خالد الشمري
05-05-2005, 15:49
قصائد للشاعر الراحل / منصور بن سعدي الرمالي الشمّري.. عالقه بأذهان محبيّ هذا الشاعر ..
حبيت أنقلها لكم هنا ...
(( يانــوف ))
يالي جرحت القلب بيديك وأنا اشوف
حـرام ليـش قلبـك مابـه مرافـه
أرحم جريح ٍ طـاح وبحالتـه روف
الي حياتـه لأجـل فرقـاك عافـه
تركتني في ظلمة الخوف مكسـوف
ألبستنـي ثـوب الشقـاء والكسافـه
يابو جديل فوق الامتـان منسـوف
يالحق على روس الشطايا ضفافـه
وعيون سود وخد ونهـود وردوف
وليا أبتسم تجـذب عيونـه رهافـه
والورك والفخذين والسـاق ملفـوف
والوجه ناعم ما أشتكي مـن جفافـه
أدعج غنج بالملح وزين موصـوف
من ينهبـه يملـك عـذر لختطافـه
في حب ذاك الزين مغرم ومشغوف
إللي جمـع بيـن الجمـال وعفافـه
وأوجد حالي من وجد جيب مكتوف
وحطوه في سجنـه وشـدو كتافـه
ومن جيب للتحقيق بـادوه بكفـوف
وسجل في تقرير السجون اعترافـه
عليك يالـي لـك الدمـع مـذروف
دمعي علـى فرقـاك زاد أنذرافـه
وأنا على لقيـاك يانـوف ملهـوف
والقلـب هـم الـود والبعـد لافـه
بالقلب من فرقاك هاجس ولافـوف
يزود مـع زايـد جفـاك إرتجافـه
يانوف بسمك صرت ألبي وأنا طوف
وكل ٍ يلبي للولي في طوافه
هم يرتجون الله وأنا ارجيك يا نوف
أرجيك أنا رغـم ابتعـاد المسافـه
أرجيك رجو الي مع الموج مجروف
والمـوج حطـم مركبـه بإنجرافـه
ي ليل مظلم واعتلى فوقه الطوف
واطلق عنان الصوت باخر مطافه
سوي ولو مره بدنياك معروف
تماكني قلب بدابه تلافه
اجاوب النايح اليا ناح برفوف
واقنب كما ذيب عنا الجوع حافه
روفي بحال اللي طعنتيه بالجوف
اللي على شانك حلا النوم عافه
اعفي عن اللي بين اياديك موقوف
فكي قياده واسمحي بانصرافه
وردي علي وبددي ظلمة الخوف
لاتتركيني في هوان ومخافه
وان مارجعتيلي فانا اموت يانوف
ولا لي على دنياي بعدك حسافه
(( يانجم ))
يانجم ياللي غبت من غبـت مابنـت
وش حال بين أيـام مجـدك وبينـك
الشمس تطلع وأسأل الصبح وين أنت؟
وتغيب شمسي واسـأل الليـل وينـك
ويـن انـت أنـا منهـان لاهـنـت
منهان من شخـص عجـز لايهينـك
أرجع متى ترجع؟ أنا انهنت وسجنـت
واللي سجنـي كـان قبلـي سجينـك
أرجع ورجع مجد ماضي كمـا كنـت
ورجع مـن المديـون للنـاس دينـك
ياقاسي في وجـه الأضـداد مالنـت
ومن صاحبك ينعـم بعطفـك ولينـك
حتى على خصمك من احسانك أحسنت
وياما عطيت من كل غالـي يمينـك
بالسيف في شبه الجزيرة (تسلطنـت)
أخضعـت أهلهـا وملكنـه يديـنـك
مثلـك ولـد والله فـلا جابتـه بنـت
لاشـك عيّـن يمهلـنـك سنيـنـك
أقولها وينك وأنـا أدلّ ويـن أنـت
لاشك من زود القهـر قلـت وينـك
