حاضر بحااااااضر وين الشاعر الموجود!!!! [الأرشيف]

((بعيدالنظر))

03-05-2005, 18:39

حاضر بحاضر نسوق العلم في سوقه=والشاعر المعتبر ماتوخذ حقوقه
نبدي بها مع غروب الشمس وشروقه=(والنار ماتحرق ألا رجل واطيها)

ودنا بالشاعر اللي يغلق فاللزوم=يضرب الهيجا ويقضي اللوازم كلها
لابدا فالعلم زيزوم وحصانه عزوم=بالقنا والسيف كل الدروب يدلها

بتول آل علي

03-05-2005, 19:06

>>> مو أنا :)

بس جاية احجز اووووول كرسي بالصف

صح لسااانك استاذنا

و ننتظر الشاعر القادم

الدهور

ابو غازي

03-05-2005, 19:26

السلام عليكم

إلا والله هي يالعرابي ... جوده بشوشته الشاعرة الدهور :(
ولاترحمه ابد نبيك تحشـــــــره حشر جني :p:
7
7
العرابي
لله درك عزالله إنك وافي دااااااااااااااااايم
يالله ياعيال شعللوها بأاه نبي نتووووونس الليلة
وانا ترونن مزدخ ن بهذا اتحرى الربع نبي نصفتس لكم

عاااااااااااااااش العرابي :thumb:

سرحــان

03-05-2005, 19:35

بعيد النظر الشاعرالي دايماً حاضر

صح لسانك

ومعك بالصف انا وابو غازي شفنا قضبين لك الصف

حاضر بحاضر نسوق العلم في سوقه=والشاعر المعتبر ماتوخذ حقوقه
نبدي بها مع غروب الشمس وشروقه=(والنار ماتحرق ألا رجل واطيها)

ودنا بالشاعر اللي يغلق فاللزوم=يضرب الهيجا ويقضي اللوازم كلها
لابدا فالعلم زيزوم وحصانه عزوم=بالقنا والسيف كل الدروب يدلها

((بعيدالنظر))

03-05-2005, 19:55

الدهووور .
مراحب وشكراً لمرورك المزهر .. لكن ليه مو إنتي؟؟؟؟؟:)
الموجود لا يتأخر المساله تسليه والمباشره أجمل وأليق بهذا المنتدى وهذا القسم.
عموماً حياااك يالأجوديه وما قصرتي على الأقل جضورك نوّر المكان.

((بعيدالنظر))

03-05-2005, 19:59

أبوغاااازي ..
ياهلا وغلا بهالطله الجميله والراااائعه وعز الله صدقت .. لكن ما باليد حيله إنحاشوا :goooood: وش السوات ؟؟

شكراً لك ولإشادتك وشهادتك اللي أعتبرها وساااام يالغالي وإنت راع الأوله .. عسى عمرك طويل لاعدمتك ..

((بعيدالنظر))

03-05-2005, 20:03

الغاااااالي // سرحان ..
يامرحبا ياسرحااان إيبله حااااضر ياسرحان الله يحضّر لك الخير يالغالي .. والحقيقه ما أنت مقصّر أنت وأبو غااازي أناظر بيكم بالصفوف وعلومكم تطلق الوجه .. لكن وين شعراء المضايف ؟؟؟
لاهنت ياسرحان وعساك على القوه . وأنا مابديت إلا وأنا شايفٍ لي زيلةٍ هنيا :315r:

لك الشكر والتقدير..

ابو خليف

03-05-2005, 22:30

الله الله
صح لسانك يابو عابد
بس وين الشاعر الثاني

شوفوني بالصف الي ماهو به ابو غازي

الأصيل

03-05-2005, 23:15

خالي أبو غازي ..

