القاب وعزاوي شمر والفرسان

[الصيرمي]

السلام عليكم

هناك الكثير والعديد من الالقاب لهذه القبيله وسنتطرق لأبرزها :-
ومن لديه ملاحظات او معلومات على هذا الموضوع ؛ فليضعها ، فالمجاال
مفتووح للجميع !!؟
هذه بعض من عزاوي والقاب افراد قبيلة شمر :-

بعيد المناطيش : لقب للفارس ساير بن مطلق بن سعيد بن جبرين ويلقب ايضا بمجوز العزبان ومطوي العازبات 0
اخو نوف : عزوة الدوح من حسين المجلا0
الفنش : لقب للفارس عواد بن محسن الزيده من المسعود من المفضل0
حماي السمارين : لقب للفارس مفتاح الغيثي من الدغيرات من اليحيا 0
ذيب الغداري : لقب للفارس مطلق بن مناحي التويس من المردان من الشقايق من الابي ندا من المفضل0
المزاحيم : لقب للمنيس من المفضل من اليحيا0
اخو دوشه : عزوة الفارس طايس بن صنيدح بن جبرين0
راعي الحيزا : عزوة الفارس صحن بن نخيلان بن صنيدح بن جبرين0

لكل قبيله مشهوره لقب معروف , فمثلا شمر الطنايا , مطير حمران النواظر,
بني خالد هباس . لكنني لاحظت ان القاب بعض بطون القبائل اصبحت تطلق على
القبيله الام, مثلا شمر السناعيس , مطير اهل الردات , ولكن اذا رجعنا
للحق ان لقب سناعيس هو في الاصل لقب لعبده من شمر و لقب اهل الردات هو
في الاصل لعلوى من مطير .

عبده (آل عبدالرب) : كانت تسكن في وادي تثليث جهة الجنوب وفي هذا الوادي
جبلين معروفين جبل (سنا وجبل (عيس), يقال ان بين هذين الجبلين حدثت
معارك بين ال عبدالرب (عبده) وبين قبائل اخرى استطاعت عبده من الانتصار
و تمكن ال ضيغم من بسط نفوذهم على جميع قبائل الجنوب و اهل اليمن وعند
هجرة عبده من وادي تثليث في بدايات القرن الثامن الهجري بقيادة شيخها
الامير شهوان بن منصور الضيغمي اصطدمت عبده بمن واجهها من القبائل في
جنوب نجد و في وسطه واثناء المعارك كان فرسان عبده ينتخون سناعيس سناعيس

* العدوات : لقب للغرير من الاسلم من شمر . وذلك تذكيرا ً بإنتسابهم الى
عدي بن حاتم الطائي وهم يعتزون بجملة (( خيال الخيل وأنا ابن عدي ))

*أخوان بنا : عزوة للوجاعا من الاسلم من شمر وكان قد جاورهم شخص من
قبيلة اخرى مع أخته ((بنا)) وشاركهم القتال حتى قتل في أحد المعارك فسمع
جدهم الملقب ـ بوجعان الراس ـ بنا تبكي وسألها فقالت : انا لاابكي اخي
فحسب بل لأن لا احد ينتخي بإسمي من بعده !!؟
فقال لها : أنا أخوك وصار ينتخي بإسمها هو وجماعته حتى يومنا هذا .
وهي أيضا عزوة المسطح من شمر ايضا .

*اليتمان : للضياغـم اولاد جعفر من عبده من شمر.الضياغم لقب لعشيرة
الجعفر ايضاً .

*أخوان سلمى : عزوة الغيثه من الدغيرات من عبدة من شمر.

*أخوان شلوى : عزوة العجرش من الثابت من شمر.

* أخوان صبحا : عزوة العطا من الويبار من عبدة من شمر.

*أخوان ميثا : عزوة المراوية من الويبار من عبدة من شمر.

*أخوان ميثا : عزوة الرخيص من الزميل من سنجارة من شمر .

*أخوان نورة : عزوة الرشيد حكام حائل.

*أخوان نوير : عزوة الجبرين من عبدة من شمر.

* أخوان هدلا : عزوة القنون من عبدة من شمر وهم أهل بلدة عقدة .

* راعين الملحا : عزوة الشريهة من الدغيرات من عبدة من شمر.

*راعين البلها : عزوة الفداغة من سنجارة من شمر.

وهي أيضا عزوة ال عجيل من ال صبحي من شمر ايضا.

*راعين البويضا : عزوة العيادة من شيوخ الجحيش من الاسلم من شمر .

*أهل الجوار : عزوة الجنفا من الاسلم من شمر .

* أهل الحيزا : عزوة المفضل من شمر .

* أهل السفرة : لقب لفخذ العركي من الاسلم من شمر.

* أهل الشقحا : عزوة الشيحة من سنجارة من شمر .

* أهل العرجا : عزوة الصليط من عبدة من شمر .

* أهل العليا : عزوة الحريرة من ال صبحي من شمر.

* أهل اللحيسة : لقب للاسلم من شمر وبالاخص للوهـب من الاسلم من شمر.

*أهل الهدلا : عزوة الطوالة من الاسلم من شمر .

* أولاد الازمل : عزوة الزميل من سنجارة من شمر.

* أولاد صقر : عزوة السويد من سنجارة من شمر .

* أولاد علي : عزوة الدغيرات من عبدة من شمر.

* أولاد العقل : عزوة الغفيلة من سنجارة من شمر .

* أولاد مسرح : عزوة السرحان من الويبار من عبدة من شمر.

* الجربان : لقب صار بديلا للمحمد شيوخ قبيلة شمر وذلك نسبا الى أم جدهم
( سالم بن محمد أو جد اخر) التي اصيبت بالجدري !؟

* الجمع الثقيل : لقب للثابت من سنجارة من شمر .

* الحجلان : عزوة للاهل حائل جميعا .

* الحسانا : عزوة الهامل من عبدة من شمر .

*حماية الشعبة : لقب للجحيش من الاسلم من شمر

* الخليبص : عزوة الجدي من الربيعية من عبدة من شمر .

*خيال الحرشا : عزوة الجربان ويزيدون عليها ( أنا ابن مشعل)

* الدعوج : عزوة الشلقان من سنجارة من شمر . ويعتزون ايضا بأخوان عليا.

* الدهمان : عزوة التريبان من الدغيرات من شمر .

*راعين الحيزا : عزوةالمنبه من المسعود من الاسلم من شمر

*العصلان : عزوة المسعود من الاسلم من شمر .

وهي أيضا للعمود من سنجارة من شمر .

*راعين العليا : عزوة الربعة من التومان من شمر .

وهي ايضا عزوة العرعير من المسعود من الاسلم من شمر .

* راعين الكسابة : لقب للهمزان من الاسلم من شمر.

* السموت كبار البخوت : لقب يقصد به بطن عبدة من شمر والسموت من السمت
وهو الوقار وقلت الكلام.

* سناعيس : العزوة العامة لشمر وبالاخص لعبدة من شمر .

*سود الروس : لقب للخرصة من شمر .

*السيافا : عزوة الخرصة من شمر .

*الصايح : لقب للاسلم وسنجارة .

*صبيان البريسم : لقب لعشائر الدلفية من عبدة من شمر . وهم يسكنون اراضي
الفتاح بالعراق .

* الصبيحات :عزوة الزقاريط من الربيعية من عبدة من شمر .

* الصفران : عزوة الويبار من عبدة من شمر .