وياقصر ياللي بدّلوا طينـك اسمنـت
أحذر تخون وتنكر أصحـاب طينـك
الله يخونك كان لأهـل الوفـا خنـت
ووفيـت للـي بالـخفا خاينيـنـك
ياقصر لاتُسكن وان انضمت وسكنـت
اخفس قهر وأخفـس على ساكنينـك
ياقصر مهمـا زيّنـوا فيـك مازنـت
(زينك) رحل وان عاد لك عاد زينـك
(( الـصـدّ ))
في محيط الحب في بحر الغرام
كادت الأمواج تغرق مركبـي
في سواد الليل في عتم الظـلام
حقق الله بعد ياسـي مطلبـي
جيتها في بيتها قلـت: السـلام
قالت الله لايجيبـك وش تبـي؟
قلت أبي عطف ولطف واحترام
في عقول أهل الهوى لاتلعبـي
وأبي أضمك ضم وترخين اللثام
حيث بين شفاهك يوجد مشربي
وأبي أرصّك رص والعالم نيام
لين أنا أتعب منك وأنتي تتعبي
قالت ابعد مطلبك هـذا حـرام
قلت لاكن صار في عهد النبي
الحرام الصّـد يابـدر التمـام
والحرام البعد لاكن..... قرّبي
وهذه قصيده له ..
الناس ربـي مـن تـرابٍ خلقهـا
وإنت الذي من جوهر الماس مخلوق
الناس ساواهـا الولـي مـا فرقهـا
بس إنت عن كل البشر صايرٍ فوق
إنت البحر فيـك البواخـر غرقهـا
وإنت السحاب اللي به أمطار وبروق
وإنت الجحيم اللي حياتـي حرقهـا
وإنت النعيم اللي يشدن لـه الشـوق
ألطف بروحـي لا تسبـب زهقهـا
وإلطف بقلبٍ من عنا الود محـروق
واسق الورود اللي تساقـط ورقهـا
وإلحق على جسمٍ غدا جلد وعـروق
(( لا تاخذ القلب ))
لا تاخذ القلـب رد القلـب يـا قلبـي
وشلون تبغي يعيش اللـي معـك قلبـه
كانك نويت الرحيل بقلبي ارحـل بـي
خذ صاحب القلب هو والقلب وارحل به
خل الوفا من طباعـك لا تمنـذل بـي
حدد حبيبك وحـدد مـن تمنـذل بـه
منك الجفا طال والولـوال طـول بـي
وقلبي عذابك توحـد بـه وطـول بـه
اليا متى وانت ضـدي موقفـك سلبـي
واليا متى وانت عقلـي نـاوي سلبـه
واليا متى الهم يقفي بـي ويقبـل بـي
ودنياي قفت وعيـا الحـظ يقبـل بـه
واليا متى وانت بالموعد تماطـل بـي
حرام منهو يبـي قربـك تماطـل بـه
يا ليتني ملـك تملكنـي وتبخـل بـي
ياللي تمر وصباح الخيـر تبخـل بـه
اقتلني افضـل ولا للحـب تقتـل بـي
ما اعيش انا بارض شفت الحب يقتل به
لا تقتل الحـب واقتلنـي ومثـل بـي
وقدام كـل البشرمنصـور مثـل بـه
(( انت القمر ))
انت القمر0والشمس0والارض0والكون
وانت السماء00وانت النجوم الرفيعـه
وانت0الذهب والماس غالي ومكنـون
يـادرة(ن) خسـران منهـو يبيعـه
{وانت الجمال}اللي به القلـب مفتـون
وانـت الحلا00يانوركـل الطبيعـه
وانت الامل في كـل دنيـاي يانـون
بعدك شقـى قلبي00وقربـك ربيعـه
عندي فلا مثلك مع النـاس مزيـون
ياكوكب(ن)غطـى الكواكـب لميعـه
منساك لا منسـاك وابليـس ملعـون
