(صلفيق تعال وخل القناه بالبيت)

[بو رائد]

الاصحاب والاخوة الاعزاء دون مقدمات نعرف معزتنا عندهم ونحن كذلك


***نبي نفل حجاجنا عند صلفيق
لزوم لاجينا المضايف نمره
***بمضيف ابو مقرن عسى له توافيق
الصاحب اللي دايمن في مقره
***مغليه من بد البشر والمخاليق
اشره عليه وهو علي يتشره
***شرهاتنا بالطيب ماهي تلافيق
والنار تحرق رجل منهو يمره
***تلقا الدلال مبهراتن مفاهيق
وترحيبتن تسمع صداها يجره
***حلو الكلام وخالطه نوع تعليق
دنيا حلاها ناقصن دون مره

[سليمان الناصري]

صح لسانك يل بو رايد ويستاهلون أهل الفلة

[صلفيق ابو قناة]

وعليكم السلام والرحمة
هلا ومرحبا ببو رايد
جيتك هدي قدي وأفلح من صلى على النبي:)<<مشروع قضوة بمسلسل بدوي أردني:wink:

صح الله لسانك على هالقصيدة الطيبة وهذا أنا جيتك بدون قناة:)

هلا هلا بك يا عشير المطاليق=لك قلب ما يحمل من الغش ذرة
دايم لنو الخير تسعى بتشويق=والشر تحاول ينطفي صلو حره
ترقق قلوب لبعضها البعض ترقيق=وبعض العرب لا خير لا اكفاي شره
يمشي مع العالم تقل مشي بطريق=يجنح معَ هذا وهذا يفره
وحنا برفقة شلةٍ تجلي الضيق=قرومٍ نشاما من عرفها تسره
خفاف النفوس وصادقين المواثيق=ادناهم احلاهم فلله دره

لا هنت يبو رايد

[ابو خليف]

الله الله

عليكم صح لسانك يابو رايد

ويابو قناه

وانا عن نفسي امر ابو قناه ذلتن من قناته
ماهو حبن به

[بو رائد]

هلا ومليون غلا باخوي سليمان الناصري زياره طيبه وشرفني مرورك
وتر نياقنا مخاتير تقل ثلج مثل الي جبت معك فوق اتمنى لك التوفيق والصحه....

[بو رائد]

هلا بالغالي صلفيق لاهنت لاهنت لاهنت والله حين ارى هذا التفاعل منك اخوي اقول الدنيا بخير صح لسانك على القصيده الطيبه الجزله جيتك اخوي صلفيق مثل العيد ياهلا ومرحبا والقلوب شواهد امدك الله بموفور الصحه والعافيه وعساك ماتشوف مكروه في هذه الدنيا امين

[بو رائد]

هلا بذويبان يخي جاين تعدي الله فكك صلفيق ماهي معه القناه
علشان كذا طبقت هنيا ياهلا بك مليون وعساك ماتشوف شر ايها الوافي

[هايس الشمري]

صح لسانك يبو رايد



و صح لسان صلفيدز


و نعم بكم كلكم

اخوكم

الذيب

[الونش]

الونش مر ولا بغى يتعدى :)

صح لسانك يابو رايد

وصح لسانك ياصلفيق

والله يجمعكم على محبته وطاعته



يعجبني ياناس بعض الطواريـق = يفز قلبي له ولزمن نعيد ونكـره
يامرحبا ببو رايد والقرم صلفيـق = رجال مافيهم شك ولا فيهم مغره
دوم نارهم حيه والذبايح معاليـق = واليدين مفتوحه ولاهي بمنصـره
ياعسى مايجي بين الوجيه تفريق = وتدوم المحبه وتزول كل المضره



سلالالالالالالام

[الأصيل]

شعراء الفله


أبورائد

ياملا الخير ..

فتحت قريحة الشعراء .. الله يفتح لك باب للجنه إنت ووالديك:goooood:


ويستاهل أبوقناة القصيد والمدح





أبو قناة

يخي ترك حيرتنا

ياخوي عطنا من المخزون اللي صار لوه 5 سنين و3 شهور:thumb:

درر ماشاء الله عليك ( الله ياقاك من عين أخو طنخه ):p:


لاتصير بخيل .. :goooood:





الونش

أدري .. وراك بلا :a:

منت بسيييط


لكن ..

لك اللي يطلع منك الخافي :d:


أنا هقوتي ماتخيب أبد





تولم قريباً ..:goooood:

[الـمـحـروووم]

بورائد



لله درك


مشكوووووووور


ويسعدني إنتظار جديدك

[بو رائد]

الذيب//الونش//الاصيل//المحروم
الله لايحرمنا من هالوجيه الطيبه سرني جدا مروركم الطيب