احجز لي متسان بالصف:goooood:

مابي حيييل أبد

منهو اللي يبي يقع بحلق بعيد النظر؟؟؟؟؟:a:

ذيب شراف وسرحان بصف

قهوه ياعيااااااااااااااااااال:d:

مروّض القاف

03-05-2005, 23:17

سلام الله على الجميع

خلوها

ابشر بالخير يالعرابي

الأصيل

03-05-2005, 23:18

تبي تشعلللللللللللللللللللللللل

بالصف للصبح

مروّض القاف

03-05-2005, 23:25

المعذره على التاخير

خذو الميسور من اخوكم وصفو كلكم مع العرابي لاني والله ناوي اخذكم بالسراء في محاورات ساخنه غير اعطوني وقت

استلم يالعرابي

حاضر بحاضر لنا ماقف يشرفنا
جينا بحسب الطلب ولزوم تعرفنا
جتنا عزيمتك والميقاف ماقفنا
والنار ماتحرق الا رجل واطيها

جاك رجال مضرى على مرقى الحزوم= والصعاب ان وقفت له بعزمه زلها
وان يطول الليل لابدهازم ومهزوم = اكرب حزام المواقف وساقك تلها

الأصيل

03-05-2005, 23:29

اكرب حزامك يابعيد النظر:thumb:

بالصف مع مروض القاف:goooood:

مروّض القاف

03-05-2005, 23:46

الاصيل مرحبا ملايين

بالعيون يالغالي

موقف لن انساه لك

تقبل تحياتي

((بعيدالنظر))

03-05-2005, 23:48

مرحباً بالشاعر الكبير / مروّض القاف .
أنا اللي جايب الداب معي الله يساعد .
إستلم لاهنت.

اللي يخوّفه ظله ما يخوفنا=وإن كان ماشفتنا يا صاحبي شفنا
ياكم نصحتك نصيحه لاتصادفنا=والنار ماتحرق ألا رجل واطيها

والنعم ويزين حظك ليا جات القسوم=والعقد فحبال راع العقد ويحلها
لو يطول الليل كبد السما فيها رجوم=وأنت ياعشّاقها ساعتين تملها

الونش

03-05-2005, 23:49

يااامرحبااااا ومسهلالالالالالا

عز الله انك مطنوخ يابعيد النظر :thumb:

نبي الليله نسريها ومدام ان قبيلك مروض القاف الا هذي الوناسه اللي مابعدهاااااا :wink:

وانا صفطت الونش وبنشرت بكفراتوه والهوك حفرت لوه ودفنتوه يعني مامن مسرى :p:

وتروووني بصف مروض القاف ترويض وشد الحزام يابو عزام :biggrin:

لاتستعجلون ابي اضبط لي شاهي ورق مخدر وجااااي :)

الاصييييييييل تبي الشاهي بسكر والا من دون :xsmile:

مروّض القاف

04-05-2005, 00:06

استلم يالعرابي ولاتروح بعيد

ليلك ليل

الفاس تعرف صليب الحيد وتخافه
راعي محل ويحدد كيف مضيافه
لو العرابي معه كاهن وعرافه
النار لن تحرق الارجل واطيها

حظنا معروف والسهم من خيرالسهوم =يامقطب لي حواجبك بالله فلها
وان يطول نلقى على المخطي وسوم = طبع للعراف وهذيل تحفظ دلها

مروّض القاف

04-05-2005, 00:07

الونش هلا وغلا

مرحبا اقلط الله يحييك

وابشر بعزك

سرحــان

04-05-2005, 00:09

مروض القاف.........وبعيد النظررر

عزالله الأ ابي اتكي بهذا معكم

الله يعطيكم العافيه

ابو غازي

04-05-2005, 00:43

السلام عليكم

يالله حي اخونا / مروض القاف
شاعرنا / العرابي ... كلوه خير وبركة الي دعااااااااااااك وهذي والله الساعة المباركة
الله محييك بين اخوانك واخواتك ببيتك الثاني مضايف شـــــــــــمر
7
7
7
سرحان ... انت والأصيل ... والونش :135r: يكافي الشر عدي اشوف الهوك :p:
شوفو الدلال تقهوو والشاهي مخدرن بالنعناع :thumb:
وانتبهو لباالحصااااااااني :( شوفوه يويدز من حدر الطاولة :(لايذوق قهوتنا المسبوع :c: وابي ازلج لهاية هالوغد بفموه :192r: على شان مايلجنا :p:

ذيب شراف :eek:

عاشووووووووووو شعارنا / العرابي / ومروض / شعلالوها الليلة :135r:

واووووووووووو :135r:

((بعيدالنظر))

04-05-2005, 00:46

اررررررركد يا مروّض القاف ..
وإستلم .

مروّض القاف مدري وين مصيافه=الظاهر إنه بقايا غول وخرافه
وأنا أحسب إنه بحر يزمي من أطرافه=والنار ماتحرق ألا رجل واطيها

حظكم معروف لو طاح يمكن مايقوم=شوف لك شجره عن الشمس وأزو بظلها
أنت شاعر مندفع لادفاع ولاهجوم=والسيوف إن مالقت روس عيب إنسلها

مروّض القاف

04-05-2005, 00:56

ابو غازي

البقاء هيل بلا كيل

سلمت ودمت واتقدم بشكري لاستاذي الشاعر العلم عبيدالله العرابي
الذي شرفني بهذه الدعوه لانظم لهذه النخبه من الشعراء والمثقفين
في مضايف الكرم والاباء مضايف شمر
والشكر موصول لمن شاركنا هذه الامسيه الجميله
ولي طلب سبق ان تقدم به استاذي العرابي الا وهو اقامة محاورات مباشره عب اثير النت ينسق له ويعلن عنه مسبقا حتى يتمكن اكبر عدد من الاخوان من الحضور والتعليق على المحاوره

وللجميع تحياتي

صايد العنايد

04-05-2005, 01:10

صح لسان الشعار
وكلكم ماقصرتوا والله
والمعذره انا حبيت اكون متابع من بعيد لبعيد
والصراحه انكم مبدعين
والاخوان اللي مسكوا الصفوف
ماقصروا والله

ودمتم بكل خير

مروّض القاف

04-05-2005, 01:10

ابشر يابو سعيد
اخوك غشيم

استلم لاهنت ولا تبطي

مروض القاف تاج من على الهامه
من الشعر يالعرابي يصنع الهامه
مثل الصقر يوم غيره كنه الهامه
والنار لن تحرق الا رجل واطيها

من يعارض حظنا يلتقي قطع الخشوم=كم مداين حلها حظنا واحتلها
ياعبيدالله يامشين اعذار الرخوم = الذي مايقدر الحرب لاينزلها

مروّض القاف

04-05-2005, 01:16

هلا وغلا ياصايد العنايد

من جاء مابطى نتشرف بمتابعتك

تحياتي

متفاائل

04-05-2005, 01:31

http://shmmr.net/vb/images/separators/c.gif http://shmmr.net/vb/images/separators/c.gif http://shmmr.net/vb/images/separators/c.gif http://shmmr.net/vb/images/separators/c.gif http://shmmr.net/vb/images/separators/c.gif http://shmmr.net/vb/images/separators/c.gif
http://shmmr.net/vb/images/separators/c.gif
http://shmmr.net/vb/images/separators/c.gif
http://shmmr.net/vb/images/separators/c.gif

((بعيدالنظر))

04-05-2005, 01:42

الصاحب اللي تجينا الناس بأعلامه=أستغفر الله لو نسمع طلع لامه
لو مات عنده بعير ينكس أعلامه=والنار ماتحرق ألا رجل واطيها

أشهد إنك ظالم الروح ولنفسك ظلوم=كم قلوبٍ يرتفع ضغطها من غلها
ماتعذرناك لكن تزعجك الحلوم=تبتلعها كبر راسك ولا تفطنلها

((بعيدالنظر))

04-05-2005, 01:44

مشكورين مشكورين .. كلٍ بإسمه
الحقيقه شرفتونا وحمستونا والله يعطيكم العافيه ..