أرجع علي00فرقاك انا ما استطيعـه
ولاجفاك لو تجفاء ولوخنت ماخـون
وأدور وصلك لـو تـدور القطيعـه
(( قصتي قصه ))
قصتـي قصـه بدايتهـا العـذاب
واخرتها الموت في دنيـا عنـاي
الشقاء لي بيت 00والحرمان باب
والخيال أفراش 00واحزاني غطاي
أصبح الدخان لي 00زاد وشـراب
والسهربالليـل 0والونـه جـداي
حاضري لاشي00والماضي سراب
وكل من ناديـت مايسمـع نـداي
في شبابي من عناي الراس شـاب
والله اعلم كيف أنا عشت بصبـاي
(( ثامن مستحيل ))
قالو انسه00قلت ثامن مستحيـل
يصبح النسيان للعاشـق عـزاء
قالو تلقاء غير محبوبـك بديـل
قلت حبه في لجاء جوفي لـزاء
حالف(ن)مانساه الايوم الرحيـل
ولا تناسا الزين لو عشت بوزاء
كيف ابنسى من معي سواء جميل
والردا00للطيب مايصبح جـزاء
بالوليف الحلم ياتـي كـل ليـل
وكل مارقد في منامي لي غزاء
(( يانفس صبرك ))
ياقلـب مـادام الزمـان متحديـك
أصبر على ميلات وقتـك وجـوره
ويانفس صبرك والفرج عند واليـك
كوني على مـا قـدّرالله صبـوره
هاذي هـي الأيـام لابـد تسقيـك
عقب الحلا..كاس الكدر والمـروره
وهاذي هي الأقـدار لابـد ترميـك
من بـرّه الآمـن لمظلـم بحـوره
لاتجزعي مـادام الممـات متقفيـك
وكوني على صعب المواقف جسوره
ولا تيئسي من رحمـه الله يخليـك
الله هو القادر..علـى حـل أمـوره
(( احلام ليل ))
صدفه بلا ميعاد جيته وجتنـي
وصدفه بلا موعد معاها تلاقيت
مديت يدي يمهـا وصافحتنـي
وليتي سلمت ولا لها اليد مديت
حسيت أنا في شئي يوم مسكتني
شئي كما الكهرب نتلنيوفزيـت
فزيـت ليانـا نايـم ماوتتنـي
في غرفتي لاجت يمي ولا جيت
ولعّت أنا اللمبة..وقلت تركتنـي
وقفت أنا حاير وبالصوت ناديت
أخذت ساعة واقف..وأشغلتنـي
وشككت أنا باالي جرالي وشكيت
أحلام ليل عن المنام حرمتنـي
ليته حقيقه مع حبيبي تلاقيـت.
(( أمــرّ مــرّ ))
أمرّ مـر مـر فـي دنيتـي لـي
وأمر مر مـر لـي فـي حياتـي
ليا جاني العاني وأنا ما معي شـي
ودي تجينـي قبـل ياتـي وفاتـي
ان اعتذرته ظن ظـن الـردا فـي
وأنا الردا ماهو صفة من صفاتـي
اضحك وأهلّي به وأنا منكوي كـي
من خوفي التقصير فـي واجباتـي
ومن لا اشتهر بالجود صيته وو حي
ما طالع له صيت عقـب المماتـي
(( حلفت انا مااشكي على الناس همّي ))
حلفت أنا ماأشكي على الناس همي
الا على رب البشر...جالي الهـم
عناي أنا ماأشكيه حتى على أمـي
لو كان مابه حي أرحم مـن الأم
وعندي خبر..صفو الزمن..ايتمي
لو يستمر سنيـن وشهور...ماتـم
دنيـا تفرق.ياسعـد.. ماتلـمـي
شره يعم..وخيرها...خص..ماعم
ياأخوك أنا.منها ارتفع ضغظ دمي
حتى نحلت وصرت عظم بـلادم
:
:
:
أتمنى أن تروق لذائقتكم ..