*ضواري : عزوة الكروشيين من الحيوات من زوبع من شمر بالعراق.

*الطنايا : لقب لقبيلة شمر عامة وسبب التسمية حينما غزى الشريف شمر اتوا
الفزعة وقلطوا العشاء لهم ورجعت الصحون لم يؤكل منها شي وقالت البنت
يايبه ماذاقو شي وهو يضحك ويرفع راسة مفتخرا بهم لانهم جايين مايدورون
الاكل جايين طنايا ((زعالا )) .

*علطان الارماح: لقب للشودح من الجحيش من الاسلم من شمر .

* عيال العود : عزوة الخماس من ال صبحي من شمر .

* غلبا : لقب لقبيلة شمر .

*الفضلان : عزوة المفضل من شمر .

*كبود الزمل : لقب لعبدة من شمر .

*كبار الصحون أهل الطعون : لقب لقبيلة شمر .

* المجلا : لقب للحسين من شمر حسين المجلا لانهم يجيرون من يلتجئ اليهم.

* المساعيد : عزوة التومان من شمر .

*المعايا : عزوة الجري من عبدة من شمر .

*معشيت الذيب : لقب للعليان من الدغيرات من عبدة من شمر .

*مكاسر العنبر : لقب للجعفر من عبدة من شمر .

*الملالة : عزوة الشميلة من عبدة من شمر .

*الهيافا : عزوة الحسين من شمر .

* زينين المحازم: لقب لقبيلة شمر0

*ظهور السواني: لقب لعبده من شمر ويلقبون ايضا بأهل الصوت 0

*المضرس واهل الدوا والدويله والمزاهيق من القاب المفضل من اليحيا0

يارررررب اعجبتكم المشارررركة:)

[ابوخالد 1]

مشكور على الموضوع الرائع

والمعلومات الاروع

لا هنت

[راعي الوقيد]

[لوحة4]القاب وعـزاوي شمـــــر وفرسان شمــر[/لوحة4]
[لوحة16]
يستاهــل التثبيـت[/لوحة16]

:goooood:

[سلمان النبهان]

الاخ الصيرمي تسلم ويعطيك العافية موضوع جميل ...
تشكر عليه ومجهود طيب مفيد للجميع ....
**********************************
هناك ملاحظة صغيره وهي معروفة لدى الجميع
فقد ورد بالمشاركة ان لقب الطنايا لشمر عامة
والحقيقة انه لسنجارة خاصة حينما قاموا بالمساندة
لاخوانهم عبده في غزوة الشريف وحقق الله النصر لهم .
وتسلم وننتظر جديدك بشوق وترقب يالغالي ..
************************************

[نافع بن طواله]

الصيرمي جهد تشكر عليه


أخوك

أبو هدلا

[حمد العطوني]

الاخ الصيرمي اشكرك شكراً على هذا الجهد الجميل
اودان اذكرك على بعض الالقاب الذي لم تذكر في هذا السياق

اوالكلام عن الالقاب الخاصه ليس العامه ال علي يلقبون بالسمن العرابي وايضا الجعفر من عبدة من شمر يلقبون بالمرد المقصود هم المرجع ويلقبون ايضا في مكاسر العنبر
والربيعية من عبدة بلقبون بالنقوف المعنى ما يتحملون الكلام الخاطي

اليحيا من عبدة من شمر يلقبون بالكضوم المعنى مهم ثرثريه كلام
ابن قشعم من الجعفر من عبدة من شمر يلقب بشيخ الشيوخ

وابن عقلا من الفتيح من الجعفر من عبدة من شمر من هل حائل يلقب بمسيل البطحاء المعني من كثر مايصب السمن يتدفق الزود على الارض وعلى هذا اطلق عليه لقب مسيل البطحاء

اما الالقاب العامه لنا عليها بعض الملاحظات الذي يجب توضيحها وناعدكم بالعوده لاجل توضيح مالاحظناه ...

هذا وامتم سالمين

























































ك

[مشــــعل]

مشكور والله يالصيرمي

موضوع ولا احلى

بس عندي تعديل انت تقول:

* أولاد العقل : عزوة الغفيلة من سنجارة من شمر .

والصحيح انهم اولاد الغفل

[المطنوخ]

تسلم يالصيرمي على هالجهد المميز

بس بالنسبه لــ:

*معشيت الذيب : لقب للعليان من الدغيرات من عبدة من شمر .

معشي الذيب تخص آل السعيد من العليان ولا تخص العليان كلهم

تسلم يالغالي ولاهنت

[راعي الوقيد]

[لوحة4]العصاة منخاة للقشعــــــــــم[/لوحة4]

[خالد الشمري]

هلا بالصيرمي الله يعافيك على هالمجهود الرائع بس عندي ملاحظه بسيطه وهي
غلبا : لقب لسنجاره من زوبع والان تعم شمر
الطنايا : لزوبع والان تعم شمر


الاضافه عندي هي
فهود الزراج :لقب خاص لاسره الرشيد حكام حائل
الجنايز :لقب خاص لاسره الرشيد حكام حائل والان تعم شمر

وبارك الله فيك اخوي الصيرمي وما قصّرت

[الصيرمي]

ابوخالد 1
مشكور على المرور

راعي الوقيد
مشكور على التثبيت والتمييز:)

سلمان النبهان
مشكور على المرور والاضافه

قاسي الباس
مشكرور على المرور

حمد العطوني
مشكور على المرور والتوضيح

مشــــــعل
مشكور على المرور والتوضيح

المطنوخ
مشكور على المرور والتوضيح

راعي الوقيد
مشكور مره ثانيه على المرور والتوضبح

خالد فراج الشمري
مشكور على المرور والتوضيح

[هايس الشمري]

تسلم يالصيرمي



*راعين البلها : عزوة الفداغة من سنجارة من شمر.

كما انها عزوة للشميلة من عبده من شمر

[راعي الوقيد]

اي والله انك صادز يالذيب:)

عندنا واحد من الشميلة وينتخي براعي البلها

يسسسسلمو على التذكير

[المهناء]

الاخ الفاضل الصيرمي شكرلك على جهدك الجميل
وبجب عليك ملاحظة الردود الخاطية وارجوك عدم الرد عليها حيث ان بعض من الالقاب عيها مطا لبات ونطلب توقيف ارد عليها بدون دلايل موثقة و متفق عليها واعتراضي على مااورده الاخ خالد عند ماقال غلبا لغب لسنجارة من زوبع وهذا خطا والطنايا وكل هؤلا لشمر عامه والكلام بيني وبين خالد الشمري وارجو من الاخوان عدم التدخل بيني وبين الاخ خالد فراج

[الصيرمي]

((الذيب))

مشكور على المرور والإضافه والتوضيح:)

المهناء

العفو ياسيدي مافيه حاجه من واجبكم

وبجب عليك ملاحظة الردود الخاطية وارجوك عدم الرد عليها حيث ان بعض من الالقاب عيها مطا لبات ونظلب توقيف ارد عيها بدون دلايل موثقة و متفق عليها واعتراضي على مااورده الاخ خالد عند ماقال غلبا لغب لسنجارة من زوبع وهذا خطا والطنايا وكل هؤلا لشمر عامه
انا قلتلكم اللي عنده اضافه والا حاجه زي كذا ما يقصر:)

