مساجله مع خيّتي

[الأصيل]

السلام عليكم

........................

بالخير ياعيال ..كلن باسموه:goooood:


عندي حدا خواتي يقال له ( أم صالح ) .. وهي أكبر مني بسنه وحده

وبيني وبينها مساجلات مرحه وفكاهيه

وكل ماسيرت عليهم ( وصوووول للرحم ):rolleyes:

كل ماسيرت عليهم .. تتولجن

إنت شايب ،، ونت صوابرك بيض وراسك أبيض:c:

وقصدت بي قصيدة تعيرن بالشيب :188r:

ماسمعت بقصيدة بتهوفن اللي يقول بمطلعه ::eek:

عيرتني بالشيب وهو وقار .. ياليتها عيرت بما هو عار


قلت يابنت الحلال .. عيني خير

لاتنسين إنتس أكبر مني ..

قالت : بس أنا راسي أسود

قلت .. الله يخلي هالأصباغ ( أصفر وأحمر وفسفوري ):315r:

قالت .. والله إني ما أصبغ

قلت : وجهتس على الشيب ..جايتس جايتس

قالت : عسى اللي جاك مايجيني

( عاد هي قبل شهر دزت لي قصيده تشتكي من الشيب )

قلت .. المهم لاتستفزيني ،، تراني ماني قليل شر

قالت : افسر عن ذراعك

قلت : أنا اخوالعيال ( كنايه عن ثورة الغضب ):151r:

قالت : أنا أخت الأصيل أبوثوب :biggrin:

قلت : عليتس مردود النقا

قالت : عليك مثلوه

قلت : تراني أعرف من وين تؤكل الكتف

قالت .. ونا أعرف من وين توكل الضلوع:d:

قلت : ماعنه ؟؟

قالت : ماعنه

قلت : تعوذي من ابليس .. ترا أهلتس مهم أهل شر

قالت : جاك العلم

عاد هي متزوجه من عشرين سنه من ابن عمن لي .. وشاعر من العيار الثقيل

قلت .. افرشي شليلتس ( كنايه عن بداية المعركة ):thumb:


وهي لك تهيض قريحتي

قلت : يالقريحه .. اهجدي

قالت أبد .. ترن هضت

قلت .. مهو الحين .. عقب الغدا

قالت : لله ...

عاد تعرفون لاهاضت قريحة أبو ثوب ... يصير .. تسونامي الأصيل:a:

ولايخفاكم ماجرى إذا زعل أبوثوب

والشاهد سالفة ( الانتقام ) اللي بالفله ... فليرجع لها ...:359r:






سار القلم والخط واضح ومـسطـــور=مضــبوط بالميــــزان ذره بــذره

متوجهن للــي بـــه القلـــب مفــطور=اللي طريق الشــيب قــرب يمره

يالمبدعــه بالشـعـر قيفــان وشطـور=موالهـــا ( مــن حــر مابـــه ) تجره

ماجــاتس حــق وللمـخاليــق مــمـرور=ونا أدري انه مايجيب المــسـره

ماعابني ون لاح في عــارضــي نور= مادام عرضي ماذكــر به مضره

تسطع كــما حــب البــرد تــو منثـور=أو لمعة الأصداف في وسط دره

يابنت : لو شيــبت مانــي بمخطـور=ولا خفت من جــره تبــدل بجره

لكن أخاف أن أبــوصالح على الفور=لاشاف شيبتس جاب بالبيت ضره

بنت(ن) على تســعة عشر تشبه الحور=الله على تبديل حــلــوه بــمــره

لاياعــجــوز الشــر ماظـل لـتس دور=أقفى الربيع وجاتس صيفتس وحره

لامن طريت العـرس كـنتس بـتـنــور=حره على قلب العواجيــز حره

الشرع شرع الله ولا فـيـه محـذور=والكـــره الأولــى تعيــده بكـره

دارن بدل دارن ودورن بــدل دور=وحرمه على حرمه وغره بغره

لايابو صالح هاك من راسي الشور=لــــله در العـــــــرس للــه دره

عشرين عام تزيد أو تنقص شهور=لـــو إنـــها كالأم .. أوفــيت بِـره

جدد شبابك عيش بافراح وسرور=واللي مضى أقفى بخيره وشره





وسلامتكم وسلامة الحاضرين والمشاهدين والمستمعين :goooood:


****************************

استراحه

***********************
ياشينين وشنوحكم

يادخلت المضايف

أقرا الاهداءات ( البليه اللي يقلب لحالوه ):eek:

فلان يهدي لفلان

وفلان يهدي ويسلم على فلان

وأبي أشوف اسمي

الحين يطلع .. شوين يطلع ...

