههههههههههههههههههههههههههههه<<ابي ازود قهرك:)

اقول يالغالي تكفى تسان حصلت منا ولا منا علمن ابي اشوف وش انا من الطيور:)

وانشالله الاخوان مايقصرون

[مذهل]

هلا وغلا باخوي المطنوخ

والله ما تصدق لو تشوفني شلون كنت مستعد ومزهبن روحي للاختبار صاكن على عييّلي كل البيبان علشان ما يخربون علي ودلة القهوه وبريق الشاهي اسكت بس واخرتها ما طلعت نتيجه:)

اقول ابشر اذا لقيت شي ابشربوه

وخذ هالموقع جربه


ارعص هنيا (http://eleaston.com/tye.html)


وما نستغني عن فزعاتكم يااخواننا واخواتنا

تحياتي

[مناكد]

وعليكم السلام ورحمة الله وبركاته...



اخي مذهل يسرني ان اساعدك بالذي استطيع...


ولكن لما حاولت البحث بالقوقل والياهو صابني الدوار من كثر المواقع ولاعرفت الذي انت تبحث عنه...


ولكن خذ هالرابط للبحث بالقوقل والياهو بنفس الوقت لعل وعسى ان يفيدك...

http://yagoohoogle.com/



وللمساعده إستعمل عدة صيغ للبحث فما عليك إلا ان تنسخ الجمله بما فيها علامات "الإقتباس" وتضعها في محرك البحث...وتختار الذي يناسبك...


"online english test"

"free english placement test"

"english competency test"

"english language competency"

"english language placement test"

"english language placement exam"

"english placement exam"




وإذا لقيت الموقع الزين لاتبخل علينا...خلنا نحرك مخنا شوي...
ولا يهمك رايح نعلمك بالنتيجه...



اسأل الله لنا ولك التوفيق...



.

[المشرف العام]

عندي لك برنامج اختبار لغه انجليزيه ، ولكن حجمه كبير

وهو جدا مفيد لتقييم مستواك باللغه الانجيلزيه ، طبعا يتم قراءة السؤال عليك وتختار الاجابه الصحيحه من خلال واجهة البرنامج


إذا هذا النّوع من البرامج يستهويك ، سوف أرى مايمكن عمله لكي استطيع ايصاله لك ، او رفع اجزاء منه على الشبكه

إلى ان تفيدني برغبتك من عدمه ، فانا انتظرك :)

[مذهل]

هلا باخوي مناكد

الله يعطيك العافيه

ما قصرت

والف شكر على مجهودك

ولكن الى الان ما شفت المواقع الاتصال اليوم الله بالخير:) تقعد ساعه الصفحه ما فتحت غديه باتسر يصير اشوى شوين ونشوف المواقع

تحياتي لك

[مذهل]

هلا باخوي ابو سلطان

ايوالله تكفى يابو سلطان ابي هالبرنامج واذا امكن يكون كامل:) عاد انت ابوها وسمها على ما قال شف الطريقه المناسبه


وتسلم والله يابو سلطان وخيرك سابق

شكرا لتفاعلك الغير مستغرب

تحياتي

[مذهل]

اخوي الكبير ابو سلطان

انا لازلت في انتظار البرنامج


الف تحيه لك

[الشمري محمد فهد]

تقييّم مستوى ..

هممم ... :g:

إذا تبي تعليم :mf_bookre شف هالبرنامج :

http://www.shmmr.net/vb/showthread.php?t=20382

تسلى به لين يرفع أو يرسلك لك أبو سلطان برنامجه ..

أعذرنا أخوي مذهل , هذا اللي قدرنا عليه .. http://www.shmmr.net/vb/images/icons/icon11.gif

تحية ..

[السرعوفي]

الاخ مذهل: انصحك بهذا الموقع اذا كنت من المهتمين
www.go4english.com
تحياتي للجميع .. السرعوفي

[سنعوسي امريكا]

يا جماعة جربوا هذا الموقع

http://www.angielski.co.uk/placementtest.htm


ا

[مجد]

هنا تحديد المستوى (http://shmmr.net/vb/showthread.php?p=298910#post298910)

[راعي الطيب]

السلام عليكم ورحمة الله وبركاته
اخواني واخوي مذهل بالتحديد اقدم لكم هذا الموقع وراح يساعدك كثير باللي تبي
وانا قبلك ساعدني ايام الانجليزي وعلى فكره الموقع مجرب ومعروف
www.best-english.com
وعلى فكره الموقع انجليزي ولا فيه نسخه عربية وللفائدة حاول تدخل على البالتوك غرفة اللغة الانجليزية وراح تلقا هناك خبراء بالانجليزي راح يساعدونك اذا احتجت وكثر من التحدث بالانجليزي
ويعطيكم العافيه
اخوكم / عم محمد الشمري(الشاعر المجروح)