والله يرحم شاعرها ..
حبيت أنقلها لكم هنا ...
(( يانــوف ))
يالي جرحت القلب بيديك وأنا اشوف
حـرام ليـش قلبـك مابـه مرافـه
أرحم جريح ٍ طـاح وبحالتـه روف
الي حياتـه لأجـل فرقـاك عافـه
تركتني في ظلمة الخوف مكسـوف
ألبستنـي ثـوب الشقـاء والكسافـه
يابو جديل فوق الامتـان منسـوف
يالحق على روس الشطايا ضفافـه
وعيون سود وخد ونهـود وردوف
وليا أبتسم تجـذب عيونـه رهافـه
والورك والفخذين والسـاق ملفـوف
والوجه ناعم ما أشتكي مـن جفافـه
أدعج غنج بالملح وزين موصـوف
من ينهبـه يملـك عـذر لختطافـه
في حب ذاك الزين مغرم ومشغوف
إللي جمـع بيـن الجمـال وعفافـه
وأوجد حالي من وجد جيب مكتوف
وحطوه في سجنـه وشـدو كتافـه
ومن جيب للتحقيق بـادوه بكفـوف
وسجل في تقرير السجون اعترافـه
عليك يالـي لـك الدمـع مـذروف
دمعي علـى فرقـاك زاد أنذرافـه
وأنا على لقيـاك يانـوف ملهـوف
والقلـب هـم الـود والبعـد لافـه
بالقلب من فرقاك هاجس ولافـوف
يزود مـع زايـد جفـاك إرتجافـه
يانوف بسمك صرت ألبي وأنا طوف
وكل ٍ يلبي للولي في طوافه
هم يرتجون الله وأنا ارجيك يا نوف
أرجيك أنا رغـم ابتعـاد المسافـه
أرجيك رجو الي مع الموج مجروف
والمـوج حطـم مركبـه بإنجرافـه
ي ليل مظلم واعتلى فوقه الطوف
واطلق عنان الصوت باخر مطافه
سوي ولو مره بدنياك معروف
تماكني قلب بدابه تلافه
اجاوب النايح اليا ناح برفوف
واقنب كما ذيب عنا الجوع حافه
روفي بحال اللي طعنتيه بالجوف
اللي على شانك حلا النوم عافه
اعفي عن اللي بين اياديك موقوف
فكي قياده واسمحي بانصرافه
وردي علي وبددي ظلمة الخوف
لاتتركيني في هوان ومخافه
وان مارجعتيلي فانا اموت يانوف
ولا لي على دنياي بعدك حسافه
(( يانجم ))
يانجم ياللي غبت من غبـت مابنـت
وش حال بين أيـام مجـدك وبينـك
الشمس تطلع وأسأل الصبح وين أنت؟
وتغيب شمسي واسـأل الليـل وينـك
ويـن انـت أنـا منهـان لاهـنـت
منهان من شخـص عجـز لايهينـك
أرجع متى ترجع؟ أنا انهنت وسجنـت
واللي سجنـي كـان قبلـي سجينـك
أرجع ورجع مجد ماضي كمـا كنـت
ورجع مـن المديـون للنـاس دينـك
ياقاسي في وجـه الأضـداد مالنـت
ومن صاحبك ينعـم بعطفـك ولينـك
حتى على خصمك من احسانك أحسنت
وياما عطيت من كل غالـي يمينـك
بالسيف في شبه الجزيرة (تسلطنـت)
أخضعـت أهلهـا وملكنـه يديـنـك
مثلـك ولـد والله فـلا جابتـه بنـت
لاشـك عيّـن يمهلـنـك سنيـنـك
أقولها وينك وأنـا أدلّ ويـن أنـت
لاشك من زود القهـر قلـت وينـك
وياقصر ياللي بدّلوا طينـك اسمنـت
أحذر تخون وتنكر أصحـاب طينـك
الله يخونك كان لأهـل الوفـا خنـت