يمار .. ماش :359r:




عاد .. الله عطاكم 32 ساعه

يا إن ماشفت اسمي

وربي ... لاعلم عليكم خالي أبو غازي:315r:

وتعرفون شغل المخاطر:g:









قظى الموضوع:biggrin:

[سلطان الشمري]

انا هالحين بشانن بعمري مادري انا ارد عليك بهذا


او انهج للاهداءات وامسطك بلك كم اهداااااااء :)


لكن والله صح لسانك بس تسنك ( شويت ) ام صالح شوي

حرام عليك الحين طاق به عردز .. :(

والله انك رايق بس وشنوحك ما جبت قصيدته اكيد انك خايف انه تاكل الجو عليك :)


اعترف اعترف ./ والا انا باكلم ابو صالح واجيب القصيده للشباب :)



تشكراتي الاصيل لروحك الجميله


وانقز للاهداءات ابي اهدي لك



يعنني ماقريت موضوعك :) وانت كنك مادريت

تشششششاو

[شموخ]

يامشاء الله لاشابت تزوجتوا عليها :mad:وانتم لاشبتوا تمدحون انفسكم بعد :)

محد باخذ الشياب تريحوا ولا تقاشرون عجايزكم مردكم لهن :)


تسلم يالشويب على هالقصيده الحلوه بس نصيحتك لولد عمك ياوجه الله تروووع :)

تحياتي
شموخ

[سرحــان]

الاصيل


صح لسانك


وعقب هالقصيده لا تسير .


الاصيل ماتقولي قصيدة ام صالح وينهي هـذي مساجله هاته كامله


لاهنت والله يالغالي عزالله انك ماقصرت


تقبل تحياتي

[المطنوخ]

حسبي الله على المضيف النبطي

ماجب فيك العيد الا هالمضيف

((نطالب بتسكيره للاضرار المعنويه))

يابوثوب عين خير ارثعت بأم صويلح

هو صحيح انها جازت لي القصيده

اي على طاري القصيده نسيته يافلان:)

صح لسانك <<غفر هم:)

اقول والله انها جازت لي بالحيل

ياواشيب عيني هالحين وش يرد ابوصالح عن ام تسعطعش؟:)

بس تدري وشلون

والله ياهي هيضة قريحة ماحصلتش

==

اما للأهداءات

ياخوي ماش اكتني وياك من المغضوب عليهم

الله يجيرك تالي الوقت ماقمت اراعي للأهداءات

أيست من اسمي يطلع

يالله يالله ان واحدن يسوي نسخ للموجودين ويلصدزه بالاهداءات

اقول ارسلي وارسلك:)

والله مادري يمكن ارجع او ما ارجع

فليباركك الرب:)

[الونش]

هههههههه

صح لسااانك يابو الاصاايل



ايه عليك بهالعجز هاللي متولجاتنا بالشيب لياشافن لهن شعيرتن بيضاء قامن يعيرنا :a::biggrin:


مابعد هالقصيده شي :thumb:

وبالنسبه لرد العجيز خلوه عنده مانبي تنكيد :p:



الاصييييييييييل













اريت انت تاعى الكسوف :)







اقووول فكن من شرك :7ayyoh:

[احمد الهاجرى]

الاصيل صح السانك


وعندك اياهن


لا وقل لنسيب اذا بتزوج عندي له عا نيه طيبه

[الأصيل]

نبراااااااااااااااااااااااااااس

يابعدي إنت :goooood:

والله إني قمزت للاهداءات


((اجمل واحسن واروع واطلق وافضل واحلى تحيه وسلام لأخوي الاصيل

<<هذا عشان موضوع الفله ابو الاصايل))

أفييييييييييييييييييييييييييييييييه

ياملا والله طاست اللبن الباااارده:315r:

اللي عقب غدا خويريف ... بالشنان:p:

ماعليه ألا أنا ونت وتسم واحد من الغالين:tongue:

...................