تحياتي لكم جميعاً فرداً فرداً

مروّض القاف

04-05-2005, 02:07

هلا يابو سعيد
الليل انتحى وورانا صلاه ودوام

خذ البيت وان طاب على خاطرك نكتفي بهذا القدر او نواصل في وقت اخر

شاكر تلطفك بالسماح لي بمشاركتك هذا المحاوره مبديا اسفى واعتذاري لن صار خطاء او قصور

بعض البعارين يسوى له مية فارس
وانا اعرف الطير الابرق واعرف الفارس
يالي تفرعن ترى قبلك دمِرّ فارس
والنار لن تحرق الا رجل واطيها

ياحليل الشاهد الي بلادعوه يقوم = ابتعد يامن خلط دقها مع جلها
والنصيحه لاتعرض لواهيب السموم = راعي الدعوه ولن طالت يناظلها

تقبل تحياتي

الونش

04-05-2005, 03:32

عاااشوا

ياملين العافيه

صلوا وارجعوا معاكم على الخط :)

الأصيل

04-05-2005, 09:09

أنا خذيت لي غفوه

وفتحت عيوني على الدخاااان:a:

قلت لكم مشعللللللله

كل ماقلت : هذا الفارس

قال الآخر : اصبر شوف فعلي

عز الله كلكم فرسااااااااااان:thumb:

الونش ...

شاهي بدون سكر ...:315r:

والقهوه عند أبوغازي:goooood:

متأمل

04-05-2005, 10:07

هلا بالحبايب هلا...و ألف هلا

طاروق طيب...و شقر أطيب

متمكنين الله لا يهينكم...أمتعتونا

تحياتي...

بتول آل علي

04-05-2005, 10:09

صح لسااانكم يا جماعه

>>> رجعت بعد ما انحاشت :)

استاذنا ((بعيد النظر)) & استاذنا ((مروض القاف))

تسسسلم الأيادي

<<< الله يهديك يالعرابي ، تبغيني أواجه أساتذة ؟

ما تجي هذي :(

:)

ابو خليف

04-05-2005, 12:22

تسلمون ثنينكم وصح لسانكم جميعنااااااا

ولاهنتوا

((بعيدالنظر))

04-05-2005, 15:54

عااااااشوا عاااااشوا عاااااشوا .
ماقصرتوا وهانحن في الميدان من جديد ..
وين مروّض القاف عينه لاتنام ..

خذها يابطل .

إسمع كلام المعلم دامك الدارس=في دور علمٍ على المنهاج ومدارس
إياااك تبقى بفكرة قتك الدارس=والنار ماتحرق ألا رجل واطيها

ياحليل اللي يصلي ولايقدر يصوم=يتعب المسكين جاجته ماياصلها
أنت يا.ياسر مناظل ولا أنته بمعصوم=راحت الضفه ولقمتك ماتبتلها

بتول آل علي

04-05-2005, 17:14

مازلنا هنا :)

ننتظر رد شاعرنا مروض القاف

:thumb:

ابو غازي

04-05-2005, 17:19

صايد العنايد

04-05-2005, 18:33

الله الله مبدعين وربي مبدعين

من زمان والله عن محاوره بهالمستوى

ابوغازي
لله درك
انت والاخوان وماانسى الدهور
متابعتكم غير

http://shmmr.net/vb/images/separators/c.gif

ابو غازي

04-05-2005, 21:08

تستاهلون الي يتابعكم ياشعارنا :thumb:

عزالله لولا الله ثم انتم تاسااااااااان علوم :g:

يعطيكم العافية http://shmmr.net/vb/images/separators/c.gif

الأصيل

04-05-2005, 22:43

الابداع في الرد

كلمه بمعاني مختلفه

والله رائعين

ياهل ترى يجي مروض القاف ؟؟؟؟؟

وين القدوع ياجماعه ؟؟؟:goooood:

متفاائل

05-05-2005, 02:21

السلام عليكم

ياسلالالالالالالالالالالام على التفنن بالابداع وليس الابداع وحده

صح لسانكم ايها العمالقه على هذا اللعب الممتع

الذي فرض على الجميع متابعته لاسيما وان اعضاء هذه المضايف

تحسن الانتقاءوالتذوق وتحرصون على نجاحها ومتابعتها ممثلين بصاحب هذه الموهبه

وعميد هذه المضايف استاذنا الكبير بقدره ابوغازي بيض الله وجه وبقيه الاعضاء الكرام .