ووفيـت للـي بالـخفا خاينيـنـك
ياقصر لاتُسكن وان انضمت وسكنـت
اخفس قهر وأخفـس على ساكنينـك
ياقصر مهمـا زيّنـوا فيـك مازنـت
(زينك) رحل وان عاد لك عاد زينـك
(( الـصـدّ ))
في محيط الحب في بحر الغرام
كادت الأمواج تغرق مركبـي
في سواد الليل في عتم الظـلام
حقق الله بعد ياسـي مطلبـي
جيتها في بيتها قلـت: السـلام
قالت الله لايجيبـك وش تبـي؟
قلت أبي عطف ولطف واحترام
في عقول أهل الهوى لاتلعبـي
وأبي أضمك ضم وترخين اللثام
حيث بين شفاهك يوجد مشربي
وأبي أرصّك رص والعالم نيام
لين أنا أتعب منك وأنتي تتعبي
قالت ابعد مطلبك هـذا حـرام
قلت لاكن صار في عهد النبي
الحرام الصّـد يابـدر التمـام
والحرام البعد لاكن..... قرّبي
وهذه قصيده له ..
الناس ربـي مـن تـرابٍ خلقهـا
وإنت الذي من جوهر الماس مخلوق
الناس ساواهـا الولـي مـا فرقهـا
بس إنت عن كل البشر صايرٍ فوق
إنت البحر فيـك البواخـر غرقهـا
وإنت السحاب اللي به أمطار وبروق
وإنت الجحيم اللي حياتـي حرقهـا
وإنت النعيم اللي يشدن لـه الشـوق
ألطف بروحـي لا تسبـب زهقهـا
وإلطف بقلبٍ من عنا الود محـروق
واسق الورود اللي تساقـط ورقهـا
وإلحق على جسمٍ غدا جلد وعـروق
(( لا تاخذ القلب ))
لا تاخذ القلـب رد القلـب يـا قلبـي
وشلون تبغي يعيش اللـي معـك قلبـه
كانك نويت الرحيل بقلبي ارحـل بـي
خذ صاحب القلب هو والقلب وارحل به
خل الوفا من طباعـك لا تمنـذل بـي
حدد حبيبك وحـدد مـن تمنـذل بـه
منك الجفا طال والولـوال طـول بـي
وقلبي عذابك توحـد بـه وطـول بـه
اليا متى وانت ضـدي موقفـك سلبـي
واليا متى وانت عقلـي نـاوي سلبـه
واليا متى الهم يقفي بـي ويقبـل بـي
ودنياي قفت وعيـا الحـظ يقبـل بـه
واليا متى وانت بالموعد تماطـل بـي
حرام منهو يبـي قربـك تماطـل بـه
يا ليتني ملـك تملكنـي وتبخـل بـي
ياللي تمر وصباح الخيـر تبخـل بـه
اقتلني افضـل ولا للحـب تقتـل بـي
ما اعيش انا بارض شفت الحب يقتل به
لا تقتل الحـب واقتلنـي ومثـل بـي
وقدام كـل البشرمنصـور مثـل بـه
(( انت القمر ))
انت القمر0والشمس0والارض0والكون
وانت السماء00وانت النجوم الرفيعـه
وانت0الذهب والماس غالي ومكنـون
يـادرة(ن) خسـران منهـو يبيعـه
{وانت الجمال}اللي به القلـب مفتـون
وانـت الحلا00يانوركـل الطبيعـه
وانت الامل في كـل دنيـاي يانـون
بعدك شقـى قلبي00وقربـك ربيعـه
عندي فلا مثلك مع النـاس مزيـون
ياكوكب(ن)غطـى الكواكـب لميعـه
منساك لا منسـاك وابليـس ملعـون
أرجع علي00فرقاك انا ما استطيعـه
ولاجفاك لو تجفاء ولوخنت ماخـون
