طائر الجنه
29-04-2005, 04:05
تفضلوا بالقراءه..
قلتوا لي الحل..كيف العقل يقبلها = لاصار بالمجتمع ماهيب مقبوله..
كنا صغيرين والقصه بمجملها = اني طفل حده اللي تمشي رجوله..
انام واصحى على اللعبات ابدلها = ماهمي الا جدار البيت..وش طوله؟؟
نومي من المغرب..وصحوي بلابلها = واخاف لامن طرولي ((امنا الغوله))
كانوا يقولون دلعها ودللها = والعب معها ولا واحد يجي حوله..
حتى وانا طفل خلوني اغازلها = غزل براءه ولا ادري ويش مدلوله..
قالوا: فلانه نصيبك لا تزعلها = وبديت احبه مثل ماكان يبدوله..
وان راحت البيت ودي بس اوصلها = يديّ يبدها..واحس يدي مبلوله..
صدقتهم لين عشت اجمل مراحلها = لا مالت..يزود نبض القلب وميوله..
حبيتها.. والمحبه كنت جاهلها = حتى تغطت..وصار القلب مريوله..
كانت براءه قتلتوها من اولها = مشغول معها..وكل عضاي ..مشغوله..
راحت سنينً من التفكير..ما اطولها = يطول همي كثر ماطال مجدوله..
ارسلت قلبي لها يطلب تواصلها = لاهي لفتني.. ولا عينت مرسوله..
(تكرم لعينك مدينه يامجملها = تكرم لعينك دول..يامزين الدوله..)
الله على اللي حرم عيني مداهلها = الله يجازيه عن قولي وعن قوله..
رجلي من اللي مشت مكسور كاحلها = وياخوف قلبي تصير الرجل مشلوله..
صارت معي وين مالديت احصلها = وأن نمت قام المنام يجيب مجموله..
ياشين حظي بقلبي..يوم كملها = في كل لحظه يقول: البنت منهوله؟؟
تعبت اقول: اصبر وربك يسهلها =(( ونعم بالله لكن منهو ينوله؟؟))
في خاطري كلمتين..وودي اسألها = معقوله اللي بي تسوون..معقوله؟؟
قالوا يدينك بنهر النيل غسّلها = ((وانتي يدينك يابنت الناس مغسوله؟؟))
هذي همومي وهذي هي مداخلها = واشوف روحي بنص الدرب مقتوله..
والناس تطعن محبتنا وتقتلها = ((مقيوله الناس ماتوفيك..مقيوله))
بكره اليا مت..لي ربً يبهذلها = وقولولها انتي ليوم الدين مسؤله..
((((ناجي الطرقي))))
لكم وافر التحايا..
قلتوا لي الحل..كيف العقل يقبلها = لاصار بالمجتمع ماهيب مقبوله..
كنا صغيرين والقصه بمجملها = اني طفل حده اللي تمشي رجوله..
انام واصحى على اللعبات ابدلها = ماهمي الا جدار البيت..وش طوله؟؟
نومي من المغرب..وصحوي بلابلها = واخاف لامن طرولي ((امنا الغوله))
كانوا يقولون دلعها ودللها = والعب معها ولا واحد يجي حوله..
حتى وانا طفل خلوني اغازلها = غزل براءه ولا ادري ويش مدلوله..
قالوا: فلانه نصيبك لا تزعلها = وبديت احبه مثل ماكان يبدوله..
وان راحت البيت ودي بس اوصلها = يديّ يبدها..واحس يدي مبلوله..
صدقتهم لين عشت اجمل مراحلها = لا مالت..يزود نبض القلب وميوله..
حبيتها.. والمحبه كنت جاهلها = حتى تغطت..وصار القلب مريوله..
كانت براءه قتلتوها من اولها = مشغول معها..وكل عضاي ..مشغوله..
راحت سنينً من التفكير..ما اطولها = يطول همي كثر ماطال مجدوله..
ارسلت قلبي لها يطلب تواصلها = لاهي لفتني.. ولا عينت مرسوله..
(تكرم لعينك مدينه يامجملها = تكرم لعينك دول..يامزين الدوله..)
الله على اللي حرم عيني مداهلها = الله يجازيه عن قولي وعن قوله..
رجلي من اللي مشت مكسور كاحلها = وياخوف قلبي تصير الرجل مشلوله..
صارت معي وين مالديت احصلها = وأن نمت قام المنام يجيب مجموله..
ياشين حظي بقلبي..يوم كملها = في كل لحظه يقول: البنت منهوله؟؟
تعبت اقول: اصبر وربك يسهلها =(( ونعم بالله لكن منهو ينوله؟؟))
في خاطري كلمتين..وودي اسألها = معقوله اللي بي تسوون..معقوله؟؟
قالوا يدينك بنهر النيل غسّلها = ((وانتي يدينك يابنت الناس مغسوله؟؟))
هذي همومي وهذي هي مداخلها = واشوف روحي بنص الدرب مقتوله..
والناس تطعن محبتنا وتقتلها = ((مقيوله الناس ماتوفيك..مقيوله))
بكره اليا مت..لي ربً يبهذلها = وقولولها انتي ليوم الدين مسؤله..
((((ناجي الطرقي))))
لكم وافر التحايا..