ياويش ورعين يغثون رجال

[الخلاوي]

.

السلام عليكم

هذا لغز للشاعر / عبدالله بن صالح الاطرش



ياويـش ورعين يـغـثـون رجـال=

صـارت وظيفتهم لحفظ الثمينا

تزوجوا بـنتين للرجـل بـالحال=

خمس وثـلاث عيالهن للفطينا



وسلامتكم

.

[غيم الشمال]

صح لسانك يالخلاوي
عندي رمعه ابي اركبها على اللغز غصب
وشرايك بالشريان والوريد (الورعين)والدم(الثمينا)والقلب(الرجال)
البنتين (كريات لدم الحمراء والبيضاء)
وفصائل الدم (الثمينا)-b -a -o -ab و+b +a +o +ab (وعددهن ثمانيه)
وهن عيالهن
ودمتم

[سلمان النبهان]

تسلم يالخلاوي ورمعتي (( النظارات )) يعطيك العافية .

[الخلاوي]

هلا والله - باخوي غيم الشمال

ورمعة طيبه من طيب

لكن ....... الشطر الاول يقول ( ياويش ورعين يغثون رجال )

للاسف .... مالك لوى

[الخلاوي]

أهلا بك

أخي .. سلمان النبهان

ماعليش السؤال عن ورعين .......؟

وتسلم

.

[راعي الوقيد]

هلا والله بالخلاوي

وصح لسانك ولسان الشاعـــــر

الا عـــزوتـــي الصلاة هي له علاقة بالموضوع او ابعـــــــد عنــه:)

رمعة تستحي منه بـــــــــدهـ << بس عقب ردك

سلام

[الخلاوي]

هلا بك -- راعي الوقيد

لعيناك ...... ماله علاقة ن .... بالصلاة

وهذي حلاة اللغز .... مراميع ماتخطر على البال

وبانتظارك اخوي

.

[حمود الشمري]

الخلاوي تسلم على الغز

وسلم عليك فارس الجاسم يقول

غربنا شوي

[مستور]

صــح لـسـاااااااانك ولــسااااااان الأطــرش
والضاهر اني صـدته
الورعين (ســبــوق الــطـيــر)
الزوجتين( رجــلــيـن الـطـيـر )
اعيالهن( الاصـابـع ومـجـمـوعـهـن ثـمـان )
وتقبل تحياتي

[الخلاوي]

هلا بك اخوي - حمود الشمري

وتسلم ... ويسلم فارس الجاسم

ماادري ..... قصدك توضيح

ولكن الظاهر انه انتهى

وحياك الله

.

[الخلاوي]

هلا -- اخوي -- مستور

الله يستر عليك

صح لسانك ( سبوق الطير ) أو ( مسابيق الطير )

وشرح وافي ... الله يسلمك