والكلام بيني وبين خالد الشوري
مين هوا خالد الشوري

وارجو من الاخوان عدم التدخل بيني وبين الاخ خالد فراج
يعني خلاص مافيه امل نسوي بينكم صلحه:)ههههههههه

الله يهديك يالمهناء هذا وانت باين عليك رااجل صاحب مفهوميه

هههههههههه

ع

[المهرة]

تسلم الانامل 00
تملك حقيبة زاخرة بالمعلومات القيمة
والابداع والتميز
دمت بخير
اختك 00 المهرة

[المهناء]

الاخ الصيرمي . خالد الشروي هو خالد الشمر

والتوضيح كما قلنا في ردنا السابق هو واعتراضنا على مااورده الاخ خالد عند ماقال غلبا لقب لسنجارة من زوبع وهذا خطا وايضاالطنايا وهذا غير صحيح غلبا والطنايا عزوه لشمر عامه وليس لقب

[خالد الشمري]

هلا بالاخ المهناء انت تقول يالطيّب انك تعترض علي لاني قلت لن الطنايا لزوبع خصوص والان تعم شمر وغلبا لسنجاره من زوبع خصوص والان تعم شمر

اولا : الطنايا قصته معروفه حينما استفزعت عبده اخوانهم وعيال عمّهم زوبع على الشريف بعد مناخ بين عبده والشريف حول 90 يوم وسالفة العشاء اللي قدّموه عبده لعيال عمهم زوبع معروفه ولا تبي شرح اكثر

ثانيا : غلبا انا سألت بعض شيباننا قالو انه لسنجاره والان تعم شمر كله

وعلى العموم مارحت بعيد لا انا ولا انت زوبع وعبده والاسلم = شمر

وهذا هو المهم عندي واللي عرفته قلته لك (والله اعلم واجل واكرم)

اخوك : خالد فراج الجعفري العبدي الشمري ـ حائل

[راعي الوقيد]

اخي الكريم المهناء

كلمة يرددها دائماً راوينا ابو عبيد وهو قدوتنا مادام على النهج:)

المهم الكلمة يقول


الدخول في مناقشة الأمور المتعلقه بالتراث وبإسم مستعـار مايحقق هدف

وانا هنا اردد تلك المقولة

لحيث ان قبيلك هو الاخ خالد فراج الجعفري العبدي الشمري

وانت المهناء:g: غير معروف لدينا تمام المعرفة !؟

كما جاء بضوابط مضيف قصة وقصيدة وكذلك ضوابط المضايف بشكل عام

هنا الضوابط (http://www.shmmr.net/vb/showpost.php?p=248895&postcount=1)

للاحاطة

والسلاااااام ...
..

[المهناء]

الاخ خالد الشمري

انت تقول ان سبب تسميه الطنايا منا خ عبده الى الشريف
وهذا ما تقوله سنجارة وانت تستحج ان الطنايا لقب سنجارة :

واهل تسمح توضح لنا عن سبب تسمية غلبا مثل ماوضحت الطنايا بدون ازعاج

كثير الرجال على صحايحه

[المشرف العام]

بارك الله فيك اخي الصيرمي

مشاركه جدا جميله وقيّمه . .

اخي المهناء . . ( فضلا تصفح مضيف قصه وقصيده وهو عباره عن 66 صفحه سوف تجد هناك مشاركات ناقشة موضوع استفسارك )


دمتم بخير

[راعي الوقيد]

الاخ الفاضل الصيرمي شكرلك على جهدك الجميل
وبجب عليك ملاحظة الردود الخاطية وارجوك عدم الرد عليها حيث ان بعض من الالقاب عيها مطا لبات ونطلب توقيف ارد عليها بدون دلايل موثقة و متفق عليها
المهناء

يالغالي ياليتك تعرفنا بشخصكم الكريم << اسمك الصريـح:)

اشوفك تعطي اوامرك لكاتب الموضوع بانه يجب عليه ملاحظة الردود

الخاطئة وترجوهـ بعدم الرد عليها !؟

وتقول ان بعض الالقاب عليها مطالبات ونطلب توقيف الرد عليها بدون

دلايل موثقة ومتفق عليها !؟

مادري والله وش اقول على تعليقاتك اللي تلف وتدور بها:)

عطنا علومك تسان عندك شين نستفيد منه .!؟

وإلاّ بليا من الأسلوب هذا اللي كأنك جالس تختبرنا !!

او لكأنك تبتز المعلومات إبتزاز.؟

كن صريح وهات مالديك من العلوم .؟

قبل بها من قبل ..؟

ورفضها من رفض ..؟

ارجو الإنتباهـ والإحاطة

[المهناء]

الاخ ابو سلطان انا اتمنى من لايفهم التاريخ

ان يتصفح مضيف قصة وقصيدة ويطلع ويجتنب اعاده المواضيع المكررة

مثل ماتفضلت به ياابو سلطا ن عند ماقلت هناك 66صفحة
ويا ليت اكتفابه خالد الجعفري

هذا ودمتم سالمين

[مشــــعل]

اخوي المهنا الله يطول عمرك ويعافيك انشالله

اخوي السوالف ووضحه لك ابو فراج

والوقت هذا ماحنا من اللي نقول الطنايا لزوبع ولا لعبده
الالقاب هذي عامـــــــــة لشمر

وعند الاجناب يامنك نشدتهم منهم الطنايا قالوا لك شمر وهذا اللي نبيه
ماقالوا لسنجاره ولا الاسلم ولا عبده

ولا تحرث الامور تر ماوراه الا وجع الراس

دمت سالما

[راعي الفزعة]

مشكور على الموضوع الرائع

والمعلومات الاروع

لا هنت


وشكرا

[الصيرمي]

تسلم الانامل 00
تملك حقيبة زاخرة بالمعلومات القيمة
والابداع والتميز
دمت بخير
اختك 00 المهرة
ومن قااااااال يسلأم

زاخره والدليل كل موضوع انزله يقعدون الاخوان يتماسكون الشوش

بس شوشتي اهم حاجه بعيده عن الميدان هههههههههه

مشكوره على المرور

[الصيرمي]

وبارك فيك استاذي المشرف العام

والله يجبر بخاطرك ياسيدي

بمرورك اسعدتنا:)

تحياتي

[الصيرمي]

راعي الفزعة

مرررررحبا بك يا خوي

الله لايهينك

تحياتي:)

[سويلم الشمري]

الصيرمي اللة يعطيك العافية على مجهودك اللي تشكر علية

بس لو تسمحلي عندي تعديل ويمكن الاخوان يفيدوننا

تقول
*الهيافا : عزوة الحسين من شمر .

حسب ما سمعت ان الهيافا لعموم الدغيرات ولا يختص بها الحسين بس

ثانيا
ظهور السواني ليست لعبدة جميعة بل هي للساعد من الويبار من عبدة

وتكملة للسطر عبدة يلقبون بهل الصوت التالي

والف شكر على مجهودك

[( المسك )]

صيرمي

تقل مالاح لي منخات الجنده

ولايمكن ماشفتها زين

ابي الثانيه مهي الاولى

فهمتن :)

مشكور على الطرح الرائع للموضووع

[المطنوخ]

اخي الغالي سويلم الشمري

اخي الغالي

حسب ما سألت احد كبار السن

ان الهيافا : عزوة الحسين من شمر .

ولاتعم الدغيرات

وبالنسبه عبدة يلقبون بهل الصوت التالي

فهذا صحيح

تسلم يالغالي

اخوك مشعل الغازي الشمري

[حمد العطوني]

http://shmmr.net/vb/images/stamps/thread_bst.gif
اخواني الاعزاء في مضايف شمر
السلام عليكم ورحمة الله وبركاته
وبعد هذا انصح الجميع على الابتعاد عن الحزازيات
وخلق القصص المزورة مثل قصة غزوة الشريف على شمر
الذي هي سبب هذه المشاكل الذي تختلف عليها شمروغيرشمر
ومن مايدل ان هذي القصة والقصيدة 1ينقصها عدم الاتفاق على روايتها من جميع


الاطراف ,وعلى هذا احب اعلق على مااعترضت له هذه القصة والقصيدة من تشويه والهدف التحيزات بين شمروهذالايجوز والي انا افهم ان الشريف وغيره في الزمن القديم مايقسمون شمرفي اقسامها المعروفة غيرعند شمر بينهم يقولون هذا عبدي وهذا اسلمي وهذا سنجاري وهذا خريصي وهذا عمودي , هذه التسميات شمربينها تقول كذا.


اما عند الاجناب مافيه تفرقه لشمرولكن التفرقه بدت من ابناشمر
ومثل مايدورعن قصة الشريف وماحصل عليها من التزويرالواضح
ان اتيت الى عبدة قالو الي جدع الشريف الطليعة وان اتيت لسنجارة يقولون الذي جدع الشريف العجرش واذا اتيت الخرصة والعمود يقولون
التجقيف وكل هؤلا فرسان لكن مافيه مخلاص على منهو الي جدعه بالضبط وهذي الدلايل تحكم على ان هذه القصة تعرضت الى التحريف والتزوير)
ا
ما عن القاب شمر
غلبا
هي من الالقاب المشهورة وتقول زوجةوديد ابن عروج الاميه
لواحبيبي طاح يوم الملاقاه
بنحورغلبا فوق قب الاصائل
لوحبيبي طير شلوى تعشاه
قطاعه المهجه سناعيس حايل


ويقول الشاعر مخلف ابن هديرس الاسلمي يمدح الاميرعبدالله ال رشيد


ابوطلال الضيغمي فرزالاولاد= زيزوم غلبابالقا ينطح التيه


الطنايا
والطنايا يقصد بها الزعل ويقول الشاعرمحمد العوني

حس الصمع تقل رعودصيف = وحوض الموت وردوه الطنايا

يقول الشيخ سعدون العواجي
تسمع بتال الخيل حس المثارين=عيال الطنايا مروية علط الارماح


السناعيس
عزوة عموم شمرالتي تثير فيهم الحماسة
(ولهذا اللقب قصة تاريخية قد ياتي المجال فيمابعد ذكرها
وتقبلو تحياتي

[المطنوخ]

بارك الله فيك أخوي حمد

ووفقك الله الى مايحب ويرضاه

كلام عاقل من رجل عاقل

لك خالص الموده اخي الكريم

[راعي الوقيد]

اخواني الاعزاء في مضايف شمر
السلام عليكم ورحمة الله وبركاته
وبعد هذا انصح الجميع على الابتعاد عن الحزازيات
وخلق القصص المزورة مثل قصة غزوة الشريف على شمر
الذي هي سبب هذه المشاكل الذي تختلف عليها شمروغيرشمر
ومن مايدل ان هذي القصة والقصيدة 1ينقصها عدم الاتفاق على روايتها من جميع


الاطراف ,وعلى هذا احب اعلق على مااعترضت له هذه القصة والقصيدة من تشويه والهدف التحيزات بين شمروهذالايجوز والي انا افهم ان الشريف وغيره في الزمن القديم مايقسمون شمرفي اقسامها المعروفة غيرعند شمر بينهم يقولون هذا عبدي وهذا اسلمي وهذا سنجاري وهذا خريصي وهذا عمودي , هذه التسميات شمربينها تقول كذا.


اما عند الاجناب مافيه تفرقه لشمرولكن التفرقه بدت من ابناشمر
ومثل مايدورعن قصة الشريف وماحصل عليها من التزويرالواضح
ان اتيت الى عبدة قالو الي جدع الشريف الطليعة وان اتيت لسنجارة يقولون الذي جدع الشريف العجرش واذا اتيت الخرصة والعمود يقولون
التجقيف وكل هؤلا فرسان لكن مافيه مخلاص على منهو الي جدعه بالضبط وهذي الدلايل تحكم على ان هذه القصة تعرضت الى التحريف والتزوير)
ا
ما عن القاب شمر
غلبا
هي من الالقاب المشهورة وتقول زوجةوديد ابن عروج الاميه
لواحبيبي طاح يوم الملاقاه
بنحورغلبا فوق قب الاصائل
لوحبيبي طير شلوى تعشاه
قطاعه المهجه سناعيس حايل


ويقول الشاعر مخلف ابن هديرس الاسلمي يمدح الاميرعبدالله ال رشيد


ابوطلال الضيغمي فرزالاولاد= زيزوم غلبابالقا ينطح التيه


الطنايا
والطنايا يقصد بها الزعل ويقول الشاعرمحمد العوني

لواحس الصمع تقل رعودصيف = وحوض الموت وردوه الطنايا

يقول الشيخ سعدون العواجي
تسمع بتال الخيل حس المثارين=عيال الطنايا مروية علط الارماح


السناعيس
عزوة عموم شمرالتي تثير فيهم الحماسة
(ولهذا اللقب قصة تاريخية قد ياتي المجال فيمابعد ذكرها
وتقبلو تحياتي

الىيابعد حيي والله انت هالوجه يابو عبيــد

عز الله انه مشاركة .. لا بل درس بالمجان والاجر على الله:)

تسلم عميييييي

والسلااااااام ...
..

[حمد العطوني]

الاخ المطنوخ

اشكرك شكراً جزيل

وماوجهته لنا نعتبره اكبر جمبل

وتقبل تحياتي

[حمد العطوني]

الاخ العزيز راعي الوقيد

اشكرك على ما قمت به من نسخ

وارجوك تعديل حرف من البيت الذي قاله العوني
(حس الصمع تقل رعودصيف)

ودمتم سالمين

[خالد الشمري]

اخي الكريم حمد والاخ المشرف انا قلت ماسمعته وما عرفته واضفت عباره (الله اعلم واجل واكرم) ولا الزم برأيي احد وكذالك رديّت على المهناء مبتدأ بأجمل عباره (هلا بأخوي المهناء) ولا الزمته لاهو ولا غيره برأيي وقلت بالنص (زوبع والاسلم وعبده =شمر وهذا هو المهم عندي وما رحت بعيد لاانا ولا انت...الخ ) وهذا هو المهم عندي انه لشمر والمتتبع لما اطرحه من مواضيع يلاحظ فيها عدم الخوض بأمور خلافيه بين القبيله والتنويع بالمواضيع واحترام كل فخذ بشمر والاتيان بكل موضوع يخدم موروثنا بغض النظر عن انتماءه لاي من بطون شمر.
ومع هذا كله لم أشىء ان يبدأ الجدل مره اخرى وتركت هذا الشيء لما قرأته من كلام الاخ المشرف وغيره ولن اعود لهذ الموضوع ليس لاني مخطأ بل هذا من احترام المضايف ولا بغيت ادخل بجدل ماله نهايه ......اخوكم خالد

[سويلم الشمري]

المطنوخ هلابك

انت ادرى وشيبانك ابخص

انا قلت الي اسمعة ولكن ما دام انة للحسين يستاهلونة

تقبل تحياتي

[المطنوخ]

الغالي سويلم

ايابعد حيي والله

تسانك زعلان ابشر اغير اقوالي:)<<مزوووح:)

شرفني حديثك معي

وتستاهل الطيب

لاهنت

[راعي الوقيد]

:232r:نسيت مادري وش ابيـ اقول

ايه صح توي فطنت:)

والمتتبع لما اطرحه من مواضيع يلاحظ فيها عدم الخوض بأمور خلافيه بين القبيله والتنويع بالمواضيع واحترام كل فخذ بشمر والاتيان بكل موضوع يخدم موروثنا بغض النظر عن انتماءه لاي من بطون شمر.اي بالله وانت صادز يابو الليد واشهد:)

ومع هذا كله لم أشىء ان يبدأ الجدل مره اخرى وتركت هذا الشيء لما قرأته من كلام الاخ المشرف وغيره ولن اعود لهذ الموضوع ليس لاني مخطأ بل هذا من احترام المضايف ولا بغيت ادخل بجدل ماله نهايه زين ما سويت اخي العــزيــــــز

وهذا اللي نسعى له لم الشمل وعدم التفريق:)

تحيتي لك اخي الكريم

والسلااااااام ...
..

[الصيرمي]

[لوحة4]راعي السويد

لقب لزامل بن زوبع جد السويد من شمر بسبة لحصانة الأسود .
[/لوحة4]
[لوحة15]
راعي صرخه

لقب لسويد بن علي الشمري وصرخة هي ( شلفا ) كانت له ثم انتقلب للأمير عبدالله العلي الرشيد وكانت معه يوم قتل مشاري قاتل الأمام تركي بن عبدالله ابن سعود . [/لوحة15]

[الحنشل]

أخوي الصيرمي شكراً على الموضوع المتميز
لكن انت اوردت أن

* أولاد مسرح : عزوة السرحان من الويبار من عبدة من شمر.

وهذا الكلام غير صحيح حيث ان السرحان عزوتهم عزوة الويبار جميعاً
(( صفران))

[سلمان النبهان]

اخواني الاعزاء في مضايف شمر
السلام عليكم ورحمة الله وبركاته
وبعد هذا انصح الجميع على الابتعاد عن الحزازيات
وخلق القصص المزورة مثل قصة غزوة الشريف على شمر
***************************************

الاخ حمد العطوني او الرواي كلامك هو الزور بعينه
وقد سبق النقاش بموضوع غزوة الشريف والقصيدة
ولاعرف مالذي يزعلك ويخرجك من شعورك...
حينما يقال ان سنجارة قامت بنجدة عبده وتغلبت على الشريف
وقصيدة الشريف موجودة ومعلومة للجميع .
ولاينكرها الا جاهل غير مدرك بتاريخ شمر المجد
وهذا التاريخ عظيم كبير لايستطيع مسكين يدعى المعرفة
تغييره بناء على اهوائه...

[الصيرمي]

[لوحة4]
الحنشل [/لوحة4]

[لوحة14]ايش يعرفنا ان كلامك صحيح [/لوحة14]

اثبت

[حمد العطوني]

الا خ سلمان النبهان من الذي خرج من شعوره وهو سلمان النبهان الذي تكلم بدون شعور وكمايشهد الكل
على كلام النبهان عند ماقال: الاخ حمد العطوني او الرواي كلامـك هـو الـزور بعينـه )
وعن مضمون كلامي نصيحه حيث قلت

انصح الجميع على الابتعاد عن الحزازيات
وخلق القصص المزورة مثل قصة غزوة الشريف على شمر
الذي هي سبب هذه المشاكل الذي تختلف عليها شمروغيرشمر
ومن مايدل ان هذي القصة والقصيدة 1ينقصها عدم الاتفاق على روايتها من جميع


الاطراف ,وعلى هذا احب اعلق على مااعترضت له هذه القصة والقصيدة من تشويه

وخلق القصص المزورة مثل قصة غزوة الشريف على شمر
الذي هي سبب هذه المشاكل الذي تختلف عليها شمروغيرشمر
ومن مايدل ان هذي القصة والقصيدة 1ينقصها عدم الاتفاق على روايتها من جميع


الاطراف ,وعلى هذا احب اعلق على مااعترضت له هذه القصة والقصيدة من تشويه والهدف التحيزات بين شمروهذالايجوز والي انا افهم ان الشريف وغيره في الزمن القديم مايقسمون شمرفي اقسامها المعروفة غيرعند شمر بينهم يقولون هذا عبدي وهذا اسلمي وهذا سنجاري وهذا خريصي وهذا عمودي , هذه التسميات شمربينها تقول كذا.


اما عند الاجناب مافيه تفرقه لشمرولكن التفرقه بدت من ابناشمر
ومثل مايدورعن قصة الشريف وماحصل عليها من التزويرالواضح
ان اتيت الى عبدة قالو الي جدع الشريف الطليعة وان اتيت لسنجارة يقولون الذي جدع الشريف العجرش واذا اتيت الخرصة والعمود يقولون
التجقيف وكل هؤلا فرسان لكن مافيه مخلاص على منهو الي جدعه بالضبط وهذي الدلايل تحكم على ان هذه القصة تعرضت الى التحريف والتزوير)
ا
ما عن القاب شمر
غلبا
هي من الالقاب المشهورة وتقول زوجةوديد ابن عروج الاميه
لواحبيبي طاح يوم الملاقاه
بنحورغلبا فوق قب الاصائل
لوحبيبي طير شلوى تعشاه
قطاعه المهجه سناعيس حايل


ويقول الشاعر مخلف ابن هديرس الاسلمي يمدح الاميرعبدالله ال رشيد


ابوطلال الضيغمي فرزالاولاد= زيزوم غلبابالقا ينطح التيه


الطنايا
والطنايا يقصد بها الزعل ويقول الشاعرمحمد العوني

حس الصمع تقل رعودصيف = وحوض الموت وردوه الطنايا

يقول الشيخ سعدون العواجي
تسمع بتال الخيل حس المثارين=عيال الطنايا مروية علط الارماح


السناعيس
عزوة عموم شمرالتي تثير فيهم الحماسة
(ولهذا اللقب قصة تاريخية قد ياتي المجال فيمابعد ذكرها
وتقبلو تحياتي
__________________

[المشرف العام]

لمن اراد متابعة موضوع سبب تسميه الطنايا

فكرما مراجعة هذا الرّابط : قبل ثلاثه سنوات ( الله يعطينا ويعطيكم طولت العمر )

http://www.shmmr.net/vb/showthread.php?t=4038

[سلمان النبهان]

