أبو مقرن
07-05-2005, 19:04
:2:
هذا طالت عماركم..ركزت كوعي على رمّة.ن.مريتسي.ن.حاطينه بالحوش..يوم رحمة جدتي حية.ن.تشر صياني هالحويل عليه.. ووقت اللبن تبقل عليه..ويوم فطست ( الله يحلّه) مالقى من يقربه غير هالطيور اللي لهن مصاصاة.ن.عليه..
عاد وأنا على المركى..قام يفر هالشريّط وطرت علي لي أمور.ن.أنقد على روحي يوم أتفطن إني عملته أول..:d:
من هكالأمور:
(صدمة سيارة الضيف)
قدر الله علينا وجانا لنا ضيف<-- فرقى وجه.ن. يعد الضيفة مصيبة:242r:
عاد هكالحين أنا غلف.ن.وتوي متعلم.ن.السواقة..ومتخالطة.ن.بي الغشامة والطفاقة..بعمر.ن.أقرب
ماله المراهقة ولا الرشد عنه أبعد من مطلع الشمس عن مغيبه..المهم نخانن الوالد: ولدي إفزع
هات لنا العشاء..ماأتم الوالد هرجه إلا وأنا بغمارة
الجيب ومن أمس تسمع اشتغاله..وأنا إصيغ العقال لياما تلولس بحجاجي الأيمن..وأرقع المسجل على الآخررررررر:131r:
وباللي ماهدانن أزوي القير بالريوس..وأريوس بساع بزعمي حريف..آثري مطشية الضيف قفوي ولا انتبهت له وعلى
سرعتي بالريوس لياما تقرطست دعامية الجيب بجنب دتسن الضيف..ليا والله غادية.ن.لقمة...!!!
تعال عاد دورن..!:surprised
ليامار هذا الشايب طاير.ن.ماعده ياطى على القاع..والضيف والرجال اللي عنده متوتحين.ن.بوه ويبون يقهرونوه عني..:188r:
ليا والله زبدته(الله يطيل بعمره) تطاش وغاشية.ن.وجه<-- الله يلوم الله يلووووومه
ومااسمع إلا هاللعان وهالشتايم..! وأنا لك إنّس>>(الهرب بتخفي) مع الشويرع على رجليي وأزبن على العمة<-- أخبره تذلل الوالد الله يطيل بعمارهم:315r:
وهكالليلة إمرح عنده..وتجيب لي من هالكيكات اللي عاملاتهن بنيواته..وأنا ماغير لوف من صحون هالكيك وترشف من
كاسات هالشاهي..إشي منعنع..وإشي سادة..وبصراحة تمنيت لو هالضيف جاينا مبطي..لأني شفت بهكالليلة اللي ماعمري
شفته من الحشمة والتقدير<-- تقدير.ن.على صدمة سيارة الضيف (ألين ماقدرك عليه من يرفع الراس علمه)!:232r:
عاد أقول: هكالليلة غير شكل..والوالد والربع اللي عندوه..جابوا عشاهم وعينوا خير وزانت الأمور..واللي خلاه تزين
إن الضيف عيا على الشايب لايصلح مطشيتوه..والصدمة طلعت ماهي مكلفة.ن.بلحيل..خصوصا إن الضيف من اللي يوّن
البنك من كثر مايحشى بوه من هالسماويات<<<(أقصد الخمسميات)..بس مالوه تسبد.ن. على الضيفة..وحقّه وماجاه!
@@@
(مثلي مثل الحول اللي يبي يشرد من المدرسة..ودخل على المدير)
عقب سنة الضيف بأشهر تعدهن باليد الوحدة(يعني من الخمسة أشهر وجاي) وحنا مقيضين.ن.على عذفاء والناس
كل.ن.لاهي بحلالوه..تششششششششششش..السموحة تري مهي هذي السالفة::rolleyes:
أقصد بيوم.ن.من الأيام اللي حرهن يضرب بوه المثل..قيلت هالناس إلا أنا وهاللعين مبيتس.ن. على غاربي هالظهر
وساعة.ن.أدزوعي فوق السطح..ونوب.ن. أباري ظل هالساس رايح جاي..وهو يندغن هاللعين :188r:قال: إنت سواق هالحين
وشوارع سكاكا أتوقع إنك تدلهن كلهن ماشاء الله عليك..ولاينقصك ياطير شلوى إلا فرة.ن. من عند أبو صلهامة وتوريه
إنك سواق..وهو أكيد تبي تلقاه بظل هكالكينة اللي دزام بيتهم..
