هنوف ؟؟؟؟؟؟؟؟؟

[مستور]

هنوفٍ بسوقٍ وورعٍ يسوقه = يسوقه بطـــقٍ وطقه طفاق
طِقاق ابدقاقه يقلّب خلوقه = وتطمر ويلحق طقاقه طراق

اللغز سبق وان حله اخونا نديم طويق... وقد يطلق على المطلوب ذكر حسب اختلاف المناطق

[الخلاوي]

هلا بك --- مستور

انا ... جا على بالي

الزلاجه . اللي مع العيال بالاسواق وتسمى -- السكوتر

مااااااااااا ادري

[مستور]

الخلاوي
هلا بك يابو صالح
مالك لوى يالغالي..وخلك بالقديم
تحياتي

[مستريح البال]

صح لسانك اخوي مستور

وش رايك بلعبة المقصي

[الخلاوي]

ايــــه ... قديم

اخوي - ابوماجد

طيب ( الدنانه )

والا.. حنا من اول ... شغلتنا ..بالقوايل .. ندربي الكفرات , وننط من فوقهن ــ فسقانين ..!

[مستور]

خوي مستريح البال
صح بدنك
لعبة المقصي.. ياليتك تشرحها .
وتقبل تحياتي

[مستور]

الخلاوي
مابعد صدتها يابو صالح
تحياتي

[الخلاوي]

مـــاصدته ....

طيب -- خبزة التميس -

هذي من رمعات - التل

[مستور]

الخلاوي
مابعد صدته
وسلم لي على التل
تحياتي

[الخلاوي]

طيب

لعبة ( الجنّــسه )

وهي عبارة عن شق صغير في الارض بعمق حوالي 10 سم وطول 20 سم

والادوات -- عصا -- و-- حِدل

الحدل من خشب طوله تقريبا 10 سم ومدبب من الطرفين .. على شان تضربه بالعصا وهو بالارض

ومن ثم يرتغع عن الارض وتضربه بالعصا بعيدا وتقعد تعد بخطواتك كم .. واللي يكمل 100 خطوه

هو الفائز

طبعا الشرح اوسع من كذا .... لكن التسمية قد تختلف


الله المستعان....... لاتلفزيون ولا اسفلت

[عيوووون باااكيه]

يعطيك العافيه اخوي مستور

انا اقول مثل اخوي مستريح البال المقصي

و هي عصى كبيره والثانيه صغيره تضرب الكبيره بصغيره وترتفع

ويحاول الفريق الاخر ان يمسك بها قبل ان تقع على الارض

[مستور]

مستريح البال..الخلاوي..عيون باكيه
صحت السنتكم جميعاً
مستريح البال
صح لسانك وصح لسان عيون باكيه على الموافقه و الشرح. رمعتك صحيحه واللغز على العصا الصغيره والمبريه من الطرفين وتسمى عندنا (البعه) واللعبه عموماً تسمى البعه ايضا
وهذه اللعبه اصبح من اساميها..البعه..الحدل..المقصي..الجنسه.
وللجميع تحياتي

[الخلاوي]

ولووووووووو

يامستور .... طلعت الشيبان ....

صح لسانك

ويسلمون اللي جابوه

والله يعطيهم العافيه - ربع(ن) تعاونوا .........