يـامـل عـيـن للشـريـف محـمـد=تهلهل دمعها مـن قبـة الـرس حـادره
جرينا السبايـا مـن الطائـف والحـرم=وصلنـا وجلنـا يـم وادي الـدواسـرr
وصلنـا علـى ابـن حميـد وانتـحـى=أقـفـى وفـقـا عــن لقانامخـايـر
وصفقناهن باليسرى على الصقور وانتحوا=اقفـوا وعرفـوا بـه حمـران النواظـر
وجينا الديرة اللي أسمهـا باسـم اهلهـا=كـرام اللحـاء بأيـام حـر المساعـر
ورجـنـا وروجـنـا بـديـار شـمـر=بديـار مرويـن الـعـداء بالشـواطـر
مناخـنـا لعـبـدة تسعـيـن لـيـلـة=بساقـي بزاخـة لاسقـتـه المـواطـر
وفاضـوا مـع بيـض وفضنابأثـرهـم=اجـوا والتجـوا فـي طمـان المغاتـر
فـي تلعـة لاعلهـا وابــل الحـيـاء=التلـعـة اللـيـة حصـاهـا جـفـادر
ياما قضـى هـوش السناعيـس كمـل=وغلـوب مـي نـش عنـه المـغـاور
قضـى السعـد عنهـم وللعـز فزعـوا=يـامـا وطينابـالـحـذاء والـكـنـادر
جتنـا الجحافـل مـن متالـع والحفـن=تسمـع زغاريـد البـنـات الجـواهـر
السـربـة الـلـي تنـاقـل خـيـلـه=تشهـد لهـم بالطيـب صـم الحـوافـر
جتنـا سرايـا زوبـع فــوق ضـمـر=وقـب يقالـب صرعهـا كــل نــادر
أن أقبلـن مثـل الشياهـيـن خـفـق=وأن أدبـرن مثـل اللقـاح الـصـوادر
تطـاردن باللغـف فـي حـد مـوقـق=وصـارت علينـا مـن كبـار الكسايـر
شائع يذود الخيـل فـي حدمـة الوغـي=ذيـب السـريـا بـالأمـور العسـائـر
دلينـا ننـخـى كــل ورع مـجـرب=يـاالله ياقـادر عـلـى كــل قــادر
وصكـوا عليـنـا سربتـيـن تـذودنـا=هــذا مـوردهـا وهــذاك شـاهـر
زوبـع وعـبـدة لياتصـافـوا بينـهـم=حريبهـم ضـاقـت عـلـه المعـابـر
يامكرمـيـن الجاريـاغـش ضـدهـم=وسـاع العطـوف ومدركيـن التفاخـر
يامدلهيـن الخـور بـأرض المخـافـة=ياجـاء نـهـار فـيـه وارد وصــادر
تسمع حسيس سيوفهـم فـي ظهورنـا=مثل حشـاة المـزن مـن نـوء ماطـر
وتشوف جثي الخيل مـن حـد ضربهـم=مثل خشـب سـدر مـع السيـل حـادر
والحفوا علي الطوعـات عيـال محمـد=مـن فـوق طفقـات المهـار العنابـر
يـذودنـا طـلـق اليمـيـن محـمـد=بشـعـث بتاليـنـا والـعـج غـابـر
ومعهـم مـن مواريـث ثابـت سريـة=رماتهـم ياكـلـون دكــة عسـاكـر
وصحنـا وقلنـا الخيـل يابيـض قلنـا=يابيض يابيـض الوغـي يابـن شاكـر
وردة عليهـم بيـض وأحمـر السمـاء=وراحـت فـروق اخيـل مثـل البواخـر
وصاحوا علينا صيحـة ترمـل النسـاء=ورحنا علي الطوعـات والكـون عامـر
تصـرخ هناديهـم بفـرسـان ربعـنـا=ويديـن بيـض قطعـن بيـد شـاطـر
وخليـنـا بـيـض بـربـع المغـنـي=تمـره القطـعـان لاجــت صــوادر
عاشوا بنـي عمـي وعاشـوا رفاقتـي=وأركو علـي كبـدي بحامـي المخاطـر
اللـي بحومـات الوغـي حولـوا بـنـا=وصرنـا لهـم اســرى والله خـابـر
ورروا عليـنـا خيلـنـا وأعتـقـونـا=بـي شيمـة منهـم وطيـبـة عنـابـر
ملنـا عليهـم ميلـة مــن خطـانـا=وأنــا عـلـي مـادبـرالله صـابــر
وردنـا الحليفـة تاركـيـن شيوخـنـا=فياض وحوشان ومحتمي الخيـل ناصـر
وخلينـا جـابـر والزنـاتـي عـبـدالله=والـه علـيـم بالخـفـي والظـواهـر
وحلفت ماجي دارهـم عقـب مامضـي=الأ نتـواجـه عـنـد رب الـمـغـاور
هــذا كــلام للشـريـف مـحـمـد=يذكـر فعـول ماضـي لــه بــوادر
وختامهـا صلـوا علـي سيـد الـمـلا=أعـداد مـن أذن بــروءس المنـابـر

*******************************************************
هذه القصيدة يالعطوني وهذا هو التاريخ بلسان الشريف نفسه.......
وقد قتل كثيرا من رجال سنجارة المجد في تلك المعركة بسبب فزعتهم لاخوانهم عبده
وهذا ليس كثير منهم بل واجب عليهم وليس غريب ايضا لانه حق يفرضه الدم والاخاء
ولكن الغريب والكثير ان ياتي من يشكك بذلك ويقول زور وليس صحيح
ويعود ويقول هذا زور لان من جدع الشريف ليس معروف!!!!
فانني اقول لك لايهم من جدعه فان من جدعه من فرسان شمر كأن من كان..
المهم انه من فرسان شمر الابطال ولكن انكار الغزوة كلها ومن قتل فيها ...
عموما سبق الجدل بهذا الموضوع حينما كان اسمك الرواي ....
***********************************************

[راعي الوقيد]

المعذرة يابو نبهان:)

القصيدة متداخلة ببعضها مما سبب عدم وضوحها للقارئ !!؟

ايضا ً فيها اخطاء كثيرة بحاجة للتنقيح !!

إذا عندك اوضح منه الله يحييك :)

والسلام
..

[متعب الخريصي]

الله يعطيك العافيه اخوي

[سلمان النبهان]

يـامـل عـيـن للشـريـف محـمـد=تهلهل دمعها مـن قبـة الـرس حـادر
جرينا السبايـا مـن الطائـف والحـرم=وصلنـا وجلنـا يـم وادي الـدواسـر
وصلنـا علـى ابـن حميـد وانتـحـى=أقـفـى وفـقـا عــن لقانا مخـايـر
وصفقناهن باليسرى على الصقور وانتحوا=اقفـوا وعرفـوا بـه حمـران النواظـر
وجينا الديرة اللي أسمهـا باسـم اهلهـا=كـرام اللحـاء بأيـام حـر المساعـر
ورجـنـا وروجـنـا بـديـار شـمـر =بديـار مرويـن الـعـداء بالشـواطـر
مناخـنـا لعـبـدة تسعـيـن لـيـلـة =بساقـي بزاخـة لاسقـتـه المـواطـر
وفاضـوا مـع بيـص وفضنا بأثـرهـم =لاجـوا والتجـوا فـي طمـان المغاتـر
فـي تلعـة لاعلهـا وابــل الحـيـاء =التلـعـة الي حصـاهـا جـفـادر
ياما قضـى هـوش السناعيـس كمـل =وغلـوب مـي نـش عنـه المـغـاور
قضـى السعـد عنهـم وللعـز فزعـوا =يـامـا وطينا منهم بـالـحـذاء والـكـنـادر
جتنـا الجحافـل مـن متالـع والحفـن =تسمـع زغاريـد البـنـات الجـواهـر
السـربـة الـلـي تنـاقـل خـيـلـه= تشهـد لهـم بالطيـب صـم الحـوافـر
جتنـا سرايـا زوبـع فــوق ضـمـر =وقـب يغالـب صرعهـا كــل نــادر
أن أقبلـن مثـل الشياهـيـن خـفـق=وأن أدبـرن مثـل اللقـاح الـصـوادر
تطـاردن باللغـف فـي حـد مـوقـق=وصـارت علينـا مـن كبـار الكسايـر
شائع يذود الخيـل فـي حدمـة الوغـي=ذيـب السـريـا بـالأمـور العسـائـر
دلينـا ننـخـى كــل ورع مـجـرب = يـاالله ياقـادر عـلـى كــل قــادر
وصكـوا عليـنـا سربتـيـن تـذودنـا =هــذا مـوردهـا وهــذاك شـاهـر
زوبـع وعـبـدة ليا تصـافـوا بينـهـم =حريبهـم ضـاقـت عـلـيه المعـابـر
يامكرمـيـن الجار يـاغـش ضـدهـم=وسـاع العطـون ومدركيـن التفاخـر
يامدلهيـن الخـور بـأرض المخـافـة=ياجـاء نـهـار فـيـه وارد وصــادر
تسمع حسيس سيوفهـم فـي ظهورنـا=مثل خطـاة المـزن مـن نـوء ماطـر
وتشوف جثي الخيل مـن حـد ضربهـم =مثل خشـب سـدر مـع السيـل حـادر
والحقوا علي الطوعـات عيـال محمـد =مـن فـوق طفقـات المهـار العنابـر
يـذودنـا طـلـق اليمـيـن محـمـد = بشـعـث بتاليـنـا والـعـج غـابـر
ومعهـم مـن مواريـث ثابـت سريـة= رماتهـم ياكـلـون دكــة عسـاكـر
وصحنـا وقلنـا الخيـل يابيـص قلنـا = يابيص يابيـص الوغـي يابـن شاكـر
ورد عليهـم بيـص وأحمـر السمـاء = وراحـت فـروق الخيـل مثـل البواخـر
وصاحوا علينا صيحـة ترمـل النسـاء =ورحنا علي الطوعـات والكـون عامـر
تصـرخ هناديهـم بفـرسـان ربعـنـا = ويديـن بيـص قطعـن بيـد شـاطـر
وخليـنـا بـيـص بـريع المغـنـي = تمـره القطـعـان لاجــت صــوادر
عاشوا بنـي عمـي وعاشـوا رفاقتـي = أركو علـي كبـدي بحامـي المخاطـر
اللـي بحومـات الوغـي حولـوا بـنـا = وصرنـا لهـم اســرى والله خـابـر
وردوا عليـنـا خيلـنـا وأعتـقـونـا = بـي شيمـة منهـم وطيـبـة عنـابـر
ملنـا عليهـم ميلـة مــن خطـانـا =وأنــا عـلـي مـادبـرالله صـابــر
وردنـا الحليفـة تاركـيـن شيوخـنـا = فياض وحوشان ومحتمي الخيـل ناصـر
وخلينـا جـابـر والزنـاتـي عـبـدالله = والـله علـيـم بالخـفـي والظـواهـر
وحلفت ماجي دارهـم عقـب مامضـي =الأ نتـواجـه عـنـد رب الـمـغـاور
هــذا كــلام للشـريـف مـحـمـد =يذكـر فعـول ماضـي لــه بــوادر
وختامهـا صلـوا علـي سيـد الـمـلا =أعـداد مـن أذن بــروءس المنـابـر


هـذه القصيـدة يالعطونـي وهـذا هـو التاريـخ بلسـان الشريـف نفـسـه.......
وغزوة الشريف ليس تزييف بل واقع يعرفه الجميع وجحدك لها لايعني شي ابدا
ولاعرف لماذا تجحد تلك الغزوة هل هو استكار ان تفزع سنجارة لعبده !!!!
اما ان سنجارة اقل من ان تفزع لعبده او سبب ثالث لانعرفه .....
وقد قتل كثيرا من رجال سنجارة المجد في تلك المعركة بسبب فزعتهم لاخوانهم عبده
وهذا ليس كثير منهم بل واجب عليهم وليس غريب ايضا لانه حق يفرضه الدم والاخاء
ولكن الغريب والكثير ان ياتـي مـن يشكـك بذلـك ويقـول زور وليـس صحيـح
ويعـود ويقـول هـذا زور لان مـن جــدع الشـريـف لـيـس مـعـروف!!!!
فانني اقول لك لايهم من جدعه فان من جدعه من فرسـان شمـر كـأن مـن كـان..
المهم انه من فرسان شمر الابطال ولكن انكار الغـزوة كلهـا ومـن قتـل فيهـا ...
عمومـا سبـق الجـدل بهـذا الموضـوع حينمـا كـان اسـمـك الــرواي ....
***********************************************

.

[مشــــعل]

ياخوان

يعلم الله اننا قدر الامكان نحاول الابتعاد عن الامور التي تثير الحزازيات
وهما كانت هالامور لان بالاخير الطيب نبيه يعم شمر ولايخص ناس دون ناس

لكن سالفة تسمية الطنايا ياخوان والله معروفه
والسالفه بالضبط مثل ماذكره اخونا سلمان النبهان

وانا استغرب من اخوانا الي يقومون بتحريفه
الاوله ياخوان مناخ الشريف وعبده ثلاث شهور
هذا طيب لعبده ماهو ردا
لان زي ماشفتوا بالقصيده قبايل باكبره انكسرت قدام الشريف
مثل الدواسر وعتيبه ومطير

على العغموم ياخوان نرجوا ان يقفل على هالسالفه
لان المضايف اسمه مضايق شمر لا اسمه مضايف عبده ولاهي مضايف سنجاره

اخوكم مشـــــــعل الغفيلي

[المطنوخ]

ياجماعه والله ان الكلمه الحسنه تسمح الخواطر وتبعد كل انفعال

والله لو كانت مضايف شمر مايدخلها الا شمر تسان قلنا اعملوا وقولوا اللي تبونه مهنا شكه

لكن فيه قبايل ثانيه تدخل معنا

وان شافونا شمامره ومختلفين بتاريخ شمر وهذا اسلوبنا مادري بصراحه شيقولون

لكن يا اخوان عبدي سنجاري اسلمي

بالاوله اخوان

وبالثانيه شمامره

كونوا قدوة يا اخوان

فيه نقاش عندكم الرسايل الخاصه وزبدة النقاش جيبوه بهذا

وسلامتكم

[سلمان النبهان]

اهلا بالاخ مشعل والاخ المطنوخ يعطيكم العافية
انا ماعندي مشكله ابدا وشمر المجد واحد قلب وجسد
ولكن هناك من يحاول التشكيك بذلك بانكار الغزوة كلها
ويتعدى ذلك بان ينكر القصيدة التى سار بها الركبان ...
واذا كان هناك نصيحة بالابتعاد عن ذلك فهي لاخينا العطوني ..
شاكر ومقدر حرصكم الطيب على الاخاء والمحبة ..
*********************************************

[راعي الوقيد]