قلت: ألينك جبته..وهي يبدأ مفعول القرد..وأجيك أتسحب أدور المفتاح..فتحت الدروج اللي تحت التلفزون مابهن شين..دغفت
الثوب المعلق بالخزانة ليا ولله مابوه إلا فواتير مغاسل الريان<-- المغسلة اللي ليا فسدز الوالد يودي ملابسوه يمه
المهم نهج الوقت وأنا مالقيت شين..ياولله علاق الملابس عند راس الوالد..وهو له شخير.ن. الله يحفظه وياقاه والثوب يطرقه
ذعذاعي هالمكيف..قلت: بدت المغامرة..وأنا إحترف يم الثلاجة وآخذ هكالقوطي(باور هورس) وأن إتفه وإجيك مغير.ن.
على ثوب الوالد ..وتسحب شوي شوي..ومن فوق راس الوالد ويوم حطيت يدي بمخبا الثوب وأطلعت المفتاح ياولله
هكالشين اللي رفعن ورفس بي على راس الوالد<<(القرادة لعبت دوره يابعد حيي) ..وهو يفوع..وشووووووو هذا؟؟!!
يامار مايمدينن إنحاش ومجود.ن. يدي..
قال: لألهبوووووو كل تسلب.ن. مايدل مربضه..وهو يسل العقال ومنين يوجعك.. وضرب..وعلمي بروحي هكالساعة
ولا وعيت إلا وهو ينده علي من باتسر يدزعدن للمدرسة..!<<<ياحلو النومة ليا صرت مانت مشتهيه
عاد ومن هالمنطلق:
أهيب بالإخوة الزملاء(المقرد) أن يتجنبوا شر طوارق الليل والقوايل..لأن الفشل دوما مصير مثل هالعمايل!:001b:
@@@( دوحة ولد قصرانا )<<<تقل به ريح فلفل ..أو لا؟!
أقصد دبة جذع جيراننا..جانن المقرود (أخو قلعة)<<معه لو مصلاب.ن. يجرجروه وكل ماهذا مضروب.ن. بوه!
أقبل ليا والله ما تشوف وجهه من مسارد هالظفور..عاد أنا كل ماببالي..إنه مغير.ن. على بسة.ن. توّه مفرّخة..وهي اللي
مشوهة.ن. معالم خشته الصبوح!
خير يابن العم..وش علمك هلوون؟
قال:قضبت (فلحي) معوه له قوطي بيبسي وشقلاطة(سوداني أو هو يقول سفاري)<<التبست الرواية على الراوي
المهم يقول وأن أزمّه لياما تعدن مواطيه إذاني فوق..وأنا أصلقوه للقاع..ليا والله مندحلن.ن.إفموه من هكالريغا!
قلت: بعدي..إيه وبعدين؟:cool:
قال:مامدانن إفك القوطي الملوي..إلا هكالخدش اللي أظلن تقل سحابة..قال: ليه على هالوغيد؟
يقول قلت:يابن الحلال..أنا ماصيدي بس البيبسي يجيب الفشل الكلوي مع المدى البعيد..والشقلاط يلعب بسنونه...
وما أتميت هرجي..إلا وهو زاخن زختي لـ( فلحي)..وبرقت عيني هكالبرقة..ويوم وعيت جيتك وأبي فزعتك!
قلت: ألينك عرفت تختار..<<إمش يالغرور.. :257r:وأنا إسل هكالليور( حديدة.ن. تستخدم لفك شنبر الكفرعندما يفرغ من الهواء
ولكن وللأسف استخدمت في غير ماصنعت له..ومع الوقت صارت من لوازم الدفاع عن النفس..يعني الليور صار مهداد)
صوّت لأخو قلعة..قلت: يله إمش دزادمي يمهم..وورّن اللي ضربك!
وهو يقوم له حجلان.ن. دزامي..ياما وصلنا الساحة اللي دزام بيتهم..قلت: صوت لاآل فلحي..خلن أوريك السنع بهم!
جو (آل فلحي)..ياو لله فيلة.ن. عساهم مايعرضون للصديدز..ولاياقفون بدربه..