أما أم صالح .. فهي اللي شوتن شوي

وبيني وبينك ،، وبينك وبيني .. أنا ماجبت قصيدته

علشان ماتاكل الجو علي :thumb:




لاتدقق ياخوي .. خلنا نعيش:goooood:



وأحلى تحيه لك

وتشكراتي على الاهداء







( الظاهر إن المخطر جاب نتيجه):d:
















شموخ ..

ياخاله .. إنتي فازعتن لبنات حواء :rolleyes:

ولا تدرين وش قالت وش عملت


وبعدين أنا ماني شويب

أنا شباب .. بس شعر راسي بوه بياض:biggrin:



وعساتس سالمه



وشاكرين لتس مرورك وتعليقك المرح ..















سرحان ..

أبشرك قطعت الزياره ..:359r:



وبعدين ياخي .. وش تبي بقصيدة أم صالح

مابه ألا اللي يعكر صفو الشباب ( أمثالي ):315r:



خله

تستاهل





وتحيتي لك ولمرورك البهي







سمي الذيب :

وين الاهداااااااااااااااااااء:188r:














طنخاااان

حيا الله أخو طنخه

ياولد .. إنت وشعلمك على المضيف النبطي

يابن الحلال لاتجيب طاريهم هنا ألا بالخير :eek:

ترا بوه دبابيس ( عيون ) جواجيس ( مخابرات ):a:

ينقلون أي شيء ضد مضيف الشعر

وعندها راح يكون جزاءك : قصيده من خمس شعراء

وشاعرتين

نوع : هجاء حاد .. مخلوط بمايونيز :biggrin:



( على طاري القصيده ) صح بدنك ( تو الوقت ):c:


وأهم شي إن القصيده جازت لك

وأما الاهداءات

حول شوين










والله يافلان .. ماجربت ولاأدري شلون يحطونوه:eek:

اللهم .. شفت لي بليه مكتوب عليه : هنا الاهداء

لكن

ابعد عن الاهداء وشجرتوه:359r:



واحلى تحيه لابو زبوووون:goooood:












الونش

صح بدنك يابعدي

وأهم شي انك انبسطت من القصيده

لأنه بصراحه تبرد التسبد

يافلان .. ذبحننا هالعجز

خل الواحد يتشبب:315r:


وأما


الكسوف

فـ






خل المستور مستور :puzzled:



وتحيه لأغلى ونش بالشرق الأوسط:d:













حيا الله الهاجري

وصح بدنك يالغالي



أنا من زمان شان حمله على بنات حواء

ونحتاج لمساندتك :thumb:


وأما العانيه ..

فتكفي مشاركتك هنا يابعدي

[الـمـحـروووم]

لله درك يابوثوب



لكن تكفى يابوثوب
أنا داخلن على الله ثم عليك
تحقق الطلب اللي طرشته لك على الخاص
خل الشفايه يحترقون

[هايس الشمري]

خيره و شره


الله الله


صح لسااااااااااااانك يبو ثوب


اخوك


الذيب

[راعي الوقيد]

قضـــــــــــــت:eek:

شنووووووووحك هالسرع اعوذ بالله تقل ملحووق:18_3_110:

بعدين تعال:)

وين قصيدة الاخت الطرف الآخـر من المساجلة:puzzled:

اخاف انك:475r:مفلفله

او انك جحدته:0062:

طرت علي مساجلة الفصيــــــــــــــــح :p:

الأصيـــــــــــــــــــــــــــــــــــ ــل !!

راااائـــــــــــــــــــع ،، ومبــــــــــــــــدع ،، الله يستــــــــــــر عليــــــــــــك

تقبـــــــــــــــل التحيـــــــــــــــــــــة ،،،

والسلاااااااااااااام ...
..

[صلفيق ابو قناة]

صح لسانك ودام هطولك و و ..... عجست أكمل أوا حلولات ياحتسي فيدين النبطي:thumb:

سار القلم..............