يامل عيني للشريف محمد = دمعه تهلهل من شفا الرأس حادر
غذينا الخيل من الفلا ليما أشتهن = من البر والحذا واللبس زين المصادر
وجرينا السبايا من الطايف والحرم = حلنا وحلينا بديار الدواسر
وهزنا بن حميد وعنا تنحو = كره لقانا سند النير ناير
وخذينا بوادي النير للصقور عزبه = صملان أهلها عقب الابلال غادر
وجينا على بعض القبايل وادبحوا = أقفوا وعرفوا بها حمران النواظر
وغرنا على طرش ٍ للسويطات بالحفر = خلينا الحوض المليان حاير
وهزعناه باليسرى على ديار شمر = مادبر المولى على العبد صاير
أدلينا بالديرة اللي اسمها بأسمهم = اهلها كرام بأيام حر المعاسر
ومناخنا للعبده تسعين ليلة = غربي بزاخه لاسقتها القواطر
لو ندنا هوش السناعيس قطر = تقطير دغلوبن نشت عنه المغادر
هاضوا مع بيص وهضنا بأثرهم = ولاجوا زغاريت البنات الجواهر
ومعهم لفتنا سربة ٍ زوبعية = ايلاوي مصارع خيلها كل نادر
اليا أقبلوا كالصواقع بالسماء =وأن صدروهن كاللقاح الصوادر
السربة اللي ماتناقل خيلهم = يردون حياض الموت ورد المخاطر
وعليهن من عيال الغفيلي سربة = وساع الطعون ومدركين المفاخر
وعليهن ذيب الخيل شايع يقودهم = ولهم مقامن بالجدود الأكابر
ومعهم من موارث ثابت سربه = دكاتهم بالكون دكت عساكر
ماتشوف ضرب سيوفهم بظهورنا = مثل خطات المزن من نو ماطر
حلوا بتالينا وأنقاد سرحنا = وايدي بيص قطعن بحد شاطر
صكوا علينا سربتين تذودنا = هذاك يوردها وهذاك صادر
زوبع وعبده ياتصافوا بينهم = عدوهم ضاقت عليه المعابر
صاحوا علينا صيحتين تنثر الدما = وخذوا نوادي الخيل والعج ثاير
خذوا نوادي خيلنا وأقرشوا بنا = رحنا على الطوعات والكون عامر
الخيل بالفرسان قامت تذودنا = ومن دور العيلات هذاك خاسر
جونا على الطوعات عيال المحمد = من فوق طفقات المهار العنابر
يذودنا طلق اليمين محمد = يشعث بتالينا والعج طاير
صاحوا علينا صيحتين ترمل النساء= يشيب به المولود وباقي التذاكر
علنا عليهم عيلتين من خطانا = وأنا على مقدر الله صابر
وتجاولنا بالجرع بأطراف موقق = وصارت علينا من كبار الكساير
وقمنا نتنخي كل قرم ٍ مجرب = يالله ياقادر على كل قادر
وتشوف جدع الخيل منا ومنهم = هشيم طلح ٍ جابه السيل حادر
قلت يابيص النيا أحتم ربعنا = يابيص يافرز الوغى يابو شاكر
رده عليهم بيص وأحمر السما = وغدت فروق الخيل مثل البواخر
ولاقاه جندح التجفيف وأعطبه = بشلفا تلظا بين الأضلاع ساعر
وتركنا بيص بريع المغني = تمره ليلة صدرها بالاكادر
وردنا الحليفة تاركين شيوخنا = فياض وهوشان ومحتمي الخيل ناصر
وخلينا جبار والزناتي عبدالله = بالتلعة اللي حصاها جفادر
عفيه بني عمي وجادوا رفاقتي = هل الشيمة العليا وساع البنادر
ردوا علينا خيلنا عقب قوة = شيمة عرب من مدلهين القصاير
وخلاف ذا ياراكبن عيدهيه = كنه جمل من عقب الأضراب فادر
تلفي بني عمي هل الجود والصخا = أشرف لفروع القبايل مصادر
أن نشدوك عن حالنا عطهم الخبر = ترى حلات العلم يأتي مبادر
سرنا ثم غرنا وصارت كسيرة = الرأس من كثر الهواجيس سادر
جادوا بنا شمر بغيبة رفاقتي = هل الشيمة العليا وساع البنادر
عزالله أني ما أنتويت لحربهم = مار الله اللي قدر الأمر قادر
حلفت ما أجي دارهم عقب مامضى = كود نتواجه عند رب المقادر
هذا كلام ٍ للشريف محمد = يذكر فعول ٍ ماضي له بوادر
هذا وصلينا على سيد البشر = عداد ماكبر بروس المنابر
قصيدة الشريــــــف !؟

[فقط]

لاهنت يالصيرمي

معلومات طيبه

[حمد العطوني]

الاخ النبهان

اخي أنا من البداية نصحت الكل ولا أعرف ماالذي أغضبك من نصيحتي وأوضح
الى كل من يقرأ هذا الموضوع الذي تختلف علية شمر فيما بينها
وبالأخص سنجارة قبل عبدة كما ذكرت في موضوعي السابق
وأذا انك تستشهد بما أوردته من هذة القصيدة
وعبدة تستشهد بما هو موثق كما أورده الدكتور عبدالله الصالح العثيمين
في كتاب نشاة أمارة ال رشيد في صفحة 32-33
وهذا ليس انا الذي أقوله حتى انك تقول ان العطوني مزور
ولا اعرف كيف هذه الألفاظ والطعن بحقنا يغض عنه النظر وليس من حقي على المشرفين السكوت على ذلك. اما القصيدة الموثقة كما ذكرنا في هذا السياق وهي كما يلي:


حصلنا جولات لديارشمر = غربي بزاخه لاسقته القواطر
تهيا لنا بالسنان بشناق موقق = مادبر المولى على العبد صاير
فاضو وفضنا وطاح منا ومنهم = بالمعركة والخيل مثل البيارد
معهم لفانا سربتن زوبعية = قبن يصارع خيلهم كل نادر
وجانا من وادي السناعيس سربة = كووا وانجضو بحاميات المخاطر
جونا الطنايا فوق جرد السبايا = حل الطراد وكتم العج كادر
لكن جضع الخيل بنحورخيلهم = هشيم طلح زفة السيل حادر
سناعيس ياما طوعو من قبيلة = بيمانهم دهم العروق السمادر
عزالله اني مانتويت حربهم = مير الله اللي قدر الأمر قادر
حلفت ماجي دارهم عقب مامضى = كود نتواجة عند رب المقادر

والقصيده اطول من ذلك ولكن نكتفي بما اورده المصدر نفسه

ومن مايستشهدون به عبده ان أتى عندهم عدة قلايع من خيل الشريف
كما هي معروفه بأسمائها مثل هدباء والضبي وربداء وغيرها من خيل الشريف عند عبده.


اخي بما ان عبده تقول هذا فكيف انك تقتنع بما اوردته

[راعي الوقيد]

[لوحة15]يالله حيهم[/لوحة15]

[حمد العطوني]

الاخ سلمان النبهان

اخي النبهان انا لايهمني غير الصحيح

[الصيرمي]

انتم ما خلصتوا من جدالكم اللي ما يودي نتيجه

ما كان موضوع نزلناوه كعكعكعكع

[سلمان النبهان]

الحقيقة انكِ بالعطوني مؤرخ كبير

[راعي الوقيد]

للأسف فقد دخلتوا بالموضوع الى منحى هو ابعد ما يكون عن النقاش

الجاد المفيد ..! والقريب من الجدال غير المثمر!!!؟؟

لذااااااااااااا !!!!

رأيت ان يتم إغلاق هذا الموضوع والوقوف بالنقاش فيه عند هذا الحد ،،،

دمتم بكل المودة والمحبة ،،،

ومشكور يالصيرمي على جلبكم الطيب:)

والسلام ...