قال كبيرهم: خيررررر؟ وش عندك إنت بعد؟ تبي نعمل بك مثل هالغراب اللي مستفزع.ن.بك؟
ياولله يوم زرعت بربد..وغيّم جوووووي..ولامن مخلص.ن. من هالتيحة إلا بالحيلة. ماهم فيدين مناطح!:112r:
قلت: لا يالقصير..قدركم على الراس والعين..وأنا مقصدي من الجية..جيبة هالخسيس اللي مايقدّر حق الجار ولا يعرف
حرمة القصير..وأبي أعلّمه الأدب دزدامكم..لكي يكون عبرةً لكل من سار على هذا الطريق وانتهج هذا الاسلوب المشين!
(وهن يطرن عيووووون أخو قلعة:135r:..ويقوم يومي براسه مثل قولة.ن. مهو هذا اللي جينا من شانه)؟!
قلت: إمش إعتذر ياعديم المروءة لطيور شلوى..لا واللي رفع سبع.ن. وهبّط مثلهن..أرزّك بهالليور لياما يحنون الموتى عليك..
وهو يدندز..قال: أنا آسف..وأعدكم بعدم العودة لمثل هالأمور..وماتشوفون إن شاء إلا مايسركم.
قال كبير آل فلحي:
جزاك الله خير..وكثر الله من أمثالك..وهيك القصرااااااا ولا بلاش..!
قلت: لا والله بلاش أحسن..!
قال: وشوووو؟.............. قلت: ماتقهوون يمنا العصر بظل الكينة اللي دزام فوّال الجرة؟
قال: لا والله مرتبطين..وعندنا لنا كم عديم مروة.ن. مثل رفيدزك..نبي ننهج نغرّش وجيههم..!
قلت: جعل الله النصر حليفا لكم.. وأمدكم بعونه ونصره..
يله ياأخو قلعة..مشينا..وأن أتوتح بوه ونمر على دكّان(شذى) وأتدين منوه لوه لزقات جروح..
وننكس لكينتنا..وإقوم إفك وألزق على وجه أخو قلعة..ولا خليت إلا عيونه..منشان يدزدي ماطاه..
ويالربع..(ترو للقصير حق.ن. تسبير..خص.ن. ليا صار من القطع التسبير..اللي ليا أقبل ليا ولله بس لوه زوير):)
@@@
تحياتي..والمعذرة..على قضبة هالخط..وترو بوه لوه محطة.ن. به له قهوة..حوووولنا!:wavey:
هذا طالت عماركم..ركزت كوعي على رمّة.ن.مريتسي.ن.حاطينه بالحوش..يوم رحمة جدتي حية.ن.تشر صياني هالحويل عليه.. ووقت اللبن تبقل عليه..ويوم فطست ( الله يحلّه) مالقى من يقربه غير هالطيور اللي لهن مصاصاة.ن.عليه..
عاد وأنا على المركى..قام يفر هالشريّط وطرت علي لي أمور.ن.أنقد على روحي يوم أتفطن إني عملته أول..:d:
من هكالأمور:
(صدمة سيارة الضيف)
قدر الله علينا وجانا لنا ضيف<-- فرقى وجه.ن. يعد الضيفة مصيبة:242r:
عاد هكالحين أنا غلف.ن.وتوي متعلم.ن.السواقة..ومتخالطة.ن.بي الغشامة والطفاقة..بعمر.ن.أقرب
ماله المراهقة ولا الرشد عنه أبعد من مطلع الشمس عن مغيبه..المهم نخانن الوالد: ولدي إفزع
هات لنا العشاء..ماأتم الوالد هرجه إلا وأنا بغمارة
الجيب ومن أمس تسمع اشتغاله..وأنا إصيغ العقال لياما تلولس بحجاجي الأيمن..وأرقع المسجل على الآخررررررر:131r:
وباللي ماهدانن أزوي القير بالريوس..وأريوس بساع بزعمي حريف..آثري مطشية الضيف قفوي ولا انتبهت له وعلى
سرعتي بالريوس لياما تقرطست دعامية الجيب بجنب دتسن الضيف..ليا والله غادية.ن.لقمة...!!!