ننظم للصفوف وشيلوا اللعب يارجال .:480r:

:480r::480r::480r::480r:

((بعيدالنظر))

05-05-2005, 03:33

أحبتي جميعاً ..
السلام عليكم ورحمة الله وبركاته
أسعد الله جميع أوقاتكم بما يسركم ..
الحقيقه من الواجب أن أشكركم فرداً فرداً وكل شخص بإسمه وتستاهلون الشكر والتقدير وهما قليلان في حقكم ..
لكنني هنا فضّلت أن أشكركم جميعاً لأننا جميعاً إخوه وأسره واحده نجتمع في هذا المضيف النضيف بالحب والتقدير والإحترام لبعضنا البعض .
وبكل أمانه وللتاريخ . متابعتكم كانت بمثابة الوقود المحرّك لهذه الرحله التي قضيناها إلى هذه اللحظه ..مع شاعر شهادتي فيه مجروحه وهو ندّ قوي وخصم بكل صدق ما أنا إلا من تلاميذه الذين تعلموا على يده ونهلوا من معينه العذب الزلال .
ربما شاعرنا / مروّض القاف قد أخره عن مواصلة المحاوره أمر ضروري فهو ليس بمن يترك المواجهه لعدم إستطاعه أو عدم قدره على المواصله حاشااااه .. لكنه ربما كان لديه مايؤخره ..وحجة الغايب معه مثل مايقال ..
كل هذه المقدمه الهدف منها الإيضاح لمن ينتظر الشاعر العملاق / مروّض القاف ويتسائل هل سيواصل هذه المعركه الأخويه التي أعتقد أنكم جميعاً كنتم سعداء بمتابعتها ..
أشكركم أحبتي ولازلت أنتظر شاعرنا وانتم تنتظرون ..وأتمنى أن يكون بألف خير إن شاء الله ..
تحيّه من القلب لكل من مرّ من هنا سواءً في الليله الماضيه أو هذه الليله وهذا اليوم .
وها أنتم يا أعضاء المضايف بفضل الله ثم بفضل هذا النضج الذي تتحلون به جميعاً أصبحتم إنموذجاً رائعاً يحتذى به . وهذا فخرٌ لنا جميعاً ..

أخوكم ومحبكم// ((بعيدالنظر))

الونش

05-05-2005, 05:34

^
^
^
ابيض وجه يابعيد النظر اشهد انك وافي ومن رجال تعد اللي لها وعليها
وكلامك هذا يوزن بالذهب الصافي ايها النقي

فلله درك وكثر الله من امثالك

ومروض القاف مايلحقنا شك فيه ابداً والغائب سوف يعود باذن الله

مار شد حزامك يبي الله يجيبوه :)

مروّض القاف

05-05-2005, 15:44

[سلام الله على الجميع

ابو سعيد العذر على التاخير

والله ان هذا دخولي للنت من وقتها حيث اظطررت للسفر فجاءه

تفضل

نعمين يالي يجيب الطيب من كفه
عنه العداء في نهار الضيق منكفه
ميزان عادل ولاترجح به الـكفه
والنار لن تحرق الا رجل واطيها

لو تقوم الحرب بين الشلاوى والبقوم=الكبود الي بها غل يظهر غلها
وانت لو تحلف على العلم بيمين الجزوم=ماش لك تصديق لين الدموع تهلها

مروّض القاف

05-05-2005, 15:55

السلام عليكم ورحمة الله وبركاته
أسعد الله جميع أوقاتكم بكل خير
اخواني لاتعليق على ماقال اخوي بعيد النظر سوى شكره على ماأظهره من النقاء الغير مستغرب عليه
واشكر للجميع سواله
واعتذر عن تأخري بالحضور وذلك لظروف سفري وامل ان اكون عند حسن ظن الجميع

تقبلو خاص تحياتي

((بعيدالنظر))

05-05-2005, 16:04

الله يحييك يالغالي ..
والحمدلله على السلامه ولاعندنا أدنى شك في عودتك

لكن إستلم لاهنت

مادمت شاعر كبير وتكره الخفه=اللي معك وضحه ماقلت لك خفه
وإحذر بعير البدو ياخذك في خفه= والنار ماتحرق ألا رجل واطيها

ياوسيع العرف ماغير وجه الله يدوم=لوّ ماتطلع بها فوق ما بنزلها
ليش نحلف!! وإنت ياطير وقّع لاتحوم=أكثر العالم لو تغيب كان أحسن لها

((بعيدالنظر))

05-05-2005, 16:07

:goooood:الونش الغالي..
ووجهك أبيض يالقرم .. ماعديت إلا الصحيح .
وهذا شاعرنا عاااد من جديد ..
والوصيه ماضاعت كارب حزامي
الله يعطيك العافيه..