سار القلم يعقاب بالحبر سارا:)

آخر من كتب بهالمشد نمر بن عدوان الله يرحمه سنة 1902م:)

لا ظلمتك بتهمة الكبر هالأجوديه:)

يا ملا العافية على هالقصيدة الخاثرة والي نبي نحفظه وكل ما دبلت تسبد الواحد منا أخت أو خالة أو عمة نجحمه بهالقصيدة بعد ما نغير اسم أبو صالح لأسم حليله:)

[بو رائد]

تسلم يمينك ياالاصيل ويسلم بنانك قصيده مانا حلوه لكن ترن ماطيع
في بنات مخينق يخي حليلات وصابراتن على هالغثاء والكسوفه باطراف
رفحا والعويقيله وزهوه نبي الرديه مالك عذر لازم تجيبه بعد حيي سلمت
يا الغالي

[المشرف العام]

قال مساجله . . :)

اي مساجله ، وانت ضاربها باسلحة الدّمار الشااااامل :)


اعوووذ بالله ماتنحااارش يابووو ثوب

صح لسااانك


وتسلم على هذا النّظم الفريد


بس . .

ابو نسب قلت انّه شاعر :) وليه ماردّ عليك وإلاّ خايف من قرارات هيئة الأمم المتّحده http://www.shmmr.net/vb/smiles/014.gif

[ابو غازي]

الأصيل ا لسلام عليكم

.......

بالخير ياعيال ..كلن باسموه:

سار القلم والخط واضح ومـسطـــور=مضــبوط بالميــــزان ذره بــذره

عزالله انه قلم ذهبي ياخال

بنت(ن) على تســعة عشر تشبه الحور=الله على تبديل حــلــوه بــمــره

لاياعــجــوز الشــر ماظـل لـتس دور=أقفى الربيع وجاتس صيفتس وحره

لامن طريت العـرس كـنتس بـتـنــور=حره على قلب العواجيــز حره

الشرع شرع الله ولا فـيـه محـذور=والكـــره الأولــى تعيــده بكـره

حقوغصب بعد من وراء خشومهن
عشرين عام تزيد أو تنقص شهور=لـــو إنـــها كالأم .. أوفــيت بِـره

جدد شبابك عيش بافراح وسرور=واللي مضى أقفى بخيره وشره


وسلامتكم وسلامة الحاضرين والمشاهدين والمستمعين


لام الله الي يلومك أنت وابو صويلح :

خااااالي انت مالاحظت هالدواوووير صايرات ن كشخه :g:
05-05-2005, 18:08 :359r:

:135r: هن وشلون تجمعن ههههههههههههههههه :p:

ابو ثوب ... عزالله انك توشخلته ونشفت ريقه أم صويلح :( ولاوالله تنازلك أبد :p:

صح لساااانك ألف ياخال :

[أبو مقرن]

الشاعر القدير والكاتب الذي لايشق له غبار: الأصيل
الله يعلك بالعافية اللي تلمعك بالجبهة ياإنت متطوحن.ن. وراك قطعة أمتار:452r:
قصيدة من العيار الثقيل..وأبيات قلّ أن نجد لها مثيل..فكل التقدير للعذب الأصيل..
بس ترك تقول مساجلة..:tongue:
يعني..الله لايهينك..لازم تتحف مضيف الفلة بردّ (أم صالح)..:)
***
يقصر عن مقامك الحتسي..وتتبعثر دون منزلتك الكلمات..
وياليتك..ماحديت من صلاحياتي..بهكالسالفة..:smooch:
***
تحياتي..وأدامك الله لمن تحب..:thumb:

[الأصيل]

لله درك يابوثوب



لكن تكفى يابوثوب
أنا داخلن على الله ثم عليك
تحقق الطلب اللي طرشته لك على الخاص
خل الشفايه يحترقون

المحرووووم

مثل ماقلت لك بالرساله الخاصه ( لاتعلم أحد ):d:

خل الشفايه ... يولعووووون:188r:


على خشمي

بس عطن مهله

علشان نضبط الطبخه:315r:

وبعديت أقول لك : سم على عشاااك ( شفره ):biggrin:

[الأصيل]

خيره و شره


الله الله


صح لسااااااااااااانك يبو ثوب


اخوك


الذيب

صح بدنك يالذيب

شرفتنا بالمرور

عسى جازت لك هالهجوميه :315r:

[الأصيل]

قضـــــــــــــت:eek:

شنووووووووحك هالسرع اعوذ بالله تقل ملحووق:18_3_110:

بعدين تعال:)

وين قصيدة الاخت الطرف الآخـر من المساجلة:puzzled:

اخاف انك:475r:مفلفله

او انك جحدته:0062:

طرت علي مساجلة الفصيــــــــــــــــح :p:

الأصيـــــــــــــــــــــــــــــــــــ ــل !!

راااائـــــــــــــــــــع ،، ومبــــــــــــــــدع ،، الله يستــــــــــــر عليــــــــــــك

تقبـــــــــــــــل التحيـــــــــــــــــــــة ،،،

والسلاااااااااااااام ...
..

إي والله قظت ياراعي الوقيد:goooood:

تخبر .. يقولون : خير الحتسي ماقل ودل :d:



بعدين .. وش تبي بالطرف الآخر ؟؟؟


ماعنده الا اللي يزعج الشيبان ( أمثال بعض الناس ):359r:


وبعدين يخي

عندكم مساجلات بالفصيح ... روووووعه

يمكن أسير عليكم هاليومين:315r:
وأحلى تحيه لك ولمرورك ياعزيزي

[الأصيل]

صح لسانك ودام هطولك و و ..... عجست أكمل أوا حلولات ياحتسي فيدين النبطي:thumb:

سار القلم..............

سار القلم يعقاب بالحبر سارا:)

آخر من كتب بهالمشد نمر بن عدوان الله يرحمه سنة 1902م:)

لا ظلمتك بتهمة الكبر هالأجوديه:)

يا ملا العافية على هالقصيدة الخاثرة والي نبي نحفظه وكل ما دبلت تسبد الواحد منا أخت أو خالة أو عمة نجحمه بهالقصيدة بعد ما نغير اسم أبو صالح لأسم حليله:)

أبوقناة ...

يابن الحلال .. حنا وين ،، ونمر بن عدوان وين :315r:

( احفظ القصيدة .. وغير اللي يحتاج تغير .. وعندك إياهن ):biggrin:

ألا وش رايك ..

لو يحطون هالقصيدة ضمن منهج وزارة التعليم

من شان يحفظونه الوغدان من نعومة أظفارهم:eek:

لأنهم راح يحتاجونه بالمستقبل :thumb:







تعليقك هنا أحسن وأزين من فيدين الشعر الشعبي والفصيح:goooood:

[الأصيل]

تسلم يمينك ياالاصيل ويسلم بنانك قصيده مانا حلوه لكن ترن ماطيع
في بنات مخينق يخي حليلات وصابراتن على هالغثاء والكسوفه باطراف
رفحا والعويقيله وزهوه نبي الرديه مالك عذر لازم تجيبه بعد حيي سلمت
يا الغالي


الله يسلمك يابورائد

مثل ماقلت .. هن حليلات وصابرات

لكن ( خيتي ) الله يرضا عليه

ماتقظب القاع:biggrin:



وأما الرديه


أحاول إني أجيبه ( لأن هالمساجله قبل سنه ):eek:

وتحيتي لك ياعزيزي ..:goooood:

[الأصيل]

قال مساجله . . :)

اي مساجله ، وانت ضاربها باسلحة الدّمار الشااااامل :)


اعوووذ بالله ماتنحااارش يابووو ثوب

صح لسااانك


وتسلم على هذا النّظم الفريد


بس . .

ابو نسب قلت انّه شاعر :) وليه ماردّ عليك وإلاّ خايف من قرارات هيئة الأمم المتّحده http://www.shmmr.net/vb/smiles/014.gif

حيا الله المشرف العام

أبرك الساعات اللي جابتك

لو ندري .. تسان كل يوم نقصد قصيده علشان تشرفنا بالفله:goooood:



وعسى الله يسلمك وصح بدنك ..



وأما أبو نسب ( ماشاء الله عليك ،، ملاحظتك دقييييقه ):thumb:


فالحقيقه المره


إن خيتي يوم عطيته القصيده .. تسمته :151r:،، ولا علمت النسيب

وهي لك تعزمن على خويريف على كيف كيفك ( رشوه ):315r:

قالت .. طالبتك .. لاتعلم أبو صالح:biggrin:

ووالله العظيم .. إنوه مايدري بالقصيدة لساعة الله هذي:eek:


( إن كيدهن عظيم ):d:




وألف شكر على تعليقك ...

[الأصيل]

الأصيل ا لسلام عليكم

.......

