المساعد الشخصي الرقمي

مشاهدة النسخة كاملة : الفويه وعزوته


خالد الشمري
12-05-2005, 18:12
السلام عليكم ورحمة الله وبركاته
من قصائد الشاعر / فهد الفويه العبدي الشمري(عرضة)
راكب فوق حمرا تهذل اهذالي ...
حرة(ن) تقطع الديان مامونه

فوقها واحد(ن) ماهو بذلالي ...
دون صبيان حايل لاتعوقونه

لاركب شيخهم من فوق مشوالي ...
حلو نقل الموازر يوم يتلونه

يوم ثار الدخن والعج ينجالي ...
والفشق مثل مزن هلت ركونه

جوك شمر هل الردات صوالي ...
ويل منهو بوجه الربع ياطونه

اهل مغيضة يمين وجوك صوالي ...
من نوىحرب اخو نوره يحربونه

واهل لبده يسار وجمعهم عالي ...
عادة راس شيخ القوم يهفونه

وآل الاسود مدرب كل ذلالي ...
ينثرون الحمر ماعاد يرعونه

كتبوا بالبيارق كل جهالي ...
شيب عين الذي غلبا يلاقونه

دارنا دارنا حنا لك عيالي ...
من بغى دارنا بالسيف يهفونه

دون حايل نسوق العمر والمالي ...
ولجل حايل نشيل الراس ومتونه


وسلامتكم
المطنوخ
13-05-2005, 06:38
يعل يدينك ماتمسهن النار

تسلم يالغالي على هالزين اللي مايجيبه الا الزين
راعي الوقيد
13-05-2005, 06:47
وانت سالم وغانم يالذيب

لاهنت اخوي خالد

والمعذرة على النقل لمكانها المفضل:)
خالد الشمري
13-05-2005, 10:01
هلا بالمطنوخ ومن قال يسلم وحيّاك الله يابن العم
هلا بمشرفنا العزيز ومن قال يسلم وحيّاك الله يابن العم وين ماتبي انقله المشاركه وراعي المشاركه جاهزين للنقل :)
هايس الشمري
13-05-2005, 14:58
كتبوا بالبيارق كل جهالي ...
شيب عين الذي غلبا يلاقونه

دارنا دارنا حنا لك عيالي ...
من بغى دارنا بالسيف يهفونه

دون حايل نسوق العمر والمالي ...
ولجل حايل نشيل الراس ومتونه


و سلامتكم


و انت سالم


الله لا يهينك
خالد الشمري
13-05-2005, 17:00
هلا بولد العم ومن قال يسلم وحيّاك الله
المهرة
16-05-2005, 00:24
وعليكم السلام ورحمة الله وبركاته
ومن قال سالم
سلمت الانامل على الجلب الطيب
دمت بخير
اختك 00 المهرة
خالد الشمري
16-05-2005, 10:32
الاخت المهره بارك الله فيت وحيّات الله
الكاسح999
16-05-2005, 20:31
الاخ الفاضل خالد الشمري
شكرا على القصيده
ولكن عندي ملاحظه
[quote
من قصائد الشاعر / فهد الفويه العبدي الشمري(عرضة)
وسلامتكم[/quote]
فهد الفويه ليس شمري وانما من قبيله سبيع وخواله شمر ولانه وفي مع الرشيد في وقت خانوا اغلب شمر التبس الامر عند البعض
وهوالذي يقول
البلاء اني غديت اليوم في روجه
اجنبيا وانا بالدار لي لابه
دمتم
خالد الشمري
17-05-2005, 08:27
هلا بالاخ المنسم وحيّاك الله وتشكر على التعقيب والتواصل اما بالنسبه للملاحظه الصراحه انا سمعت شريط بعنوان (ابن رشيد في حائل) موجود في حائل يتكلم عن سقطة السبهان ايام سعود الرشيد وغيره من القصص وذكر اشعار كثيره عن فهد الفويه وقال انه من عبده وهذا مادعاني لكتابه العبدي
والله يبارك فيك ويجزاك خير على هالملاحظه القيّمه واتمنى دوام التواصل