وأدور وصلك لـو تـدور القطيعـه
(( قصتي قصه ))
قصتـي قصـه بدايتهـا العـذاب
واخرتها الموت في دنيـا عنـاي
الشقاء لي بيت 00والحرمان باب
والخيال أفراش 00واحزاني غطاي
أصبح الدخان لي 00زاد وشـراب
والسهربالليـل 0والونـه جـداي
حاضري لاشي00والماضي سراب
وكل من ناديـت مايسمـع نـداي
في شبابي من عناي الراس شـاب
والله اعلم كيف أنا عشت بصبـاي
(( ثامن مستحيل ))
قالو انسه00قلت ثامن مستحيـل
يصبح النسيان للعاشـق عـزاء
قالو تلقاء غير محبوبـك بديـل
قلت حبه في لجاء جوفي لـزاء
حالف(ن)مانساه الايوم الرحيـل
ولا تناسا الزين لو عشت بوزاء
كيف ابنسى من معي سواء جميل
والردا00للطيب مايصبح جـزاء
بالوليف الحلم ياتـي كـل ليـل
وكل مارقد في منامي لي غزاء
(( يانفس صبرك ))
ياقلـب مـادام الزمـان متحديـك
أصبر على ميلات وقتـك وجـوره
ويانفس صبرك والفرج عند واليـك
كوني على مـا قـدّرالله صبـوره
هاذي هـي الأيـام لابـد تسقيـك
عقب الحلا..كاس الكدر والمـروره
وهاذي هي الأقـدار لابـد ترميـك
من بـرّه الآمـن لمظلـم بحـوره
لاتجزعي مـادام الممـات متقفيـك
وكوني على صعب المواقف جسوره
ولا تيئسي من رحمـه الله يخليـك
الله هو القادر..علـى حـل أمـوره
(( احلام ليل ))
صدفه بلا ميعاد جيته وجتنـي
وصدفه بلا موعد معاها تلاقيت
مديت يدي يمهـا وصافحتنـي
وليتي سلمت ولا لها اليد مديت
حسيت أنا في شئي يوم مسكتني
شئي كما الكهرب نتلنيوفزيـت
فزيـت ليانـا نايـم ماوتتنـي
في غرفتي لاجت يمي ولا جيت
ولعّت أنا اللمبة..وقلت تركتنـي
وقفت أنا حاير وبالصوت ناديت
أخذت ساعة واقف..وأشغلتنـي
وشككت أنا باالي جرالي وشكيت
أحلام ليل عن المنام حرمتنـي
ليته حقيقه مع حبيبي تلاقيـت.
(( أمــرّ مــرّ ))
أمرّ مـر مـر فـي دنيتـي لـي
وأمر مر مـر لـي فـي حياتـي
ليا جاني العاني وأنا ما معي شـي
ودي تجينـي قبـل ياتـي وفاتـي
ان اعتذرته ظن ظـن الـردا فـي
وأنا الردا ماهو صفة من صفاتـي
اضحك وأهلّي به وأنا منكوي كـي
من خوفي التقصير فـي واجباتـي
ومن لا اشتهر بالجود صيته وو حي
ما طالع له صيت عقـب المماتـي
(( حلفت انا مااشكي على الناس همّي ))
حلفت أنا ماأشكي على الناس همي
الا على رب البشر...جالي الهـم
عناي أنا ماأشكيه حتى على أمـي
لو كان مابه حي أرحم مـن الأم
وعندي خبر..صفو الزمن..ايتمي
لو يستمر سنيـن وشهور...ماتـم
دنيـا تفرق.ياسعـد.. ماتلـمـي
شره يعم..وخيرها...خص..ماعم
ياأخوك أنا.منها ارتفع ضغظ دمي
حتى نحلت وصرت عظم بـلادم
:
:
:
أتمنى أن تروق لذائقتكم ..
والله يرحم شاعرها ..