بالخير ياعيال ..كلن باسموه:

سار القلم والخط واضح ومـسطـــور=مضــبوط بالميــــزان ذره بــذره

عزالله انه قلم ذهبي ياخال

بنت(ن) على تســعة عشر تشبه الحور=الله على تبديل حــلــوه بــمــره

لاياعــجــوز الشــر ماظـل لـتس دور=أقفى الربيع وجاتس صيفتس وحره

لامن طريت العـرس كـنتس بـتـنــور=حره على قلب العواجيــز حره

الشرع شرع الله ولا فـيـه محـذور=والكـــره الأولــى تعيــده بكـره

حقوغصب بعد من وراء خشومهن
عشرين عام تزيد أو تنقص شهور=لـــو إنـــها كالأم .. أوفــيت بِـره

جدد شبابك عيش بافراح وسرور=واللي مضى أقفى بخيره وشره


وسلامتكم وسلامة الحاضرين والمشاهدين والمستمعين


لام الله الي يلومك أنت وابو صويلح :

خااااالي انت مالاحظت هالدواوووير صايرات ن كشخه :g:
05-05-2005, 18:08 :359r:

:135r: هن وشلون تجمعن ههههههههههههههههه :p:

ابو ثوب ... عزالله انك توشخلته ونشفت ريقه أم صويلح :( ولاوالله تنازلك أبد :p:

صح لساااانك ألف ياخال :

صح بدنك ألفين ياخالي :goooood:

عسى القصيده جازت لك ؟:315r:

أما الدواوير

والله يالخال مانتبهت له :eek:

ماشاء الله عليك ( الله يفكك من عين النطول سابقاً الـ ( نقط نقط حالياً ):biggrin:

لو يدرون بك فيدين الـ cna يمكن ياخذونك معهم :thumb:






وألف شكر لتعليقك

[الأصيل]

الشاعر القدير والكاتب الذي لايشق له غبار: الأصيل
الله يعلك بالعافية اللي تلمعك بالجبهة ياإنت متطوحن.ن. وراك قطعة أمتار:452r:
قصيدة من العيار الثقيل..وأبيات قلّ أن نجد لها مثيل..فكل التقدير للعذب الأصيل..
بس ترك تقول مساجلة..:tongue:
يعني..الله لايهينك..لازم تتحف مضيف الفلة بردّ (أم صالح)..:)
***
يقصر عن مقامك الحتسي..وتتبعثر دون منزلتك الكلمات..
وياليتك..ماحديت من صلاحياتي..بهكالسالفة..:smooch:
***
تحياتي..وأدامك الله لمن تحب..:thumb:

هلا بعميييييد الفله

وش هالغيبه يخي

فاقدينك ( ماتفقد غالي يابو ثوب ):goooood:

وعسى الله يعافيك عافيتن تخليك تضرب الجدار تهدوه:biggrin:

وتضرب القاع .. تخلي الما ينتثر من على عمق 25 متر مربع:d:


وأما الرد ...

فهو


يعني



الحقيقه


ربما ( يضيع الماضوع ):a:

إن حصلتوه جبته لكم

لأن هالمعركه قبل سنه:eek:

وعسى أحصل الوريقه اللي مكتوبن به الرد



وأجمل تحيه لك

و


لمواقفك الثابته:thumb:

[مغترب بالشمال]

الاصيل صح لسانك على هالابيات الصراحه بردت تسبدى بهن


عليك بهن الوحده من هالعجز ماتصدق وتلقى عليك فرصه


اثريك شواعرن منت بسيط يلاصيل اتحفنا يالعشير


اخوك الصغير بس مهو زى اكاليوم والله ماتوقعته منك يالعشير


هالحين تموت هالشفايه

لاتنسانا يالعشير

[الأصيل]

هلا بالمعترب بالشمال

يالله حيووووه:goooood:

عاش من شافك ( عاش غاليك يابو ثوب ):d:


وصح بدنك ياعزيزي


وين هالغيبه؟؟!!!!!

مانشوفك ألا بهكا المتسان ( لاتعلم بوه ):315r:






وابشر ..

ترا أخوك الأصيل من الذين يقفون في وجه بنات حواء:188r:

مهما كانت النتايج:eek:







ولك التحيه والتقدير