تعال عاد دورن..!:surprised
ليامار هذا الشايب طاير.ن.ماعده ياطى على القاع..والضيف والرجال اللي عنده متوتحين.ن.بوه ويبون يقهرونوه عني..:188r:
ليا والله زبدته(الله يطيل بعمره) تطاش وغاشية.ن.وجه<-- الله يلوم الله يلووووومه
ومااسمع إلا هاللعان وهالشتايم..! وأنا لك إنّس>>(الهرب بتخفي) مع الشويرع على رجليي وأزبن على العمة<-- أخبره تذلل الوالد الله يطيل بعمارهم:315r:
وهكالليلة إمرح عنده..وتجيب لي من هالكيكات اللي عاملاتهن بنيواته..وأنا ماغير لوف من صحون هالكيك وترشف من
كاسات هالشاهي..إشي منعنع..وإشي سادة..وبصراحة تمنيت لو هالضيف جاينا مبطي..لأني شفت بهكالليلة اللي ماعمري
شفته من الحشمة والتقدير<-- تقدير.ن.على صدمة سيارة الضيف (ألين ماقدرك عليه من يرفع الراس علمه)!:232r:
عاد أقول: هكالليلة غير شكل..والوالد والربع اللي عندوه..جابوا عشاهم وعينوا خير وزانت الأمور..واللي خلاه تزين
إن الضيف عيا على الشايب لايصلح مطشيتوه..والصدمة طلعت ماهي مكلفة.ن.بلحيل..خصوصا إن الضيف من اللي يوّن
البنك من كثر مايحشى بوه من هالسماويات<<<(أقصد الخمسميات)..بس مالوه تسبد.ن. على الضيفة..وحقّه وماجاه!
@@@
(مثلي مثل الحول اللي يبي يشرد من المدرسة..ودخل على المدير)
عقب سنة الضيف بأشهر تعدهن باليد الوحدة(يعني من الخمسة أشهر وجاي) وحنا مقيضين.ن.على عذفاء والناس
كل.ن.لاهي بحلالوه..تششششششششششش..السموحة تري مهي هذي السالفة::rolleyes:
أقصد بيوم.ن.من الأيام اللي حرهن يضرب بوه المثل..قيلت هالناس إلا أنا وهاللعين مبيتس.ن. على غاربي هالظهر
وساعة.ن.أدزوعي فوق السطح..ونوب.ن. أباري ظل هالساس رايح جاي..وهو يندغن هاللعين :188r:قال: إنت سواق هالحين
وشوارع سكاكا أتوقع إنك تدلهن كلهن ماشاء الله عليك..ولاينقصك ياطير شلوى إلا فرة.ن. من عند أبو صلهامة وتوريه
إنك سواق..وهو أكيد تبي تلقاه بظل هكالكينة اللي دزام بيتهم..
قلت: ألينك جبته..وهي يبدأ مفعول القرد..وأجيك أتسحب أدور المفتاح..فتحت الدروج اللي تحت التلفزون مابهن شين..دغفت
الثوب المعلق بالخزانة ليا ولله مابوه إلا فواتير مغاسل الريان<-- المغسلة اللي ليا فسدز الوالد يودي ملابسوه يمه
المهم نهج الوقت وأنا مالقيت شين..ياولله علاق الملابس عند راس الوالد..وهو له شخير.ن. الله يحفظه وياقاه والثوب يطرقه
ذعذاعي هالمكيف..قلت: بدت المغامرة..وأنا إحترف يم الثلاجة وآخذ هكالقوطي(باور هورس) وأن إتفه وإجيك مغير.ن.
على ثوب الوالد ..وتسحب شوي شوي..ومن فوق راس الوالد ويوم حطيت يدي بمخبا الثوب وأطلعت المفتاح ياولله
هكالشين اللي رفعن ورفس بي على راس الوالد<<(القرادة لعبت دوره يابعد حيي) ..وهو يفوع..وشووووووو هذا؟؟!!
يامار مايمدينن إنحاش ومجود.ن. يدي..
قال: لألهبوووووو كل تسلب.ن. مايدل مربضه..وهو يسل العقال ومنين يوجعك.. وضرب..وعلمي بروحي هكالساعة
ولا وعيت إلا وهو ينده علي من باتسر يدزعدن للمدرسة..!<<<ياحلو النومة ليا صرت مانت مشتهيه
عاد ومن هالمنطلق:
أهيب بالإخوة الزملاء(المقرد) أن يتجنبوا شر طوارق الليل والقوايل..لأن الفشل دوما مصير مثل هالعمايل!:001b:
@@@( دوحة ولد قصرانا )<<<تقل به ريح فلفل ..أو لا؟!
أقصد دبة جذع جيراننا..جانن المقرود (أخو قلعة)<<معه لو مصلاب.ن. يجرجروه وكل ماهذا مضروب.ن. بوه!