الأصيل

05-05-2005, 17:35

بهذا .................

ما أتعدا المتسان :thumb:

دارت رحى الحرب الأخويه من جديد

الونش ... لاتباعد :goooood:

((بعيدالنظر))

05-05-2005, 17:51

الأصيل ..

يوم..

لك .

ويوم..

كفاك الله شره:d:

لاتروح بعيد لك عندي علوم مدري متى يحين طاريها..
اشكر تواصلك الأكثر من رااائع.
محبك/ العرابي

الأصيل

05-05-2005, 18:19

العشير بعيد النظر

حول شوين لايسمعنا مروض القاف:315r:

ياولد هذا الشاعر من العيار فوق الثقيل:thumb:

عندك إياو ...

لاتقع بالضربه القاضيه :d:

شد حيلك ..

وخل العلوم بعدين :goooood:

امتعتونا باللعب الراقي الرائع

واستمرووووووووووووووووووو

سرحــان

05-05-2005, 18:26

مروض القاف..................وبعيد النظررررررررررر

الله يعطيكم العافيه

معكم متكي بالصف الاصيل لاتباعد

سلطان الشمري

05-05-2005, 20:21

متابع .. عن كثب../

شرار المحبه .. وصلنا منه طش.. :)

متابع متابع يامبدعون

وهذي جلسه

الأصيل

06-05-2005, 00:32

سرحان

هلا ياسمي الذيب ..

أنا عند نبرااااس

إلحق عندنا

تقهو .. وخذ لك كاسة شاي

الدرب طويييييييل

((بعيدالنظر))

06-05-2005, 00:45

الأصيل ..

إيه عزالله صدقت .. وأنا اللي دعيتووو بذا . :150r:
الله يجيب العواقب سليمه يالعشير .

لكن تبي الكلام اللي يجمد على الشارب .
أنت لاتباعد أبيك حزامي لو أحتاج فزعه .
والله مدري خوّفتني وزدت روعي:232r:

عموماً ماقصرت . ووجودك يشد من أزري .
لاهنت أرسل كاسة شاي مع إسحاق ما أدري أنيس العامل ناسي إسمه:tongue:

تحياتي يالغالي ولك :7ayyoh:..
إيه توي أفتكر الوصيه .
لاهنت على الحضور يالأصيل .
تحياتي

((بعيدالنظر))

06-05-2005, 01:26

الغاااااالي // سرحان .
يالله حيوووه.
مرورك شرف وتتويج ياسمي الذيب .
مالمحت أبو غااازي؟؟ والله إني فاقده من ساعات او من أمس ماظهر .
عساه بخير . قلقت عليه..

تقهو يالغالي وإسند ظهرك ..
ونبرااس والأصيل بذا وننتظر مروّض القاف الله يجيبه بالسلامه ..
لك التقدير ياسرحان على جهودك.
تحياتي

((بعيدالنظر))

06-05-2005, 01:29

أخوي / نبرااس .
لاهنت على هذا الحضور ..
وسعداء بمتابعة امثالك يانبراس .
تحياتي يالغالي ..

مروّض القاف

06-05-2005, 16:20

ارحب يا بعيد النظر

الله يسلمك واستلم طال عمرك

ياشين صفتك يارجال من صفه
وانا اكره الفارس الي ماحمى صفه
ان كنت راعي عسل صف العسل صفه
والنار لن تحرق الا رجل واطيها

ياوسيع الصدر لن صار من وقتك ثلوم =لجل تعدل خل بعض الطابيع خلها
لو يطول الوقت حطيت لك زين الوشوم=تدري اهل البل تعرف نجايب بلها

مروّض القاف

06-05-2005, 16:28

الونش

الاصيل

نبراس

سرحان

و جميع الاخوان الذ ين لم نتطرق لاسمائهم من الاعضاء والمتصفحين الكرام

لكم الشكر على متابعتكم للمحاوره طعم اخر بتواجدكم معنا

تقبلو اطيب تحياتي

.

ابو غازي

06-05-2005, 16:56

افييييييييييييييييييييه :luvlove:

جيت ابي يمكم البارح ... وهو يمد رجلوه مهفوف هالنصيب... ذيب شراف :(
وهو يشقلن يمار أنا متكرفس وهو يفزع بي الونش وعلى الطواري :p:

:135r:

عااااااااااشو http://shmmr.net/vb/images/separators/c.gif

سنجار

06-05-2005, 23:12

سلامتك أبوغازي

بعيد النظر ومروض القاف

يعطيكم الف عافيه على هذه المحاوره اللي أمتعتونا به

ومتابعين لكم مع الصفوف...

ابو غازي

07-05-2005, 16:41

مالمحت أبو غااازي؟؟ والله إني فاقده من ساعات او من أمس ماظهر .
عساه بخير . قلقت عليه..

تحياتي

عسااااااااااااااك ماتفقد غااالي / اخونا / العرابي :smooch:

بعدين شفن بجنب / سنجار :p:

عاااااااااااااااااااااااااااااااشو http://shmmr.net/vb/images/separators/c.gif

متفاائل

07-05-2005, 18:38

بعيد نظر ومروض قاف
قول وفعل
يسلموا يسلموا
الله يعطيكم العافيه بصراحه لعب يستاهل متابعته
لاهنتوا
تقبلوا تحيااااتي للجميع
.
يامروض القاف شد حيلك وياما عندك من المحازم :) ولو اني اعرف انك ما تحتاج ماشاء الله عليك بس ابشر . :thumb: لكن لايظنونك لحالك بعض الناس :2gunsfiri

يالله شيلوا الصفوف ياشباب . لاهنتوا

الأصيل

07-05-2005, 20:04

سلالالامتك يالخال

زله وعند صديدز:goooood:

وهقوتي إنوه مهو متعمد:315r:

المهم

الغبره وصلت للمضيف الرياضي :biggrin:

مولللللللللللعه:188r:

لثقتنا الكبيرة وغير المحدوده بالشاعرين ..

ربما في خطأ مطبعي 100%

لذا .. أتمنى من المشرفين التعديل

ودمتم

((بعيدالنظر))

07-05-2005, 21:27

هلا بشاعرنا . هلا مليوووون ولا يكفووون ..
إستلم .
سلمت .

قلت إلك ضاعت جنين وضاعت الضفه=قدام وجهك يروح وعني تضفه
والبحر لو ماج يرمي بك على الضفه= والنار ماتحرق الا رجل واطيها

طيع شوري ما أنت قدّ المخاصم والخصوم=العلوم اللي تضرك من أجلك زلها
أنت رجالٍ مضرّى على حب الخشوم=خذ وهات وحبة الخشم لا تجلها

((بعيدالنظر))

07-05-2005, 21:33

أبو غاااازي// ما يرتاااح خاطري الا بشوفتك لاعدمت حضورك .
إيه الحين شايفنك بلحمك وشحمك ماشاء الله ..

متفاائل / يالله حي الغالي ماعاد لك صوت لا (..............) رن رن رن ولا شي عسى ما أنت زعلان؟؟:d:
يعطيك العافيه والله يالقاف بدونكم مايسوى ..

الأصيل// ياهلا بالغالي ولولا هالوصاه اللي قيدت حروفي قلت لك كلام كثير ودي أقوله لكن عااااد الوصاه قصااه:151r:
الف قبله للجميع
تحياتي

ابو غازي

08-05-2005, 00:59

أبو غاااازي// ما يرتاااح خاطري الا بشوفتك لاعدمت حضورك .
إيه الحين شايفنك بلحمك وشحمك ماشاء الله ..

الف قبله للجميع
تحياتي
لله درررررررررررركم
انتم الي مونسيننا وربي وكل شوين وحنا جاينن لنا قرررررررشة :p:

يعطيكم الف عافية الجميع :thumb:

الأصيل

08-05-2005, 09:45

طيع شوري ما أنت قدّ المخاصم والخصوم
العلوم اللي تضـرك مـن أجلـك زلهـا

لاتطيع شوروه يامروض القاف

وعندك إياو

مع الخال بالصف

مروّض القاف

08-05-2005, 15:58

مروّض القاف

08-05-2005, 16:01

ابو غازي مرحبا ملايين من جاء مابطى

تحياتي

مروّض القاف

08-05-2005, 16:02

متفائل

هلا ورحب يابعدي والي تكون بصفه مايضام

تقبل تحياتي

مروّض القاف

08-05-2005, 16:04

الاصيل

ابشر بعزك ومطاع بالي تأمر به

تقبل تحياتي

سرحــان

08-05-2005, 17:44

مــــــروض القاف......................بعيد النظرررررررررر

الله يعطيكم العافيه

مع ابو غازي والاصيل بالصف

متفاائل

08-05-2005, 20:11

هلا وغلا

طيب طيب حـب الخشـوم:7ayyoh:

تتعبك الاوهام والاحلام ياعابر
وانته ترى البحر مانته للبحر عابر
عدونا نلتقيه بموت ومعابر
والنار لن تحرق الا رجل واطيها

الصقر لاتحسبه يالعرابي فرخ بوم = الحبارى لو تفرعن بكفها شلها
والله انا خابرين العوايد والسلوم = وانت ماتجهل فروضك .. تقدم صلها

.

مروض القاف
ياهلا ورحب فيك اكثر ماعليك زود لاهنت
يالله شيلوا شباب بانتظار شاعرنا ابوسعيد http://shmmr.net/vb/images/separators/c.gif:480r::480r::480r:

((بعيدالنظر))

09-05-2005, 17:04

لاتحسب الشعر كورة سامي الجابر=من راعي الظلم والتحريف ماجابر
والفرق في ساعد المكسور والجابر=والنار ماتحرق ألا رجل واطيها

المدايح كلها هرج لو جت كل يوم=لو تطبلّك هل المدح وتطبلها
سيّر مع السهل مافيك قدره للحزوم=كم تمنت ناس عيا المنا يحصلها

ابو غازي

09-05-2005, 17:18

عاااااااااااااااااااااااااااااااااشو http://shmmr.net/vb/images/separators/c.gif

((بعيدالنظر))

09-05-2005, 19:34

ابو غازي // يالك من رجل تدخل القلب بلا إستأذان ..
شكراً وإن قل على هذا المرور الذي لايمل ..

وجود أبوغازي كما شبة النار=ياللي تحب المرجله والتعاليل

تحياتي لقلبك أيها القلب النابض بكل جميل.

الأصيل // بيض الله وجهك يالعشير على هذا المرور المثير .
لكن هيّن توصي عليّ هااااه ؟ يجيب الله مطر .
لك التحيّه من القلب وأنت نبضه.

سرحان // سمي الذيب
رجل بهذه القامه وبهذا الخلق لن نستطيع أن نشكره فقط لأن الشكر في حقه قليل.
مرورك له وزنه ياسرحان تأكد أنك في القلب .
تحياتي أيها البهي.

متفاائل// لله درك ومن غير متفاائل يستطيع تحريك الراكد من الجمال .
أقدر كثيراً لك هذا الحضور الذي يزيد من الحماس والبهجه ..
أسعدك الله يامتفاائل وأنا بك أتفاائل ..
تحياتي أيها الجميل .

أخوكم ((بعيدالنظر))

الأصيل

10-05-2005, 11:29

للحيني بهذا

العشير بعيد النظر ....

كلك نظر:thumb:

ابو غازي

10-05-2005, 17:27

وأنا معك ياخال :smooch:

اخونا / بعيد النظر

الله لايهينك يالغااالي وهذا حق لازم نوفيكم لوبعض البعض من حقوقكم
الكثيره علينا

بيض الله وجيهكم ياشعارنا على جهودكم ألا محدوده وما قصدكم بها إلا إمتاعنا بروائعكم الشعرية وهذا ماكنا نتمنااه

وهذي تصفيقة حارة لكم جميعاً http://shmmr.net/vb/images/separators/c.gif