أقبل ليا والله ما تشوف وجهه من مسارد هالظفور..عاد أنا كل ماببالي..إنه مغير.ن. على بسة.ن. توّه مفرّخة..وهي اللي
مشوهة.ن. معالم خشته الصبوح!
خير يابن العم..وش علمك هلوون؟
قال:قضبت (فلحي) معوه له قوطي بيبسي وشقلاطة(سوداني أو هو يقول سفاري)<<التبست الرواية على الراوي
المهم يقول وأن أزمّه لياما تعدن مواطيه إذاني فوق..وأنا أصلقوه للقاع..ليا والله مندحلن.ن.إفموه من هكالريغا!
قلت: بعدي..إيه وبعدين؟:cool:
قال:مامدانن إفك القوطي الملوي..إلا هكالخدش اللي أظلن تقل سحابة..قال: ليه على هالوغيد؟
يقول قلت:يابن الحلال..أنا ماصيدي بس البيبسي يجيب الفشل الكلوي مع المدى البعيد..والشقلاط يلعب بسنونه...
وما أتميت هرجي..إلا وهو زاخن زختي لـ( فلحي)..وبرقت عيني هكالبرقة..ويوم وعيت جيتك وأبي فزعتك!
قلت: ألينك عرفت تختار..<<إمش يالغرور.. :257r:وأنا إسل هكالليور( حديدة.ن. تستخدم لفك شنبر الكفرعندما يفرغ من الهواء
ولكن وللأسف استخدمت في غير ماصنعت له..ومع الوقت صارت من لوازم الدفاع عن النفس..يعني الليور صار مهداد)
صوّت لأخو قلعة..قلت: يله إمش دزادمي يمهم..وورّن اللي ضربك!
وهو يقوم له حجلان.ن. دزامي..ياما وصلنا الساحة اللي دزام بيتهم..قلت: صوت لاآل فلحي..خلن أوريك السنع بهم!
جو (آل فلحي)..ياو لله فيلة.ن. عساهم مايعرضون للصديدز..ولاياقفون بدربه..
قال كبيرهم: خيررررر؟ وش عندك إنت بعد؟ تبي نعمل بك مثل هالغراب اللي مستفزع.ن.بك؟
ياولله يوم زرعت بربد..وغيّم جوووووي..ولامن مخلص.ن. من هالتيحة إلا بالحيلة. ماهم فيدين مناطح!:112r:
قلت: لا يالقصير..قدركم على الراس والعين..وأنا مقصدي من الجية..جيبة هالخسيس اللي مايقدّر حق الجار ولا يعرف
حرمة القصير..وأبي أعلّمه الأدب دزدامكم..لكي يكون عبرةً لكل من سار على هذا الطريق وانتهج هذا الاسلوب المشين!
(وهن يطرن عيووووون أخو قلعة:135r:..ويقوم يومي براسه مثل قولة.ن. مهو هذا اللي جينا من شانه)؟!
قلت: إمش إعتذر ياعديم المروءة لطيور شلوى..لا واللي رفع سبع.ن. وهبّط مثلهن..أرزّك بهالليور لياما يحنون الموتى عليك..
وهو يدندز..قال: أنا آسف..وأعدكم بعدم العودة لمثل هالأمور..وماتشوفون إن شاء إلا مايسركم.
قال كبير آل فلحي:
جزاك الله خير..وكثر الله من أمثالك..وهيك القصرااااااا ولا بلاش..!
قلت: لا والله بلاش أحسن..!
قال: وشوووو؟.............. قلت: ماتقهوون يمنا العصر بظل الكينة اللي دزام فوّال الجرة؟
قال: لا والله مرتبطين..وعندنا لنا كم عديم مروة.ن. مثل رفيدزك..نبي ننهج نغرّش وجيههم..!
قلت: جعل الله النصر حليفا لكم.. وأمدكم بعونه ونصره..
يله ياأخو قلعة..مشينا..وأن أتوتح بوه ونمر على دكّان(شذى) وأتدين منوه لوه لزقات جروح..
وننكس لكينتنا..وإقوم إفك وألزق على وجه أخو قلعة..ولا خليت إلا عيونه..منشان يدزدي ماطاه..
ويالربع..(ترو للقصير حق.ن. تسبير..خص.ن. ليا صار من القطع التسبير..اللي ليا أقبل ليا ولله بس لوه زوير):)
@@@
تحياتي..والمعذرة..على قضبة هالخط..وترو بوه لوه محطة.ن. به له قهوة..حوووولنا!:wavey: